പ്രകാശ് നായര്‍ മേലില 
യാഥാർഥ്യങ്ങൾക്കു നേരേ കണ്ണടച്ചിട്ടു കാര്യമില്ല.. ഉപതെരഞ്ഞെടുപ്പുകൾ നൽകുന്ന സൂചനയനുസരിച്ച് ആം ആദ്മി പാർട്ടി ( AAP) ഉത്തരേന്ത്യയിൽ ഒരു നിർണ്ണായക ശക്തിയായി മാറാൻ പോകുകയാണ്.
ഡൽഹിയിൽ 15 വർഷമായി ബിജെപി കയ്യടക്കിവച്ചിരുന്ന എം സി ഡി അവർക്ക് നഷ്ടമാകുകയാണ്. ഒരർത്ഥത്തിൽ ഡൽഹിയിൽ എം സി ഡി സീറ്റുകൾ ആം ആദ്മി തൂത്തുവാരുമെന്നാണ് റിപ്പോർട്ടുകൾ.
ഗുജറാത്ത്, ഹിമാചൽ പ്രദേശ് എന്നീ സംസ്ഥാനങ്ങളിലും വലിയൊരു ശക്തിയായി അവർ മാറാൻ പോകുകയാണ്. അതേ സ്ഥാനത്ത് ഇപ്പോൾ തെരഞ്ഞെടുപ്പ് നടന്ന സ്ഥലങ്ങളിലെല്ലാം കോൺഗ്രസ്സ് അവരുടെ ഫ്ലോപ്പ് ഷോ തുടരുന്നതായാണ് കാണുന്നത്.
ആം ആദ്മി ഡൽഹിയിലും പഞ്ചാബിലും നടത്തുന്ന ജനക്ഷേമ പദ്ധതികളും അഴിമതി നിർമ്മാർജ്ജനവും മറ്റു സംസ്ഥാനങ്ങളിലും ജനശ്രദ്ധ ആകർഷിക്കുകയാണ്.
നഷ്ടത്തിലോടുന്ന പൊതുമേഖലാ പ്രസ്ഥാനങ്ങളും സ്ഥിരമായ കടമെടുപ്പും കൊണ്ട് നട്ടം തിരിയുന്ന പല സംസ്ഥാന സർക്കാരുകളും അവർ സ്ഥിരമായി അവതരിപ്പിക്കുന്ന കമ്മി ബജറ്റ് മാത്രം കണ്ടു ശീലിച്ച ജനങ്ങളും യാഥാർഥ്യങ്ങൾ ഉൾക്കൊള്ളണം.
മുൻ സർക്കാരുകൾ കമ്മി ബജറ്റവതരിപ്പിച്ചുപോന്ന ഡൽഹിയിൽ ഇപ്പോൾ ആം ആദ്മി സർക്കാർ മികച്ച ബജറ്റാണ് അവതരിപ്പിക്കുന്നത്.
ഡൽഹി സർക്കാർ ശമ്പളവും പെൻഷനും നല്കാൻ എങ്ങുനിന്നും പണം കടമെടുക്കുന്നില്ല.
കഴിഞ്ഞ 7 വർഷമായി ഡൽഹിയിൽ വൈദ്യുതി നിരക്ക് കൂട്ടിയിട്ടില്ല. വൈദ്യുതി വിതരണം നടത്തുന്നത് സ്വകാര്യ കമ്പനികളാണ്. ഒരു യൂണിറ്റ് വൈദ്യുതിപോലും ഡൽഹി സർക്കാർ ഉദ്പ്പാദിപ്പിക്കുന്നുമില്ല.
ഡൽഹിയിൽ 80% വൈദ്യുത ഉപഭോക്താക്കൾക്കും സീറോ ബില്ലാണ് ലഭിക്കുന്നത്. വെള്ളം 4 പേരുള്ള ഒരു കുടുംബത്തിന് മതിയായ അളവിൽ സൗജന്യമായി ലഭിക്കുന്നു.
സ്ത്രീകൾക്ക് ഡൽഹി സർക്കാർ ബസുകളിൽ സൗജന്യമാണ്‌ യാത്ര. ഇതുകൂടാതെ മുതിർന്ന പൗരന്മാർക്ക് ‘Mukhya Mantri Tirth Yatra Yojna’ പ്രകാരം ഇന്ത്യയിലെ വിവിധ തീർത്ഥാടനകേന്ദ്രങ്ങൾ പൂർണ്ണമായും സൗജന്യമായി സന്ദർശിക്കാൻ ഡൽഹി സർക്കാർ സൗകര്യമൊരുക്കു ന്നുണ്ട്.
