ന്യൂ ഡൽഹി: പ്രവാസികളായ ഡൽഹി മലയാളികൾക്ക് അഭിമാനമായി സ്പോർട്ട്സ് അതോറിറ്റി ഓഫ് ഇന്ത്യ സംഘടിപ്പിക്കുന്ന ഖേലോ ഇന്ത്യ യൂത്ത് ഗെയിംസിൽ ഡൽഹി സംസ്ഥാനത്തെ പ്രതിനിധീകരിക്കുന്ന കളരിപ്പയറ്റ് സംഘത്തിൽ ഡൽഹി മലയാളി അസോസിയേഷന്റെ കളരിപ്പയറ്റ് കളരിയിലെ കുട്ടികളും കച്ചമുറുക്കി അങ്കത്തട്ടിലെത്തുന്നു. 2023 ഫെബ്രുവരി 8 മുതൽ 10 വരെ മധ്യപ്രദേശ് ഗ്വാളിയറിലെ ലക്ഷ്‌മിഭായി നാഷണൽ ഇൻസ്റ്റിറ്റ്യൂട്ട് ഓഫ് ഫിസിക്കൽ എഡ്യൂക്കേഷൻ (എൽഎൻഐപിഇ) സമുച്ചയത്തിലാണ് മത്സരങ്ങൾ അരങ്ങേറുന്നത്.
കളരിപ്പയറ്റിന്റെ പ്രൗഢി വീണ്ടെടുക്കുവാനും മുഖ്യധാരയിലേക്ക് എത്തിക്കുവാനുമുള്ള ലക്ഷ്യത്തോടെ കളരി ഗുരുക്കന്മാരും കളരി ഫെഡറേഷനും കേന്ദ്ര സംസ്ഥാന സർക്കാരുകളും വിവിധ മത്സരങ്ങളുമൊക്കെ ആസൂത്രണം ചെയ്യുന്നതിന്റെ ഭാഗമായാണ് കേന്ദ്ര സർക്കാർ ഖേലോ ഇന്ത്യ യൂത്ത് ഗെയിംസിൽ കളരിപ്പയറ്റിനെ ഉൾപ്പെടുത്തിയത്.
പി ബി സുമേഷ് ഗുരുക്കളുടെ ശിക്ഷണത്തിലുള്ള പിഎസ് അനാമിക, മാളവിക ബിബിൻ, മേധാ ശർമ്മ, നിരഞ്ജൻ വി നായർ, പിഎസ് മാളവിക, എസ് ശ്രേയ, എം സ്നേഹ, കെബി ആദിനാഥ്, അഭിനവ് എച്ച് നായർ, എം ആദിത്യ, കൈലാസ് കെ അജയ്, സൂര്യാൻശ് വിശ്വകർമ്മ, എം അതുൽ കൃഷ്‌ണ, എഎം ആരോൺ, നവീൻ കൃഷ്‌ണ, അംബരീഷ് ഗുരുക്കളുടെ ശിക്ഷണത്തിൽ ജ്യോതിക മാട്ടുമ്മൽ എന്നീ പതിനാറു കുട്ടികളാണ് മത്സരത്തിൽ പങ്കെടുക്കുന്നത്.
ആയോധനകലകളുടെ മാതാവ് എന്നറിയപ്പെടുന്ന കേരളത്തിൻ്റെ തനത് കലയായ കളരിപ്പയറ്റ് മെയ് വഴക്കത്തോടൊപ്പം ഏകാഗ്രതയും ആത്മവിശ്വാസവും നൽകുന്നവയാണ്. ആരോഗ്യകരമായ ജീവിത ശൈലിയും കലാകായിക വിനോദങ്ങളുമൊക്കെയായി വളരേണ്ട കുട്ടികളും യുവാക്കളുമൊക്കെ ആധുനികതയുടെ സ്വാധീന വലയത്തിൽ കുടുങ്ങി സംഘർഷം അനുഭവിച്ചു കൊണ്ടിരിക്കുമ്പോൾ മാനസികവും ശാരീരികവുമായ ആരോഗ്യം പ്രദാനം ചെയ്യുന്ന കളരിപ്പയറ്റു പോലെയുള്ള കലാകായിക വിനോദങ്ങൾക്ക് ഇന്ദ്രപ്രസ്ഥത്തിൽ പ്രസക്തിയേറുകയാണ്.
