28
Saturday May 2022
Editorial

ആരാണീ കര്‍ഷകര്‍ ? അവര്‍ സാധാരണക്കാരാണ് ! നിലം ഉഴുതു മറിച്ച് വിത്തു വിതച്ച് ധാന്യം കൊയ്‌തെടുത്തു രാജ്യത്തെ കോടിക്കണക്കിനു ജനങ്ങള്‍ക്ക് നല്‍കുന്ന സാധാരണക്കാരില്‍ സാധാരണക്കാരായവര്‍. സര്‍ക്കാരിനെ വിശ്വസിക്കാന്‍ തയ്യാറാകാതിരുന്നതുതന്നെയാണ് കര്‍ഷകരുടെ വിജയ കാരണം. രാഷ്ട്രീയ പാര്‍ട്ടികളെ അടുപ്പിക്കാതിരുന്നത് സമരത്തെ രാഷ്ട്രീയവല്‍ക്കരിക്കാതിരിക്കാനും സഹായിച്ചു. ബി.ജെ.പിക്കെതിരെ പുതിയൊരു ശാക്തിക ചേരി വളര്‍ന്നു വന്നിരിക്കുന്നു ! രാഷ്ട്രീയക്കാരുടെ പിന്തുണയേതുമില്ലാതെ. കര്‍ഷകരാണ് ഇന്ത്യയിലെ യഥാര്‍ത്ഥ പ്രതിപക്ഷം, പ്രതീക്ഷ… – മുഖപ്രസംഗത്തില്‍ ജേക്കബ് ജോര്‍ജ്

ജേക്കബ് ജോര്‍ജ് - ചീഫ് എഡിറ്റര്‍
Saturday, November 20, 2021

സിക്ക് മതസ്ഥാപകന്‍ ഗുരു നാനാക്കിന്‍റെ ജന്മദിനമാണ് നവംബര്‍ 19. 1604 -ല്‍ ഇതേ ദിവസമാണ് സിക്ക് മതത്തിന്‍റെ ആദ്യത്തെ നാല് ആചാര്യന്മാര്‍ രചിച്ച കീര്‍ത്തനങ്ങളഅ‍ അടങ്ങിയ ഗുരുഗ്രന്ഥ സാഹിബ് അഞ്ചാമത്തെ ഗുരു അര്‍ജുന്‍ ദേവ് അമൃത്‌സറിലെ രാംസര്‍ (RAMSAR) സാഹിബില്‍ സമര്‍പ്പിച്ചത്.

ഇതേ ദിവസം തന്നെയാണ് പ്രധാനമന്ത്രി നരേന്ദ്ര മോദി തികച്ചും അപ്രതീക്ഷിതമായ ഒരു നീക്കത്തിലൂടെ മൂന്നു വിവാദ കാര്‍ഷിക നിയമങ്ങള്‍ പിന്‍വലിച്ചുകൊണ്ടുള്ള പ്രഖ്യാപനം നടത്തിയത്. ഒട്ടും നിനച്ചിരിക്കാതെ രാവിലെ ഒമ്പതു മണിക്ക് രാജ്യത്തോടു നടത്തിയ പ്രസംഗത്തില്‍. ഒരു കാരണവശാലും നിയമങ്ങള്‍ പിന്‍വലിക്കില്ലെന്ന നിലപാടെടുത്തിരുന്ന ബി.ജെ.പി സര്‍ക്കാരും അതിന്‍റെ തലവന്‍ നരേന്ദ്ര മോദിയും രാഷ്ട്രീയമായി ഒരു കരണം മറിച്ചില്‍ നടത്തുകയായിരുന്നു.

കാര്‍ഷിക നിയമങ്ങള്‍ വളരെ ആലോചിച്ചു നടപ്പാക്കിയതാണെന്നും രാജ്യത്തെ ചില കര്‍ഷക സഹോദരങ്ങള്‍ക്ക് അതു മനസിലാകാതെ പോയതാണെന്നും മോദി പറഞ്ഞു. സമരം നിര്‍ത്തി കര്‍ഷകര്‍ വീടുകളിലേയ്ക്ക് മടങ്ങാനും അദ്ദേഹം അഭ്യര്‍ത്ഥിച്ചു.

