രണ്ടും വാശിയേറിയ തെരഞ്ഞെടുപ്പായിരുന്നു. രണ്ടും സഹകരണ മേഖലയില്‍. ഒന്ന് പത്തനംതിട്ട ജില്ലയിലെ തിരുവല്ലാ ഈസ്റ്റ് കോഓപ്പറേറ്റീവ് ബാങ്കില്‍. മറ്റത് തലശേരി ഇന്ദിരാഗാന്ധി സഹകരണ ആശുപത്രി തെരഞ്ഞെടുപ്പ്. തിരുവല്ലയില്‍ കോണ്‍ഗ്രസ് പരാജയപ്പെട്ടു. തലശേരിയില്‍ ഡി.സി.സി ബാങ്ക് പിടിച്ചെടുത്തു.
രണ്ടും കോണ്‍ഗ്രസിനെ സംബന്ധിച്ച് വളരെ പ്രധാനപ്പെട്ട തെരഞ്ഞെടുപ്പുകള്‍ തന്നെയായിരുന്നു. വര്‍ഷങ്ങളായി കോണ്‍ഗ്രസ് ഭരണത്തിലായിരുന്നു തിരുവല്ലാ ഈസ്റ്റ് കോഓപ്പറേറ്റീവ് ബാങ്ക്. ഒരിക്കല്‍ പോലും കോണ്‍ഗ്രസിനെ കൈവിട്ടിട്ടില്ലാത്ത ബാങ്ക്. തിരുവല്ലാ-കോഴഞ്ചേരി റോഡില്‍ ഇരവിപേരൂരിലാണ് ബാങ്കിന്‍റെ ആസ്ഥാനം.
മലയാളികളുടെ ഗള്‍ഫ് കുടിയേറ്റത്തിന്‍റെ ഗുണഫലങ്ങള്‍ ഏറെ അനുഭവിച്ച പ്രദേശമാണിവിടം. തിരുവല്ലാ, കുമ്പനാട്, കോഴഞ്ചേരി, റാന്നി, പത്തനംതിട്ട എന്നിങ്ങനെ വിശാലമായ പ്രദേശത്ത് ഇന്നു ഗള്‍ഫ് പണത്തിന്‍റെ വെട്ടിത്തിളക്കം. ദാരിദ്ര്യമോ പട്ടിണിയോ തീരെയില്ലാത്ത പ്രദേശങ്ങള്‍.
വര്‍ഷങ്ങളായി കോണ്‍ഗ്രസിന്‍റെ നെടുങ്കോട്ടയായിരുന്നു പത്തനംതിട്ട ജില്ല. അതും ആന്‍റണി പക്ഷത്തിന്‍റെ. 1995 ല്‍ പത്തനംതിട്ട ജില്ല രൂപമെടുത്തതു മുതല്‍ ആന്‍റണി പക്ഷം സ്വന്തം കോട്ടയാക്കി വളര്‍ത്തിയെടുത്തു പത്തനംതിട്ടയെ. കോഴഞ്ചേരി സെന്‍റ് തോമസ് കോളജിലെ ഫിസിക്സ് അധ്യാപകനായിരുന്ന പ്രൊഫസര്‍ പി.ജെ കുര്യന്‍ മുതല്‍ അഡ്വ. പീലിപ്പോസ് തോമസ്, അഡ്വ. കെ. ശിവദാസന്‍ നായര്‍ എന്നിങ്ങനെ പ്രമുഖ നേതാക്കള്‍ കാലാകാലങ്ങളായി കോട്ട കാത്തുപോന്നു.
പക്ഷെ സ്വന്തം കാലിനു കീഴില്‍ നിന്ന് മണ്ണൊഴുകിപ്പോകുന്നത് കോണ്‍ഗ്രസ് നേതാക്കളാരും അറിഞ്ഞതേയില്ല. ദീര്‍ഘകാലം ഡി.സി.സി പ്രസിഡന്‍റായിരുന്ന പീലിപ്പോസ് തോമസുതന്നെയായിരുന്നു ജില്ലയില്‍ കോണ്‍ഗ്രസിന്‍റെ എക്കാലത്തെയും വലിയ നേതാവ്. എന്നാല്‍ 2014 -ലെ ലോക്സഭാ തെരഞ്ഞെടുപ്പില്‍ പീലിപ്പോസ് പത്തനംതിട്ടയില്‍ ഇടതു പക്ഷ സ്ഥാനാര്‍ത്ഥിയാകുന്നതു കണ്ട് കോണ്‍ഗ്രസുകാര്‍ ഞെട്ടി. പീലിപ്പോസ് പരാജയപ്പെട്ടെങ്കിലും കോണ്‍ഗ്രസിന്‍റെ വീഴ്ച തുടങ്ങിയിരുന്നു.