ഈ സാഹചര്യത്തിലാണ് ഡൽഹി മലയാളി അസോസിയേൻ, പിബി സുമേഷ് ഗുരുക്കളുടെ ശിക്ഷണത്തിലുള്ള സത്വം കളരി സംഘവുമായി ചേർന്ന് താല്പര്യമുള്ള കുട്ടികൾക്കായി കളരിപ്പയറ്റ് അഭ്യസിപ്പിക്കുവാൻ തങ്ങളുടെ ആർകെ പുരത്തെ ഡിഎംഎ സാംസ്‌കാരിക സമുച്ചയത്തിൽ സൗകര്യമൊരുക്കിയത്. എല്ലാ ഞായറാഴ്ച്ചകളിലും അവധി ദിവസങ്ങളിലുമാണ് ക്‌ളാസുകൾ നടക്കുന്നത്. പരിശീലനം നടത്തുന്ന കുട്ടികൾ ഇതിനോടകം നിരവധി പരിപാടികളിൽ കളരിപ്പയറ്റ് അവതരിപ്പിക്കുവാൻ പ്രാവീണ്യമുള്ളവരായതിൽ അഭിമാനിക്കുന്നുവെന്ന് പ്രസിഡന്റ് കെ രഘുനാഥും ജനറൽ സെക്രട്ടറി ടോണി കണ്ണമ്പുഴയും പറഞ്ഞു.
കഴിഞ്ഞ സെപ്റ്റംബറിൽ ഡൽഹിയിൽ നടന്ന 4-ാമത് സംസ്ഥാന കളരിപ്പയറ്റ് ടൂർണമെൻ്റിലും തിരുവനന്തപുരത്ത് നടന്ന നാഷണൽ കളരിപ്പയറ്റ് ചാമ്പ്യൻഷിപ്പിലും ഡൽഹി സംസ്ഥാനത്തെ പ്രതിനിധീകരിച്ചവരിൽ ഏറെയും ഡിഎംഎയിൽ പരിശീലനം സിദ്ധിച്ചവരായിരുന്നു .
ഖേലോ ഇന്ത്യാ യൂത്ത് ഗെയിംസിൽ കളരിപ്പയറ്റ് മത്സരത്തിനുള്ള പരിശീലനവും മറ്റ് അടിസ്ഥാന സൗകര്യങ്ങളും ഒരുക്കി കൊടുക്കുകയാണ് ഉത്തരേന്ത്യയിലെ ഏറ്റവും വലിയ മലയാളി സംഘടനയായ ഡൽഹി മലയാളി അസോസിയേഷൻ.
യുവതാരങ്ങളായ ഷെയ്ൻ നിഗം, ഷൈൻ ടോം ചാക്കോ എന്നിവരെ കേന്ദ്ര കഥാപാത്രങ്ങളാക്കി പ്രിയദർശൻ സംവിധാനം ചെയ്യുന്ന പുതിയ ചിത്രം കൊറോണ പേപ്പേഴ്സിന്റെ ഒഫീഷ്യൽ ട്രെയിലർ പുറത്തിറങ്ങി.ജനപ്രിയ താരങ്ങളായ മോഹൻലാൽ, സൂര്യ, മഞ്ജു വാര്യർ, ജ്യോതിക എന്നിവരോടൊപ്പം മലയാളത്തിലെ ഒരുപിടി താരങ്ങളും, നിർമ്മാതാക്കളും, മറ്റ് പ്രമുഖരും ചേർന്നാണ് ട്രെയിലർ റിലീസ് ചെയ്തത്. ചിത്രം ഏപ്രിൽ മാസം റിലീസിനെത്തുമെന്ന് അണിയറ പ്രവർത്തകർ അറിയിച്ചിട്ടുണ്ട്. ഫോർ ഫ്രെയിംസിൻ്റെ ആദ്യ നിർമ്മാണ സംരഭമായ ഈ ചിത്രം പ്രിയദർശൻ തന്നെയാണ് നിർമ്മിക്കുന്നത്. ശ്രീഗണേഷിന്റേതാണ് കഥ. […]
