27
Saturday November 2021
Current Politics

പരസ്യമായി പാര്‍ട്ടിയെ തള്ളിപ്പറഞ്ഞ മൂന്നു നേതാക്കള്‍ ഭാരവാഹിത്വം ഉറപ്പാക്കി. ഭാരവാഹിത്വങ്ങളില്‍ ഇരുന്ന് കോണ്‍ഗ്രസ് സ്ഥാനാര്‍ഥികളെ കാലുവാരി തോല്‍പിച്ചതിനു ഏറ്റവുമധികം പരാതികേട്ട നേതാവിനും വീണ്ടും പദവി ഉറപ്പ് ! ഇനിയും പാര്‍ട്ടിയെ ‘സേവിക്കാന്‍ ‘ അവസരം നല്‍കിയില്ലെങ്കില്‍ പുറത്തുപോയി സിപിഎമ്മിനെ സേവിക്കുമെന്ന് ഭീഷണി ഉയര്‍ത്തി രണ്ട് മുതിര്‍ന്ന നേതാക്കളും ? യുവാക്കളെ കടത്തിവെട്ടാന്‍ ഗ്രൂപ്പ് മാനേജര്‍മാര്‍ മെനഞ്ഞ തന്ത്രങ്ങളില്‍ കുരുങ്ങി കെ.എസ് ശബരീനാഥന്‍ വരെ പുറത്ത് ! രണ്ട് ദിവസത്തിനകം വരാനിരിക്കുന്ന കഷ്ടകാലത്തെ കെപിസിസി പുനസംഘടന കോണ്‍ഗ്രസിന് രക്ഷയാകുമോ ശിക്ഷയാകുമോ ?

ന്യൂസ് ബ്യൂറോ, തിരുവനന്തപുരം
Friday, October 15, 2021

തിരുവനന്തപുരം: കെപിസിസിയുടെ പുനസംഘടനാ പട്ടിക രണ്ടു ദിവസത്തിനകം പുറത്തിറങ്ങാനിരിക്കെ പട്ടികയെ എ, ഐ ഗ്രൂപ്പുകള്‍ ഹൈജാക്ക് ചെയ്തതായി ആരോപണം. കഴിവും മികവും യുവത്വവും മാനദണ്ഡമാകും എന്നു നേതൃത്വം ഉറപ്പു നല്‍കിയ പുനസംഘടനയില്‍ ഗ്രൂപ്പു നോമിനികളായും നേതൃത്വത്തിനെതിരെ പരാതി പറഞ്ഞു ഭീഷണിപ്പെടുത്തിയ മുതിര്‍ന്ന നേതാക്കളുടെ നോമിനികളായും മാനദണ്ഡങ്ങള്‍ക്ക് വിരുദ്ധരായ നിരവധി നേതാക്കളാണ് പട്ടികയില്‍ ഇടം പിടിച്ചിരിക്കുന്നത്.

പിണറായി വിജയന്‍റെ കാലു നക്കാനും കയ്യാറാണെന്നു പറഞ്ഞ നേതാവും കോണ്‍ഗ്രസിന്‍റെ പുതിയ ഡിസിസി അധ്യക്ഷന്മാരൊക്കെ പെട്ടിപിടുത്തക്കാരും വേറേ ചില കൊള്ളരുതാത്ത പരിപാടിക്കാരുമാണെന്നു പറഞ്ഞവരെ പിന്തുണച്ചവരും, ഇനി കോണ്‍ഗ്രസുമായി യാതൊരു ബന്ധവുമില്ലെന്ന് പരസ്യമായി പ്രഖ്യാപിച്ചവരും വരെ ലിസ്റ്റിലെ പ്രധാനികളാണ്.

പാര്‍ട്ടി ഭാരവാഹിത്വം വഹിച്ചിരുന്ന കാലയളവുകളില്‍പോലും നടന്ന മുഴുവന്‍ തെരഞ്ഞെടുപ്പുകളിലും കോണ്‍ഗ്രസിന്‍റെ സ്ഥാനാര്‍ത്ഥകളെ കാലുവാരി തോല്‍പിച്ചതിനു പരാതികേട്ട ഇടുക്കിയിലെ നേതാവു മുതല്‍ തെരഞ്ഞെടുപ്പു വരുമ്പോള്‍ പണി കുറഞ്ഞുകിട്ടാന്‍ മലബാറിലേതെങ്കിലും മണ്ഡലത്തിന്‍റെ ചുമതല നല്‍കി കെപിസിസി പ്രസിഡന്‍റുമാര്‍ നാടുകടത്തുന്ന മധ്യകേരളത്തിലെ നേതാവു വരെ പട്ടികയിലുണ്ട്.