2016 ലെ നിയമസഭാ തെരഞ്ഞെടുപ്പില്‍ ജില്ലയിലെ അഞ്ചു നിയമസഭാ സീറ്റും ഇടതു മുന്നണിക്ക്. ആറന്മുളയില്‍ മാധ്യമ പ്രവര്‍ത്തക വീണാ ജോര്‍ജ് 7000 -ലേറെ വോട്ടിനു തോല്‍പ്പിച്ചത് പ്രമുഖ കോണ്‍ഗ്രസ് നേതാവായ ശിവദാസന്‍ നായരെ. 2021 – നിയമസഭാ തെരഞ്ഞെടുപ്പിലും ഇടതു പക്ഷം വിജയം ആവര്‍ത്തിച്ചു. അഞ്ചില്‍ അഞ്ചു സീറ്റും നേടി.
ഇത്തവണ ആറന്മുളയില്‍ വീണാ ജോര്‍ജ് വിജയിച്ചത് 19000 വോട്ടിന്. തോല്‍പ്പിച്ചത് ശിവദാസന്‍ നായരെത്തന്നെ. വീണ സംസ്ഥാന ആരോഗ്യ മന്ത്രിയുമായി. റാന്നിയില്‍ ജയിച്ചത് കേരളാ കോണ്‍ഗ്രസ് എം സ്ഥാനാര്‍ത്ഥി പ്രമോദ് നാരായണന്‍. ആലപ്പുഴ ജില്ലയിലെ കായംകുളം കാരനായ പ്രമോദ് തോല്‍പ്പിച്ചത് റാന്നിയിലെ പ്രമുഖ കോണ്‍ഗ്രസ് കുടുംബത്തിലെ റിങ്കു ചെറിയാനെയും.
കോണ്‍ഗ്രസിന്‍റെ പുതിയ സംസ്ഥാന നേതൃത്വം ഡി.സി.സി പ്രസിഡന്‍റുമാരെ നിയമിച്ചപ്പോള്‍ പത്തനംതിട്ടയില്‍ സ്ഥാനം കിട്ടിയത് പ്രൊഫസര്‍ സതീശ് കൊച്ചുപറമ്പിലിന്. പുതിയ കമ്മിറ്റി ഉഷാറായി പ്രവര്‍ത്തിച്ചു തുടങ്ങുകയും ചെയ്തു. ഡി.സി.സി നേതൃത്വത്തിന്‍റെ ഒരു വിശേഷം അതില്‍ പഴയ ആന്‍റണി പക്ഷക്കാര്‍ ആരോരുമില്ലെന്നതു തന്നെ.
തിരുവല്ലാ ഈസ്റ്റ് കോ-ഓപ്പറേറ്റിവ് ബാങ്ക് ഭരണ സമിതിയിലേക്കു നടന്ന വാശിയേറിയ തെരഞ്ഞെടുപ്പില്‍ ഇടതുപക്ഷത്തിനു നേതൃത്വം നല്‍കിയതു പീലിപ്പോസ് തോമസായിരുന്നു. കോണ്‍ഗ്രസിനെ നയിച്ചതു പ്രൊഫ. പി.ജെ. കുര്യനും. കോണ്‍ഗ്രസിന് ഒരു സീറ്റുപോലും കിട്ടിയില്ല.
കണ്ണൂര്‍ ജില്ലയിലെ പ്രമുഖ കോണ്‍ഗ്രസ് നേതാവായ മമ്പറം ദിവാകരനാണ് തലശേസി ഇന്ദിരാഗാന്ധി സഹകരണ ആശുപത്രി കെട്ടിപ്പടുത്തത്. വിദ്യാര്‍ത്ഥിയായിരിക്കെ കെ.എസ്.യുവിലൂടെ കോണ്‍ഗ്രസ് രാഷ്ട്രീയത്തിലെത്തിയ മമ്പറം പല തവണ ജയില്‍ വാസം അനുഭവിച്ചിട്ടുമുണ്ട്.
