നൃത്ത സംവിധായകൻ കൂൾ ജയന്ത്​ അന്തരിച്ചു

പ്രശസ്ത നൃത്ത സംവിധായകൻ കൂൾ ജയന്ത്(52) അന്തരിച്ചു. അര്‍ബുദ ബാധയെ തുടര്‍ന്ന് ചികിത്സയിലിരിക്കെയാണ് അന്ത്യം. യഥാര്‍ത്ഥ പേര് ജയരാജ് എന്നാണ്. തമിഴും മലയാളവുമടക്കം വിവിധ ഭാഷകളിലായി 800ലധികം ചിത്രങ്ങൾക്ക്​ ചുവടുകളൊരുക്കിയിട്ടുണ്ട്.

പ്രഭുദേവ, രാജു സുന്ദരം എന്നിവരുടെ അസിസ്റ്റന്‍റായിട്ടാണ് കൂള്‍ ജയന്ത് സിനിമയിലെത്തുന്നത്. 1996ൽ പുറത്തിറങ്ങിയ 'കാതൽദേശം' ആണ്​ ആദ്യ സിനിമ. എ.ആർ. റഹ്​മാൻ സംഗീത സംവിധാനം നിർവഹിച്ച ചിത്രത്തിലെ ഗാനങ്ങൾ വമ്പൻ ഹിറ്റായിരുന്നു. 'മുസ്​തഫ', 'കല്ലൂരി സാലൈ' തുടങ്ങിയ ഗാനങ്ങളിലൂടെ കൂള്‍ ജയന്തും പ്രശസ്തി നേടി. കോഴി രാജ എന്ന ചിത്രത്തില്‍ അഭിനയിച്ചു.