കൊച്ചി: കോസ്റ്റ്ഗാര്‍ഡിന്റെ പരീശീലന വിമാനം അപകടത്തില്‍പ്പെട്ടതിനെത്തുടര്‍ന്ന് താത്കാലികമായി അടച്ച കൊച്ചി അന്താരാഷ്ട്ര വിമാനത്താവളത്തിലെ റണ്‍വെ വീണ്ടും തുറന്നു. രണ്ട് മണിക്കൂറിന് ശേഷമാണ് റണ്‍വേ തുറക്കാന്‍ കഴിഞ്ഞത്.ഇന്‍ഡിഗോ എയര്‍ലൈന്‍സിന്റെ ബെംഗളൂരുവില്‍നിന്നും അഹമ്മദാബാദില്‍നിന്നുമുള്ള വിമാനങ്ങള്‍ വഴിതിരിച്ചുവിട്ടിരുന്നു. ഒമാന്‍ എയര്‍ലൈന്‍സിന്റെ ഒരു വിമാനവും മാലിയില്‍നിന്നുള്ള ഒരു വിമാനവും വഴിതിരിച്ചുവിട്ടു. രണ്ട് മണിക്കൂറിനുശേഷം റണ്‍വേ തുറന്നതോടെ ആദ്യമായി പറന്നുയര്‍ന്നത് വിസ്താരയുടെ വിമാനമാണ്. തൊട്ടുപിന്നാലെ റണ്‍വേ പൂര്‍ണമായും പ്രവര്‍ത്തന സജ്ജമായി. അപകടത്തില്‍പ്പെട്ട ഹെലികോപ്ടര്‍ ക്രെയിന്‍ ഉപയോഗിച്ച് നീക്കി റണ്‍വേ സജ്ജമാക്കിയ ശേഷമാണ് തുറക്കാനായത്. ഉച്ചയ്ക്ക് […]
എടത്വ:ശുദ്ധജല ക്ഷാമം രൂക്ഷമായ സാഹചര്യത്തിൽ സൗഹൃദ വേദിയുടെ നേതൃത്വത്തിൽ സൗഹൃദ നഗറിൽ സമാന്തര കുടിവെള്ള വിതരണം ആരംഭിച്ചു. സൗഹൃദ നഗറിൽ ബെറാഖാ ബാലഭവനിൽ നടന്ന പൊതുസമ്മേളനം ബ്ലോക്ക് പഞ്ചായത്ത് അംഗം അജിത്ത് കുമാർ പിഷാരത്ത് ഉദ്ഘാടനം ചെയ്തു. തലവടി ഗ്രാമപഞ്ചായത്ത് അംഗം ബിന്ദു ഏബ്രഹാം അധ്യക്ഷത വഹിച്ചു. ബിലീവേഴ്സ് ഈസ്റ്റേൺ ചർച്ച് എഡ്യൂക്കേഷൻ ബോർഡ് സെക്രട്ടറി ഫാദർ വില്യംസ് ചിറയത്ത് മുഖ്യ പ്രഭാഷണം നടത്തി. സമാന്തര കുടിവെള്ള വിതരണ സംവിധാനം ജില്ലാ പഞ്ചായത്ത് അംഗം ബിനു ഐസക്ക് […]
തിരുവനന്തപുരം: സംസ്ഥാനത്ത് രണ്ട് ജില്ലകളില്‍ പ്രഖ്യാപിച്ചിരുന്ന യെല്ലോ അലേര്‍ട്ട് പിന്‍വലിച്ചു. പത്തനംതിട്ടയിലും ഇടുക്കിയിലും പ്രഖ്യാപിച്ചിരുന്ന മഴ മുന്നറിയിപ്പാണ് പിന്‍വലിച്ചത്. സംസ്ഥാനത്ത് ഒറ്റപ്പെട്ട ഇടങ്ങളില്‍ വേനല്‍ മഴ തുടരും. കണ്ണൂര്‍, കാസര്‍കോട് ഒഴികെയുള്ള ജില്ലകളില്‍ മഴ ലഭിക്കും. കേരളത്തിലെ പത്തനംതിട്ട, ഇടുക്കി എന്നീ ജില്ലകളിലും ഒറ്റപ്പെട്ടയിടങ്ങളിലും ഇടിയോടു കൂടിയ മഴയ്ക്കും മണിക്കൂറില്‍ 40 കീ.മീറ്റർ വരെ വേഗതയില്‍ വീശിയടിച്ചേക്കാവുന്ന കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. മാർച്ച് 26 മുതൽ 29 വരെ കേരളത്തിൽ ഒറ്റപ്പെട്ടയിടങ്ങളിൽ ഇടിമിന്നലോട് […]
