29
Thursday September 2022
Editorial

ബിജെപി പരാജയപ്പെട്ട രാഷ്ട്രീയ ഗോദയില്‍ പകരക്കാരന്‍റെ റോളിലാണോ ഗവര്‍ണര്‍ ? കേരളത്തില്‍ പുത്തന്‍ രാഷ്ട്രീയവുമായി ജനങ്ങളെ അഭിമുഖീകരിക്കുമോ ആരിഫ് മുഹമ്മദ് ഖാന്‍ ? ആര്‍എസ്എസ് നേതാവുമായുണ്ടായ കൂടിക്കാഴ്ചയും അജണ്ടയുടെ പുറത്തോ ? ഗവര്‍ണര്‍ക്ക് ഇങ്ങനെയൊക്കെ ആകാമോ ? – മുഖപ്രസംഗത്തില്‍ ചീഫ് എഡിറ്റര്‍ ജേക്കബ് ജോര്‍ജ്

ജേക്കബ് ജോര്‍ജ് - ചീഫ് എഡിറ്റര്‍
Monday, September 19, 2022

പല രേഖകളും പത്രസമ്മേളനത്തില്‍ പുറത്തു വിടുമെന്നായിരുന്നു കഴിഞ്ഞ ദിവസങ്ങളില്‍ ഗവര്‍ണര്‍ ആരിഫ് മുഹമ്മദ് ഖാന്‍ പറഞ്ഞിരുന്നത്. കണ്ണൂര്‍ സര്‍വകലാശാലാ വൈസ് ചാന്‍സലര്‍ നിയമനം സംബന്ധിച്ച് മുഖ്യമന്ത്രി ഗവര്‍ണര്‍ക്കെഴുതിയ കത്തുകളും പുറത്തുവിടുമെന്ന് അദ്ദേഹം പറഞ്ഞിരുന്നു. മാധ്യമ പ്രവര്‍ത്തകര്‍ ആകാംഷയോടെ കാത്തിരുന്നു.


പക്ഷെ തിങ്കളാഴ്ച രാജ്ഭവനില്‍ പത്രസമ്മേളനം നടത്തിയ ഗവര്‍ണര്‍ക്ക് തീപിടിക്കുന്ന രഹസ്യ രേഖകളോ വിവാദമുയര്‍ത്തുന്ന കത്തുകളോ മാധ്യമ പ്രവര്‍ത്തകരുടെ മുമ്പില്‍ ഹാജരാക്കാനായില്ല.


കണ്ണൂര്‍ സര്‍വകലാശാല 2019 ഡിസംബര്‍ 28 -നു സംഘടിപ്പിച്ച ചരിത്ര കോണ്‍ഗ്രസില്‍ പങ്കെടുത്ത തനിക്കു നേരേ വധശ്രമമുണ്ടായെന്നു നേരത്തെ ഗവര്‍ണര്‍ ആരോപണമുന്നയിച്ചെങ്കിലും തിങ്കളാഴ്ചത്തെ പത്രസമ്മേളനത്തില്‍ അതിനത്ര പ്രാധാന്യം നല്‍കിയില്ല. അതൊക്കെ മാധ്യമ പ്രവര്‍ത്തകര്‍ക്ക് അന്വേഷിക്കാം എന്നാണ് അദ്ദേഹം പറഞ്ഞത്.

തെറ്റുപറ്റിയാല്‍ അത് സമ്മതിച്ച് ഏറ്റുപറയാന്‍ താന്‍ എപ്പോഴും തയ്യാറാണെന്ന് ഗവര്‍ണര്‍ പറഞ്ഞു. കണ്ണൂര്‍ സര്‍വകലാശാലാ വൈസ് ചാന്‍സലര്‍ ഡോ. ഗോപിനാഥ് രവീന്ദ്രന് പുനര്‍നിയമനം നല്‍കുന്ന ഫയലില്‍ ഒപ്പുവെച്ച സ്വന്തം നടപടി തെറ്റായിപ്പോയെന്ന് അദ്ദേഹം സമ്മതിച്ചു.

കണ്ണൂര്‍ കാരനായ മുഖ്യമന്ത്രി പിണറായി വിജയന്‍ നേരിട്ടു കാണുകയും അഡ്വക്കെറ്റ് ജനറലിന്‍റെ കത്ത് ഹാജരാക്കുകയും ചെയ്തതുകൊണ്ട് ഫയലില്‍ ഒപ്പുവെയ്ക്കുകയായിരുന്നുവെന്നും അദ്ദേഹം ചൂണ്ടിക്കാട്ടി.