കഴിഞ്ഞ തെരഞ്ഞെടുപ്പില്‍ സീറ്റ് കിട്ടാതെ വന്നപ്പോള്‍ ഈ പാര്‍ട്ടിയുമായുള്ള എല്ലാ ബന്ധങ്ങളും ഉപേക്ഷിക്കുന്നതായി പ്രഖ്യാപിച്ച വനിതാ നേതാവിനും ഭാരവാഹിത്വം ഉറപ്പായിട്ടുണ്ട്. ഈ നേതാവിന്‍റെ രണ്ട് മക്കളും കഴിഞ്ഞ തെരഞ്ഞെടുപ്പുകാലത്ത് കോണ്‍ഗ്രസിനെതിരെ തങ്ങളുടെ കര്‍മ്മ മേഖലകളിലിരുന്ന് പരമാവധി പ്രവര്‍ത്തിച്ചിരുന്നു.

പരമാവധി മികച്ച നേതാക്കളെ ലിസ്റ്റില്‍ നിന്നും വെട്ടിനിരത്താന്‍ അങ്ങേയറ്റം മോശക്കാരായ നേതാക്കളുടെ പേരിനായി ഗ്രൂപ്പ് മാനേജര്‍മാര്‍ വാശി പിടിച്ചു. അതിനുദാഹരണമാണ് തിരുവനന്തപുരത്ത് കെ.എസ് ശബരീനാഥന്‍റെ കാര്യം. ശബരീനാഥന് പകരം തിരുവനന്തപുരത്തുനിന്ന് ലിസ്റ്റില്‍ കയറിക്കൂടുന്നവരുടെ പേരു കേട്ടാല്‍ മുകളില്‍ പറഞ്ഞത് വാസ്തവമാണെന്ന് ബോധ്യമാകും. ശബരിക്കെതിരെ നിന്നത് ഗ്രൂപ്പ് നേതാവ് തന്നെയാണ്.

തിരുവനന്തപുരത്തെ രണ്ട് മുതിര്‍ന്ന നേതാക്കള്‍ ഭാരവാഹിത്വം നല്‍കി ഇനിയും പാര്‍ട്ടിയെ ‘സേവിക്കാന്‍’ അവസരം നല്‍കിയില്ലെങ്കില്‍ ശിഷ്ടകാലം പുറത്തു പോയി സിപിഎമ്മിനെ സേവിക്കും എന്ന് മുന്നറിയിപ്പ് നല്‍കിയിട്ടുണ്ട്. കാലങ്ങളോളം സംഘടനാ ചുമതല ഉള്‍പ്പെടെ വഹിച്ച മുന്‍ എംഎല്‍എ കൂടിയായ ഗ്രൂപ്പ് മാനേജരും എംഎല്‍എയും മന്ത്രിയുമൊക്കെയായ നേതാവുമാണ് ‘പാര്‍ട്ടിവിടല്‍’ ഭീഷണി ഉയര്‍ത്തിയിരിക്കുന്നത്.

യുവത്വവും കഴിവുമുള്ള നേതാക്കളെ വെട്ടിനിരത്താന്‍ ഡിസിസി ഭാരവാഹിത്വത്തിനുപോലും പരിഗണിക്കാന്‍ പ്രാപ്തരല്ലാത്ത നേതാക്കളെയാണ് ഗ്രൂപ്പുനേതൃത്വങ്ങള്‍ നിര്‍ദേശിച്ചത്. ഗ്രുപ്പുകളുടെ നീക്കങ്ങള്‍ ഉണ്ടാകുമെന്ന് മുന്‍കൂട്ടി കണ്ട് നേരത്തേ മാനദണ്ഡങ്ങള്‍ നിശ്ചയിച്ചിരുന്നുവെങ്കിലും അതിനെയൊക്കെ കടത്തിവെട്ടുന്നതായിരുന്നു എ, ഐ ഗ്രൂപ്പുകളുടെ സംയുക്ത നീക്കം.

