27
Saturday November 2021
Current Politics

സ്വന്തം പഞ്ചായത്തിലെ ഭരണത്തില്‍ നിന്നും പാര്‍ട്ടിയെ താഴെയിറക്കാന്‍ മുന്‍കൈയെടുത്ത നേതാവും ഇക്കുറി കെപിസിസി ഭാരവാഹി പട്ടികയില്‍ ! കോട്ടയം ജില്ലയില്‍ നിന്നുള്ള നിലവിലെ കെപിസിസി ഭാരവാഹിയായ ഈ നേതാവിനെ ഇത്തവണ ശുപാര്‍ശ ചെയ്തത് ജില്ലയിലെ എ ഗ്രൂപ്പ് നേതാവ് ! നേതാവിനെ പ്രമോഷനോടെ ഭാരവാഹിയാക്കുന്നത് നിയമസഭാ തെരഞ്ഞെടുപ്പിലടക്കം പാര്‍ട്ടി സ്ഥാനാര്‍ത്ഥിയെ തോല്‍പ്പിച്ചെന്ന പരാതി കെപിസിസി നേതൃത്വത്തിന് മുമ്പിലുള്ളപ്പോള്‍. വര്‍ഷങ്ങളായി ഡിസിസി-കെപിസിസി തലത്തില്‍ ഭാരവാഹിയായ നേതാവ് രക്ത ബന്ധുക്കള്‍ക്ക് വേണ്ടി പാര്‍ട്ടിയെ ഒറ്റുകൊടുത്തവനെന്ന് പ്രവര്‍ത്തകര്‍. പട്ടികയില്‍ നിന്നും നേതാവിനെ മാറ്റണമെന്ന ആവശ്യം ശക്തം

ന്യൂസ് ബ്യൂറോ, കോട്ടയം
Tuesday, October 12, 2021

കോട്ടയം: കെപിസിസി പുനസംഘടനയില്‍ ജില്ലയില്‍ നിന്നുള്ള എ ഗ്രൂപ്പ് പ്രതിനിധിയായി നിലവിലെ കെപിസിസി ഭാരവാഹിയെ വീണ്ടും കൊണ്ടുവരാനുള്ള നീക്കത്തില്‍ പ്രതിഷേധം ശക്തം. മുമ്പ് എ ഗ്രൂപ്പിലെ ഉന്നതുമായി അടുത്ത ബന്ധമുണ്ടായിരുന്ന ഈ നേതാവ് ഇത്തവണ പക്ഷേ കരുക്കള്‍ നീക്കിയത് ജില്ലയിലെ തന്നെ മറ്റൊരു പ്രമുഖ നേതാവിന്റെ പിന്നാലെ നടന്നാണ്. സ്വന്തം പഞ്ചായത്തില്‍ പോലും പാര്‍ട്ടി ഭരണം നഷ്ടപ്പെടുത്തി സിപിഎമ്മിന് സംഭാവന ചെയ്ത നേതാവാണ് കെപിസിസി ജനറല്‍ സെക്രട്ടറിയാകാന്‍ നീക്കം നടത്തുന്നത്.

വര്‍ഷങ്ങളായി ഡിസിസി-കെപിസിസി തലത്തില്‍ ഭാരവാഹിത്വം വഹിക്കുന്നയാളാണ് ഈ നേതാവ്. ഒരിക്കല്‍ ജനപ്രതിനിധിയുമായിരുന്നു. പക്ഷേ സ്വന്തം വാര്‍ഡില്‍ പോലും പാര്‍ട്ടി ചിഹ്നത്തില്‍ മത്സരിക്കുന്നയാളെ തോല്‍പ്പിക്കുന്നുവെന്ന പരാതി ഇദ്ദേഹത്തിനെതിരെയുണ്ട്.

കഴിഞ്ഞ നിയമസഭാ തെരഞ്ഞെടുപ്പില്‍ പൂഞ്ഞാറിലടക്കം പാര്‍ട്ടി സ്ഥാനാര്‍ത്ഥി തോല്‍ക്കാന്‍ ഈ നേതാവ് കാരണമായിരുന്നെന്ന് ആക്ഷേപം ഉയര്‍ന്നിരുന്നു. അന്ന് പൂഞ്ഞാര്‍ സീറ്റ് ആഗ്രഹിച്ചിരുന്ന ഇദ്ദേഹം ആദ്യ ഘട്ടത്തില്‍ സ്ഥാനാര്‍ത്ഥി പ്രഖ്യാപനത്തിന് പിന്നാലെ സജീവമായിരുന്നില്ല.