ഡൽഹിയിൽ റേഷൻ വിതരണം വാതിൽപ്പടി സേവനമാക്കാനുള്ള തടസ്സങ്ങൾ നീക്കാൻ സുപ്രീം കോടതിയെ സമീപിച്ചിരിക്കുകയാണ് ആം ആദ്മി സർക്കാർ. ജനങ്ങളോട് പ്രതിബദ്ധതയുള്ള ഒരു സർക്കാരിനോ രാഷ്ട്രീയ പ്രസ്ഥാനത്തിനോ മാത്രമേ ഇത്തരം തീരുമാനങ്ങൾ കൈക്കൊള്ളാൻ കഴിയുകയുള്ളു.
ഡൽഹിയിലെ സർക്കാർ സേവനങ്ങൾ ഭൂരിഭാഗവും വാതിൽപ്പടിയാണ്. ഫോൺ ചെയ്‌താൽ ഏജന്റ് വീട്ടിലെത്തുന്നു. രേഖകളും വിവരങ്ങളും ശേഖരിക്കുന്നു, തുശ്ചമായ ഫീസിൽ നിർദ്ദിഷ്ട സമയത്ത് ആവശ്യമായ സേവനം വീട്ടിലെത്തിക്കുന്നു.
കേരളത്തിൽ സർക്കാരിലേക്ക് വസ്തു കരമടയ്ക്കാൻ വില്ലേജിൽ പോയ ലേഖകനെ വട്ടം കറക്കിയതാണ്‌ ?
അതിർത്തിയിൽ ഡൽഹി നിവാസിയായ ഒരു സൈനികൻ മരിച്ചാൽ അദ്ദേഹത്തിൻറെ ആശ്രിതർക്ക് ഡൽഹി സർക്കാർ ഒരു കോടി രൂപ നഷ്ടപരിഹാരം നൽകുന്നു.
മദ്യവില കേരളത്തിൽ പകൽക്കൊള്ളയാണെങ്കിൽ ഡൽഹിയിൽ അടുത്തിടെ മദ്യത്തിന് വൻതോതിൽ അവർ വിലകുറച്ചു. കാരണം അടുത്ത സംസ്ഥാനങ്ങളിൽ നിന്നുള്ള വ്യാജമദ്യക്കടത്ത് അവസാനിപ്പിക്കാനും വരുമാനം വർദ്ധിപ്പിക്കാനും ലക്ഷ്യമിട്ടാണ് ഈ നീക്കം.
ഡൽഹിയിലെ സൗജന്യ മോഹല്ലാ ക്ലിനിക്കുകൾ, അന്താരാഷ്ട്ര നിലവാരമുള്ള സ്‌കൂളുകൾ, ചേരിനിർമ്മാർജ്ജനം ലക്ഷ്യമിട്ടുള്ള ബഹുനില ഫ്‌ളാറ്റുകളുടെ നിർമ്മാണം, നഗരം മുഴുവൻ സിസിടിവി കവറിംഗ്, ഉന്നത നിലവാരമുള്ള റോഡുകൾ ഇവയൊക്കെ ആം ആദ്മി സർക്കാർ പൂർത്തീകരിച്ച തെരഞ്ഞെടുപ്പ് വാഗ്ദാനങ്ങളാണ്.
ഇനി എംസിഡി തെരഞ്ഞെടുപ്പ് ജയിച്ചാൽ അരവിന്ദ് കെജ്‌രിവാൾ നൽകിയിരിക്കുന്ന 10 വാഗ്ദാനങ്ങളിൽ ഏറ്റവും പ്രമുഖമായത് താജ്മഹലിനേക്കാൾ ഉയരമുള്ള ഗാസിപ്പൂരിലെ ദുർഗന്ധം വമിക്കുന്ന മാലിന്യ മലയുടെ നിർമ്മാർജ്ജനമാണ്.