ഇന്ദിരാഗാന്ധിയുടെ വലിയൊരാരാധകനായിരുന്ന മമ്പറം ആരാധന മൂത്താണ് പ്രിയപ്പെട്ട നേതാവിന്‍റെ ഓര്‍മയ്ക്കായി ആശുപത്രി തുടങ്ങാന്‍ ഇറങ്ങിത്തിരിച്ചത്. അതിനായി ഒരു വന്‍ പദ്ധതി തന്നെ തയ്യാറാക്കി. സഹകരണ സംഘമുണ്ടാക്കി വലിയ പരിശ്രമങ്ങളിലേയ്ക്കു കടന്നു. ധാരാളം ആളുകള്‍ മമ്പറത്തോടു സഹകരിച്ചു. മമ്പറത്തിന്‍റെ സ്വപ്നം സഹകരണ ആശുപത്രിയായി വളര്‍ന്നു പൊങ്ങി.
പക്ഷെ സംസ്ഥാന പ്രസിഡന്‍റായ കെ. സുധാകരനുമായി മമ്പറം കൊമ്പുകോര്‍ത്തു. തന്റെ ശത്രു സ്വന്തം സാമ്രാജ്യമായ കണ്ണൂരില്‍ ഇത്ര വലിയൊരാശുപത്രിയുടെ തലപ്പത്തിരിക്കുന്നത് സുധാകരനു പിടിച്ചില്ല.
ആശുപത്രി തെരഞ്ഞെടുപ്പില്‍ മമ്പറത്തിന്‍റെ പാനലിനെതിരെ ഡി.സി.സി ഔദ്യോഗിക പാനല്‍ അവതരിപ്പിച്ചു. പാനലിനെതിരെ സ്ഥാനാര്‍ത്ഥിയായ മമ്പറത്തെ കെ.പി.സി.സി കാരണം കാണിക്കല്‍ നോട്ടീസ് പോലും നല്‍കാതെ പാര്‍ട്ടിയില്‍ നിന്നു പുറത്താക്കി. തെരഞ്ഞെടുപ്പു കഴിഞ്ഞപ്പോള്‍ ഇന്ദിരാഗാന്ധി സഹകരണ ആശുപത്രി കോണ്‍ഗ്രസിന്‍റെ കൈയില്‍. മമ്പറവും പരാജയപ്പെട്ടു.
ഉമ്മന്‍ ചാണ്ടിയും രമേശ് ചെന്നിത്തലയും ഉള്‍പ്പെടെ പ്രമഖ നേതാക്കളൊക്കെയും മുഖം തിരിച്ചു നില്‍ക്കവെ, ഇവരുമായി പുതിയ നേതൃത്വത്തിന് ഒത്തുതീര്‍പ്പൊന്നും ഉണ്ടാക്കാന്‍ കഴിയാതെ നില്‍ക്കവെ, കോണ്‍ഗ്രസിനു കിട്ടിയ ഒരാശ്വാസ വിജയം തന്നെയാണ് തലശേരി ഇന്ദിരാഗാന്ധി ആശുപത്രി തെരഞ്ഞെടുപ്പില്‍ നേടിയ വിജയം.
അതേസമയം കേരളത്തിലെ തന്നെ പ്രമുഖ സഹകരണ ബാങ്കുകളിലൊന്നായ തിരുവല്ലാ ഈസ്റ്റ് കോ-ഓപ്പറേറ്റീവ് ബാങ്ക് ചരിത്രത്തിലാദ്യമായി സി.പി.എം പിടിച്ചെടുക്കുകയും ചെയ്തു. രണ്ടു സഹകരണ സ്ഥാപനങ്ങളിലേയ്ക്കു നടന്ന ഒരു സാധാരണ തെരഞ്ഞെടുപ്പല്ലേ എന്നു കരുതാമെങ്കിലും രണ്ടു തെരഞ്ഞെടുപ്പുകളും വലിയ സന്ദേശം കോണ്‍ഗ്രസിനു നല്‍കുന്നുണ്ട്. നിയമസഭയിലേക്കു തുടര്‍ച്ചയായി രണ്ടാം തവണയും തോറ്റ കോണ്‍ഗ്രസിന് പഠിക്കാനേറെയുണ്ട് ഈ രണ്ടു തെരഞ്ഞെടുപ്പുകളില്‍ നിന്ന്. കോണ്‍ഗ്രസുകാരാരെങ്കിലും ഇതു വല്ലതും പഠിക്കുമോ ആവോ.
