യുഎസിൽ സ്വാതന്ത്ര്യദിന പരേഡിനിടെ വെടിവെപ്പ്; അഞ്ച് മരണം! 16 പേര്‍ക്ക് പരിക്ക്‌

ചിക്കാഗോ: അമേരിക്കയില്‍ വീണ്ടും വെടിവെപ്പ്. ചിക്കാഗോയിലുണ്ടായ വെടിവെപ്പില്‍ അഞ്ചുപേര്‍ കൊല്ലപ്പെട്ടു. 16 പേര്‍ക്ക് പരിക്കേറ്റു. ചിക്കാഗോയിലെ ഹൈലാൻഡ് പാർക്കിൽ നടന്ന പരേഡിനിടെയാണു വെടിവയ്പുണ്ടായത്.

വെടിയൊച്ച കേട്ടതും ജനം പരിഭ്രാന്തരായി പലവഴിക്ക് ഓടി. പ്രാദേശിക സമയം പത്തരയോടെയാണ് അജ്ഞാതൻ പരേഡിന് നേരെ വെടിയുതിർത്തത്.

സ്വാതന്ത്ര്യദിനാഘോങ്ങള്‍ ആരംഭിച്ചതിന് തൊട്ടുപിന്നാലെ സമീപത്തെ ഒരു വ്യാപാരസ്ഥാപനത്തിന്റെ മുകളില്‍ നിന്ന് ആക്രമി വെടിയുതിര്‍ക്കുകയായിരുന്നുവെന്നാണ് റിപ്പോര്‍ട്ടുകള്‍. വെടിയുതിർത്തയാളെ കണ്ടെത്തിയതായി റിപ്പോര്‍ട്ടുണ്ട്.