ഇദ്ദേഹമടക്കമുള്ള ചില ഗ്രൂപ്പു നേതാക്കള്‍ സ്ഥാനാര്‍ത്ഥിയെ തോല്‍പ്പിക്കാന്‍ ശ്രമിച്ചിരുന്നു. ഇതു സംബന്ധിച്ച പരാതികള്‍ കെപിസിസി നേതൃത്വത്തിനും കിട്ടിയതാണ്. എന്നാല്‍ ഈ പരാതികല്‍ മറച്ചുവച്ചാണ് ഇപ്പോള്‍ ഇദ്ദേഹത്തെ പുനസംഘടനയില്‍ പ്രമോഷന്‍ നല്‍കാനുള്ള നീക്കം.

മുമ്പ് കോണ്‍ഗ്രസിന്റെ കുത്തകയായിരുന്ന ഇദ്ദേഹത്തിന്റെ സ്വന്തം നാട്ടിലെ പഞ്ചായത്ത് ഭരണം അട്ടിമറിച്ച് ഇടതുപക്ഷത്തിന് നല്‍കിത് ഇദ്ദേഹത്തിന്റെ സഹോദരനായിരുന്നു. സിപിഎമ്മില്‍ ചേര്‍ന്ന സഹോദരനു വേണ്ടി പലവട്ടം പാര്‍ട്ടി സ്ഥാനാര്‍ത്ഥികളെ തോല്‍പ്പിച്ചുവെന്ന പരാതിയും ഇദ്ദേഹത്തിനെതിരെ ഉയര്‍ന്നിരുന്നു. കഴിഞ്ഞയിടെ യുഡിഎഫിന് ഭരണമുണ്ടായിരുന്ന ഇദ്ദേഹത്തിന്റെ പഞ്ചായത്തില്‍ എല്‍ഡിഎഫ് അവിശ്വാസ പ്രമേയം കൊണ്ടുവന്നിരുന്നു.

എ ഗ്രൂപ്പിലെ ഒരംഗം അന്നു മുങ്ങിയതോടെ കോണ്‍ഗ്രസിന് ഭരണം നഷ്ടപ്പെട്ടു. ഇതിനു പിന്നിലും ഈ നേതാവിന്റെ കരങ്ങളാണെന്നാണ് ആക്ഷേപം. കോട്ടയം ജില്ലയില്‍ പോലും മൂന്നംഗങ്ങള്‍ തികച്ചില്ലാത്ത ആര്‍എസ്പിക്ക് ഇദ്ദേഹത്തിന്റെ പഞ്ചായത്തില്‍ ഒരു സീറ്റ് നല്‍കി കോണ്‍ഗ്രസുകാരന് സീറ്റു നല്‍കാതിരിക്കാനും ഈ നേതാവ് കഴിഞ്ഞ പഞ്ചായത്ത് തെരഞ്ഞെടുപ്പില്‍ ജാഗ്രത കാട്ടിയിരുന്നു.

ഇതിലൊക്കെയായി ഇദ്ദേഹത്തിനെതിരെ കടുത്ത എതിര്‍പ്പാണ് പാര്‍ട്ടിയിലുയരുന്നത്. ഇത്രയധികം പരാതികള്‍ നിലനില്‍ക്കെ പ്രമോഷനോടെ ഇദ്ദേഹത്തെ കെപിസിസി ഭാരവാഹിയാക്കിയാല്‍ പാര്‍ട്ടിക്കൊപ്പമുണ്ടാവില്ലെന്നാണ് പ്രവര്‍ത്തകര്‍ പറയുന്നത്. എഐസിസിക്കും ഇതു സംബന്ധിച്ച പ്രവര്‍ത്തകര്‍ പരാതി നല്‍കിയിട്ടുണ്ട്.

വെബ്സൈറ്റിൽ അപ്ഡേഷൻ നടക്കുന്നതിനാൻ പുതിയ വാർത്തകൾ അപ് ലോഡ് ചെയ്യുന്നതിലും വാർത്ത ലിങ്കുകൾ തുറക്കുന്നതിലും നേരിയ താമസം നേരിടുന്നുണ്ട്. മാന്യ വായനക്കാർ സഹകരിക്കുമല്ലോ.

