താലിബാനെ പേടിച്ച് അഫ്ഗാനില്‍ നിന്ന് ഉക്രൈനിലെത്തി, ഇപ്പോള്‍ റഷ്യയെ പേടിച്ച് അടുത്ത അഭയകേന്ദ്രത്തിലേക്ക്! ഇത് നിലയ്ക്കാത്ത പലായനം; ദുരിതം ഈ ജീവിതം

റഷ്യയുടെ ഉക്രൈന്‍ അധിനിവേശത്തെക്കുറിച്ചുള്ള മുന്നറിയിപ്പുകള്‍ ശക്തമായപ്പോള്‍ തന്നെ, ബിലാൽ ദോസ്‌സാദ തന്റെ ഭാര്യയെയും മകനെയും കാറിൽ കയറ്റി, ഉക്രെയ്‌നിലെ മറ്റു പലരെയും പോലെ പലായനം ചെയ്യാൻ ശ്രമിച്ചു. ഒടുവില്‍ പോളണ്ട് അതിര്‍ത്തിയില്‍ അവരെത്തി. തങ്ങള്‍ ഇന്നലെ മുതല്‍ ഉറങ്ങിയിട്ടില്ലെന്നും, ഭക്ഷണം കഴിച്ചിട്ടില്ലെന്നും ദോസ്‌സാദ പറഞ്ഞു.

ആരാണ് ബിലാല്‍ ദോസ്‌സാദ എന്നല്ലേ? അഫ്ഗാനിസ്ഥാന്‍ താലിബാന്‍ പിടിച്ചടക്കിയപ്പോള്‍ അവിടെ നിന്ന് രക്ഷപ്പെട്ട് ഉക്രൈനില്‍ എത്തിയ വ്യക്തിയാണ് ഇദ്ദേഹം. ഇപ്പോള്‍ റഷ്യ ഉക്രൈന്‍ പിടിച്ചടക്കാന്‍ ശ്രമിക്കുമ്പോള്‍ അവിടെ നിന്ന് മറ്റൊരു അഭയകേന്ദ്രം കണ്ടെത്താനുള്ള ശ്രമത്തിലാണ് ബിലാൽ ദോസ്‌സാദ.

''ഇന്നലെ രാത്രി ഞാൻ എത്തിയതുമുതൽ, ക്യൂകൾ നീണ്ടുവരികയാണ്, ആരും ഞങ്ങളെ അകത്തേക്ക് കടക്കാൻ അനുവദിച്ചില്''-ദോസ്‌സാദ പറഞ്ഞു.

അഫ്ഗാൻ അഭയാർത്ഥികളെ, പ്രത്യേകിച്ച് രേഖകളില്ലാത്തവരെ, ഉക്രെയ്നിൽ അഭയം പ്രാപിക്കാൻ സഹായിക്കുന്നതിന് ലക്ഷ്യമിട്ടുള്ള ഒരു സർക്കാരിതര സംഘടനയാണ് ദോസ്ത്സാദ നടത്തുന്നത്. എന്നാൽ രണ്ട് ദിവസം മുമ്പ്, യുദ്ധ വാർത്തകൾ പുറത്തുവന്നതോടെ അദ്ദേഹം തന്റെ പ്രവർത്തനങ്ങൾ നിർത്തിവച്ചു. അദ്ദേഹം കുടുംബത്തോടൊപ്പം ലിവിവിൽ എത്തിയപ്പോഴേക്കും റഷ്യയുടെ "അധിനിവേശം ഒന്നിലധികം ഉക്രേനിയൻ നഗരങ്ങളിൽ ആരംഭിച്ചിരുന്നു.

യുഎൻ അഭയാർത്ഥി ഏജൻസിയായ യുഎന്‍എച്ച്‌സിആറിന്റെ "ബോൾപാർക്ക്" കണക്കനുസരിച്ച്, സംഘർഷത്തിൽ കുടുങ്ങി, ഏകദേശം 100,000 ഉക്രൈന്‍ സ്വദേശികള്‍ ഇതിനകം പലായനം ചെയ്തിട്ടുണ്ട്. വ്യോമഗതാഗതം നിർത്തിവച്ചതോടെ, ജനങ്ങൾ അതിർത്തികളിലേക്ക് കുതിക്കുമ്പോൾ പല ഉക്രേനിയൻ നഗരങ്ങളിലും ഗതാഗതക്കുരുക്ക് അനുഭവപ്പെടുന്നു. പലായനം ചെയ്യുന്നവരിൽ, സ്വന്തം രാജ്യത്തെ സംഘർഷത്തിൽ നിന്ന് അടുത്തിടെ രക്ഷപ്പെട്ട അഫ്ഗാനികളും ഉൾപ്പെടുന്നു.

ലോകത്തിലെ ഏറ്റവും വലിയ അഭയാർത്ഥി ജനസംഖ്യയിൽ ഒന്നാണ് അഫ്ഗാനികൾ, 2.6 ദശലക്ഷം പേർ പലായനം ചെയ്യപ്പെട്ടു. ഉക്രെയ്‌നിൽ, 1980-കളിൽ തന്നെ എത്തിച്ചേരുന്ന ഏറ്റവും വലിയ കുടിയേറ്റ ജനസംഖ്യയാണ് അഫ്ഗാനികൾ. കഴിഞ്ഞ വർഷം നൂറുകണക്കിന് അഫ്ഗാനികൾ ഒഴിപ്പിക്കൽ ശ്രമങ്ങൾക്കിടെ രാജ്യത്ത് എത്തിയിരുന്നു.