പിന്നീട് ഈ പുനര്‍ നിയമനം വിവാദമാവുകയും ഹൈക്കോടതി മുമ്പാകെ പരാതി എത്തുകയും ചെയ്തപ്പോള്‍ കോടതിവിധി നിയമനത്തിനനുകൂലമായിരുന്നുവെന്ന കാര്യം അദ്ദേഹം പരാമര്‍ശിച്ചുമില്ല. ഹൈക്കോടതി ഡിവിഷന്‍ ബെഞ്ചും ഫുള്‍ബെഞ്ചും നിയമനം ശരിവെച്ചുകൊണ്ടാണ് ഉത്തരവിട്ടത്.


കണ്ണൂര്‍ സര്‍വകലാശാലയില്‍ മൂന്നു വര്‍ഷം മുമ്പുണ്ടായ സംഭവം തനിക്കുനേരേ നടന്ന വധശ്രമമായിട്ടായിരുന്നു ഗവര്‍ണര്‍ കണ്ടത്. പ്രസംഗിച്ചുകൊണ്ടു നില്‍ക്കെ, വേദിയിലുണ്ടായിരുന്ന പ്രസിദ്ധ ചരിത്രകാരനും മാര്‍ക്സിസ്റ്റ് ചിന്തകനുമായ ഡോ. ഇര്‍ഫാന്‍ ഹബീബ് തനിക്കെതിരെ നീങ്ങിയത് വധശ്രമമാണെന്നായിരുന്നു ഇതുവരെ അദ്ദേഹം പറഞ്ഞിരുന്നത്.

വൈസ് ചാന്‍സലര്‍ ഡോ. ഗോപിനാഥ് രവീന്ദ്രനെയും അദ്ദേഹം ഇതില്‍ പ്രതിസ്ഥാനത്തു നിര്‍ത്തിയിരുന്നു. ഇര്‍ഫാന്‍ ബഹീബിനെ ഗുണ്ട എന്നു വിളിച്ചാക്ഷേപിക്കുകയും ചെയ്തിട്ടുണ്ട് അദ്ദേഹം. പക്ഷെ തിങ്കളാഴ്ചത്തെ പത്രസമ്മേളനത്തില്‍ ഗവര്‍ണര്‍ പ്രദര്‍ശിപ്പിച്ച വിഡിയോയില്‍ കാണുന്ന ദൃശ്യങ്ങള്‍ മറിച്ചൊരു ചിത്രമാണു നല്‍കിയത്.

ഇര്‍ഫാന്‍ ഹബീബ് പ്രതിഷേധവുമായി എഴുന്നേല്‍ക്കുമ്പോള്‍ത്തന്നെ നാലുപേര്‍ ഗവര്‍ണര്‍ക്കു സംരക്ഷണമൊരുക്കി ചുറ്റും നില്‍ക്കുന്നതും വൈസ് ചാന്‍സലര്‍ ഇര്‍ഫാന്‍ ഹബീബിനെ തടയുന്നതുമായ ദൃശ്യങ്ങളാണ് മാധ്യമ പ്രവര്‍ത്തകര്‍ക്കു മുന്നില്‍ പ്രദര്‍ശിപ്പിച്ചത്.

കൊലപാതക ശ്രമത്തെപ്പറ്റി പത്രസമ്മേളനത്തില്‍ ഗവര്‍ണര്‍ പറഞ്ഞില്ല. തന്നെ ഭീഷണിപ്പെടുത്തി വരുതിയില്‍ നിര്‍ത്താനുള്ള ശ്രമത്തിന്‍റെ തുടക്കമായിരുന്നു അതെന്നാണ് അദ്ദേഹം പത്ര സമ്മേളനത്തില്‍ വിവരിച്ചത്.

സര്‍ക്കാരിനെയും മാര്‍ക്സിസ്റ്റ് പാര്‍ട്ടിയെയും കമ്മ്യൂണിസത്തെത്തന്നെയും ശക്തമായ ഭാഷയില്‍ ആക്ഷേപിച്ചുകൊണ്ടായിരുന്നു അദ്ദേഹം പത്രസമ്മേളനത്തില്‍ കത്തിക്കയറിയത്. മാര്‍ക്സിസ്റ്റ് തത്വശാസ്ത്രം വരത്തന്മാരുടെ സിദ്ധാന്തമാണെന്നും അദ്ദേഹം കുറ്റപ്പെടുത്തി. എന്നാല്‍ ആര്‍.എസ്.എസിനെ ഏറെ പുകഴ്ത്തുകയും ചെയ്തു.