അതിനുപുറമെയാണ് പുനസംഘടനയ്ക്കെതിരെ പരാതികള്‍ ഉന്നയിച്ച് മുന്‍കൂട്ടിത്തന്നെ ഭീഷണി ഉയര്‍ത്തിയ മുല്ലപ്പള്ളി, സുധീരന്‍, ഹസന്‍ തുടങ്ങിയ നേതാക്കളുടെ നീക്കവും. ഇവരും നേതൃത്വത്തെ ഭീഷണിപ്പെടുത്തി തങ്ങളുടെ ചില ഇഷ്ടക്കാരെ തിരുകിക്കയറ്റി. എന്തായാലും കഷ്ടകാലത്തെ പുനസംഘടന കോണ്‍ഗ്രസിനു വീണ്ടും തിരിച്ചടി ആകുമോ എന്ന് കാത്തിരുന്നു കാണാം.

വെബ്സൈറ്റിൽ അപ്ഡേഷൻ നടക്കുന്നതിനാൻ പുതിയ വാർത്തകൾ അപ് ലോഡ് ചെയ്യുന്നതിലും വാർത്ത ലിങ്കുകൾ തുറക്കുന്നതിലും നേരിയ താമസം നേരിടുന്നുണ്ട്. മാന്യ വായനക്കാർ സഹകരിക്കുമല്ലോ.

Related Posts

More News

കുവൈറ്റ് സിറ്റി: കുവൈറ്റില്‍ യുവതിയെ ജീവനൊടുക്കിയ നിലയില്‍ കണ്ടെത്തി. സാല്‍വയിലാണ് സംഭവം നടന്നത്. സ്വദേശി യുവതിയാണ് മരിച്ചതെന്ന് പ്രാദേശികപത്രം റിപ്പോര്‍ട്ട് ചെയ്തു. അപ്പാർട്ട്‌മെന്റിൽ നിന്ന് ദുർഗന്ധം വമിക്കുന്നതിനെ തുടർന്ന് അയൽവാസികൾ ഫയർഫോഴ്‌സിൽ വിവരമറിയിച്ചതിനെ തുടർന്ന് വാതിൽ തുറന്നപ്പോൾ തൂങ്ങിമരിച്ച നിലയിൽ കണ്ടെത്തുകയായിരുന്നു. സംഭവത്തില്‍ പൊലീസ് അന്വേഷണം ആരംഭിച്ചു.

കുവൈറ്റ് സിറ്റി: ജഹ്‌റയില്‍ സംഘട്ടനത്തിലേര്‍പ്പെട്ട യുവാക്കളില്‍ നാലു പേരെ പൊലീസ് പിടികൂടി. നിരവധി പേരാണ് സംഘട്ടനത്തിലേര്‍പ്പെട്ടത്. ഇവരുടെ കൈയ്യില്‍ ആയുധങ്ങളുമുണ്ടായിരുന്നുവെന്നാണ് റിപ്പോര്‍ട്ട്. തുടര്‍ന്ന് സ്ഥലത്തെത്തിയ പൊലീസ് സ്ഥിതി നിയന്ത്രണവിധേയമാക്കാന്‍ ആകാശത്തേക്ക് വെടിവയ്ക്കുകയായിരുന്നു. തുടര്‍ന്ന് യുവാക്കള്‍ പിരിഞ്ഞുപോയി. ഇവരില്‍ നാലു പേരെ പൊലീസ് പിടികൂടി. മറ്റുള്ളവര്‍ക്കായി അന്വേഷണം ഊര്‍ജ്ജിതമാക്കി.

കുവൈറ്റ് സിറ്റി: കുവൈറ്റ് ജനറൽ അഡ്മിനിസ്ട്രേഷൻ ഓഫ് കസ്റ്റംസ് (കെജിഎസി) ബിറ്റ്‌കോയിന്‍ കറന്‍സി ഡിവൈസുകള്‍ പിടിച്ചെടുത്തതായി പ്രാദേശികപത്രം റിപ്പോര്‍ട്ട് ചെയ്തു. ഇതു സംബന്ധിച്ച് കൂടുതല്‍ വിശദാംശങ്ങള്‍ പുറത്തുവിട്ടിട്ടില്ല. ഡിവൈസുകള്‍ പരിശോധിക്കാൻ കമ്മ്യൂണിക്കേഷൻ ആൻഡ് ഇൻഫർമേഷൻ ടെക്നോളജി റെഗുലേറ്ററി അതോറിറ്റി (സിട്രാ) യിൽ നിന്നുള്ള കെജിഎസി വിദഗ്ധരെ നിയോഗിച്ചതായി റിപ്പോര്‍ട്ട് വ്യക്തമാക്കി.