തൃശൂര്‍: ബോബി ചെമ്മണ്ണൂര്‍ വേഷം മാറിയ തൃശൂര്‍ പൂരത്തിന് പോയ വീഡിയോ സോഷ്യല്‍ മീഡിയയില്‍ വൈറലായിരുന്നു. ഇപ്പോഴിതാ തന്റെ മേക്കോവര്‍ വീഡിയോ ബോബി ചെമ്മണ്ണൂര്‍ തന്റെ ഔദ്യോഗിക ഫേസ്ബുക്ക് പേജിലൂടെ പുറത്തുവിട്ടു. ഒപ്പം, താന്‍ വേഷം മാറിയതിന്റെ ലക്ഷ്യവും അദ്ദേഹം പങ്കുവച്ചു. താന്‍ സ്‌കൂളിലും കോളേജിലുമൊക്കെ പഠിക്കുന്ന സമയത്ത് തൃശൂര്‍ പൂരത്തിന് രാവിലെ ആറു മണിക്ക് വീട്ടില്‍ നിന്നിറങ്ങുമായിരുന്നുവെന്ന് അദ്ദേഹം പറഞ്ഞു. പഴയതുപോലെ പുറത്തിറങ്ങുമ്പോള്‍ സ്വാതന്ത്ര്യത്തോടെ പലതും ചെയ്യാന്‍ പറ്റുന്നില്ല. ആരും ശ്രദ്ധിക്കാതെ പഴയതുപോലെ പൂരം ആസ്വദിക്കുന്നതിനാണ് […]
കൊച്ചി: നവി ടെക്നോളജീസ് ലിമിറ്റഡിന്‍റെ ഉപകമ്പനിയായ നവി ഫിന്‍സെര്‍വ് ലിമിറ്റഡിന്‍റെ ഓഹരിയാക്കി മാറ്റാന്‍ സാധിക്കാത്ത കടപ്പത്രം (എന്‍സിഡി) വഴി 600 കോടി രൂപ സ്വരൂപിക്കും. മുന്നൂറു കോടി രൂപയുടെ അധിക സബ്സിക്രിപ്ഷന്‍ ഉള്‍പ്പെടെയാണിത്. ഇഷ്യു മേയ് 23-ന് ആരംഭിച്ച് ജൂണ്‍ പത്തിന് അവസാനിക്കും. ഇന്ത്യ റേറ്റിംഗ്സ് ആന്‍ഡ് റിസര്‍ച്ച് പ്രൈവറ്റ് ലിമിറ്റഡിന്‍റെ എ സ്റ്റേബിള്‍ റേറ്റിംഗ് ഉള്ള കടപ്പത്രത്തിന് 9.80 ശതമാനം വരെ വരുമാനം ലഭിക്കും. 18 മാസം, 27 മാസം കാലാവധിയില്‍ നിക്ഷേപം നടത്തുവാന്‍ അവസരമുണ്ട്. […]
കൊച്ചി: പൊതുമേഖലാ ലൈഫ് ഇന്‍ഷുറന്‍സ് കമ്പനിയായ ലൈഫ് ഇന്‍ഷുറന്‍സ് കോര്‍പറേഷന്‍ ഓഫ് ഇന്ത്യയുടെ ഓഹരികള്‍ എന്‍എസ്ഇയിലും ബിഎസ്ഇയിലും ലിസ്റ്റ് ചെയ്തു. ഓഹരിയുടെ ഇഷ്യു നിരക്കായ 949 രൂപയില്‍ 8.11 ശതമാനം ഡിസ്‌കൗണ്ടോടെ 872 രൂപ നിരക്കിലാണ് എന്‍എസ്ഇയില്‍ എല്‍ഐസി ഓഹരി ലിസ്റ്റ് ചെയ്തത്. 8.62 ശതമാനം ഡിസ്‌കൗണ്ടോടെ 867.20 രൂപ നിരക്കില്‍ ബിഎസ്ഇയിലും ലിസ്റ്റ് ചെയ്തു. ആദ്യ ദിവസം ബിഎസ്ഇയില്‍ ഓഹരി വില 875.45 രൂപയിലാണ് ക്ലോസ് ചെയ്തത്. എന്‍എസ്ഇയില്‍ 875.25 രൂപ നിരക്കിലും ക്ലോസ് ചെയ്തു. […]