ഹൂസ്റ്റൺ: കേന്ദ്രത്തിൽ നരേന്ദ്ര മോദി സർക്കാരിന്റെ ഏകാധിപത്യ ജനാധിപത്യ വിരുദ്ധ,ജനദ്രോഹ നടപടികൾക്കെതിരെ എഐസിസിയുടെ നേതൃത്വത്തിൽ നടത്തുന്ന പ്രതിഷേധ സമരങ്ങളോട് അനുഭാവം പ്രകടിപ്പിച്ചു കൊണ്ട് ഓവർസീസ് ഇന്ത്യൻ കൾച്ചറൽ കോൺഗ്രസ് (ഒഐസിസി യുഎസ്എ) പ്രതിഷേധം ശക്തമാക്കുന്നു. നരേന്ദ്രമോദിയുടെ ഭരണത്തിൽ രാജ്യത്തെ അഭിപ്രായ സ്വന്തന്ത്ര്യം ചവിട്ടി മെതിക്കപ്പെടുകയാണ്. കോൺഗ്രസ് നേതാവ് രാഹുൽ ഗാന്ധി എം.പി. യെ അയോഗ്യനാക്കിയ ജനാധിപത്യ വിരുദ്ധ നടപടിയിൽ പ്രതിഷേധിച്ചാണ് യോഗങ്ങൾ. പുതുതായി രൂപീകരിക്കുന്ന ഫ്ലോറിഡ ചാപ്റ്ററിന്റെ നേതൃത്വത്തിൽ ഡേവിയിലുള്ള ഗാന്ധി സ്‌ക്വയറിൽ മഹാത്മാ ഗാന്ധിയുടെ പ്രതിമയ്ക്ക് […]
ന്യൂഡൽഹി: മോദിക്കും ബി.ജെ.പിക്കുമെതിരെ ആഞ്ഞടിച്ച് പ്രിയങ്ക ഗാന്ധി. പ്രധാനമന്ത്രി അഹങ്കാരിയും ഭീരുവുമാണ്, ഇത് പറഞ്ഞതിന് തനിക്കെതിരെ കേസെടുക്കാനും വെല്ലുവിളിച്ച് പ്രിയങ്ക ഗാന്ധി. അഹങ്കാരിയായ രാജാവിന് ജനം മറുപടി നല്‍കുമെന്നും സത്യം ജയിക്കാനായി രാഹുലിനൊപ്പം പോരാടൂമെന്നും അവര്‍ പറഞ്ഞു. രാജ്ഘട്ടില്‍ സംഘടിപ്പിച്ച സത്യഗ്രഹത്തിലാണ് ബി.ജെ.പിയെയും നരേന്ദ്ര മോദിയെയും രൂക്ഷമായി വിമര്‍ശിച്ച് പ്രിയങ്ക ഗാന്ധിയുടെ പ്രസംഗം. രക്ത സാക്ഷിയുടെ മകനെ രാജ്യദ്രോഹിയെന്ന് വിളിക്കുന്നു. രക്തസാക്ഷിയായ പിതാവിനെ പലതവണ പാര്‍ലമെന്റില്‍ പലതവണ അപമാനിച്ചു. രാഹുല്‍ ഗാന്ധിക്ക് തന്റെ പിതാവ് ആരാണെന്ന് പോലും […]
കുവൈറ്റ്: സൂറത്ത് കോടതിയുടെ വിധിയെ മറയാക്കി കോൺഗ്രസ് നേതാവ് രാഹുൽ ഗാന്ധിയെ ധൃതിപിടിച്ച് അയോഗ്യനാക്കിയ നടപടിയിൽ കുവൈറ്റിൽ പ്രതിപക്ഷ പാർട്ടി പോഷക സംഘടനകളുടെ കൂട്ടായ്മയിൽ പ്രതിഷേധ സംഗമം നടന്നു. ഒഐസിസി , കെഎംസിസി , കല കുവൈറ്റ് , പ്രവാസി കേരളം കോൺഗ്രസ് , പ്രവാസി വെൽഫെയർ തുടങ്ങിയ സംഘടനകളുടെ നേതൃത്വത്തിലാണ് അബ്ബാസിയ കെഎംസിസി ഓഡിറ്റോറിയത്തിൽ പ്രതിഷേധമിരമ്പിയത്. ഒഐസിസി ജന സെക്രട്ടറി ബി. എസ്. പിള്ള സ്വാഗതം പറഞ്ഞ പ്രതിഷേധ സംഗമത്തിൽ കെഎംസിസി സ്റ്റേറ്റ് പ്രസിഡന്റ് ശറഫുദ്ധീൻ […]