എല്ലാ കാര്യത്തിലും ഉറച്ച നിലപാടു സ്വീകരിക്കുന്ന സര്‍ക്കാരാണു തങ്ങളുടേതെന്നവകാശപ്പെടുന്ന ബി.ജെ.പി കര്‍ഷകര്‍ക്കു മുമ്പില്‍ മുട്ടു മടക്കുകയായിരുന്നു. 29 -ാം തീയതി തുടങ്ങുന്ന പാര്‍ലമെന്‍റ് സമ്മേളനത്തില്‍ ഇതു സംബന്ധിച്ച ഔദ്യോഗിക നടപടി സ്വീകരിക്കും.

വര്‍ഷങ്ങളായി രാജ്യത്തെ കര്‍ഷകരും കര്‍ഷക സംഘടനകളും കര്‍ഷക വിദഗ്ദ്ധരും ഉന്നയിച്ച ആവശ്യങ്ങളാണ് കര്‍ഷക നിയമത്തിലുണ്ടായിരുന്നതെന്നും നരേന്ദ്ര മോദി വിശദീകരിച്ചു. പാര്‍ലമെന്‍റില്‍ വേണ്ടത്ര ചര്‍ച്ച നടത്തിയാണ് ബില്‍ പാസാക്കിയതെന്നു മോദി അവകാശപ്പെട്ടു.

പക്ഷെ കര്‍ഷക ബില്ലുകള്‍ നീണ്ടകാലത്തെ കര്‍ഷക സമരത്തെ തുടര്‍ന്നു പിന്‍വലിച്ചത് ബി.ജെ.പിയുടെ ഒരു വലിയ രാഷ്ട്രീയ പരാജയമായി മാത്രമേ കാണാനാകൂ. കര്‍ഷകരുടെ ഒരിക്കലും തളരാത്ത ഇച്ഛാശക്തിക്കു മുമ്പില്‍ മോദി മുട്ടുമടക്കി അടിയറവു പറയുകയായിരുന്നു എന്നു വേണം കാണാന്‍.

രാജ്യത്തെ കര്‍ഷകരുടെ പ്രശ്നങ്ങളെ മനസിലാക്കുന്നതില്‍ മോദി സര്‍ക്കാര്‍ ദയനീയമായി പരാജയപ്പെട്ടു എന്നും പറയാം. രാജ്യത്തിന്‍റെ എല്ലാമെല്ലാമായ, ജനങ്ങള്‍ക്കു ഭക്ഷ്യ വസ്തുക്കളുണ്ടാക്കുന്ന, കര്‍ഷകരെ വിശ്വാസത്തിലെടുക്കാന്‍ കഴിയാതിരുന്നതാണ് പ്രധാനമന്ത്രിയുടെ പരാജയം. രാജ്യത്തിന്‍റെ പൊതു രാഷ്ട്രീയത്തിലാണ് ഇന്നു കര്‍ഷകര്‍ ഇടപെട്ടിരിക്കുന്നത്.

ഇന്ത്യാ മഹാരാജ്യത്തിലെ അതി സങ്കീര്‍ണമായ രാഷ്ട്രീയത്തില്‍ കര്‍ഷകര്‍ ഒരു പ്രബല ശക്തിയായി വളര്‍ന്നിരിക്കുന്നു. അവിടെ ഇടപെടാനും സര്‍ക്കാരിന്‍റെ നയപരമായ തീരുമാനങ്ങളെ സ്വാധീനിക്കാനും തങ്ങള്‍ക്കു പ്രാപ്തിയുണ്ടെന്ന് കര്‍ഷകര്‍ തെളിയിച്ചിരിക്കുന്നു. ഇന്ത്യയില്‍ രണ്ടാം വട്ടവും ഭരണം പിടിച്ചെടുത്ത് മൃഗീയ ഭൂരിപക്ഷത്തോടെ ഭരിക്കുന്ന ബി.ജെ.പിയെ അവര്‍ വരച്ച വരയില്‍ നിര്‍ത്തിയിരിക്കുന്നു.

ഇതു ചില്ലറ കാര്യമല്ല തന്നെ. കര്‍ഷകര്‍ വരച്ച വരയില്‍ നിര്‍ത്തിയത് ബി.ജെ.പി സര്‍ക്കാരിനെയാണ്. ആ രാഷ്ട്രീയ ശക്തിക്കു പിന്നില്‍ ആര്‍.എസ്.എസിന്‍റെയും സംഘപരിവാര്‍ സംഘടനകളുടെയും ആര്‍ക്കും തോല്‍പ്പിക്കാനാവില്ലെന്നു കരുതപ്പെടുന്ന പിന്തുണയുള്ള രാഷ്ട്രീയ ചേരിയെയാണ് കര്‍ഷകര്‍ പരാജയപ്പെടുത്തിയിരിക്കുന്നതെന്നും ഓര്‍ക്കണം.