ജിദ്ദ: വിശുദ്ധ ഖുർആനെഴുത്ത് കലയിൽ രാജ്യാന്തര മത്സരം വരുന്നു. അറബിക് കാലിഗ്രഫിക് രീതിയിലെ നൂതന എഴുത്ത് കലയിലൂടെ വിശുദ്ധ ഗ്രന്ഥം (മുസ്ഹഫ്) അവതരിപ്പിക്കാൻ ഈ രംഗത്ത് ചാതുര്യമുള്ളവർക്ക് അവസരം നൽകുകയാണ് സൗദി അറേബ്യ ഈ മത്സരത്തിലൂടെയെന്ന് ഇക്കാര്യം വെളിപ്പെടുത്തിയ പ്രസ്താവന ചൂണ്ടിക്കാട്ടി. വിശുദ്ധ ഗ്രന്ഥം അവതരിച്ച നാട്ടിൽ അതിനെ അടിസ്ഥാനമാക്കിയുള്ള മറ്റൊരു ലോകോത്തര സംഭവം കൂടിയാകും സൗദി അറേബ്യ സംഘടിപ്പിക്കുന്ന ഖുർആനെഴുത്ത് മത്സരം. അടുത്ത വർഷം ഫെബ്രുവരി (ശഅബാൻ) യിലായിരിക്കും മത്സരം. സൗദി രാഷ്ട്ര സ്ഥാപകൻ “കിംഗ് […]
കുവൈറ്റ്സിറ്റി : ഫുട്ബോൾ ലോകകപ്പിന് സ്വാഗതമേകി കേരള ആർട്ട് ലവേഴ്സ് അസോസിയേഷൻ കല കുവൈറ്റ് അബുഹലിഫ മേഖലാ കമ്മിറ്റി സംഘടിപ്പിച്ച പെനാൽറ്റി ഷൂട്ടൗട്ട്‌ മേളയിൽ മംഗഫ്‌ ഡി യൂണിറ്റ്‌ ജേതാക്കളായി. വാശിയേറിയ ഫൈനൽ മൽസരത്തിൽ മംഗഫ്‌ യൂണിറ്റ്‌ ടീമിനെ പരാജയപെടുത്തിയാണ്‌ മംഗഫ്‌ ഡി യൂണിറ്റ്‌ ജേതാക്കളായത്‌. അബുഹലിഫ അറബിക് സ്കൂൾ ഗ്രൗണ്ടിൽ വെച്ച് സംഘടിപ്പിച്ച മേളയിൽ വിവിധ മേഖലയിലെ യൂണിറ്റുകളെ പ്രതിനിധീകരിച്ചു കൊണ്ട് 32 ടീമുകൾ മാറ്റുരച്ചു. മംഗഫ്‌ ടീമിലെ നഫീൽ മികച്ച ഗോൾ കീപ്പറായി തെരഞ്ഞെടുക്കപ്പെട്ടു. […]
മുംബൈ: ഐപിഎല്ലില്‍ ഇന്ന് നടന്ന മത്സരത്തില്‍ ലഖ്‌നൗ സൂപ്പര്‍ ജയന്റ്‌സ് കൊല്‍ക്കത്ത നൈറ്റ് റൈഡേഴ്‌സിനെ രണ്ട് റണ്‍സിന് തോല്‍പിച്ചു. ഇതോടെ ലഖ്‌നൗ പ്ലേ ഓഫില്‍ പ്രവേശിച്ചു. കൊല്‍ക്കത്ത പുറത്തായി. ആദ്യം ബാറ്റു ചെയ്ത ലഖ്‌നൗ 20 ഓവറില്‍ വിക്കറ്റ് നഷ്ടപ്പെടാതെ 210 റണ്‍സെടുത്തു. ക്വിന്റോണ്‍ ഡി കോക്ക് (70 പന്തില്‍ 140), കെ.എല്‍. രാഹുല്‍ (51 പന്തില്‍ 68) എന്നിവരുടെ പ്രകടനമാണ് ലഖ്‌നൗവിനെ മികച്ച സ്‌കോറിലെത്തിച്ചത്. 29 പന്തില്‍ 50 റണ്‍സെടുത്ത ശ്രേയസ് അയ്യരാണ് കൊല്‍ക്കത്തയുടെ ടോപ് […]
കൊന്നത്തടി∙ കാന്‍സര്‍ ബാധിച്ചതിനെ തുടര്‍ന്ന് ചികിത്സ നടത്താന്‍ പണമില്ലാതെ സുമനസുകളുടെ സഹായം തേടുകയാണ് കൊന്നത്തടി മുള്ളേരിക്കുടി ധന്യാഭവനില്‍ തങ്കമ്മ എന്ന വീട്ടമ്മ. കൂലിപണിക്കു പോയി കുടുംബം പുലര്‍ത്തിയിരുന്ന തങ്കമ്മ 2016 മുതല്‍ കടുത്ത നടുവേദനയെ തുടര്‍ന്ന് വിവിധ ആശുപത്രികളില്‍ ചികിത്സ തേടിയിരുന്നു. ഒരു