1986 മുതല്‍ തന്നെ ആര്‍.എസ്.എസിനെയും അതിന്‍റെ പ്രവര്‍ത്തനങ്ങളെയും നേരിട്ടറിയാമെന്ന് അദ്ദേഹം വിശദീകരിച്ചു. തൃശൂരില്‍ ഒരു സ്വകാര്യ വ്യക്തിയുടെ വീട്ടില്‍ വിശ്രമിക്കാനെത്തിയ ആര്‍.എസ്.എസ് സര്‍സംഘ ചാലക് മോഹന് ഭഗവതിനെ സന്ദര്‍ശിക്കാന്‍ പോയതിനെ ഗവര്‍ണര്‍ ന്യായീകരിക്കുകയും ചെയ്തു.


എന്താണ് ഗവര്‍ണറുടെ പുതിയ ലക്ഷ്യം ? ഇതുവരെ സംസ്ഥാന സര്‍ക്കാരുമായും മുഖ്യമന്ത്രി പിണറായി വിജയനുമായും അങ്ങേയറ്റം യോജിപ്പില്‍ കഴിഞ്ഞിരുന്ന ഗവര്‍ണര്‍ ആരിഫ് മുഹമ്മദ് ഖാന്‍ പെട്ടെന്നു മനസു മാറിയതാണോ ?


ഇതൊക്കെയും കേരളത്തിലെ ജനങ്ങളോടു വിളിച്ചു പറയാന്‍ പോവുകയാണെന്നാണ് ഗവര്‍ണര്‍ ഉറപ്പിച്ചു തന്നെ പറ‍ഞ്ഞുവെച്ചത്. ലോകായുക്ത, സര്‍വകലാശാലാ ബില്ലുകളുടെ നിയമവിരുദ്ധത ഉള്‍പ്പെടെയുള്ള കാര്യങ്ങള്‍ ജനങ്ങളെ ബോധ്യപ്പെടുത്തുമെന്ന് അദ്ദേഹം ആവര്‍ത്തിച്ചു.

ജനങ്ങള്‍ക്കിടയിലേക്കിറങ്ങുമോ ഗവര്‍ണര്‍ ? ബി.ജെ.പി രാഷ്ട്രീയമായി പരാജയപ്പെട്ട കേരളത്തില്‍ പുതിയ രാഷ്ട്രീയവുമായി ജനങ്ങളെ അഭിമുഖീകരിക്കാനാണോ ഗവര്‍ണര്‍ ആരിഫ് മുഹമ്മദ് ഖാന്‍ ഒരുങ്ങുന്നത് ? ആര്‍.എസ്.എസ് നേതാവിനെ കണ്ടു സംസാരിച്ചതെല്ലാം പുതിയ അജണ്ടയുടെ വെളിച്ചത്തിലായിരുന്നോ ?

ഗവര്‍ണര്‍ സ്ഥാനത്തിരുന്ന് ഒരാള്‍ ഇങ്ങനെ രാഷ്ട്രീയം പറയാമോ ? രാഷ്ട്രീയ പ്രവര്‍ത്തനം നടത്താമോ ? കേരള ജനത അതെങ്ങനെ കാണും ? ഉയരുന്ന ചോദ്യങ്ങള്‍ നിരവധി.