Related Posts

More News

തിരുവനന്തപുരം: ജി.വി. രാജ വിഎച്ച്എസ് സ്പോർട്സ് സ്കൂൾ പ്രിൻസിപ്പൽ പ്രദീപ് സി.എസിനെ സസ്പെൻഡ് ചെയ്തു. മന്ത്രി വി. ശിവൻകുട്ടി ഇതു സംബന്ധിച്ച ഉത്തരവിൽ ഒപ്പിട്ടു. പ്രദീപ് നിരന്തരം ശല്യപ്പെടുത്തുന്നതായി ജീവനക്കാരി പരാതി നൽകിയിരുന്നു. തുടർന്ന് ഇക്കാര്യം അന്വേഷിക്കാൻ വകുപ്പിലെ പ്രത്യേക സംഘത്തെ ഏൽപിക്കുകയായിരുന്നു. കഴിഞ്ഞ മാസം 30 നാണ് വിദ്യാഭ്യാസ വകുപ്പിന് പരാതി നൽകിയത്. ഇതിന് പിന്നാലെ വകുപ്പിലെ പ്രത്യേക സംഘം അന്വേഷണം നടത്തി. പ്രദീപിനെ സസ്പെൻഡ് ചെയ്യണമെന്നും വകുപ്പ്തല അന്വേഷണം നടത്തണമെന്നുമാണ് അന്വേഷണ റിപ്പോർട്ടിലെ ശുപാർശ. […]

കോട്ടയം: വിപണിയിലില്ലാത്ത റബറിന് വില ഉയര്‍ന്നിട്ട് ചെറുകിട കര്‍ഷകന് യാതൊരു നേട്ടവുമില്ലെന്നും തുടര്‍ച്ചയായ മഴയും പ്രകൃതിക്ഷോഭങ്ങളും ഏറ്റവും കൂടുതല്‍ റബര്‍ ഉത്പാദിപ്പിക്കുന്ന പ്രദേശങ്ങളിലെ റബര്‍ ടാപ്പിംഗ് പ്രതിസന്ധിയിലാക്കിയെന്നും ഇന്‍ഫാം ദേശീയ സെക്രട്ടറി ജനറല്‍ ഷെവലിയാര്‍ അഡ്വ.വി.സി.സെബാസ്റ്റ്യന്‍ പറഞ്ഞു. കാലാവസ്ഥാവ്യതിയാനവും, ഇലക്കേടും, പട്ടമരപ്പും, റബര്‍മരങ്ങളില്‍ വ്യാപകമായിരിക്കുന്ന മറ്റുരോഗങ്ങളും ഉത്പാദനം പുറകോട്ടടിച്ചു. മുന്‍കാലങ്ങളിലെ വിലത്തകര്‍ച്ചയില്‍ റബര്‍സംരക്ഷണം സാധാരണ കര്‍ഷകന് താങ്ങാനാവാതെ വന്നതും റബര്‍ കൃഷിയില്‍ നിന്ന് കര്‍ഷകര്‍ മറ്റുവിളകളിലേയ്ക്ക് മാറിയതും ഉത്പാദനം കുറയുവാന്‍ കാരണമായിട്ടുണ്ട്. ആഗോളതലത്തില്‍ പ്രകൃതിദത്ത റബറിന്റെ ലഭ്യത […]

നാഗ്പുർ: 139 യാത്രക്കാരുമായി പോയ ബെംഗളൂരു-പട്‌ന ഗോ ഫസ്റ്റ് വിമാനം എഞ്ചിന്‍ തകരാറിനെ തുടർന്ന് നാഗ്പുർ വിമാനത്താവളത്തിൽ അടിയന്തരമായി ഇറക്കി. രാവിലെ 11.15നായിരുന്നു ലാൻഡിങ്. പട്നയിലേക്കുള്ള യാത്രക്കാർക്കു പ്രത്യേക വിമാനം ഏർപ്പെടുത്തി.