വര്‍ഷം കഴിഞ്ഞാണ് തങ്കമ്മക്ക് നട്ടെല്ലില്‍ ക്യാന്‍സര്‍ ആണെന്ന് തിരിച്ചറിയുന്നത്. തുടര്‍ന്ന് കോട്ടയം മെഡിക്കല്‍ കോളജില്‍ ചികിത്സ തുടങ്ങി. നട്ടെല്ല് പൊടിഞ്ഞു പോകുന്ന രോഗാവസ്ഥയാണ് തങ്കമ്മയ്ക്കെന്ന് ഡോക്ടര്‍മാര്‍ പറയുന്നു. മകന്റെ പേരിലുള്ള വീടും സ്ഥലവും […]
കണ്ണൂരിൽ നടന്ന അഞ്ചാമത് അന്തർ സർവകലാശാല വടംവലി ചാമ്പ്യൻഷിപ്പിൽ എം .ജെ .യൂണിവേഴ്സിറ്റിയെ പ്രതിനിധീകരിച്ച് മെഡൽ കരസ്ഥമാക്കിയവർക്കും പരിശീലകർക്കും ഇടുക്കി ജില്ലാ വടംവലി അസോസിയേഷൻ സ്വീകരണം നൽകി. ആറ് വിഭാഗങ്ങളിലായി അറുപതോളം മത്സരാർത്ഥികൾ പങ്കെടുത്തു. ബോയ്സ് ,ഗേൾസ്,മിക്സഡ് വിഭാഗങ്ങളിലായി രണ്ടു ടീമുകൾക്ക് വെള്ളി മെഡലും രണ്ടു ടീമുകൾക്ക് വെങ്കലവും ലഭിച്ചു. തൊടുപുഴ സിസിലിയ ഓഡിറ്റോറിയത്തിൽ ചേർന്ന യോഗത്തിൽ അസോസിയേഷൻ ജില്ലാ സെക്രട്ടറി കെ .എസ്.ഫ്രാൻസീസ് ,പ്രസിഡന്റ് മാത്തുക്കുട്ടി ജോസഫ് ,ട്രെഷറർ ലിറ്റോ .പി .ജോൺ ,ഹെജി .പി […]
ഡെറാഢൂണ്‍: അജയ് കോഠിയാല്‍ ആം ആദ്മി പാര്‍ട്ടിയില്‍ നിന്ന് രാജിവച്ചു. വിരമിച്ച സൈനികര്‍, വിരമിച്ച പാര്‍ലമെന്റംഗങ്ങള്‍, മുതിര്‍ന്ന പൗരര്‍ തുടങ്ങിയവരുടെ വികാരം കണക്കിലെടുത്ത് തന്റെ രാജിയെന്ന് അജയ് കോഠിയാല്‍ വ്യക്തമാക്കി. ഫെബ്രുവരിയില്‍ നടന്ന നിയമസഭാ തിരഞ്ഞെടുപ്പില്‍ ആം ആദ്മി പാര്‍ട്ടിയുടെ മുഖ്യമന്ത്രി സ്ഥാനാര്‍ത്ഥിയായിരുന്നു ഇദ്ദേഹം. ബി.ജെ.പിയുടെ സുരേഷ് ചൗഹാനോട് കോഠിയാല്‍ പരാജയപ്പെട്ടു. . സൈന്യത്തില്‍ കേണല്‍ പദവിയിലിരിക്കെ വിരമിച്ച കോഠിയാലിന്‌ വിശിഷ്ടസേവനത്തിന് കീര്‍ത്തി ചക്ര, ശൗര്യ ചക്ര, വിശിഷ്ഠ് സേവാ മെഡല്‍ എന്നിവ ലഭിച്ചിട്ടുണ്ട്. രണ്ട് തവണ […]
തൃശൂർ: തൃശൂരിലെ സ്വകാര്യ ഹോട്ടലില്‍ യുവാവിനെയും യുവതിയെയും മരിച്ച നിലയില്‍ കണ്ടെത്തി. പാലക്കാട് സ്വദേശി ഒറവക്കാട്ടില്‍ ഗിരിദാസ് (39), കല്ലൂര്‍ സ്വദേശിനി അത്താണിക്കുഴി വീട്ടില്‍ രസ്മ (31) എന്നിവരെയാണ് മരിച്ച നിലയില്‍ കണ്ടെത്തിയത്. ആത്മഹത്യയാണെന്ന് പ്രാഥമിക നിഗമനം. ഭർത്താവുമായി വേർപിരിഞ്ഞ് കഴിയുകയാണ് രസ്മ.