ഐക്യരാഷ്ട്രസഭ, ലോകത്തെ മലിനമായ നഗരങ്ങളുടെ പട്ടികയിൽ ഡൽഹിയെ മുന്പന്തിയിലാക്കാൻ കാരണവും ഈ ഗാർബേജ് മലയാണ്. 1984 മുതൽ ഡൽഹിയിലെ മാലിന്യം മുഴുവൻ ഇവിടെയാണ് കൂനകൂട്ടപ്പെട്ടിരിക്കുന്നത്. ഇത് സംസ്കരിക്കാൻ ഉള്ള നടപടികൾ ഡൽഹിയിലെ ഒരു കോർപ്പറേഷനുകളും ഇന്നുവരെ കൈക്കൊണ്ടിട്ടില്ല.
ഡൽഹി എംസിഡി യിൽ ആം ആദ്മി അധികാരത്തിലെത്തിയാൽ അവിടുത്തെ അഴിമതി തുടച്ചുനീക്കപ്പെടുന്നതുപോലെ ഈ മാലിന്യ മലയും ഇല്ലാതാക്കുമെന്ന അരവിന്ദ് കെജ്‌രിവാളിന്റെ ഉറപ്പിൽ ഡൽഹിയിലെ ജനത സംതൃപ്തരാണ്. കാരണം അവർ നൽകിയ വാഗ്ദാനങ്ങൾ പാലിക്കുന്ന വിഷയത്തിൽ ഇതുവരെ കണിശക്കരായാണ് ജനം അവരെ കാണുന്നത്.
എന്തിനേറെ ഡൽഹിയിലെ മലയാളികളിൽ ഭൂരിഭാഗവും ആം ആദ്മി സർക്കാരിനെ പൂർണ്ണമായും പിന്തുണയ്ക്കുന്നവരാണ്.
നടപ്പാക്കാൻ കഴിയുന്ന കാര്യങ്ങൾ മാത്രം ഉറപ്പുനൽകുന്ന, പറയുന്ന കാര്യങ്ങൾ പൂർണ്ണമായും നടപ്പാക്കുന്ന അരവിന്ദ് കെജ്‌രിവാൾ സർക്കാരിൽ ഡൽഹി ജനത വിശ്വാസം അർപ്പിച്ചുകഴിഞ്ഞിരിക്കുന്നു.
ജനം അംഗീകരിച്ച ഈ വസ്തുതകളെ അതിൻ്റെ യാഥാർഥ്യ ബോധത്തോടെ വസ്തുനിഷ്ഠമായി അപഗ്രഥിക്കാനും ഉൾക്കൊള്ളാനും ഇന്ത്യയിലെ എല്ലാ രാഷ്ട്രീയ പ്രസ്ഥാനങ്ങളും ശ്രമിക്കേണ്ടതാണ്. അല്ലാതെ വാരിക്കോരി സൗജന്യങ്ങൾ നൽകുന്നു എന്ന വിലകുറഞ്ഞ ആരോപണങ്ങൾ ജനം അവജ്ഞയോടെ തള്ളിക്കളയും എന്നതിൽ തർക്കമൊന്നുമില്ല.
തിരുവനന്തപുരം: പാറശ്ശാലയില്‍ കഞ്ചാവ് മാഫിയ ഗൃഹനാഥനെ വെട്ടിപ്പരിക്കേല്‍പ്പിച്ച സംഭവത്തില്‍ രണ്ട് പേര്‍ അറസ്റ്റില്‍. ഒളിവില്‍ പോയ പരശുവയ്ക്കല്‍ ആലംമ്പാറ പനന്തടികോണം സ്വദേശികളായ അനീഷ്, അബിന്‍ എന്നിവരാണ് പിടിയിലായത്. ഇവർ സംഭവശേഷം ബാംഗ്ലൂരിൽ ഒളിവിലായിരുന്നു. സംഭവം നടന്ന് ആറു മാസത്തിനു ശേഷം എറണാകുളത്ത് കാമുകിയെ കാണാന്‍ എത്തിയപ്പോഴാണ് പാറശാല പോലീസ് ഇവരെ പിടികൂടിയത്. ഒന്നാം പ്രതിയായ മിഥുനെ പാറശാല പോലീസ് നേരത്തെ പിടികൂടിയിരുന്നു. പരശുവയ്ക്കല്‍ സ്വദേശിയായ അജിയെയാണ് മൂന്നംഗസംഘം ആക്രമിച്ചത്. ചെവിക്ക് വെട്ടേറ്റ അജിയെയും മര്‍ദനത്തിനിരയായ ഭാര്യയെയും മകളെയും […]