കുവൈറ്റ് സിറ്റി: പുതിയ വൈറസ് വകഭേദത്തിന്റെ പശ്ചാത്തലത്തില്‍ ദക്ഷിണാഫ്രിക്ക, നമീബിയ, ബോട്‌സ്വാന, സാംബിയ, മൊസാംബിക്, ലെസോത്തോ, ഇശ്വതിനി, മലാവി, സിംബാബ്‌വെ എന്നിവിടങ്ങളിലേക്കുള്ള നേരിട്ടുള്ള വാണിജ്യ വിമാന സർവീസുകൾ നിർത്തിവച്ചതായി കുവൈത്ത് ജനറൽ അഡ്മിനിസ്ട്രേഷൻ ഓഫ് സിവിൽ ഏവിയേഷൻ അറിയിച്ചു. കാര്‍ഗോ പ്ലെയിനുകള്‍ക്ക് നിയന്ത്രണം ബാധകമല്ലെന്നാണ് സൂചന. മേൽപ്പറഞ്ഞ രാജ്യങ്ങളിൽ നിന്ന് വരുന്ന പൗരന്മാർക്ക് ഏഴ് ദിവസത്തേക്ക് ഇൻസ്റ്റിറ്റിയൂഷണൽ ക്വാറന്റൈൻ ബാധകമാണ്. രാജ്യത്തെത്തുമ്പോഴും, ക്വാറന്റൈനിന്റെ ആറാം ദിവസവും പിസിആര്‍ പരിശോധന നടത്തും.  

ന്യൂഡല്‍ഹി: ജമ്മു കശ്മീരിനെ കേന്ദ്രഭരണ പ്രദേശമാക്കിയത് മുഖ്യമന്ത്രിയെ എം.എല്‍.എ.പദത്തിലേക്ക് തരംതാഴ്ത്തിയത് പോലെയാണെന്ന് കോണ്‍ഗ്രസ് നേതാവ് ഗുലാം നബി ആസാദ്. ശൈത്യകാലത്ത് കശ്മീരില്‍ തിരഞ്ഞെടുപ്പ് നടത്താനുള്ള കേന്ദ്ര സര്‍ക്കാര്‍ തീരുമാനത്തെയും അദ്ദേഹം വിമര്‍ശിച്ചു. “സാധാരണ കേന്ദ്ര ഭരണ പ്രദേശങ്ങളെ സംസ്ഥാനമാക്കി ഉയര്‍ത്താറാണ് പതിവ്. പക്ഷെ ഇവിടെ സംസ്ഥാനത്തെ കേന്ദ്ര ഭരണ പ്രദേശമാക്കി തരംതാഴ്ത്തി. അത് ഡി.ജി.പിയെ എസ്.എച്ച്.ഒ. ആക്കുന്നതുപോലെ, മുഖ്യമന്ത്രിയെ എം.എല്‍.എ. ആക്കുന്നതുപോലെയാണ്” – കുല്‍ഗാമില്‍ നടന്ന പരിപാടിയില്‍ ഗുലാംനബി പറഞ്ഞു.

തിരുവനന്തപുരം: കോവിഡ് നിയന്ത്രണങ്ങള്‍ ലംഘിച്ചതിന് സംസ്ഥാനത്തൊട്ടാകെ ഇന്ന് 218 പേര്‍ക്കെതിരെ കേസെടുത്തു. ഇന്ന് അറസ്റ്റിലായത് 130 പേരാണ്. 413 വാഹനങ്ങളും പിടിച്ചെടുത്തു. മാസ്‌ക് ധരിക്കാത്ത 3374 സംഭവങ്ങളാണ് സംസ്ഥാനത്ത് ഇന്ന് റിപ്പോര്‍ട്ട് ചെയ്തത്.