കുവൈത്ത് സിറ്റി : ഭരണഘടന സ്ഥാനപനങ്ങളെ വരുതിയിലാക്കി ജനാധിപത്യത്തെ കശാപുചെയ്യുന്നതിനെതിരെ ഒറ്റക്കെട്ടായി ചെറുക്കണമെന്ന് ഇന്ത്യൻ ഇസ് ലാഹി സെൻ്റർ കേന്ദ്ര പ്രസിഡൻറ് യൂനുസ് സലീം ജനറൽ സെക്രട്ടറി അബ്ദുൽ അസീസ് സലഫി എന്നിവർ പത്രക്കുറിപ്പിൽ അറിയിച്ചു. മോദീ സർക്കാരും അദാനി കമ്പനികളുമായി ബന്ധപ്പെട്ട് രാഹുൽ ഗാന്ധി ഉന്നയിച്ച ആരോപണങ്ങൾ ഏറെ ഗൗരവതരമാണെന്നും സമഗ്രമായ അന്വേഷണം വേണം. ഹിൻഡൻബർഗ് ഉന്നയിച്ച ആരോപണങ്ങൾ ശരിവെക്കുന്നതാണ് രാഹുൽ ഗാന്ധി വ്യക്തമാക്കിയ കാര്യങ്ങളെന്നതിനാൽ അത് രാജ്യത്തിന്റെ ഭാവിയെ തന്നെ അപകടപ്പെടുത്തുന്നതാണ്. അദാനി കമ്പനികൾക്ക് വഴിവിട്ട് […]
യുപി: ആശ്രമത്തിൽ പൂജയ്‌ക്കെത്തുന്നവർക്കുള്ള ഫീസ് കുത്തനെ ഉയർത്തി യുപിയിലെ വിവാദ ആൾദൈവമായ കരൗലി ബാബ. ഏകദിന പൂജയിൽ പങ്കെടുക്കുന്നവർ അടയ്‌ക്കേണ്ട ഫീസ് 1.51 ലക്ഷത്തിൽ നിന്ന് 2.51 ലക്ഷമാക്കിയാണ് ഉയർത്തിയാണ് കരൗലി ബാബ എന്ന് വിളിക്കപ്പെടുന്ന സന്തോഷ് സിംഗ് ഭദോറിയ വാർത്തകളിൽ ഇടംപിടിക്കുന്നത്. ആശ്രമത്തിൽ നടത്തുന്ന പൂജയിലൂടെ മാരകമായ അസുഖങ്ങൾ പോലും ഭേദമാകും എന്നാണ് ആൾദൈവം പ്രചരിപ്പിക്കുന്നത്. ഇത്തരത്തിൽ എത്തുന്നവർ കുറഞ്ഞത് ഒൻപത് തവണയെങ്കിലും പൂജയ്‌ക്കെത്തണം. എന്നാൽ തിരക്കേറിയ തന്റെ ഭക്തർക്ക് അതിന് സാധിക്കാത്തതിനാൽ അതിവേഗ പൂജയും […]
മുൻനിര ടെലികോം സേവനദാതാക്കളുടെ നേതൃത്വത്തിൽ രാജ്യത്തെ 5ജി നെറ്റ്‌വർക്ക് വിന്യാസം അതിവേഗം കുതിക്കുന്നു. മുകേഷ് അംബാനിയുടെ റിലയൻസ് ജിയോ ഇതിനകം തന്നെെ 5ജി ക്കായി 1 ലക്ഷം ടെലികോം ടവറുകൾ സ്ഥാപിച്ചിട്ടുണ്ട്. ഡിപ്പാർട്ട്‌മെന്റ് ഓഫ് ടെലികമ്മ്യൂണിക്കേഷൻസ് നാഷണൽ ഇഎംഎഫ് പോർട്ടലിൽ നിന്നുള്ള റിപ്പോർട്ട് പ്രകാരം ജിയോ 2 ഫ്രീക്വൻസികളിൽ 99,897 ബിടിഎസ് (ബേസ് ട്രാൻസ്‌സിവർ സ്റ്റേഷൻ) ഇൻസ്റ്റാൾ ചെയ്തിട്ടുണ്ടെന്നാണ്. ഭാരതി എയർടെല്ലിന് 22,219 5ജി ടവറുകളുമുണ്ട്. മാർച്ച് 23 ലെ റിപ്പോർട്ട് പ്രകാരം എല്ലാ ബേസ് സ്റ്റേഷനുകൾക്കും […]
