25
Tuesday January 2022
Editorial

കേരള ജനതയും പൊതു സമൂഹവും ഈ വിധിയാണോ പ്രതീക്ഷിച്ചത് ? ഈ കേസ് ഇവിടെ തീരുന്നില്ല. നാട്ടിലെ പള്ളിയില്‍ കുര്‍ബാന അര്‍പ്പിച്ച് ബിഷപ്പ് കോടതി വിധി ആഘോഷിക്കട്ടെ – മുഖപ്രസംഗത്തില്‍ ജേക്കബ് ജോര്‍ജ്

ജേക്കബ് ജോര്‍ജ് - ചീഫ് എഡിറ്റര്‍
Friday, January 14, 2022

ജലന്ധര്‍ കത്തോലിക്കാ രൂപതയുടെ ബിഷപ്പ് ഫ്രാങ്കോ മുളയ്ക്കല്‍ കുറ്റക്കാരനല്ലേ ? തന്നെ പല തവണ ബിഷപ്പ് ബലാല്‍സംഗം ചെയ്തുവെന്ന കന്യാസ്ത്രീയുടെ പരാതിയിന്മേല്‍ കോട്ടയം അഡീഷണല്‍ സെഷന്‍സ് ജഡ്ജി ജി. ഗോപകുമാര്‍ പ്രതി കുറ്റക്കാരനല്ലെന്ന് വിധിച്ചു. ബിഷപ്പിനും കൂട്ടര്‍ക്കും അതിയായ സന്തോഷവും പരാതിക്കാരിയായ കന്യാസ്ത്രീക്കും സംഘത്തിനും അങ്ങേയറ്റം നിരാശയും ഉണ്ടാക്കിയ വിധി.

സെഷന്‍സ് കോടതി വിധി പ്രോസിക്യൂഷനെയും വളരെയധികം ഞെട്ടിച്ചു. ഒരു ബിഷപ്പ് കോടതി മുമ്പാകെ പ്രതിക്കൂട്ടില്‍ നില്‍ക്കുന്ന കേസാണിത്. ബിഷപ്പിനു പിന്നില്‍ ഇന്ത്യയിലെ കത്തോലിക്കാ സഭ ഒന്നടങ്കം ഉറച്ചു നിന്നു. പ്രതിയുടെ സാമൂഹ്യ ബന്ധങ്ങളും സ്വാധീനവും എത്രയധികമെന്നു ശരിക്കും മനസിലാക്കിക്കൊണ്ടു തന്നെയാണ് പ്രോസിക്യൂഷന്‍ കേസുമായി മുന്നോട്ടു നീങ്ങിയത്.

കേരളം മുഴുവന്‍ ഉറ്റുനോക്കിക്കൊണ്ടിരുന്ന വിചാരണയായിരുന്നു ഇത്. ഒരു ബിഷപ്പിനെതിരെയാണ് കേസ് എന്നതു മാത്രമല്ല ഈ കേസിനെ ശ്രദ്ധേയമാക്കിയത്. പരാതിക്കാരി ഒരു കന്യാസ്ത്രീയാണെന്നതാണു പ്രധാന കാരണം.

അതുകൊണ്ടുതന്നെ പ്രോസിക്യൂഷന്‍ അതീവ ശ്രദ്ധയോടെയാണ് കേസിന്‍റെ ഓരോ ഘട്ടത്തിലും അദ്ധ്വാനിച്ചത്. ആകെയുണ്ടായിരുന്നത് 39 സാക്ഷികള്‍. ഇവരിലാരും കൂറുമാറാതെ കാത്തു സൂക്ഷിക്കുകയായിരുന്നു പ്രോസിക്യൂഷന്‍റെ മുന്നിലെ ഏറ്റവും വലിയ വെല്ലുവിളി. ഒരു ഘട്ടത്തിലും ഒരു സാക്ഷിയും കൂറുമാറിയില്ല എന്നത് പ്രോസിക്യൂഷനെ സംബന്ധിച്ച് ഏറ്റവും വലിയ വിജയം.