-ചീഫ് എഡിറ്റര്‍

More News

ബിനോയ് കോടിയേരിക്കെതിരായ ലൈംഗിക പീഡനക്കേസ് ബോംബെ ഹൈക്കോടതിയില്‍ ഒത്തുതീര്‍പ്പായി. എല്ലാ കേസുകളും പിന്‍വലിച്ചതായും വിചാരണക്കോടതിയിലെ നിയമനടപടികള്‍ അവസാനിപ്പിച്ചതായും ബിഹാര്‍ സ്വദേശിനി വ്യക്തമാക്കുകയും ചെയ്തു കഴിഞ്ഞു. കുട്ടിയുടെ ജീവിതച്ചെലവിനും പഠനത്തിനുമായി 80 ലക്ഷം രൂപ ബിനോയ് യുവതിക്കു കൈമാറിയെന്നാണ് പുറത്തു വരുന്ന വിവരം.  പണം കൈമാറിയ വിവരം ബിനോയ് കോടതിയെ ബോധ്യപ്പെടുത്തുകയും ചെയ്തതോടെയാണ് കേസിൻ്റെ കാര്യത്തിൽ തീരുമാനമായത്. അതേസമയം 80 ലക്ഷം രൂപയല്ല കെെമാറിയതെന്നും അതിൽ കൂടുതലുണ്ടെന്നും സ്ഥിരീകരിക്കാത്ത റിപ്പോർട്ടുകളും പുറത്തു വരുന്നുണ്ട്. യുവതിക്ക് പണം നൽകിയതിൻ്റെ രേഖകൾ […]

മമ്മൂട്ടി – ബി. ഉണ്ണികൃഷ്ണൻ ചിത്രം ക്രിസ്റ്റഫർ ചിത്രീകരണം പൂർത്തിയായി. 79 ദിവസത്തെ ചിത്രീകരണത്തിനു ശേഷം സെപ്റ്റംബർ 29ന് പുലർച്ചെ രണ്ട് മണിക്ക് ചിത്രീകരണം പൂർത്തിയാക്കി. 65 ദിവസത്തോളമായിരുന്നു സിനിമയിൽ മമ്മൂട്ടിയുടെ ചിത്രീകരണം നീണ്ടുനിന്നത്. ഈ അടുത്ത കാലത്ത് ഇറങ്ങുന്ന മമ്മൂട്ടിയുടെ ഏറ്റവും വലിയ ബിഗ് ബജറ്റ് ചിത്രം നിർമിക്കുന്നത് ആർ.ഡി. ഇലുമിനേഷൻസ് ആണ്. ബയോഗ്രാഫി ഓഫ് എ വിജിലൻറ് കോപ്പ് എന്ന ടാഗ്‌ലൈനിൽ ഇറങ്ങുന്ന ഈ ആക്‌ഷൻ ത്രില്ലർ ചിത്രത്തിന്റെ തിരക്കഥ ഒരുക്കുന്നത് ഉദയ കൃഷ്ണയാണ്. […]

തിരുവനന്തപുരം: മുഖ്യമന്ത്രി കണ്ണൂർ വിസി നിയമനത്തിൽ ഇടപെട്ടിട്ടില്ലെന്ന് പ്രോസിക്യൂഷൻ. വിസി നിയമനത്തിന് സ്വതന്ത്ര ചുമതലയില്ലാത്ത ഗവർണറെ എന്തിന് സ്വാധീനിക്കണമെന്ന് പ്രോസിക്യൂഷൻ ചോദിച്ചു. എന്നാൽ സ്വന്തം ജില്ലാക്കാരനായി മുഖ്യമന്ത്രി ഇടപെട്ടെന്ന് ഹർജിക്കാരനായ കോണ്‍ഗ്രസ് നേതാവ് ജ്യോതികുമാർ ചാമക്കാല കോടതിയിൽ പറഞ്ഞു. കേസ് ഒക്ടോബർ 22ലേക്ക് മാറ്റി. കണ്ണൂർ വിസിയായി ഗോപിനാഥ് രവീന്ദ്രനെ നിയമിക്കാനായി മുഖ്യമന്ത്രി സമ്മർദം ചെലുത്തിയെന്ന് ഗവർണർ ആരിഫ്മുഹമ്മദ് ഖാൻ വെളിപ്പെടുത്തിയിരുന്നു. ഇതിന്റെ അടിസ്ഥാനത്തിലാണ് ചാമക്കാല ഹർജി നൽകിയത്.