അപ്പോള്‍ ആരാണീ കര്‍ഷകര്‍ ? അവര്‍ സാധാരണക്കാരാണ്. നിലം ഉഴുതു മറിച്ച് വിത്തു വിതച്ച് ധാന്യം കൊയ്തെടുത്തു രാജ്യത്തെ കോണിക്കണക്കിനു ജനങ്ങള്‍ക്ക് നല്‍കുന്ന സാധാരണക്കാരില്‍ സാധാരണക്കാരായവര്‍. തങ്ങളെ നോക്കുകുത്തികളാക്കി തങ്ങളുടെ ഉല്‍പ്പന്നങ്ങള്‍ രാജ്യത്തെ വന്‍കിടക്കാര്‍ക്കും ബഹുരാഷ്ട്രകുത്തകകള്‍ക്കും വില്‍പന നടത്തുന്നതിനെയാണ് അവര്‍ ചെറുത്തു തോല്‍പ്പിച്ചത്.

എം.എസ്.പി ആയിരുന്നു അവരുടെ പ്രശ്നം. എന്നു പറഞ്ഞാല്‍ കുറഞ്ഞ താങ്ങുവില തന്നെ. കര്‍ഷകര്‍, പ്രത്യേകിച്ച് പഞ്ചാബിലെയും ഹരിയാനയിലെയും കര്‍ഷകര്‍, ഉല്‍പാദിപ്പിക്കുന്ന അരിയും ഗോതമ്പും നേരത്തേ പ്രഖ്യാപിക്കുന്ന താങ്ങുവിലയ്ക്ക് സര്‍ക്കാര്‍ ഏറ്റെടുത്ത് രാജ്യത്തെ റേഷന്‍ കടകളില്‍ വിതരണം ചെയ്യുന്ന പരിപാടിയുടെ ഭാഗമാണിത്. ഈ രീതിമാറ്റി രാജ്യത്തെ കാര്‍ഷിക മേഖല സ്വകാര്യ ഏജന്‍സികള്‍ക്കു തുറന്നു കൊടുക്കാനാണ് സര്‍ക്കാര്‍ നിയമം കൊണ്ടുവന്നത്. സ്വകാര്യ മേഖലയില്‍ വിശ്വാസമര്‍പ്പിക്കാന്‍ കര്‍ഷകര്‍ തയ്യാറായില്ല. പല കാലഘട്ടങ്ങളില്‍ സ്വകാര്യ മേഖലയുടെ ചുഷണവും കൊള്ളയും അനുഭവിച്ചിട്ടുള്ളവരാണ് കര്‍ഷകര്‍.

സര്‍ക്കാരിനെ വിശ്വസിക്കാന്‍ തയ്യാറാകാതിരുന്നതു തന്നെയാണ് കര്‍ഷകരുടെ വിജയ കാരണം. രാഷ്ട്രീയ പാര്‍ട്ടികളെ അടുപ്പിക്കാതിരുന്നത് സമരത്തെ രാഷ്ട്രീയവല്‍ക്കരിക്കാതിരിക്കാനും സഹായിച്ചു. എന്‍.ഡി.എയുടെ ഘടകകക്ഷിയായിരുന്ന അകാലിദള്‍, സമരത്തിന്‍റെ ആദ്യഘട്ടത്തില്‍ത്തന്നെ മുന്നണി വിട്ടിരുന്നുവെന്ന കാര്യവും ശ്രദ്ധേയമാണ്. ഇതൊന്നും ഗൗരവത്തിലെടുക്കാന്‍ ബി.ജെ.പി ശ്രദ്ധിച്ചതുമില്ല.

പക്ഷെ രാഷ്ട്രീയം തങ്ങള്‍ക്കെതിരെ തിരിയുകയാണെന്ന് ബി.ജെ.പി നേതൃത്വം വൈകിയെങ്കിലും മനസിലാക്കി. കര്‍ഷകരുടെ ആത്മഹത്യയും സമരം ഉണ്ടാക്കുന്ന കഷ്ടപ്പാടും സമൂഹത്തില്‍ ചര്‍ച്ചാ വിഷയമാകുന്നതും ബി.ജെ.പി നേതൃത്വം കണ്ടു. ഇന്ത്യയിലെ കര്‍ഷക സമരം ലോകം മുഴുവന്‍ ശ്രദ്ധിക്കപ്പെടുകയും ചെയ്തു.