പോലീസും അതുപോലെ തന്നെ ശുഷ്കാന്തി കാണിച്ചു. എസ്.പി ഹരിശങ്കറിന്‍റെ നേതൃത്വത്തിലുള്ള സംഘത്തിനായിരുന്നു അന്വേഷണ ചുമതല. ഒരു സാഹചര്യത്തിലും ജാഗ്രത വിടാതെ തന്നെയായിരുന്നു അന്വേഷണ ഉദ്യോഗസ്ഥന്‍ കേസിന്‍റെ ഓരോ കണ്ണിയും കൂട്ടിയിണക്കിയത്. പോലീസ് അന്വേഷണത്തില്‍ ഒരു പിഴവും പറ്റിയില്ല. ഒരു സാക്ഷിയും പ്രതിഭാഗം ചേര്‍ന്നില്ല. അത് പോലീസിന്‍റെയും വിജയമാണ്.

സാധാരണ ഗതിക്ക് താന്‍ ബലാല്‍സംഗം ചെയ്യപ്പെട്ടു എന്ന് ഒരു സ്ത്രീ കോടതിയില്‍ പരാതി ബോധിപ്പിച്ചാല്‍ അത് മുഖവിലയ്ക്കു തന്നെ സ്വീകരിക്കുക എന്നതാണ് ഇന്ത്യയിലെ കോടതികളുടെ പതിവ്. ഒരു സ്ത്രീയും സ്വന്തം കന്യകാത്വത്തിന്‍റെ പേരില്‍ വിലപേശാന്‍ തയ്യാറാവില്ലെന്ന സാമാന്യ ബോധത്തിലാണ് കോടതികളിലെ ഈ കീഴ്വഴക്കം.

ബലാല്‍സംഗക്കേസുകളില്‍ രാജ്യത്തെ കോടതികളൊക്കെയും ശക്തമായ നിലപാടുകള്‍ തന്നെയാണു സ്വീകരിച്ചിട്ടുള്ളത്. എന്നിട്ടും കോട്ടയം അഡീഷണല്‍ സെഷന്‍സ് കോടതി ബിഷപ്പ് ഫ്രാങ്കോയെ വെറുതെ വിട്ടതെന്തിന് ? എങ്ങനെ ? പല മാനങ്ങളുള്ളതാണ് ഈ ചോദ്യം. ഏഴ് കുറ്റങ്ങളാണ് പ്രോസിക്യൂഷന്‍ ബിഷപ്പ് ഫ്രാങ്കോയ്ക്കെതിരെ ഉന്നയിച്ചിട്ടുള്ളത്.

ഈ ഏഴ് കുറ്റാരോപണങ്ങളില്‍ ഒന്നുപോലും തെളിയിക്കാനുള്ള പ്രസക്തമായ തെളിവുകള്‍ ഹാജരാക്കാന്‍ പ്രോസിക്യൂഷനു കഴിഞ്ഞില്ല എന്നു സാരം.

അപ്പോള്‍ പരാതിക്കാരിയുടെ മൊഴിയോ ? ഒമ്പത് ദിവസമാണ് കോടതിയില്‍ കന്യാസ്ത്രീയെ വിസ്തരിച്ചത്. കന്യാസ്ത്രീക്കനുകൂലമായ ഒരു തെളിവും കോടതിക്കു കിട്ടിയില്ലെന്നാണോ ? പ്രതിക്കനുകൂലമായി സംശയത്തിന്‍റെ ഒരാനുകൂല്യവും ഉണ്ടായിരുന്നില്ലെന്നാണോ ?