അത്യന്തം അപകടകാരിയായ ദക്ഷിണാഫ്രിക്കയിൽ കണ്ടെത്തിയ പുതിയ കോവിഡ് വകഭേദത്തിന് ഡബ്ള്യു എച്ച് ഒ നൽകിയിരിക്കുന്ന പേരാണ് ഒമൈക്രോൺ. ഡബ്ള്യു എച്ച് ഒ ലോകരാഷ്ട്രങ്ങൾക്ക് ഇതുസംബന്ധമായ മുന്നറിയിപ്പ് നൽകിയിരിക്കുന്നു. വളരെവേഗം പടരുന്ന ഈ വകഭേദം വാക്സിൻ മൂലമുള്ള പ്രതിരോധ സുരക്ഷയെ ഭേദിക്കാൻ കഴിവുള്ളതാണ്.കൂടുതൽ കരുതലും ശ്രദ്ധയുമില്ലെങ്കിൽ അപകടമാണ്. ആദ്യം നവമ്പർ 24 നു ദക്ഷിണാഫ്രിക്കയിലും പിന്നീട് ബോട്ട്സുവാന , ബെൽജിയം,ഹോംഗ്‌കോംഗ്, ഇസ്രായേൽ നമീബിയ, സിംബാബ്‌വെ, ലെസോതോ എന്നീ രാജ്യങ്ങളിലും ഇതിന്റെ വകഭേദം റിപ്പോർട്ട് ചെയ്യപ്പെട്ടിരിക്കുന്നു. ഇവിടേക്കുള്ള വിമാനസർവീസുകൾ പല […]

സംസ്ഥാനത്ത് വിവാഹങ്ങൾ രജിസ്റ്റർ ചെയ്യാൻ വിവാഹിതരുടെ മതം തെളിയിക്കുന്ന രേഖയോ, മതാചാര പ്രകാരമാണ് വിവാഹം നടന്നതെന്ന രേഖയോ ആവശ്യമില്ലെന്നും വിവാഹ രജിസ്ട്രേഷനുള്ള മെമ്മോറാണ്ടത്തിനൊപ്പം വിവാഹം ചെയ്യുന്നവരുടെ ജനനതീയതി തെളിയിക്കുന്ന അംഗീകൃത രേഖകളും വിവാഹം നടന്നത് തെളിയിക്കുന്ന രേഖയും മതിയെന്ന് തദ്ദേശ സ്വയംഭരണ, എക്സൈസ് വകുപ്പ് മന്ത്രി എം വി ഗോവിന്ദൻ മാസ്റ്റർ പറഞ്ഞു. 2008ലെ വിവാഹ രജിസ്ട്രേഷൻ ചട്ടങ്ങൾ പ്രകാരം എല്ലാ വിവാഹങ്ങളും കക്ഷികളുടെ മതഭേദമന്യേ നിർബന്ധമായും രജിസ്റ്റർ ചെയ്യണമെന്ന് നിഷ്‌കർഷിച്ചിരുന്നു. എന്നാൽ, 2015ൽ ചട്ടത്തിൽ ഭേദഗതി […]

ആംസ്റ്റര്‍ഡാം: ദക്ഷിണാഫ്രിക്കയില്‍ നിന്ന് നെതര്‍ലന്‍ഡ്‌സിലെത്തിയ 61 പേര്‍ക്ക് കൊവിഡ് സ്ഥിരീകരിച്ചു. ഇവരെ ഷിഫോള്‍ വിമാനത്താവളത്തിന് സമീപത്തെ ഹോട്ടലുകളില്‍ ക്വാറന്റൈന്‍ ചെയ്തിരിക്കുകയാണ്. പോസീറ്റിവ് ആയവരില്‍ ഒമിക്രോണ്‍ വകഭേദം ഉണ്ടോ എന്ന് അറിയാനായി കൂടുതല്‍ പരിശോധനകള്‍ നടത്തണമെന്ന് അധികൃതര്‍ വ്യക്തമാക്കി. ദക്ഷിണാഫ്രിക്കയില്‍ നിന്നെത്തിയതിന് പിന്നാലെ അറുന്നൂറോളം പേരെ പരിശോധനയ്ക്ക് വിധേയരാക്കിയിരുന്നു.