പഞ്ചാബ്, ഉത്തര്‍ പ്രദേശ് തുടങ്ങിയ സംസ്ഥാനങ്ങളില്‍ മാര്‍ച്ചില്‍ തെരഞ്ഞെടുപ്പു നടക്കുന്ന കാര്യം ബി.ജെ.പി നേതൃത്വത്തെ ഏറെ ഉല്‍കണ്ഠയിലാഴ്ത്തി. പടിഞ്ഞാറന്‍ യു.പിയില്‍ കര്‍ഷക സമരം വളരെ ശക്തമാണ്. ലക്കിംപൂര്‍ ഖേരിയില്‍ കര്‍ഷക സമരത്തിനു നേരേ കേന്ദ്ര ആഭ്യന്തര മന്ത്രി അജയ് മിശ്രയുടെ മകന്‍ ആശിഷ് മിശ്രയുടെ നേതൃത്വത്തില്‍ ഒരു സംഘം ആളുകള്‍ വാഹനങ്ങളോടിച്ചുകയറ്റുകയും വെടിയുതിര്‍ത്തതും മൂന്നു കര്‍ഷകര്‍ കൊല്ലപ്പെട്ടതും ഉയര്‍ത്തിവിട്ട രോഷം ഇനിയും തീര്‍ന്നിട്ടില്ല.

കര്‍ഷക സമരം ഇങ്ങനെ തുടര്‍ന്നാല്‍ രാഷ്ട്രീയമായി കനത്ത തിരിച്ചടി നേരിടേണ്ടി വരുമെന്നു മനസിലാക്കുകയായിരുന്നു ബി.ജെ.പി. തെരഞ്ഞെടുപ്പു നടക്കുന്ന അഞ്ചു സംസ്ഥാനങ്ങളില്‍ നിന്നു കിട്ടിയ രാഷ്ട്രീയ സൂചനകളും എതിരായിരുന്നു. കര്‍ഷക ബില്ലുകള്‍ പിന്‍വലിക്കുകയല്ലാതെ സര്‍ക്കാരിനു മുമ്പില്‍ വേറേ വഴിയൊന്നുമുണ്ടായിരുന്നില്ല.

അതുതന്നെയാണ് കര്‍ഷക സമരത്തെ വേറിട്ടു നിര്‍ത്തുന്നത്. സമരങ്ങളും സത്യാഗ്രഹങ്ങളും ഇഷ്ടം പോലെ നടത്തി പരിചയമുള്ള രാഷ്ട്രീയ കക്ഷികളുടെയൊന്നും പിന്തുണയില്ലാതെ നടത്തിയ സമരം. എല്ലാ കഷ്ടനഷ്ടങ്ങളും നേരിട്ടുകൊണ്ടു തന്നെ നടത്തിയ സമരം. നേതാക്കളാരും മുമ്പില്‍ നിന്നു നയിക്കാനില്ലാതെ നടത്തിയ സമരം. തങ്ങള്‍ എതിര്‍ക്കുന്ന ബി.ജെ.പി സര്‍ക്കാരിന്‍റെ ശക്തിയും കരുത്തും മനസിലാക്കിക്കൊണ്ടു തന്നെ നടത്തിയ സമരം.

ഈ സമരം അവരുടെ നിലനില്‍പ്പിനു വേണ്ടിയുള്ള സമരമായിരുന്നു. ഇവിടെ കീഴടങ്ങിയാല്‍ കുത്തകകള്‍ തങ്ങളുടെ അദ്ധ്വാനത്തെ വരുതിയിലാക്കുമെന്ന് അവര്‍ ഭയപ്പെട്ടു. സര്‍ക്കാരിന്‍റെ വാഗ്ദാനങ്ങള്‍ അവര്‍ മുഖവിലയ്ക്കെടുത്തില്ല.

ബി.ജെ.പിക്കെതിരെ പുതിയൊരു ശാക്തിക ചേരി വളര്‍ന്നു വന്നിരിക്കുന്നു. രാഷ്ട്രീയക്കാരുടെ പിന്തുണയേതുമില്ലാതെ. കര്‍ഷക ചേരിയുടെ യഥാര്‍ത്ഥ ശക്തിയും ഇതുതന്നെ. കര്‍ഷകരാണ് യഥാര്‍ത്ഥ പ്രതിപക്ഷം.