ബിഷപ്പ് ഫ്രാങ്കോ അങ്ങേയറ്റം ആഗ്രഹിച്ച വിധിയാവാം ഇത്. കത്തോലിക്കാ സഭയും ഇത് ഏറെ ആഗ്രഹിച്ചിരുന്നു. ദൈവത്തിന്‍റെ കോടതിയിലെ വിധി ഭൂമിയിലും നടപ്പിലായെന്നായിരുന്നു ബിഷപ്പ് ഫ്രാങ്കോയുടെ വാക്കുകള്‍. വിധികേട്ട് പൊട്ടിക്കരഞ്ഞുകൊണ്ട് ബിഷപ്പ് പറഞ്ഞ വാക്കുകള്‍.

കേരള ജനതയും പൊതു സമൂഹവും ഈ വിധിയാണോ പ്രതീക്ഷിച്ചത് ? തീര്‍ച്ചയായും അതായിരിക്കില്ല. വിചാരണ വേളയില്‍ കോടതി കണ്ടെത്തിയ സൂഷ്മമായ കാര്യങ്ങള്‍ ഈ കേസില്‍ വളരെ പ്രധാനമാണ്. അങ്ങേയറ്റം രഹസ്യമായി നടന്ന വിചാരണ വേളയില്‍ പത്രപ്രവര്‍ത്തകരെ എവിടെയും അടുപ്പിച്ചില്ല. മാധ്യമപ്രവര്‍ത്തകര്‍ക്ക് ഒരു വിവരവും ലഭിച്ചിരുന്നില്ല.

ഈ കേസ് ഇവിടെ തീരുന്നില്ലെന്നതാണ് പ്രധാനം. അപ്പീല്‍ പോവുകയാണെന്ന് വാദിയുടെ സഹപ്രവര്‍ത്തക സിസ്റ്റര്‍ അനുപമയുടെ നേതൃത്വത്തിലുള്ള കന്യാസ്ത്രീ സംഘം ഉറപ്പിച്ചു പറയുന്നു. പ്രോസിക്യൂഷനും പൂര്‍ണ വിധി കൈയില്‍ കിട്ടാന്‍ കാക്കുകയാണ്.

എന്തായാലും തല്‍ക്കാലം ബിഷപ്പ് ഫ്രാങ്കോ ബലാല്‍സംഗക്കേസില്‍ പ്രതിയല്ലാതായിരിക്കുന്നു. നാട്ടിലെ പള്ളിയില്‍ കുര്‍ബാന അര്‍പ്പിച്ച് ബിഷപ്പ് കോടതി വിധി ആഘോഷിക്കുന്നു.

More News

ഡൽഹി: ഡൽഹി ഉൾപ്പെടെയുള്ള ഉത്തരേന്ത്യ മുഴുവൻ അടുത്ത 5 ദിവസത്തേക്ക് തണുപ്പ് മാറില്ല.  രാജ്പഥിൽ റിപ്പബ്ലിക് ദിനാഘോഷങ്ങൾ നടക്കുമ്പോൾ ആകാശം ഭാഗികമായി മേഘാവൃതമായിരിക്കുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു. നേരിയ മൂടൽമഞ്ഞും തുടരാം. ജനുവരി 26 ന് ഡൽഹിയിലെ ഏറ്റവും കുറഞ്ഞ താപനില 5-7 ഡിഗ്രി സെൽഷ്യസും കൂടിയ താപനില 17 മുതൽ 19 ഡിഗ്രി സെൽഷ്യസും ആയിരിക്കും. നേരിയ മഴയ്ക്കും സാധ്യതയുണ്ട്. ഫെബ്രുവരി 2 വരെ ഡൽഹി, പഞ്ചാബ്, ഹരിയാന എന്നിവിടങ്ങളിൽ മഴയ്ക്ക് സാധ്യതയില്ലെന്ന് ഐഎംഡിയിലെ […]

