യുഎസില്‍ വീണ്ടും വെടിവയ്പ്; നാലു പേര്‍ക്ക് ദാരുണാന്ത്യം; സംഭവം ജന്മദിന ആഘോഷത്തിനിടെ

വാഷിംഗ്ടൺ: യുഎസിലെ അലബാമയിലുണ്ടായ വെടിവയ്പില്‍ നാലു പേര്‍ കൊല്ലപ്പെട്ടു. കുറഞ്ഞത് 20 പേര്‍ക്കെങ്കിലും വെടിയേറ്റു. ഒരു ജന്മദിന പാര്‍ട്ടിയ്ക്കിടെയാണ് വെടിവയ്പുണ്ടായത്. കൗമാരക്കാരാണ് ആഘോഷം സംഘടിപ്പിച്ചത്. മോണ്ട്‌ഗോമറിയുടെ വടക്കുകിഴക്കുള്ള ഡാഡെവില്ലെയിലെ ഒരു ഡാൻസ് സ്റ്റുഡിയോയിൽ പ്രാദേശിക സമയം ശനിയാഴ്ച രാത്രി 10:30 നാണ് വെടിവയ്പ്പുണ്ടായത്. പ്രതിയെ പിടികൂടിയോയെന്ന് വ്യക്തമല്ല.