More News

കൊച്ചി; ഭരണമുന്നണിയിക്കും പ്രതിപക്ഷത്തിനുമെതിരെ വിമര്‍ശനവുമയി കേന്ദ്രമന്ത്രി വി.മുരളീധരന്‍. അഴിമതിയുടെ കാര്യത്തില്‍ ഇരു മുന്നണികളും തമ്മില്‍ വ്യത്യാസമില്ല. പാലാരിവട്ടം യുഡിഎഫിന്‍റെ പഞ്ചവടിപാലം എങ്കിൽ, കൂളിമാട് എൽഡിഎഫിന്‍റെ പഞ്ചവടിപ്പാലമാണ്. തൃക്കാക്കരയില്‍ പച്ചയായവർഗീയത പറഞ്ഞ് മുഖ്യമന്ത്രി വോട്ട് പിടിക്കുകയാണ്.ഒരു സമുദായത്തിനെതിരെ പറഞ്ഞാൽ മാത്രം നടപടി എടുക്കുന്നു പി സി ജോർജ്ജിന്‍റെ വായടപ്പിച്ചാൽ എല്ലാം ശരിയാവും എന്ന് മുഖ്യമന്ത്രി കരുതുന്നുണ്ടോ? വ്യക്തിഹത്യക്കെതിരെ തെരഞ്ഞെടുപ്പ് പ്രചാരണം നടത്തുമ്പോൾ സ്വന്തം അണികളെ നിയന്ത്രിക്കാൻ കൂടി സി പി എം തയ്യാറാകണമായിരുന്നു. മുഖ്യമന്ത്രിയോട് ചോദ്യം ചോദിക്കുന്ന മാധ്യമ […]

വാഷിങ്ടൺ: ടെക്സസിലെ റോബ് എലിമെന്ററി സ്‌കൂളിൽ 19 വിദ്യാർഥികളെയും രണ്ട് അധ്യാപകരേയും വെടിവെച്ച് കൊന്ന സംഭവത്തിൽ ക്ഷമാപണം നത്തി 18കാരനായ കൊലയാളി സാൽവഡോർ റാമോസിന്‍റെ മാതാവ് അൻഡ്രിയാന മാർട്ടിനെസ്. വെള്ളിയാഴ്ച ഒരു ടി.വി ചാനലിന് നൽകിയ അഭിമുഖത്തിലാണ് അൻഡ്രിയാന ക്ഷമാപണം നടത്തിയത്. ‘എന്നോടും എന്‍റെ മകനോടും ക്ഷമിക്കൂ. അവൻ ചെയ്തതിന് അവന്‍റെതായ കാരണങ്ങളുണ്ടാകുമെന്ന് എനിക്കറിയാം. ദയവായി അവൻ ചെയ്തതിന്‍റെ പേരിൽ അവനെ വിലയിരുത്തരുത്. മരിച്ചുപോയ നിഷ്കളങ്കരായ കുട്ടികൾ എന്നോട് പൊറുക്കണമെന്ന് മാത്രമാണ് എന്‍റെ ആഗ്രഹം’ -കണ്ണീരോടെ റോമോസിന്‍റെ […]

ഫേസ്ബുക്കിന്റെ വരവ് സമൂഹമാധ്യമങ്ങളിലേക്ക് ആളുകളെ അടുപ്പിക്കുന്നതിൽ വലിയൊരു പങ്ക് തന്നെ വഹിച്ചിട്ടുണ്ട്. അതിനുശേഷം നിരവധി മാധ്യമങ്ങൾ വേറെയും വന്നെങ്കിലും പലരുടെയും തുടക്കം ഫേസ്ബുക്കിൽ നിന്നായിരുന്നു. എന്നാൽ ഇപ്പോൾ സോഷ്യൽ മീഡിയയിൽ ചർച്ചയാകുന്നത് ഫേസ്ബുക്ക് ജന്മം കൊണ്ട വീട് വില്പനയ്ക്ക് എന്ന വാർത്തയാണ്. ഫെയ്‌സ്ബുക് ഡെവലപ് ചെയ്യുന്നതിനുള്ള ഓഫിസായി മാര്‍ക്ക് സക്കര്‍ബര്‍ഗും ടീമും തിരഞ്ഞെടുത്ത കലിഫോര്‍ണിയ സിലിക്കണ്‍ വാലിയിലുള്ള വീടാണ് വില്പനയ്ക്ക് വെച്ചിരിക്കുന്നത്. നിലവിലെ മാർക്കറ്റ് വില അനുസരിച്ച് 5.3 മില്യണ്‍ ഡോളറാണ് വീടിന്റെ വില. 1998 ലാണ് […]