ആലപ്പുഴ: കേരളത്തെ ആകെ ഞെട്ടിച്ച വാര്‍ത്തയായിരുന്നു രാഹുല്‍ എന്ന കുട്ടിയുടെ തിരോധാനം. 2005 മേയ് 18 നാണ് രാഹുലിനെ കാണാതാവുന്നത്. മധ്യവേനൽ അവധിക്കാലത്ത് വീടിനു സമീപത്തെ മഞ്ഞിപ്പുഴ മൈതാനത്ത് ക്രിക്കറ്റ് കളിക്കിടെ രാഹുൽ അപ്രത്യക്ഷനാകുമ്പോൾ 7 വയസ്സ് തികഞ്ഞിരുന്നില്ല. മകന് വേണ്ടിയുള്ള മാതാപിതാക്കളായ രാജുവിന്റെയും മിനിയുടെയും കാത്തിരിപ്പ് ഇന്ന് 17 വര്‍ഷം തികയുന്നു. അടുത്ത ഒക്ടോബറിൽ (കന്നിയിലെ വിശാഖം) രാഹുലിന് 24 വയസ്സ് പൂർത്തിയാകും. ആലപ്പുഴ ജില്ലയിൽ ആശ്രമം വാർഡിൽ രാഹുൽ നിവാസിൽ ഈ മാതാപിതാക്കള്‍ മകന് […]
ചെന്നൈ: രാജീവ് ഗാന്ധി വധക്കേസിൽ കുറ്റവിമുക്തനായ പേരറിവാളനും അമ്മ അർപ്പുതം അമ്മാളും തമിഴ്നാട് മുഖ്യമന്ത്രി എം കെ സ്റ്റാലിനെ നേരിൽ കണ്ട് നന്ദി അറിയിച്ചു. സ്വന്തം നാടായ ജ്വാലാർ പേട്ടിൽ നിന്ന് അച്ഛനും അമ്മയ്ക്കും ഒപ്പം എത്തിയാരുന്നു പേരറിവാളൻ തമിഴ്നാട് മുഖ്യമന്ത്രി എംകെ സ്റ്റാലിനെ കണ്ടത്. ചെന്നൈ വിമാനത്താവളത്തിൽ വച്ചായിരുന്നു കൂടിക്കാഴ്ച. മോചനത്തിനായി സർക്കാർ കൈക്കൊണ്ട നടപടികൾക്ക് ഇരുവരും നന്ദി പറഞ്ഞു. പേരറിവാളനെ ചേർത്തണച്ചുകൊണ്ടാണ് സ്റ്റാലിൻ സ്വീകരിച്ചത്. പേരറിവാളന്റെ മോചനം ഫെഡറലിസത്തിന്റേയും തമിഴ്‌നാടിന്റെയും ജയം എന്നാണ് എം […]
കൊച്ചി: തൃക്കാക്കര ഉപതെരഞ്ഞെടുപ്പിന്റെ പശ്ചാത്തലത്തില്‍ തദ്ദേശ തെരഞ്ഞെടുപ്പ് ഫലത്തെ ചൊല്ലി ഇടതു വലതു മുന്നണി വാക്‌പോര് സജീവം. തൃക്കാക്കരയോട് ചേര്‍ന്നു കിടക്കുന്ന കൊച്ചി കോര്‍പറേഷന്‍, തൃപ്പൂണിത്തുറ മുനിസിപ്പാലിറ്റി എന്നിവിടങ്ങളിലെ പരാജയത്തെ ചൊല്ലിയാണ് ഇരു മുന്നണികളും പരസ്പരം ആരോപണം ഉന്നയിക്കുന്നത്. കൊച്ചി കോര്‍പറേഷനിലെ എറണാകുളം സൗത്ത്, തൃപ്പൂണിത്തുറ മുനിസിപ്പാലിറ്റിയിലെ ഇളമനത്തോപ്പ്, പിഷാരികോവില്‍ ഡിവിഷനുകളിലെ ഫലത്തെ ചൊല്ലിയാണ് തര്‍ക്കം രൂക്ഷമാകുന്നത്. മൂന്നിടത്തും വിജയിച്ചത് ബിജെപിയാണ്. തൃക്കാക്കര ഉപതെരഞ്ഞെടുപ്പില്‍ വോട്ട് മറിക്കാന്‍ ബിജെപിയെ സിപിഎം സഹായിച്ചെന്ന് കോണ്‍ഗ്രസും മറിച്ചാണ് ചെയ്തതെന്ന് സിപിഎമ്മും […]