ഇന്ത്യയിലെ പ്രമുഖ സാമ്പത്തിക സ്ഥാപനങ്ങളിലൊന്നായ ബജാജ് ഫിൻസെർവ് ലിമിറ്റഡിന്റെ ഭാഗമായ ബജാജ് ഫിനാൻസ് ലിമിറ്റഡുമായി (ബിഎഫ്എൽ) കൈകോർത്ത് ജാപ്പനീസ് വാഹന ബ്രാൻഡായ ടൊയോട്ട കിർലോസ്‍കർ മോട്ടോർസ്. കമ്പനിയുമായി ധാരണാപത്രം ഒപ്പുവെച്ചതായി ടൊയോട്ട കിർലോസ്‍കർ മോട്ടോർസ് പ്രഖ്യാപിച്ചു. ടെയോട്ട വാഹനങ്ങൾ വാങ്ങുന്നതിനുള്ള നടപടികൾ കൂടുതൽ എളുപ്പവും സൗകര്യപ്രദവുമാക്കുന്നതാണ് ധാരണപത്രം എന്നും ഇതുവഴി ഉപഭോക്താക്കൾക്ക് പ്രത്യേകം രൂപകൽപ്പന ചെയ്‌തിരിക്കുന്ന മെച്ചപ്പെട്ട റീട്ടെയിൽ ഫിനാൻസ് ഓപ്ഷനുകൾ ലഭ്യമാകും എന്നും കമ്പനി വാര്‍ത്താക്കുറിപ്പില്‍ അറിയിച്ചു. ബജാജ് ഫിനാൻസ് ഒരു സാങ്കേതികവിദ്യാധിഷ്ഠിത എൻബിഎഫ്‍സി ആണ്. […]
കൊച്ചി: കെ. വിദ്യ വ്യാജ രേഖ സമർപ്പിച്ച കേസിൽ അഗളി പോലീസ് ഇന്ന് കാസർകോടെത്തി തെളിവെടുക്കും. പിഎച്ച്ഡി വിവാദത്തിൽ കാലടി സർവകലാശാല ഉപസമിതിയും ഇന്ന് പരിശോധന തുടങ്ങും. മാർക്ക്‍ലിസ്റ്റ് വിവാദത്തിൽ ആർഷോയുടെ പരാതിയിൽ ജില്ലാ ക്രൈംബ്രാഞ്ചും ഇന്ന് അന്വേഷണമാരംഭിക്കും. അഗളി എസ്എച്ച്ഒയുടെ നേതൃത്വത്തിലുള്ള സംഘം വിദ്യയുടെ തൃക്കരിപ്പൂരിലെ വീട്ടിലെത്തി പരിശോധന നടത്തി ബന്ധുക്കളുടെ മൊഴി രേഖപ്പെടുത്തും. വ്യാജരേഖ സമർപ്പിച്ച് ഗസ്റ്റ് ലക്ചററായി വിദ്യ ഒരു വർഷം ജോലിചെയ്ത കരിന്തളം ഗവൺമെന്റ് ആർട്സ് ആൻഡ് സയൻസ് കോളേജിലും പ്രിൻസിപ്പൽ […]
യൂറോപ്യൻ വാഹന ബ്രാൻഡായ റെനോ, BS6 രണ്ടാം ഘട്ട കംപ്ലയിന്റ് എൻജിനോടുകൂടിയ കിഗർ, ട്രൈബർ എഎംടി എന്നിവയുടെ ഡെലിവറി ആരംഭിച്ചു. ഹ്യൂമൻ ഫസ്റ്റ് ഇനീഷ്യേറ്റീവിന് കീഴിൽ മെച്ചപ്പെട്ട ക്ലാസ് ലീഡിംഗ് സുരക്ഷാ ഫീച്ചറുകളോടെയാണ് റെനോ കൈഗർ എഎംടി, ട്രൈബർ എഎംടി ശ്രേണി വരുന്നത്. സെഗ്‌മെന്റ് മുൻനിര സുരക്ഷാ ഫീച്ചറുകളുമായി വരുന്ന ഈ കാറുകൾക്ക് 8.47 ലക്ഷം രൂപ മുതൽ 8.12 ലക്ഷം രൂപ വരെയാണ് ദില്ലി എക്‌സ്‌ഷോറൂം വില. കൈഗർ, ട്രൈബർ എന്നിവയുടെ മുഴുവൻ വകഭേദങ്ങളും അപകടസാധ്യത […]
കോട്ടയം: കാൽ കിലോ കഞ്ചാവുമായി സിനിമയിലെ അസിസ്റ്റന്‍റ് ക്യാമറാമാൻ കോട്ടയം മുണ്ടക്കയത്ത് പിടിയില്‍. മുണ്ടക്കയം സ്വദേശി സുഹൈൽ സുലൈമാനാണ് അറസ്റ്റിലായത്. നീലവെളിച്ചം സിനിമയുടെ അസിസ്റ്റന്‍റ് ക്യാമറാമാനാണ് ഇയാൾ. സംശയാസ്പദമായി കണ്ട സുഹൈലിനെ പരിശോധിച്ചപ്പോഴാണ് കഞ്ചാവ് കണ്ടെടുത്തത്.