മർത്തോമ്മാ സഭ ലഹരി മോചന സമിതി കോട്ടയം – കൊച്ചി ഭദ്രാസന പരിശീലനക്കളരി കെസിബിസി മദ്യവിരുദ്ധ സമിതി സംസ്ഥാ വക്താവ് അഡ്വ ചാർളി പോൾ ഉദ്ഘാടനം ചെയ്യുന്നു. റവ എബ്രഹാം മാത്യു, റവ. അജു എബ്രഹാം, റവ ഡോ സാബു ഫിലിപ്പ്, റവ. കെ പി സാബു, തോമസ് പി വർഗീസ്, അലക്സ് പി. ജോർജ്, കുരുവിള മാത്യൂസ് എന്നിവർ വേദിയില്‍ കൊച്ചി: മദ്യം റവന്യു വരുമാനം കൂട്ടുമെന്ന് പറയുന്നവർ മദ്യം വരുത്തുന്ന നഷ്ടത്തിന്റെ കണക്കെടുക്കാൻ ഒരു […]

ഡല്‍ഹി: ലഡാക്കിലെ അപകടത്തിൽ മരിച്ച എഴ് സൈനികരുടെ മൃതദേഹങ്ങൾ ദില്ലിയിലെ സൈനിക ആശുപത്രിയിലേക്ക് എത്തിച്ചു. ഇന്ന് പുലർച്ചയോടെയാണ് ലഡാക്കിലെ അപകടത്തിൽ മരിച്ച മലയാളി സൈനികൻ മുഹമ്മദ് ഷൈജൽ ഉൾപ്പടെയുള്ളവരുടെ മൃതദേഹം ദില്ലിയിലെ പാലം എയർബേസിൽ എത്തിച്ചത്. മൃതദേഹങ്ങൾ സൈനിക ആശുപത്രിയിലേക്ക് മാറ്റി. ഇവിടുത്തെ നടപടികൾ പൂർത്തിയാക്കിയ ശേഷം ജന്മനാടുകളിലേക്ക് കൊണ്ടുപോകും. മുഹമ്മദ് ഷൈജലിന്റെ ഭൗതിക ശരീരം രാത്രിയോടെ കോഴിക്കോട് എത്തിക്കുമെന്നാണ് വിവരം. ഇതിനിടെ അപകടത്തെ കുറിച്ച് സൈന്യം അന്വേഷണം തുടങ്ങി. അപകടത്തിന് പിന്നിൽ അട്ടിമറിയുണ്ടോയെന്നും സൈന്യം പരിശോധിക്കുന്നുണ്ട്. […]

വിവാഹശേഷം വണ്ണം കൂടിയെന്ന് പരാതി പറയുന്നവരും അതിനെ പോസിറ്റീവായെടുക്കുന്നവരും നമുക്കിടയിലുണ്ട്. കല്യാണത്തിന് ശേഷം വണ്ണം കൂടുന്നതിനുള്ള കാരണങ്ങളെപ്പറ്റി പലർക്കും തെറ്റിധാരണകളുണ്ട്. വിവാഹശേഷം സെക്‌സ് പോലുള്ള കാരണങ്ങളാൽ തടി കൂടുമെന്ന ധാരണ വെച്ചുപുലർത്തുന്നവരാണ് അധികവും. ഇത് വെറും മിഥ്യാധാരണകളാണ്. ഭൂരിഭാ​ഗം പോർക്കും മാനസികമായി സന്തോഷം നൽകുന്ന ഒന്നാണ് വിവാഹം. ഇതുമൂലം ശരീരം സന്തോഷം നൽകുന്ന ഹോർമോണുകൾ കൂടുതൽ ഉൽപ്പാദിപ്പിക്കും. ഈ ഹോർമോണുകൾ മൂലം കരൾ കൂടുതൽ കാർബോഹൈഡ്രേറ്റുകൾ വലിച്ചെടുക്കും. ഇത് കൂടുതൽ കൊഴുപ്പ് ഉൽപ്പാദിപ്പിയ്ക്കാൻ കാരണമാവുകയും ശരീരം വണ്ണം […]

