ഡിഎംഎ വിനയ് നഗർ-കിദ്വായ് നഗർ ഏരിയയുടെ വിഷു-ഈസ്റ്റർ ദിനാഘോഷങ്ങൾ വിപുലമായ പരിപാടികളോടെ സമാപിച്ചു

ന്യൂ ഡൽഹി: ഡൽഹി മലയാളി അസോസിയേഷൻ, വിനയ് നഗർ - കിദ്വായ് നഗർ ഏരിയ വിഷു-ഈസ്റ്റർ ദിനാഘോഷ പരിപാടികൾ ഏപ്രിൽ 16 ഞായറാഴ്ച്ച ആർകെ പുരത്തെ ഡിഎംഎ സാംസ്‌കാരിക സമുച്ചയത്തിൽ വിപുലമായ പരിപാടികളോടെ സമാപിച്ചു .

ഏരിയ ചെയർമാൻ സുനിൽ കുമാർ അധ്യക്ഷത വഹിച്ച സാംസ്‌കാരിക സമ്മേളനത്തിൽ ഫാ ഡേവിസ് കള്ളിയത്തുപറമ്പിൽ മുഖ്യാതിഥിയും ഡോ പ്രവീൺ പ്രദീപ്‌ വിശിഷ്ടാതിഥിയുമായിരുന്നു.

ഡിഎംഎ ജനറൽ സെക്രട്ടറി ടോണി കണ്ണമ്പുഴ, അഡിഷണൽ ജനറൽ സെക്രട്ടറി എ മുരളീധരൻ, ജോയിന്റ് ഇന്റെർണൽ ഓഡിറ്റർ ലീന രമണൻ, നിർവാഹക സമിതി അംഗവും മലയാളം മിഷൻ ജോയിന്റ് സെക്രട്ടറിയുമായ സുജാ രാജേന്ദ്രൻ, ഏരിയ സെക്രട്ടറി നോവൽ ആർ തങ്കപ്പൻ, ട്രഷറർ മുരളീധരൻ ഉണ്ണിത്താൻ, വൈസ് ചെയർമാനും വിഷു-ഈസ്റ്റർ പ്രോഗ്രാം കമ്മിറ്റി കൺവീനറുമായ സുദർശനൻ പിള്ള തുടങ്ങിയവർ പ്രസംഗിച്ചു.

ചടങ്ങിൽ ഏരിയ ജോയിന്റ് സെക്രട്ടറി അനിൽ കുമാറിനും കുടുംബത്തിനും ഊഷ്‌മളമായ യാത്ര അയപ്പും നൽകി. തുടർന്ന് ഏരിയയിലെ കുട്ടികളും മുതിർന്നവരും അവതരിപ്പിച്ച വിവിധ കലാ പരിപാടികൾ ആഘോഷരാവിന് മിഴിവേകി.