പോപ്പുലര്‍ ഫ്രണ്ട് ഹര്‍ത്താലിലെ ആക്രണത്തില്‍ കടുത്ത നടപടികളുമായി ഹൈക്കോടതി. ഹര്‍ത്താല്‍ ദിനത്തെ അത്രിക്രമങ്ങളില്‍ കേരളത്തിലെ മുഴുവന്‍ കേസിലും പിഎഫ്‌ഐ ജനറല്‍ സെക്രട്ടറി അബ്ദുള്‍ സത്താറിനെ മുഴുവന്‍ കേസിലും പ്രതി ചേര്‍ക്കാന്‍ സര്‍ക്കാരിനോട് ഹൈക്കോടതി നിര്‍ദ്ദേശിച്ചു. അബ്ദുര്‍ സത്താറായിരുന്നു ഹര്‍ത്താലിന് ആഹ്വാനം ചെയ്തത്. ഹര്‍ത്താലിലെ അക്രമ സംഭവങ്ങളില്‍ നഷ്ടപരിഹാരം ഈടാക്കാന്‍ ഉത്തരവിടാമെന്നും ഹൈക്കോടതി ഡിവിഷന്‍ ബെഞ്ച് നിര്‍ദ്ദേശിച്ചു. നഷ്ടപരിഹാരത്തുക കെട്ടിവച്ചേ ജാമ്യം നല്‍കാവൂ. ഇക്കാര്യത്തില്‍ എല്ലാ മജിസ്‌ട്രേട്ട് കോടതികള്‍ക്കും നിര്‍ദേശം നല്‍കുമെന്നും ഹൈക്കോടതി വ്യക്തമാക്കി. പോപ്പുലര്‍ ഫ്രണ്ട് അഞ്ചുകോടി […]

കോഴിക്കോട് : കേന്ദ്രസർക്കാർ നിരോധിച്ചെങ്കിലും പുതിയ രൂപത്തിലും ഭാവത്തിലും അവതരിക്കാൻ പോപ്പുലർ ഫ്രണ്ട് ഒരുക്കം തുടങ്ങി. മനുഷ്യാവകാശ, സന്നദ്ധ പ്രവർത്തന സംഘടനയുടെ രൂപത്തിലാവും പോപ്പുലർ ഫ്രണ്ടിന്റെ അടുത്ത വരവ്. സംസ്ഥാനത്തെ പ്രമുഖ മനുഷ്യാവകാശ പ്രവർത്തകരെ മുന്നിൽ നിർത്തിക്കൊണ്ടായിരിക്കും പുതിയ മുഖംമൂടിയണിഞ്ഞ് പോപ്പുലർ ഫ്രണ്ട് എത്തുക. പോപ്പുലർ ഫ്രണ്ടിന്റെ ദേശീയ, സംസ്ഥാന നേതാക്കളും രണ്ടാം നിര നേതാക്കളുമെല്ലാം ജയിലിലാണ്. ഓഫീസുകൾ മുദ്ര വയ്ക്കുകയും ചെയ്യുന്നു. ഇതിനിടയിലും മുൻകൂട്ടി ആസൂത്രണം ചെയ്ത പുതിയ സംഘടനയുടെ രൂപീകരണ നടപടികൾ പുരോഗമിക്കുകയാണ്. ഇപ്പോഴുള്ള […]

ഇടയ്ക്ക് മോഡലിംഗും ചെയ്യാറുള്ള അഹാന വെറൈറ്റി ആയിട്ടുള്ള ഫോട്ടോഷൂട്ടുകളും നടത്താറുണ്ട്. ഇപ്പോഴിതാ പാടത്ത് പാറിനടക്കുന്ന ഒരു പറവയെ പോലെ തോന്നിപ്പിക്കുന്ന രീതിയിലുള്ള ഒരു മനോഹരമായ ഷൂട്ട് നടത്തിയിരിക്കുകയാണ് അഹാന. ജിക്സൺ ഫ്രാൻസിസ് എന്ന ഫോട്ടോഗ്രാഫറാണ് ചിത്രങ്ങൾ എടുത്തത്. ലൈഫ് ഓഫ് കളേഴ്സിന്റെ തൂവെള്ള നിറത്തിലെ ഔട്ട്ഫിറ്റാണ് അഹാന ധരിച്ചത്. സാംസൺ ലെയാണ് മേക്കപ്പ്. ടോവിനോ തോമസിന്റെ നായികയായി ലുക്കാ എന്ന ചിത്രത്തിൽ അഭിനയിച്ച അഹാന മലയാളത്തിൽ ഒരുപാട് ആരാധകരുള്ള ഒരു യുവനടിയായി മാറുകയും ചെയ്തു. നിഹാരിക ബാനർജി […]

