അനധികൃത മണൽ ഖനനം; പത്തനംതിട്ട ബിഷപ്പ് സാമുവൽ മാർ ഐറീനിയൂസ് അറസ്റ്റിൽ ! മലങ്കര സഭയിലെ ബിഷപ്പും അഞ്ച് വൈദികരും അറസ്റ്റിലായത് തിരുന്നൽവേലിയിൽ. ബിഷപ്പ് റിമാൻഡിൽ ! ബിഷപ്പും വികാരി ജനറാളും അടക്കം അറസ്റ്റിലായത് കഴിഞ്ഞ ശനിയാഴ്ച

ചെന്നൈ: മലങ്കര സഭാ പത്തനംതിട്ട ഭദ്രാസനാധിപൻ ബിഷപ്പ് സാമുവൽ മാർ ഐറീനിയൂസും അഞ്ച് വൈദികരെയും തമിഴ്നാട് ക്രൈംബ്രാഞ്ച് അറസ്റ്റു ചെയ്തു. താമിര ഭരണി നദിയിൽ നിന്നും അനധികൃതമായി മണലൂറ്റൽ നടത്തിയ കേസിലാണ് അറസ്റ്റ്. കഴിഞ്ഞ ശനിയാഴ്ചയാണ് അറസ്റ്റ് നടന്നത്.

ബിഷപ്പിനു പുറമെ വികാരി ജനറൽ ഫാ. ഷാജി തോമസ് മണികുളവും നാല് വൈദീകരും കസ്റ്റഡിയിൽ ഉണ്ട്. അറസ്റ്റിനു പിന്നാലെ ദേഹാസ്വാസ്ഥ്യമുണ്ടായ ബിഷപ്പിനെ തിരുന്നൽവേലി മെഡിക്കൽ കോളേജിൽ പ്രവേശിപ്പിച്ചു. പ്രതികളെ തിരുന്നൽവേലി ജില്ലാ കോടതി റിമാൻഡ് ചെയ്തു.