കൊല്‍ക്കത്ത: ബംഗാളി ടെലിവിഷന്‍ താരം പല്ലവി ദേയുടെ മരണത്തെ തുടര്‍ന്ന് കാമുകന്‍ സാഗ്നിക് ചക്രവര്‍ത്തി അറസ്റ്റില്‍. കൊല്‍ക്കത്തയിലെ വസതിയില്‍ മെയ് 15 നാണ് നടിയെ തൂങ്ങി മരിച്ച നിലയില്‍ കണ്ടെത്തുന്നത്. സാഗ്നിക്കിനൊപ്പമായിരുന്നു പല്ലവിയുടെ താമസം. സാഗ്നിക് പല്ലവിയെ മാനസികമായി പീഡിപ്പിച്ചിരുന്നുവെന്നും, നടിയുടെ മരണം ആത്മഹത്യയല്ലെന്നും കൊലപാതകമാണെന്നും ആരോപിച്ച് കുടുംബം പരാതി നല്‍കിയിരുന്നു. പല്ലവി തൂങ്ങി നില്‍ക്കുന്നത് ആദ്യം കണ്ടതും ആശുപത്രിയിലെത്തിച്ചതും നാഗ്‌നിക് ആയിരുന്നു. പോസ്റ്റ്‌മോര്‍ട്ടത്തിന് ശേഷം വന്ന പ്രാഥമിക റിപ്പോര്‍ട്ടില്‍ മരണകാരണം ആത്മഹത്യയാണ്.
കൊല്‍ക്കത്ത: എഎഫ്‌സി ഏഷ്യാകപ്പില്‍ എടികെ മോഹന്‍ബഗാനെ ഗോകുലം കേരള എഫ്‌സി രണ്ടിനെതിരെ നാലു ഗോളുകള്‍ക്ക് തോല്‍പിച്ചു. ലൂക്ക മെയ്‌സന്‍ ഇരട്ട ഗോളുകളുമായി തിളങ്ങിയ മത്സരത്തില്‍ റിഷാദും ജിതിന്‍ എം.എസുമാണ് ഗോകുലത്തിന്റെ മറ്റ് ഗോളുകള്‍ നേടിയത്. പ്രീതം കോട്ടാലും ലിസ്റ്റന്‍ കൊളാക്കോയുമാണ് എടികെയുടെ ഗോളുകള്‍ നേടിയത്.
ന്യൂഡല്‍ഹി: ഓള്‍ ഇന്ത്യ ഫുട്‌ബോള്‍ ഫെഡറേഷന്റെ തലപ്പത്തു നിന്ന് പ്രഫുല്‍ പട്ടേലിനെയും അദ്ദേഹത്തിന്റെ നേതൃത്വത്തിലുള്ള കമ്മിറ്റിയേയും പുറത്താക്കി സുപ്രീം കോടതി. പുറത്താക്കല്‍ നടപടിക്കു പിന്നാലെ ഫെഡറേഷൻ്റെ ദൈനംദിന പ്രവര്‍ത്തനങ്ങള്‍ക്ക് സുപ്രീം കോടതി പുതിയ സമിതിയെ നിയോഗിച്ചു. സുപ്രീം കോടതിയില്‍നിന്ന് വിരമിച്ച ജസ്റ്റിസ് അനില്‍ ആര്‍. ദാവെയുടെ നേതൃത്വത്തിലാണ് പുതിയ സമിതി. ഫെഡറേഷന്റെ ഭരണ ചുമതല ഉടന്‍ ഏറ്റെടുക്കാന്‍ സമിതിയോട് സുപ്രീംകോടതി നിര്‍ദേശിച്ചു. മുന്‍ മുഖ്യ തിരഞ്ഞെടുപ്പ് കമ്മീഷണര്‍ എസ്.വൈ.ഖുറേഷി, ഇന്ത്യന്‍ ഫുട്‌ബോള്‍ ടീം മുന്‍ ക്യാപ്റ്റന്‍ ഭാസ്‌കര്‍ […]