തിരുവനന്തപുരം: ബാർട്ടൺ ഹില്ലില്‍ ഓട്ടോ ഡ്രൈവർ അനിൽ കുമാറിനെ കൊലപ്പെടുത്തിയ കേസിൽ രണ്ട് പ്രതികൾക്ക് ജീവപര്യന്തം. ജീവൻ എന്ന വിഷ്‌ണു, മനോജ് എന്നീ പ്രതികൾക്കാണ് ശിക്ഷ. ഒന്നാം പ്രതി ജീവൻ 15 കൊല്ലത്തേക്ക് പരോൾ ഉൾപ്പെടെയുള്ള ആനുകൂല്യങ്ങൾക്ക് അർഹൻ അല്ലെന്ന് കോടതി ഉത്തരവിൽ വ്യക്തമാക്കി. കൊല്ലപ്പെട്ട അനിൽ കുമാറിന്‍റെ ഭാര്യക്ക് നഷ്ടപരിഹാരം നൽകുവാൻ കോടതി സർക്കാരിന് നിർദേശം നൽകി.

യൗവ്വനം കാത്തുസൂക്ഷിക്കാന്‍ പലരും പല രീതികള്‍ ശ്രമിക്കാറുമുണ്ട്. ചിട്ടയായ ജീവിത ശൈലിയിലൂടെയും ഭക്ഷണക്രമീകരണങ്ങളിലൂടെയും വാര്‍ധക്യത്തിന്റെ കടന്നുകയറ്റം ഒരുപരിധി വരെ തടയാനാകും. യൗവ്വനം എളുപ്പത്തില്‍ കാത്തുസൂക്ഷിക്കാന്‍ പറ്റിയ 10 വഴികള്‍ ഏതെല്ലാമാണെന്ന് നോക്കാം. 1. ജീവിതത്തില്‍ അടുക്കും ചിട്ടയും അകാലവാര്‍ധക്യം അകറ്റിനിര്‍ത്താന്‍ ചിട്ടയായ ജീവിതം തന്നെയാണ് വേണ്ടത്. ദിനചര്യകളില്‍ കൃത്യത വേണം. ദിനചര്യയുടെ തുടക്കം തന്നെ ബ്രഹ്മമുഹൂര്‍ത്തത്തിലായിരിക്കണം. സൂര്യന്‍ ഉദിക്കുന്നതിനു മൂന്ന് മണിക്കൂര്‍ മുമ്ബേ ഉണരണം. ഈ സമയത്ത് ഉണരുന്നതു കൊണ്ടുള്ള ഗുണങ്ങള്‍ നിരവധിയാണ്. പ്രകൃതിയില്‍ ഊര്‍ജം അറിയാതെ […]

തിരുവനന്തപുരം ശാസ്തമംഗലത്ത് നടുറോഡില്‍ യുവതിയെ ആക്രമിച്ച സംഭവത്തില്‍ ബ്യൂട്ടിപാര്‍ലര്‍ ഉടമയായ സ്ത്രീ അറസ്റ്റില്‍. ശാസ്തമംഗലം സ്വദേശി മീനയെയാണ് മ്യുസിയം പൊലീസ് അറസ്റ്റ് ചെയ്തത്. പ്രതിയെ സ്‌റ്റേഷന്‍ ജാമ്യത്തില്‍ വിട്ടയച്ചു. നടുറോഡില്‍ മകളുടെ മുന്നില്‍ വെച്ച് യുവതിയെ മര്‍ദിച്ച കേസില്‍ മ്യുസിയം പൊലീസ് പ്രതിയെ വിളിച്ചു വരുത്തിയാണ് അറസ്റ്റ് രേഖപ്പെടുത്തിയത്. ബ്യൂട്ടി പാര്‍ലര്‍ ഉടമ ശാസ്തമംഗലം സ്വദേശി മീനയെയാണ് അറസ്റ്റ് ചെയ്തത്. ഐ.പി.സി. 321, 323, 324 വകുപ്പുകള്‍ പ്രകാരമാണ് കേസ്. മൂന്നുവര്‍ഷം വരെ തടവു ലഭിക്കാവുന്ന കുറ്റമാണ് […]

error: Content is protected !!