കുവൈത്ത്: കുവൈത്തിൽ അനധികൃത തൊഴിലാളികളെ പിടികൂടി നാട് കടത്തുന്നതിനായി മാനവ ശേഷി സമിതിയുമായി സഹകരിച്ച് ആഭ്യന്തര മന്ത്രാലയം അടിയന്തിര പദ്ധതി തയ്യാറാക്കി വരുന്നതായി മന്ത്രാലയ വൃത്തങ്ങളെ ഉദ്ധരിച്ച് പ്രാദേശിക ദിന പത്രം റിപ്പോർട്ട് ചെയ്തു. രാജ്യത്തെ സ്വദേശി വിദേശി ജനസംഖ്യാ അസന്തുലിതത്വം പരിഹരിക്കുന്നതിന്റെ ഭാഗമായി ഒന്നാം ഉപ പ്രധാന മന്ത്രിയും ആഭ്യന്തര, പ്രതിരോധ മന്ത്രിയുമായ ഷെയ്ഖ് തലാൽ അൽ ഖാലിദ് അൽ സബാഹിന്റെ നിർദേശത്തെ തുടർന്നാണ് പദ്ധതി തയ്യാറാക്കുന്നത്. രാജ്യത്ത് 182,000 അനധികൃത തൊഴിലാളികൾ ഉള്ളതായാണ് കണ്ടെത്തിയിരിക്കുന്നത്. […]
കുവൈറ്റ് : കുവൈറ്റിലെ ഫൈഹ ഏരിയയിൽ നിർമ്മാണത്തിലിരിക്കുന്ന വീട്ടിൽ നിന്ന് വീണ് ഒരു തൊഴിലാളി മരിച്ചു. തൊഴിലാളിയുടെ മൃതദേഹം വീണ്ടെടുത്ത് ബന്ധപ്പെട്ട അധികാരികള്‍ക്ക് കൈമാറിയതായി കുവൈറ്റ് ഫയര്‍ഫോഴ്‌സ് അറിയിച്ചു.
ജിദ്ദ: വിശുദ്ധ മാസത്തിൽ പുണ്യ നഗരങ്ങളിലെത്താനുള്ള ഉത്സാഹം വിശ്വാസികൾക്കെന്ന പോലെ ഭരണ നേതൃത്വത്തിനും. രാഷ്ട്രീയ കാര്യങ്ങളിലുള്ള തിരക്ക് മാറ്റിവെച്ച് രാജ്യത്തിന്റെ ചക്രം തിരിക്കുന്നവരും മക്കയിലേക്കും മദീനയിലേക്കും തിരിക്കുകയാണ്. ഒരു ദിവസമെങ്കിലും അവിടങ്ങളിൽ റംസാൻ കൊള്ളാനും തീർത്ഥാടകരുടെ കാര്യങ്ങൾ നേരിൽ കാണാനും ഭരണാധികാരി സൽമാൻ രാജാവും കിരീടാവകാശി മുഹമ്മദ് ബിൻ സൽമാൻ രാജകുമാരനും പുണ്യ ഗേഹങ്ങളിൽ എത്താറുണ്ട്. പ്രത്യേകിച്ച്, മക്കയിൽ റംസാൻ അവസാന പത്തിൽ ദിവസങ്ങളോളം കഴിച്ചു കൂട്ടുക സൗദി ഭരണാധികാരികളുടെ പതിവാണ്. സൽമാൻ രാജാവ് ഇതിനായി റിയാദിൽ […]