ഹെവൻലി മൂവീസിന്റെ ബാനറിൽ പ്രജീവ് സത്യവ്രതൻ നിർമ്മിച്ച് സുജിത് ലാൽ സംവിധാനം ചെയ്ത ‘രണ്ട് ‘ ഫെബ്രുവരി 4 ന് ആമസോൺ പ്രൈമിലെത്തുന്നു. ബിനുലാൽ ഉണ്ണി രചന നിർവ്വഹിച്ച് വിഷ്ണു ഉണ്ണികൃഷ്ണൻ നായകനാകുന്ന ചിത്രം, മതത്തിന്റെ പേരിലുള്ള രാഷ്ട്രീയത്തെ കളിയാക്കുന്നതോടൊപ്പം ആശയങ്ങൾക്കും വിശ്വാസങ്ങൾക്കും നേരെയുള്ള കടന്നുകയറ്റവും ആഴത്തിൽ ചർച്ച ചെയ്യുന്നു. വിഷ്ണു ഉണ്ണികൃഷ്ണൻ, അന്ന രേഷ്മ രാജൻ, ടിനിടോം, ഇർഷാദ്, കലാഭവൻ റഹ്മാൻ, സുധി കോപ്പ, ബാലാജിശർമ്മ, ഗോകുലൻ, സുബീഷ്സുധി, രാജേഷ് ശർമ്മ, മുസ്തഫ, വിഷ്ണു ഗോവിന്ദ്, […]

ഡല്‍ഹി: രാഷ്ട്രപതിയുടെ പൊലീസ് മെഡലുകള്‍ പ്രഖ്യാപിച്ചു. കേരളത്തില്‍ നിന്നുള്ള 10 ഉദ്യോഗസ്ഥര്‍ പുരസ്‌കാരത്തിന് അര്‍ഹരായി ഐജി സി നാഗരാജു, എസ്പി ജയശങ്കര്‍ രമേശ് ചന്ദ്രന്‍, അസി. കമ്മീഷണര്‍ എംകെ ഗോപാലകൃഷ്ണന്‍ തുടങ്ങിയവര്‍ മെഡല്‍ നേടിയ കേരളാ ഉദ്യോഗസ്ഥരില്‍ ഉള്‍പ്പെടുന്നു. ഡിവൈഎസ്പിമാരായ മുഹമ്മദ് കബീര്‍ റാവുത്തര്‍, ആര്‍കെ വേണുഗോപാല്‍, ടിപി ശ്യാം സുന്ദര്‍, ബി കൃഷ്ണകുമാര്‍ എന്നിവര്‍ക്കും മെഡല്‍ ലഭിച്ചു. ഇവര്‍ക്കൊപ്പം സിപിഒ ഷീബ കൃഷ്ണന്‍കുട്ടി, എസ്‌ഐമാരായ സാജന്‍ കെ ജോര്‍ജ്, ശശികുമാര്‍ ലക്ഷ്മണന്‍ എന്നിവര്‍ക്കും മെഡല്‍ ലഭിച്ചു.

ഡല്‍ഹി:  ജനുവരി 26 റിപ്പബ്ലിക് ദിനം ആഘോഷിക്കുന്നു. 1950 ജനുവരി 26 ന് ഇന്ത്യൻ ഭരണഘടന നിലവിൽ വന്നു. ഈ ദിവസം മുതൽ രാജ്യത്ത് റിപ്പബ്ലിക് ദിനാഘോഷം ആരംഭിച്ചു. ഇപ്പോൾ ഭരണഘടനയെ കുറിച്ച് ധാരാളം ചർച്ചകൾ നടക്കുന്നുണ്ട്. രാജ്യത്തിന്റെ ലിഖിത ഭരണഘടനയിലും മാറ്റങ്ങൾ പലതവണ കണ്ടിട്ടുണ്ട്. ഭരണപക്ഷവും പ്രതിപക്ഷവും ഈ വാക്ക് കാലത്തും സന്ദർഭത്തിലും അവരുടേതായ അർത്ഥത്തിൽ ഉപയോഗിക്കുന്നു. ഇന്നത്തെ യുവതലമുറയ്ക്ക് പോലും ഭരണഘടനയെ സംബന്ധിച്ച് നിരവധി ചോദ്യങ്ങളുണ്ട്. ഭരണഘടന തയ്യാറാക്കാൻ എത്ര സമയമെടുത്തു? ഭരണഘടനയുടെ രൂപീകരണത്തിൽ […]