നാലാള് കൂടി നിൽക്കുന്ന സ്ഥലത്ത് പല്ലിളിച്ച് ചിരിക്കാൻ പലർക്കും അസ്വസ്ഥതകൾ തോന്നാറുണ്ട്. പല്ലിന്റെ മഞ്ഞ നിറമാണ് ഇതിന്റെ പ്രധാനകാരണം. പല്ല് കാണിച്ച് ചിരിച്ചാൽ എല്ലാവരും പിന്നെ പല്ലിന്റെ മഞ്ഞ നിറം കണ്ടാലോ എന്ന പേടിയും പലർക്കുമുണ്ട്. എന്നാൽ ഇനി ആത്മവിശ്വാസത്തോടെ ചിരിക്കാം. പല്ലിന്റെ ആരോഗ്യവും വെളുത്ത നിറവും വീണ്ടെടുക്കാൻ ഇതൊക്കെയൊന്ന് പരീക്ഷിച്ചാൽ മാത്രം മതി. മറക്കാതെ പാലിക്കാം ഈ ടിപ്സ്… ∙ ഉപ്പ് പല്ലിന്റെ മഞ്ഞ നിറം മാറ്റുന്നതിന് ഏറ്റവും ഗുണപ്രദമായൊരു പോംവഴിയാണ് ഉപ്പ്. ടൂത്ത് പേസ്റ്റ് […]
നമ്മളെല്ലാവരും വിയർക്കുന്നവരാണ്. എന്നാൽ ചിലരാവട്ടെ വിയർക്കുന്നതിനൊപ്പം ദുർഗന്ധം വഹിച്ചാവും നടക്കുന്നത്. ഇത് മറ്റുള്ളവർ നമ്മെ ശുചിത്വമില്ലാത്തവരായി കണക്കാക്കാൻ കാരണമാവും. ഇത് അകറ്റാൻ ഒരു പരിധിവരെ പെർഫ്യൂം ഉപയോഗിക്കുന്നത് സഹായിക്കുമെങ്കിലും അതൊരു ശാശ്വത പരിഹാരമല്ല. ∙ റോസ് വാട്ടർ റോസ് വാട്ടർ ശരീര ദുര്‍ഗന്ധം അകറ്റാന്‍ ഒരു മികച്ച പോംവഴിയാണ്. കക്ഷം, കഴുത്തിന്റെ ഭാഗം തുടങ്ങി അമിതമായ വിയര്‍പ്പ് ഉള്ളയിടത്ത് റോസാപ്പൂവില്‍ നിന്ന് നിര്‍മിച്ച ഫ്രഷ് റോസ് വാട്ടര്‍ പുരട്ടിക്കൊടുക്കാം. ഇതൊരു 30 മിനുട്ട് പുരട്ടിയതിന് ശേഷം, ശുദ്ധമായ […]
കൊച്ചി; ബംഗാൾ ഉൾക്കടലിൽ ന്യൂനമർദം രൂപപ്പെട്ടതിനാൽ സംസ്ഥാനത്ത് മഴ കനക്കും. ഇന്ന് അഞ്ച് ജില്ലകളിൽ യെല്ലോ അലർട്ട് പ്രഖ്യാപിച്ചു. പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി ജില്ലകളിലാണ് യെല്ലോ അലർട്ട്. ശക്തമായ കാറ്റിനും ഇടിമിന്നലിനോടും കൂടിയ മഴയ്ക്കാണ് സാധ്യത. കേരളം, കർണാടക, ലക്ഷദ്വീപ് തീരങ്ങളിൽ മണിക്കൂറിൽ 55 കിലോമീറ്റർവരെ വേഗതയിൽ കാറ്റിനു സാധ്യതയുള്ളതിനാൽ മത്സബന്ധനം പാടില്ല. അതേസമയം,മദ്ധ്യകിഴക്കൻ അറബിക്കടലിനു മുകളിലെ ബിപോർജോയ് അതിതീവ്ര ചുഴലിക്കാറ്റായി മാറി. നാളെയും പത്തനംതിട്ട,ആലപ്പുഴ, കോട്ടയം, എറണാകുളം, ഇടുക്കി ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. […]