ദുബൈ: പുതിയ കൊവിഡ് വകഭേദത്തിന്റെ പശ്ചാത്തലത്തില്‍ ദക്ഷിണാഫ്രിക്കന്‍ രാജ്യങ്ങളില്‍ നിന്നുള്ള യാത്രക്കാര്‍ക്ക് ചില രാജ്യങ്ങള്‍ പ്രവേശന വിലക്ക് പ്രഖ്യാപിച്ച സാഹചര്യത്തില്‍ പുതിയ നിര്‍ദ്ദേശങ്ങളുമായി എമിറേററ്‌സ് എയര്‍ലൈന്‍. യാത്രയ്ക്ക് മുമ്പ് നിയന്ത്രണങ്ങള്‍ പരിശോധിക്കണമെന്ന് എമിറേറ്റ്‌സ് അറിയിച്ചു. സിംഗപ്പൂര്‍, ബ്രിട്ടന്‍ എന്നീ രാജ്യങ്ങള്‍ നിയന്ത്രണങ്ങള്‍ പ്രഖ്യാപിച്ചതോടെയാണ് എമിറേറ്റ്‌സ് വെബ്‌സൈറ്റില്‍ നിര്‍ദ്ദേശങ്ങള്‍ വന്നത്. നിയന്ത്രണങ്ങള്‍ ബാധകമാകുന്ന യാത്രക്കാര്‍ റീബുക്കിങ് ഉള്‍പ്പെടെയുള്ളവയ്ക്കായി അതത് ട്രാവല്‍ ഏജന്റുമാരെ ബന്ധപ്പെടുകയോ എമിറേറ്റ്‌സ് കാള്‍ സെന്ററിനെ സമീപിക്കുകയോ ചെയ്യണമെന്ന് അറിയിപ്പില്‍ വ്യക്തമാക്കുന്നു.

തിരുവനന്തപുരം: ചരക്ക് സേവന നികുതി വകുപ്പ് ആംനസ്റ്റി പദ്ധതി 2021 ലേക്ക് ഓപ്ഷൻ സമർപ്പിക്കുവാനിലുള്ള അവസാന തീയതി നവംബർ 30 ന് അവസാനിക്കും. ചരക്ക് സേവന നികുതി നിയമം നിലവിൽ വരുന്നതിനു മുൻപുണ്ടായിരുന്ന നികുതി നിയമങ്ങളായ കേരള മൂല്യവർദ്ധിത നികുതി, കേന്ദ്ര വിൽപന നികുതി, കാർഷികാദായ നികുതി, പൊതു വിൽപന നികുതി, ആഡംബര നികുതി, സർചാർജ്, എന്നീ നിയമങ്ങൾ പ്രകാരമുള്ള കുടിശ്ശികകൾ തീർക്കാനാണ് ആംനസ്റ്റി പദ്ധതി പ്രഖ്യാപിച്ചിട്ടുള്ളത്. പിഴയിലും പലിശയിലും 100% ഇളവ് ലഭിക്കും എന്നാൽ കേരള […]

ന്യൂഡല്‍ഹി: കര്‍ഷക സമരത്തിന്റെ ഭാഗമായി തിങ്കളാഴ്ച നടത്താനിരുന്ന പാര്‍ലമെന്റിലേക്കുള്ള ട്രാക്ടര്‍ റാലി മാറ്റിവെക്കാന്‍ കര്‍ഷക സംഘടനകളുടെ തീരുമാനം. അതിര്‍ത്തിയിലെ കര്‍ഷക സമരം തുടരാനും കര്‍ഷക സംഘടനകള്‍ തീരുമാനിച്ചു. ഡിസംബര്‍ നാലിന് അടുത്ത യോഗം ചേരുന്നത് വരെ പുതിയ സമരം ഉണ്ടാവില്ല. അതേ സമയം, സമരത്തിനിടെ കർഷകർക്കെതിരെ എടുത്ത കേസുകൾ പിൻവലിക്കുന്നതിൽ സംസ്ഥാന സർക്കാരുകൾക്ക് തീരുമാനമെടുക്കാമെന്ന് കേന്ദ്ര മന്ത്രി അറിയിച്ചു. നഷ്ടപരിഹാര കാര്യത്തിലും സംസ്ഥാനങ്ങൾക്ക് തീരുമാനമെടുക്കാമെന്നും കൃഷിമന്ത്രി നരേന്ദ്ര സിംഗ് തോമർ വ്യക്തമാക്കി.

error: Content is protected !!