ഗൂഗിള്‍ ലൊക്കേഷന്‍ വിവരങ്ങള്‍ ചോര്‍ത്തുന്നുവെന്ന് ആരോപണം; കേസ് ഫയല്‍ ചെയ്ത് യുഎസ് അറ്റോര്‍ണി ജനറലുകള്‍; ആരോപണം നിഷേധിച്ച് ഗൂഗിള്‍

ഉപയോക്താക്കള്‍ 'ലൊക്കേഷന്‍ ഷെയറിങ്' ഓഫാക്കിയാലും ഗൂഗിള്‍ ലൊക്കേഷന്‍ വിവരങ്ങള്‍ ശേഖരിക്കുന്നതായി ആരോപണം. ഡിസ്ട്രിക്റ്റ് ഓഫ് കൊളംബിയ അറ്റോർണി ജനറൽ കാൾ എ റസീൻ (ഡി)യുടെ നേതൃത്വത്തിൽ മൂന്ന് യുഎസ് സംസ്ഥാനങ്ങളിലെ നാല് അറ്റോർണി ജനറൽമാരാണ് ഗൂഗിളിനെതിരെ പുതിയ കേസ് ഫയൽ ചെയ്തിരിക്കുന്നത്.

ഗൂഗിള്‍ സ്വകാര്യത സംരക്ഷിക്കാനുള്ള ഉപഭോക്താക്കളുടെ അവകാശത്തെ വഞ്ചിച്ചുവെന്നാണ് ഇവരുടെ ആരോപണം. സ്വകാര്യ വിവരങ്ങളെ സംബന്ധിച്ച് പൂർണ നിയന്ത്രണം ഉപയോക്താക്കൾക്ക് തന്നെയാണ് എന്ന വിശ്വസിപ്പിക്കുകയാണ് ഗൂഗിൾ ചെയ്യുന്നതെന്നും പരാതിയില്‍ പറയുന്നു.

എന്നാല്‍ ഗൂഗിള്‍ വക്താവ് ആരോപണങ്ങള്‍ നിഷേധിച്ചു. “ഞങ്ങളുടെ ക്രമീകരണങ്ങളെക്കുറിച്ചുള്ള കൃത്യമല്ലാത്ത ക്ലെയിമുകളുടെയും കാലഹരണപ്പെട്ട അവകാശവാദങ്ങളുടെയും അടിസ്ഥാനത്തിലാണ് അറ്റോർണി ജനറൽ ഒരു കേസ് കൊണ്ടുവരുന്നത്. ഞങ്ങൾ എല്ലായ്‌പ്പോഴും ഞങ്ങളുടെ സ്വകാര്യതാ ഫീച്ചറുകൾ നിർമ്മിക്കുകയും ലൊക്കേഷൻ ഡാറ്റയ്‌ക്ക് ശക്തമായ നിയന്ത്രണങ്ങൾ നൽകുകയും ചെയ്‌തിട്ടുണ്ട്,” ഗൂഗിൾ നയ വക്താവ് ജോസ് കാസ്റ്റനേഡ പറഞ്ഞു