ഡല്‍ഹി: പ്രധാനമന്ത്രി നരേന്ദ്ര മോദി ഈ വര്‍ഷത്തെ തന്റെ മൂന്നാമത്തെ ‘മന്‍ കി ബാത്ത്’ ഞായറാഴ്ച അഭിസംബോധന ചെയ്തു. പ്രധാനമന്ത്രിയുടെ പ്രതിമാസ റേഡിയോ പരിപാടിയായ ‘മന്‍ കി ബാത്തിന്റെ’ 99-ാമത് എഡിഷന്‍ ഇന്ന് രാവിലെ 11 മണിക്ക് സംപ്രേക്ഷണം ചെയ്തു. ഇന്ന് രാജ്യത്ത് അവയവദാനത്തെക്കുറിച്ചുള്ള അവബോധം വര്‍ധിച്ചിരിക്കുന്നു എന്നത് സംതൃപ്തി നല്‍കുന്ന കാര്യമാണെന്ന് പ്രധാനമന്ത്രി തന്റെ പ്രസംഗത്തില്‍ പറഞ്ഞു. മരണശേഷം അവയവങ്ങള്‍ ദാനം ചെയ്തവരുടെ കുടുംബാംഗങ്ങളെക്കുറിച്ചും പ്രധാനമന്ത്രി സംസാരിച്ചു. മാരകമായ അവസ്ഥയില്‍ ജനിച്ച് 39 ദിവസത്തിന് ശേഷം […]
ഇടുക്കി: കാഞ്ചിയാറ്റില്‍ അധ്യാപികയെ കൊലപ്പെടുത്തി കട്ടിലിനടിയില്‍ ഒളിപ്പിച്ച കേസില്‍ ഭര്‍ത്താവ് ബിജേഷ് അറസ്റ്റില്‍. കുമളിയില്‍ വനാതിര്‍ത്തിയിലുള്ള ഗേറ്റ് ബാറിന് സമീപത്തു നിന്നാണ് കുമളി സിഐയുടെ നേത്യത്വത്തിലുള്ള അന്വേഷണ സംഘം ബിജേഷിനെ പിടികൂടിയത്. ഇയാളുടെ മൊബൈല്‍ ഫോണ്‍ ദിവസങ്ങള്‍ക്ക് മുമ്പ് ഉപേക്ഷിക്കപ്പെട്ട നിലയില്‍ പോലീസ് കണ്ടെത്തിയിരുന്നു. മകളെ ബന്ധുവീട്ടില്‍ ഏല്‍പ്പിച്ച ശേഷം ഇയാള്‍ പോലീസിനെ കബളിപ്പിച്ച് രക്ഷപ്പെടുകയായിരുന്നു. അനുമോളുടെ മൊബൈല്‍ ഫോണ്‍ വിറ്റ് കിട്ടിയ പണവുമായി ബിജേഷ് കുമളി വരെ എത്തിയിരുന്നതായി പോലീസിന് മുമ്പ് വിവരം ലഭിച്ചിരുന്നു. […]
വാരണാസി: സിനിമാ മേഖലയെ ഞെട്ടിച്ച് വീണ്ടുമൊരു നടി കൂടി ജീവനൊടുക്കി. നടി ആകാന്‍ക്ഷ ദുബെയാണ് ഹോട്ടലില്‍ ആത്മഹത്യ ചെയ്ത നിലയില്‍ കണ്ടെത്തിയത്. ആകാന്‍ക്ഷ ദുബെയുടെ വിയോഗത്തിന്റെ ഞെട്ടിലിലാണ് ഭോജ്പുരി സിനിം മേഖല. ഉത്തര്‍പ്രദേശിലെ വാരണാസിയിലെ ഹോട്ടലിലാണ് നടിയെ മരിച്ച നിലയില്‍ കണ്ടെത്തിയത്. മേരി ജംഗ് മേരാ ഫൈസ്ല എന്ന ചിത്രത്തിലൂടെ അഭിനയരംഗത്തേക്ക് കടന്നുവന്ന 25കാരിയായ ആകാന്‍ക്ഷയാണ് മരിച്ചത്. ഭോജ്പുരി നടി ആകാന്‍ക്ഷ ദുബെ പുതിയ ഒരു ചിത്രത്തിന്റെ ചിത്രീകരണത്തിനായി വാരണാസിയില്‍ എത്തിയതാണെന്നാണ് റിപ്പോര്‍ട്ട്. ചിത്രീകരണത്തിന് ശേഷം നടി […]