കൊച്ചി: വ്യാജരേഖ കേസിൽ മുൻ എസ്എഫ്ഐ നേതാവ് കെ. വിദ്യ ഒളിവിൽ തന്നെ. അഗളി പൊലീസ് ഇന്ന് കാസർകോടെത്തി തെളിവെടുക്കും.പിഎച്ച്ഡി വിവാദത്തിൽ കാലടി സർവകലാശാല ഉപസമിതിയും ഇന്ന് പരിശോധന തുടങ്ങും. മാർക്ക്‍ലിസ്റ്റ് വിവാദത്തിൽ ആർഷോയുടെ പരാതിയിൽ ജില്ലാ ക്രൈംബ്രാഞ്ചും ഇന്ന് അന്വേഷണമാരംഭിക്കും. കെ. വിദ്യ വ്യാജ രേഖ സമർപ്പിച്ച കേസിൽ അന്വേഷണങ്ങൾക്കായി അഗളി പൊലീസ് ഇന്ന് കാസർകോട് എത്തും. ഉച്ചയ്ക്ക് പന്ത്രണ്ടോടെയാവും അഗളി എസ്എച്ച്ഒയുടെ നേതൃത്വത്തിലുള്ള സംഘമെത്തുക. വിദ്യയുടെ തൃക്കരിപ്പൂരിലെ വീട്ടിലെത്തി പരിശോധന നടത്തും. ബന്ധുക്കളുടെ മൊഴി രേഖപ്പെടുത്തും. […]
തിരുവനന്തപുരം : സംസ്ഥാന സർക്കാർ അതികഠിനമായ സാമ്പത്തിക പ്രതിസന്ധിയിൽ. വായ്പാപരിധി കേന്ദ്രസർക്കാർ വെട്ടിക്കുറച്ചതാണ് പ്രതിസന്ധിക്ക് പ്രധാന കാരണം. ശമ്പളവും പെൻഷനും നൽകാനടക്കം 2000 കോടിയിലേറെ വായ്പയെടുത്തായിരുന്നു സർക്കാർ പിടിച്ചു നിന്നിരുന്നത്. എന്നാൽ കേന്ദ്രത്തിന്റെ കടുംവെട്ട് വന്നതോടെ ഒന്നിനും കഴിയാതായി. രണ്ടറ്റവും കൂട്ടിമുട്ടിക്കാൻ പെടാപ്പാടു പെടുന്ന കാരണവരെപ്പോലെയാണ് ധനവകുപ്പ്. ബില്ലുകളെല്ലാം തടഞ്ഞുവയ്ക്കുന്നെന്ന് വകുപ്പുകൾ ധനവകുപ്പിനെ കുറ്റം പറയുമ്പോഴും അത്യാവശ്യത്തിനു പോലും പണമില്ലാതെ വലയുകയാണ് സർക്കാർ. ലോകകേരള സഭയടക്കമുള്ള ധൂർത്തുകൾ മറുവശത്ത് നടക്കുന്നുമുണ്ട്. ബജറ്റ് വിഹിതം നീക്കിവച്ചതാണ് എന്നാണ് ഈ […]
മലപ്പുറം: അന്വേഷണം നടക്കുന്നതിനിടെയാണ് എസ്.എഫ്.ഐ സംസ്ഥാന സെക്രട്ടറി നിരപരാധിയാണെന്നാണ് ഉന്നത വിദ്യാഭ്യാസ വകുപ്പ് മന്ത്രി പറഞ്ഞതെന്ന് പ്രതിപക്ഷ നേതാവ് വിഡി സതീശന്‍. എന്തിന്റെ അടിസ്ഥാനത്തിലാണ് മന്ത്രി ഇയാളെ കുറ്റവിമുക്തനാക്കുന്നത്? മന്ത്രി അന്വേഷണത്തെ സ്വാധീനിക്കുകയാണ്. എന്‍.ഐ.