കുവൈറ്റ്: കുവൈറ്റ് പ്രവാസമവസാനിപ്പിച്ചു നാട്ടിലേക്ക് പോകുന്ന ഫോക്കസ് കുവൈറ്റ് അഡ്ഹോക്ക് കമ്മറ്റി അംഗവും യൂണിറ്റ് മൂന്നിലെ സജീവ അംഗവുമായ കെ. ഇ.ഒ. കൺസൾട്ടന്റിലെ സീനിയർ ഡ്രാഫ്റ്റ്സ്മാനുമായ മാഹി സ്വദേശി സതീഷ് കുമാറിന് ഫോക്കസ് കുവൈറ്റ് യാത്രയയപ്പ് നൽകി. യൂണിറ്റ് കൺവീനർ എബ്രഹമിന്റെ അദ്ധ്യക്ഷതയിൽ കൂടിയ യോഗത്തിൽ പ്രസിഡന്റ് സലിം രാജ്, ജനറൽ സെക്രട്ടറി ഡാനിയേൽ തോമസ്, മുതിർന്ന അംഗം രതീഷ് കുമാർ , രവീന്ദ്രൻ എന്നിവർ ആശംസകളർപ്പിച്ചു. എക്സ്ക്യൂട്ടീവ് അംഗം സാബു തോമസ് സ്വാഗതവും, ജോ: കൺവീനർ […]

ഒന്നിച്ചു നിന്നാല്‍ കേരളം ആര് ഭരിക്കണമെന്ന് ഈഴവ സമുദായത്തിന് തീരുമാനിക്കാനാകുമെന്ന് എസ്എന്‍ഡിപി യോഗം ജനറല്‍ സെക്രട്ടറി വെളളാപ്പളളി നടേശന്‍. ഏത് സര്‍ക്കാര്‍ വന്നാലും ഈഴവരോട് അവഗണനയാണെന്നും വോട്ട് ബാങ്കായവര്‍ക്ക് പണം വാരിക്കോരികൊടുക്കാന്‍ രാഷ്ട്രീയട്രീയ നേതൃത്വം തയ്യാറാകുന്നെന്നും വെളളാപ്പളളി കുറ്റപ്പെടുത്തി. മതം പറയുന്നവര്‍ മതേതരത്വത്തില്‍ ഊന്നിനില്‍ക്കുന്ന എസ്എന്‍ഡിപിയെക്കാള്‍ മുകളില്‍ എത്തുന്നു. ഭരണം നിലനിര്‍ത്തുന്നതിനായി ആദര്‍ശം മാറ്റിവെച്ച് ഇടതുപക്ഷം സംഘടിത മതശക്തികളെ പിന്തുണയ്ക്കുകയാണ്. തിരഞ്ഞെടുപ്പ് വരുമ്പോള്‍ ജനറല്‍ സീറ്റില്‍ മുസ്ലീം അല്ലാത്ത ഒരാളെ മത്സരിപ്പിക്കാന്‍ ലീഗ് തയ്യാറാകുന്നില്ല. എന്നാല്‍ ലീഗ് […]

തിരുവനന്തപുരം: പോപ്പുലർ ഫ്രണ്ട് ഓഫ് ഇന്ത്യയെ നിരോധിച്ച കേന്ദ്ര ഉത്തരവിന്‍റെ അടിസ്ഥാനത്തിൽ തുടർ നടപടിക്കുള്ള സംസ്ഥാന സർക്കാർ ഉത്തരവിറക്കി. യുഎപിഎ നിയമനുസരിച്ച് തുടർ നടപടി സ്വീകരിക്കാൻ എസ്പിമാർക്കും ജില്ലാ കളക്ടർമാർക്കും അധികാരം നൽകി കൊണ്ടാണ് ഉത്തരവ്. ആഭ്യന്തര സെക്രട്ടറിയാണ് ഉത്തരവിറക്കിയത്. ഡിജിപി വിശദമായ സർക്കുലർ പുറത്തിറക്കും. പിഎഫ്ഐ ഓഫീസുകള്‍ സീല്‍ ചെയ്യുന്നതുള്‍പ്പടെയുള്ള നടപടികള്‍ ഇന്ന് തുടങ്ങും. അതേസമയം, പോപ്പുലർ ഫ്രണ്ടിന്റെ നിരോധന സാഹചര്യത്തിൽ സംസ്ഥാനങ്ങളിൽ ഏർപ്പെടുത്തിയ സുരക്ഷ തുടരും. പോപ്പുലർ ഫ്രണ്ടിന്റെ ഓഫീസുകൾ അടക്കമുള്ള മേഖലകളിൽ നിരീക്ഷണം തുടരും. […]

error: Content is protected !!