“ഞങ്ങൾക്ക് വെള്ളമില്ല, അതിനാൽ വെള്ളം തുറന്നുവിടാൻ കഴിയില്ല.” കാവേരി അതോറിറ്റി ഉത്തരവിനെതിരെ കർണാടക സുപ്രീം കോടതിയിൽ പുനഃപരിശോധനാ ഹർജി നൽകും: സിദ്ധരാമയ്യ

കാവേരി വാട്ടർ മാനേജ്‌മെന്റ് അതോറിറ്റിയുടെ (സിഡബ്ല്യുഎംഎ) ഉത്തരവ് പുനഃപരിശോധിക്കണമെന്ന് ആവശ്യപ്പെട്ട്  കർണാടക സർക്കാർ ഇന്ന് സുപ്രീം കോടതിയിൽ ഹർജി നൽകുമെന്ന് കർണാടക മുഖ്യമന്ത്രി സിദ്ധരാമയ്യ. അടുത്ത 15 ദിവസത്തേക്ക് തമിഴ്‌നാടിന് 3000 ക്യുസെക്‌സ് വെള്ളം വിട്ടുനൽകാൻ കാവേരി റെഗുലേറ്ററി ബോഡി കർണാടക സർക്കാരിനോട് ആവശ്യപ്പെട്ട ഉത്തരവിനെതിരെയാണ് ഈ സർക്കാർ നീക്കം.

ഈ നിർദ്ദേശങ്ങൾ പുനഃപരിശോധിക്കാൻ സിഡബ്ല്യുഎംഎ യോട് ആവശ്യപ്പെട്ട കർണാടക, കർണാടകയിലെ  നാല് റിസർവോയറുകളിലെ നിലവിലുള്ള സംഭരണശേഷി ജലസേചനത്തിനും കുടിവെള്ളത്തിനും ആവശ്യമായ ആവശ്യങ്ങൾ നിറവേറ്റാൻ പര്യാപ്തമല്ലെന്നും നിർദ്ദേശങ്ങൾ അവലോകനം ചെയ്യണമെന്നും അഭ്യർത്ഥിച്ചു.

“ഞങ്ങൾക്ക് വെള്ളമില്ല, അതിനാൽ വെള്ളം തുറന്നുവിടാൻ കഴിയില്ല.”- എന്ന് പുനഃപരിശോധനാ ഹർജിയിൽ പറയുന്നു. കാവേരി നദീജല തർക്കത്തിൽ നിർദേശങ്ങൾ തേടി കർണാടക മുഖ്യമന്ത്രി സിദ്ധരാമയ്യയും ഡെപ്യൂട്ടി ഡികെ ശിവകുമാറും വിരമിച്ച സുപ്രീം കോടതി ജഡ്ജിമാർ, നിയമോപദേഷ്ടാക്കൾ, മുൻ അഡ്വക്കേറ്റ് ജനറൽമാർ, ജലസേചന വിദഗ്ധർ എന്നിവരുമായി കൂടിക്കാഴ്ച നടത്തിയതിന് പിന്നാലെയാണ് പുനഃപരിശോധനാ ഹർജി നൽകാനുള്ള തീരുമാനം പ്രഖ്യാപിച്ചത് .

ശിവരാജ് പാട്ടീൽ, രവീന്ദ്ര, വിശ്വനാഥ് ഷെട്ടർ, ഗോപാൽ ഗൗഡ തുടങ്ങിയ നിയമവിദഗ്ധരുമായും ഇവർ കൂടിക്കാഴ്ച നടത്തി