സി റിപ്പോര്‍ട്ട് വന്നു കഴിഞ്ഞാല്‍ അധ്യാപകര്‍ പരിശോധിച്ച ശേഷമെ മഹാരാജാസിന്റെ വെബ് സൈറ്റില്‍ ഫലം പ്രസിദ്ധീകരിക്കാറുള്ളൂ. എന്‍.ഐ.സി നല്‍കിയ ഫലത്തില്‍ ആര്‍ഷോയുടെ പേരുള്ളത് വകുപ്പ് മേധാവികള്‍ പരിശോധിച്ചില്ലേ? പ്രിന്‍സിപ്പലിനെ എസ്.എഫ്.ഐ ഭീഷണിപ്പെടുത്തിയാണ് രാവിലെ പറഞ്ഞത് ഉച്ചയ്ക്ക് മാറ്റിപ്പറയിപ്പിച്ചതെന്നും സതീശന്‍ പറഞ്ഞു. രണ്ട് ശതമാനം […]
കുവൈറ്റ്‌: പൂരം ഗഡീസ് സംഘടിപ്പിക്കുന്ന 2023-2024 വർഷത്തേക്കുള്ള ഫിറ്റ്നസ് ചലഞ്ച് കുവൈറ്റ്‌ സാൽമിയ മറീന ബീച്ചിൽ തുടക്കം കുറിച്ചു. 365 ദിവസവും ഫിറ്റ്നസ് എന്ന ലക്ഷ്യം മുൻ നിർത്തി സംഘടിപ്പിക്കുന്ന ആരോഗ്യ സംരക്ഷണ യാത്ര 2023 ജൂൺ 09 രാവിലെ 6.00 മണിക്ക് മറീന ബീച്ചിൽ ആരംഭമായി. ജോസഫ് കനകൻ സ്വാഗതം പറഞ്ഞ ചടങ്ങിൽ, യാത്രയുടെ ഔദ്യോഗിക ഉത്ഘാടന കർമ്മം ഫിറ്റ്നസ് മെസഞ്ചർ ജോബി മൈക്കിൾ ഓൺലൈനിൽ നിർവഹിച്ചു. പൂരം ഗഡീസിന്റെ നേതൃത്വത്തിൽ കഴിഞ്ഞ രണ്ട് വർഷങ്ങളിലായി […]
മലപ്പുറം: കെ ഫോണില്‍ ചൈനയില്‍ നിന്നും ഇറക്കുമതി ചെയ്ത കേബിളില്‍ ഇന്ത്യന്‍ കമ്പനിയുടെ സീല്‍ പതിപ്പിച്ചാണ് നല്‍കിയിരിക്കുന്നതെന്ന ആരോപണം പ്രതിപക്ഷമാണ് ആദ്യമായി ഉന്നയിച്ചതെന്ന് വിഡി സതീശന്‍.എന്നാല്‍ മുഖ്യമന്ത്രി അതിനെ പരിഹസിച്ചു. കുടില്‍ വ്യവസായത്തിന് പോലും ഓണ്‍ലൈനായി സാധനങ്ങള്‍ വരുത്തുന്ന കാലത്ത് അപരിഷ്‌കൃത ചിന്തയുമായി നടക്കുന്ന ആളാണ് പ്രതിപക്ഷ നേതാവെന്നും പറഞ്ഞു. കുടില്‍ വ്യവസായത്തിന് ഓണ്‍ലൈനായി സാധനം വാങ്ങുന്നതു പോലെയാണോ കെ ഫോണിന് ചൈനയില്‍ നിന്നും കേബിള്‍ വരുത്തുന്നത്? ഇന്ത്യ നിര്‍മ്മിത കേബിള്‍ മാത്രമെ ഉപയോഗിക്കാവൂ എന്ന വ്യവസ്ഥ […]
