'സവർക്കറെ പോലെ ആകാൻ രാഹുലിന് കഴിവില്ല. ത്യാഗവും രാജ്യസ്നേഹവും വിശ്വസ്തതയും ഉണ്ടെങ്കിൽ മാത്രമേ ഒരാൾക്ക് സവർക്കർ ആകാൻ കഴിയൂ'; സവർക്കർ വിരുദ്ധ പ്രസ്താവനയിൽ രാഹുൽ ഗാന്ധിക്കെതിരെ ശക്തമായി പ്രതികരിച്ചു മഹാരാഷ്ട്ര മുഖ്യമന്ത്രി ഏകനാഥ് ഷിൻഡെ

സവർക്കർ വിരുദ്ധ പ്രസ്താവനയിൽ രാഹുൽ ഗാന്ധിക്കെതിരെ ശക്തമായി പ്രതികരിച്ചു മഹാരാഷ്ട്ര മുഖ്യമന്ത്രി ഏകനാഥ് ഷിൻഡെ. സവർക്കറെ പോലെ ആകാൻ രാഹുലിന് കഴിവില്ല. ത്യാഗവും രാജ്യസ്നേഹവും വിശ്വസ്തതയും ഉണ്ടെങ്കിൽ മാത്രമേ ഒരാൾക്ക് സവർക്കർ ആകാൻ കഴിയൂ. രാഹുൽ നിരന്തരം സവർക്കറെ അപമാനിക്കുകയാണെന്നും സവർക്കറുടെ വീരേതിഹാസം പ്രചരിപ്പിക്കാൻ സംസ്ഥാനത്ത് ‘സവർക്കർ ഗൗരവ് യാത്ര’ നടത്തുമെന്നും ഷിൻഡെ പ്രതികരിച്ചു.

സവർക്കറുടെയും വിപ്ലവകാരികളുടെയും പോരാട്ടം നമുക്ക് സ്വാതന്ത്ര്യം നേടി തന്നു എന്നും ആൻഡമാനിലെ തടവറയിൽ കഴിഞ്ഞാൽ സവർക്കർ എന്താണെന്ന് രാഹുലിന് മനസിലാകും എന്നും അദ്ദേഹം പറഞ്ഞു.

സവർക്കർ മഹാരാഷ്ട്രയുടെ മാത്രമല്ല, രാജ്യത്തിന്റെ മുഴുവൻ ദൈവമാണെന്നും അദ്ദേഹം കൂട്ടിച്ചേർത്തു. ഹിന്ദുത്വത്തെക്കുറിച്ച് നിരന്തരം സംസാരിക്കുന്ന ആളുകൾ മഹാരാഷ്ട്ര നിയമസഭാ സമ്മേളനത്തിൽ രാഹുൽ ഗാന്ധിയെക്കുറിച്ച് ഒന്നും പറഞ്ഞില്ലെന്ന് താക്കറെ വിഭാഗത്തെ വിമർശിച്ചു കൊണ്ട് ഷിൻഡെ കുറ്റപ്പെടുത്തി.