പെരുമ്പാവൂർ: കൂവപ്പടി സാന്ദ്രാനന്ദം സത്സംഗസമിതി പ്രവർത്തകസമിതി അംഗം കെ. സാവിത്രി അമ്മയുടെ ഭർത്താവും ദീർഘകാലമായി കൂവപ്പടി ഗണപതിവിലാസം എൻ. എസ്. എസ്. കരയോഗത്തിന്റെ പ്രസിഡന്റുമായിരുന്ന കൂവപ്പടി കളരിയ്ക്കൽ പുതിയേടത്ത് ‘വന്ദന’യിൽ പി.എ. രാമൻപിള്ളയുടെ നിര്യാണത്തിൽ സാന്ദ്രാനന്ദം സത്സംഗസമിതി അംഗങ്ങൾ അനുശോചനം രേഖപ്പെടുത്തി. സംസ്കാരം ബുധനാഴ്ച രാവിലെ 10ന് വീട്ടുവളപ്പിൽ നടക്കുമെന്ന് ബന്ധുക്കൾ അറിയിച്ചു.

കൊച്ചി: മണിപ്പാല്‍ എജ്യുക്കേഷന്‍ ആന്‍ഡ് മെഡിക്കല്‍ ഗ്രൂപ്പ് (എംഇഎംജി) കമ്പനിയായ സ്റ്റെംപ്യൂട്ടിക്‌സിന്റെ ആദ്യ സ്റ്റെം സെല്‍ ഉല്‍പ്പന്നമായ സ്റ്റെംപ്യൂസെല്ലിന്റെ മൂന്നാംഘട്ട ക്ലിനിക്കല്‍ ട്രയലിനുള്ള ഡ്രഗ് കണ്‍ട്രോളര്‍ ജനറല്‍ ഓഫ് ഇന്ത്യ (ഡിസിജിഐ) യുടെ അനുമതി ലഭിച്ചു. അക്യൂട്ട് റെസ്പിറേറ്ററി ഡിസ്ട്രസ് സിന്‍ഡ്രോം അഥവാ എആര്‍ഡിഎസ് ബാധിച്ച കോവിഡ്-19 രോഗികളിലാണീ മരുന്ന് പരീക്ഷിക്കുന്നത്. ഗുരുതരമായ കോവിഡ്ബാധ മൂലം ശ്വാസകോശത്തെ ദുര്‍ബലപ്പെടുത്തുന്നതും സങ്കീര്‍ണ്ണവുമായ രോഗമാണ് എആര്‍ഡിഎസ്. സ്റ്റെംപ്യൂസെല്‍ മരുന്ന് ശ്വാസകോശങ്ങളുടെ വീക്കം വേഗത്തില്‍ കുറയ്ക്കുകയും വെന്റിലേഷന്റെ സഹായമില്ലാതെ തന്നെ രോഗികളെ […]

ഡൽഹി: തലസ്ഥാനമായ ഡൽഹിയുടെ എക്സൈസ് നയം ഏറെ നാളായി ചർച്ചയിലാണ്. എല്ലാ വാർഡുകളിലും മദ്യശാലകൾ തുറക്കുന്നതിനെതിരെ നേരത്തെ എതിർപ്പുണ്ടായിരുന്നു. ഇപ്പോഴിതാ ഈ നയത്തിന്റെ പുതിയ ചട്ടം വന്നിരിക്കുന്നു. ഡൽഹിയിലെ മദ്യപാനികൾക്ക് ഇതൊരു സന്തോഷവാർത്തയായിരിക്കുമെങ്കിലും രാഷ്ട്രീയ പാർട്ടികൾ പ്രതിഷേധവുമായി രംഗത്തെത്തിയിട്ടുണ്ട്. യഥാർത്ഥത്തിൽ, ഡൽഹി സർക്കാർ അതിന്റെ പുതിയ എക്സൈസ് നയത്തിന് കീഴിൽ ഡ്രൈ ഡേകളുടെ എണ്ണം കുറച്ചു. നേരത്തെ, സംസ്ഥാനത്ത് ഒരു വർഷത്തിൽ 21 ഡ്രൈ ഡേകൾ ഉണ്ടായിരുന്നു. അതായത്, ഇത്രയും ദിവസം മദ്യശാലകൾ അടഞ്ഞുകിടന്നു. എന്നാൽ ഇപ്പോൾ […]

