'മെലഡി കിംഗ് ' വിദ്യാസാഗറിൻ്റെ സംഗീത സപര്യക്ക് 25 വർഷം; ജൂൺ 10ന് കൊച്ചിയിൽ മ്യൂസിക് കൺസേർട്ട് സംഘടിപ്പിക്കുന്നു

കൊച്ചി: തന്റെ സംഗീതം കൊണ്ട് പ്രേക്ഷകരെ മുഴുവൻ ഭ്രാന്തന്മാരാക്കിയ ഇതിഹാസ സംഗീതസംവിധായകൻ, സാക്ഷാൽ "മെലഡി കിംഗ്" വിദ്യാസാഗറിൻ്റെ സംഗീത സപര്യക്ക് 25 വർഷം തികയുമ്പോൾ ആദ്യമായി ഒരു മ്യൂസിക് കൺസേർട്ടിനു ഒരുങ്ങുകയാണ് കൊച്ചി.

കോക്കേഴ്സ് മീഡിയയും നോയിസ് & ഗ്രൈൻസും ചേർന്നാണ് ജൂൺ 10ന് കൊച്ചി അഡ്ലക്സ് കൺവെൻഷൻ സെന്ററിൽ ഇതിന് വേദി ഒരുക്കുന്നത്. വിദ്യാസാഗർ വളരെ അപൂർവമായി മാത്രമാണ് ഇത്തരം ലൈവ് പരിപാടികൾക്ക് ഒരുങ്ങുന്നത്. അതും ആദ്യമായാണ് കേരളത്തിൽ എന്നതൊക്കെയും ഈ പരിപാടിക്ക് കൂടുതൽ ശ്രദ്ധ നൽകുന്നു.

ടിക്കറ്റ് ബുക്കിങ് ആരംഭിച്ച പരിപാടിയുടെ കുടുതൽ വിവരങ്ങൾക്ക് https://bit.ly/vidyasagarcochin എന്ന വെബ് സൈറ്റിലൂടെയോ പെടിഎം ആപ്പിലോ സന്ദർശിക്കുക.