തിരുവനന്തപുരം: പോലീസിനെക്കുറിച്ച് ചോദിക്കുമ്പോൾ ഹലാലിനെക്കുറിച്ച് പറയുന്ന മുഖ്യമന്ത്രി പിണറായി വിജയൻ്റെ തന്ത്രം പഴകിത്തേഞ്ഞതാണെന്ന് കേന്ദ്രമന്ത്രി വി. മുരളീധരന്‍. കേരളത്തിലെ പോലീസ് വകുപ്പിൻ്റെ പരാജയത്തെക്കുറിച്ചുള്ള മാധ്യമ ചർച്ചകൾ വഴിതിരിച്ചുവിടാനാണ് മുഖ്യമന്ത്രി ഇന്ന് ‘ഹലാലു ‘മായി ഇറങ്ങിയിരിക്കുന്നതെന്നും അദ്ദേഹം സമൂഹമാധ്യമത്തില്‍ പങ്കുവച്ച കുറിപ്പില്‍ ആരോപിച്ചു. വി. മുരളീധരന്റെ കുറിപ്പ്… പോലീസിനെക്കുറിച്ച് ചോദിക്കുമ്പോൾ ഹലാലിനെക്കുറിച്ച് പറയുന്ന പിണറായി വിജയൻ്റെ തന്ത്രം പഴകിത്തേഞ്ഞതാണ്. കേരളത്തിലെ പോലീസ് വകുപ്പിൻ്റെ പരാജയത്തെക്കുറിച്ചുള്ള മാധ്യമ ചർച്ചകൾ വഴിതിരിച്ചുവിടാനാണ് മുഖ്യമന്ത്രി ഇന്ന് ‘ഹലാലു ‘മായി ഇറങ്ങിയിരിക്കുന്നത്. ന്യൂനപക്ഷത്തിൻ്റെ സംരക്ഷകനെന്ന് […]

തിരുവനന്തപുരം: മറ്റു സംസ്ഥാനങ്ങളിലെ ബിജെപി മുഖ്യമന്ത്രിമാർക്ക് പോലും ഭീഷണിയാകുന്ന തരത്തിൽ,നരേന്ദ്ര മോദിയുടെ അവകാശവാദങ്ങൾ ജനങ്ങളിലേക്കെത്തിക്കാൻ അക്ഷീണം പരിശ്രമിക്കുന്ന പി ആർ ഏജൻസി നടത്തിപ്പുകാരനാവുകയാണ് കേരളത്തിന്റെ മുഖ്യമന്ത്രി പിണറായി വിജയനെന്ന് കെപിസിസി പ്രസിഡന്റ് കെ. സുധാകരന്‍. ഫേസ്ബുക്ക് പോസ്റ്റിലൂടെയായിരുന്നു അദ്ദേഹത്തിന്റെ വിമര്‍ശനം. ഫേസ്ബുക്ക് പോസ്റ്റ്… നാട്ടുകാർ കാര്യമായി തന്നെ പരിഗണിക്കുന്നില്ലെന്ന തിരിച്ചറിവാണ് നാട്ടിൽ നടക്കുന്ന സംഭവങ്ങളെല്ലാം നമ്മൾ ഉണ്ടാക്കിയതാണെന്നു പറയാൻ വൈക്കം മുഹമ്മദ് ബഷീറിന്റെ കഥയിലെ എട്ടുകാലി മമ്മൂഞ്ഞ് എന്ന കഥാപാത്രത്തിന് പ്രേരണയായത്. കഴിഞ്ഞദിവസം നീതി ആയോഗ് പുറത്തിറക്കിയ […]

തൃശൂര്‍: തൃശൂരിൽ 52 വിദ്യാർത്ഥിനികൾക്ക് നോറോ വൈറസ് സ്ഥിരീകരിച്ചു. സെന്റ് മേരിസ് കോളേജ് ഹോസ്റ്റലിലെ വിദ്യാർത്ഥിനികൾക്കാണ് രോഗം സ്ഥിരീകരിച്ചത്. ഹോസ്റ്റലിലെ കുടിവെള്ളത്തിൽ നിന്ന് വൈറസ് പകർന്നതാണെന്നാണ് പ്രാഥമിക നിഗമനം. ആലപ്പുഴ വൈറോളജി ലാബിൽ നിന്നുള്ള റിപ്പോർട്ടിൽ ആണ് രോഗബാധ സ്ഥിരികരിച്ചത്.

error: Content is protected !!