ലഖ്‌നൗ: ഉത്തർപ്രദേശിലെ നിരാലംബരായ മൃഗങ്ങളെ അഭയകേന്ദ്രത്തിലെത്തിക്കണമെന്ന കര്‍ശന നിര്‍ദേശവുമായി യോഗി സര്‍ക്കാര്‍. അടുത്തയാഴ്ച മുതൽ എല്ലാ ജില്ലകളിലും ഇത് പരിശോധിക്കും. ചീഫ് ഡെവലപ്‌മെന്റ് ഓഫീസർ (സിഡിഒ), ചീഫ് വെറ്ററിനറി ഓഫീസർ (സിവിഒ), ജില്ലാ പഞ്ചായത്ത് രാജ് ഓഫീസർ (ഡിപിആർഒ) എന്നിവരെ ഇക്കാര്യം സംബന്ധിച്ച്‌ ചുമതലപ്പെടുത്തിയിട്ടുണ്ട്. ആരോഗ്യ സൗകര്യങ്ങളുടെ അഭാവം മൂലം മൃഗങ്ങൾ ചത്താൽ ജില്ലയിലെ സി.വി.ഒ.യും ഡെപ്യൂട്ടി സി.വി.ഒ.യും ഉത്തരവാദിയായിരിക്കുമെന്നും ചീഫ് സെക്രട്ടറി ദുർഗാശങ്കർ മിശ്ര ഉത്തരവിട്ടിട്ടുണ്ട്. പുതുവർഷത്തിൽ നിരാലംബരായ മൃഗങ്ങളെ അഭയകേന്ദ്രത്തിലെത്തിക്കുമെന്ന പ്രചാരണം ചീഫ് സെക്രട്ടറി […]

മുണ്ടൂർ: പാലക്കാട് ജില്ലയുടെ വന മേഖലയിൽ നിത്യേന പുലികളുടെ സാന്നിധ്യം. കല്ലടിക്കോട് പറക്കലടിയിൽ ഇന്ന് പുലർച്ചെ ചത്ത നിലയിൽ കാണപ്പെട്ട പുലിക്കുട്ടിയുടെ ജഡം വനപാലകർ കല്ലടിക്കോട് മേലേ പയ്യേനിയിലുള്ള ഫോറസ്റ്റ് ഓഫീസിൽ എത്തിച്ചു. മലയിലേക്കുള്ള വഴിമധ്യേ പറക്കലടി പ്രദേശത്ത് സ്വകാര്യ വ്യക്തിയുടെ തോട്ടത്തിൽ നാട്ടുകാരാണ് പുലിയെ ചത്ത നിലയിൽ കണ്ടത്. പിന്നീട് റേഞ്ച് ഓഫിസിലെത്തിച്ച് വനപാലകരുടെ നിരീക്ഷണത്തിലാക്കി. ഭക്ഷണം കിട്ടാതെ അവശ നിലയിലായതാണ് മരണ കാരണം എന്നറിയുന്നു. പോസ്റ്റ്മോർട്ടത്തിനു ശേഷം ജഡം പ്രോട്ടോക്കോൾ പ്രകാരം ദഹിപ്പിച്ചേക്കും. ഒലവക്കോട് ഉമ്മിനിയിൽ […]

error: Content is protected !!