റഷ്യൻ സ്ഥാപനങ്ങളുമായുള്ള ബിസിനസ് ബന്ധം ബഹിഷ്കരിക്കാൻ ആഹ്വാനവുമായി സിനിമാ-ടിവി സംഘടനകൾ

ലോസ് ആഞ്ചലസ്: റഷ്യ- യുക്രെയിൻ യുദ്ധം ഭീതിയോടെ വീക്ഷിക്കുകയാണ് ലോകരാഷ്ട്രങ്ങൾ. റഷ്യന്‍ ആക്രമണത്തില്‍ യുക്രെയ്നില്‍ 40 സൈനികരും 10 സാധാരണക്കാരും കൊല്ലപ്പെട്ടു. യുദ്ധ മുഖത്തുനിന്നും ജീവനും കൊണ്ട് രക്ഷപ്പെടാനുള്ള ശ്രമത്തിലാണ് മലയാളി വിദ്യാർത്ഥികൾ അടക്കമുള്ളവർ.

ഇപ്പോഴിതാ റഷ്യൻ മാധ്യമങ്ങൾ ബഹിഷ്‌കരിക്കാനും റഷ്യൻ സ്ഥാപനങ്ങളുമായുള്ള ബിസിനസ് ബന്ധം വിച്ഛേദിക്കാനും ആഹ്വാനം ചെയ്ത്‌ യുക്രെയിൻ സിനിമാ-ടിവി സംഘടനകൾ. ഇപ്പോൾ, റഷ്യയുമായുള്ള എല്ലാ ബിസിനസ്സ് ഇടപാടുകളും ബഹിഷ്‌കരിക്കാൻ യുക്രെയിനിലെ മാധ്യമ സംഘടനകൾ ആവശ്യപ്പെടുന്നു.

കിഴക്കൻ യൂറോപ്പിൽ സേവനമനുഷ്ഠിക്കുന്ന 10 വർഷം പഴക്കമുള്ള അന്താരാഷ്ട്ര ചലച്ചിത്ര-ടിവി വിപണിയായ കിയെവ് മീഡിയ വീക്കിന്റെ സംഘാടകർ റഷ്യൻ പ്രചാരണം നിരോധിക്കണമെന്ന് ആവശ്യപ്പെട്ടു. ‘വെറൈറ്റി’ ഉൾപ്പെടെയുള്ള അന്താരാഷ്‌ട്ര മാധ്യമങ്ങൾക്ക് ശനിയാഴ്ച വ്യാപകമായി അയച്ച കത്തിലാണ് ഈ ആവശ്യം അവർ ഉന്നയിച്ചിരിക്കുന്നത്.

‘ലഭ്യമായ എല്ലാ ആയുധങ്ങളും ഉപയോഗിച്ച് പുടിന്റെ ഭരണം നിലവിലെ യുദ്ധം വർദ്ധിപ്പിച്ചു, അതായത് മാധ്യമ മണ്ഡലം ലോകമെമ്പാടും ഒരു യുദ്ധക്കളമാകും. അതിനാൽ, വിഷലിപ്തമായ റഷ്യൻ പ്രചാരണത്തെ ചെറുക്കാനും നിങ്ങളുടെ രാജ്യങ്ങളിലെ റഷ്യൻ ടിവി സംപ്രേക്ഷണം സ്വിച്ച് ഓഫ് ചെയ്യാനുള്ള ശ്രമങ്ങൾ ഏകീകരിക്കാനും ഞങ്ങൾ അന്താരാഷ്ട്ര മാധ്യമ സമൂഹത്തോട് ആവശ്യപ്പെടുന്നു.’- എന്നാണു കത്തിൽ സൂചിപ്പിക്കുന്നത്.