കൽപറ്റ: പുൽപ്പള്ളി സഹകരണ ബാങ്കില്‍ എൻഫോഴ്സ്മെന്റ് ഡയറക്ടറേറ്റിന്റെ (ഇഡി) റെയ്ഡ്. മുൻ ബാങ്ക് പ്രസിഡന്റും കെപിസിസി മുൻ ജനറൽ സെക്രട്ടറിയുമായ കെ.കെ.ഏബ്രഹാമിന്റെ പുൽപ്പള്ളിയിലെ വസതിയിലുൾപ്പെടെ മറ്റു നാലിടങ്ങളിലും റെയ്ഡ് നടക്കുന്നുണ്ടെന്നാണ് വിവരം. ആറു പേരടങ്ങിയ സംഘമാണ് പരിശോധന നടത്തുന്നത്. ബാങ്കിലെ വായ്പ തട്ടിപ്പുമായി ബന്ധപ്പെട്ട് ഇഡി കേസ് റജിസ്റ്റർ ചെയ്തിരുന്നു. ആ കേസ് അന്വേഷണത്തിന്റെ ഭാഗമായാണ് റെയ്ഡ് എന്നാണ് സൂചന. വായ്പാത്തട്ടിപ്പിൽ കുരുങ്ങിയ കേളക്കവല ഇടയിലാത്ത് രാജേന്ദ്രൻ നായർ ആത്മഹത്യ ചെയ്തതിനെ തുടർന്ന് വ്യാപക പ്രതിഷേധമുയർന്നതിനു പിന്നാലെയാണ് […]
കോട്ടയം: കാഞ്ഞിരപ്പള്ളി അമല്‍ ജ്യോതി കോളജിലെ ജീവനൊടുക്കിയ വിദ്യാര്‍ത്ഥിനി ശ്രദ്ധ സതീഷിന്റെ മുറിയില്‍ നിന്നും കിട്ടിയ കുറിപ്പ് ശാസ്ത്രീയ പരിശോധനയ്ക്ക് വിധേയമാക്കുമെന്ന് പൊലീസ്. ആരാണ് കുറിപ്പ് എഴുതിയത് എന്നതടക്കം ശാസ്ത്രീയമായി പരിശോധിക്കും. അതിനു ശേഷമേ കേസുമായി കുറിപ്പിന് ബന്ധമുണ്ടോ എന്ന് പറയാനാകൂ എന്നും എസ്പി കാര്‍ത്തിക് പറഞ്ഞു. നേരത്തെ ശ്രദ്ധയുടെ ആത്മഹത്യാക്കുറിപ്പ് ലഭിച്ചതായി പൊലീസ് അറിയിച്ചിരുന്നു. എന്നാല്‍ പൊലീസിന്റെ വെളിപ്പെടുത്തലിനെതിരെ ശ്രദ്ധയുടെ കുടുംബം രംഗത്തെത്തിയതോടെയാണ്, കുറിപ്പില്‍ ദുരൂഹത വര്‍ധിച്ചത്. ശ്രദ്ധ സതീഷ് എഴുതിയെന്നു പറയുന്ന ആത്മഹത്യാക്കുറിപ്പ് വ്യാജമാണെന്നാണ് […]
മുംബൈ: മുംബൈയില്‍ ജീവിതപങ്കാളിയെ വെട്ടിനുറുക്കിയ സംഭവത്തില്‍ പ്രതി മനോജ് സാനെയുടെ വെളിപ്പെടുത്തല്‍. മരിച്ച 32 കാരിയായ സരസ്വതി വൈദ്യ തനിക്ക് മകളെപ്പോലെയായിരുന്നുവെന്നാണ് പ്രതി പൊലീസിനോട് പറഞ്ഞത്. യുവതിയുമായി ശാരീരിക ബന്ധത്തില്‍ ഏര്‍പ്പെട്ടിട്ടില്ലെന്നും ഇയാള്‍ പൊലീസിനോട് പറഞ്ഞു. താന്‍ എച്ച്‌ഐവി പോസിറ്റീവ് ആണെന്നും മനോജ് സാനെ ചോദ്യം ചെയ്യലില്‍ പൊലീസിനോട് പറഞ്ഞു. 2008 ലാണ് എഐവി സ്ഥിരീകരിക്കുന്നത്. അപകടത്തില്‍പ്പെട്ട് ചികിത്സയില്‍ കഴിഞ്ഞപ്പോള്‍ രക്തം സ്വീകരിക്കേണ്ടി വന്നിരുന്നു. അപ്പോഴാണ് എച്ച്‌ഐവി ബാധയുണ്ടായതെന്നാണ് സംശയിക്കുന്നതെന്നും ഇയാള്‍ പറഞ്ഞു. സരസ്വതി പത്താം ക്ലാസ് […]