27
Saturday November 2021
കേരളം

കോവിഡ് അനാഥരാക്കിയ സഹോദരിമാര്‍ക്ക് ആശ്രയമായി ബാബു ചാഴികാടന്‍ ഫൗണ്ടേഷന്‍; 35 ലക്ഷം രൂപ മുടക്കി നിര്‍മിക്കുന്ന വീടിന്റെ തറക്കല്ലീടില്‍ ചടങ്ങ് മാര്‍ ജോസഫ് കല്ലറങ്ങാട്ട് നിര്‍വഹിച്ചു

ന്യൂസ് ബ്യൂറോ, കോട്ടയം
Thursday, October 21, 2021

കോട്ടയം: അനാഥത്വത്തിന്റെ വേദനയില്‍ നീറുന്ന അവര്‍ക്ക് തണലായി ബാബു ചാഴികാടന്‍ ഫൗണ്ടേഷന്‍. വീടെന്ന സ്വപ്‌നത്തിലേക്കുള്ള ആദ്യ ചുവടുവച്ച് ബാബുവിന്റെയും ജോളിയുടെയും പെണ്‍മക്കള്‍. ഇവര്‍ക്കുള്ള വീടിന്റെ തറക്കല്ലിടീല്‍ കര്‍മ്മം പാലാ രൂപതാ ബിഷപ്പ് മാര്‍ ജോസഫ് കല്ലറങ്ങാട്ടില്‍ ഇന്നലെ കുറുപ്പന്തറയില്‍ നിര്‍വഹിച്ചു. 35 ലക്ഷം രൂപ മുടക്കി നിര്‍മിക്കുന്ന വീട് ബാബു ചാഴികാടന്റെ 31ാം ചരമവാര്‍ഷിക ദിനമായ അടുത്ത മേയ് 15 ന് മുന്‍പ് പൂര്‍ത്തിയാക്കി താക്കോല്‍ ദാനവും ഗൃഹപ്രവേശനവും നടത്താനാണ് പദ്ധതി.

കോവിഡ് ബാധിച്ചു മാതാപിതാക്കളെ നഷ്ടപ്പെട്ട് അനാഥരായ നാലു പെണ്‍കുട്ടികള്‍ക്കും അവരുടെ ഭിന്നശേഷിക്കാരിയായ പിതൃസഹോദരിക്കും വീട് നിര്‍മിച്ചു കൊടുക്കുമെന്ന് ബാബു ചാഴികാടന്‍ ഫൗണ്ടേഷന്‍ മേയില്‍ പ്രഖ്യാപിച്ചിരുന്നു. തുടര്‍ നടപടികള്‍ പെട്ടെന്നു പൂര്‍ത്തിയാക്കി വീടിന്റെ പണി തുടങ്ങുകയായിരുന്നു.

കുറുപ്പന്തറ കൊച്ചുപറമ്പില്‍ ബാബു (54) മേയ് രണ്ടിനാണു കോവിഡ് ബാധിച്ചു മരിച്ചത്. 11 ദിവസത്തിനു ശേഷം ഭാര്യ ജോളിയും (50) മരിച്ചു. ഇരുവരും കൂലിപ്പണി ചെയ്താണ് കുടുംബം പുലര്‍ത്തിയിരുന്നത്. നാലു പെണ്‍കുട്ടികളാണ് ദമ്പതികള്‍ക്ക്. മൂത്തമകള്‍ ചിഞ്ചു (25) ഫിസിയോ തെറപ്പിയും രണ്ടാമത്തെ മകള്‍ ദിയ ബാബു ജനറല്‍ നഴ്‌സിങ് വിദ്യാര്‍ഥിയുമാണ്. മൂന്നാമത്തെ മകള്‍ അഞ്ജു (18) പ്ലസ്ടുവിനും നാലാമത്തെ മകള്‍ ബിയ (14) ഒന്‍പതാം ക്ലാസിലും പഠിക്കുന്നു. 10 സെന്റും വീടുമാണ് ഇവരുടെ ആകെ സ്വത്ത്. ബാബുവിന്റെ സഹോദരി ഷൈബി ഇവര്‍ക്കൊപ്പമാണു താമസം. ഭിന്നശേഷിക്കാരിയായ ഷൈബി എംജി സര്‍വകലാശാലയിലെ താല്‍ക്കാലിക ജീവനക്കാരിയാണ്. ഇവര്‍ക്കു കൂടി സൗകര്യപ്പെടുന്ന രീതിയിലാണ് വീടിന്റെ നിര്‍മാണം.

ബാബു ചാഴികാടന്റെ ചരമവാര്‍ഷിക ദിനമായ മേയ് 15നാണ് നാലു പെണ്‍കുട്ടികള്‍ അടക്കം അഞ്ചു പേരുടെ വേദന വാര്‍ത്തയാകുന്നത്. ബാബു ചാഴികാടന്റെ ചരമവാര്‍ഷിക ദിനമായ അന്നു ചേര്‍ന്ന ഫൗണ്ടെഷന്‍ യോഗത്തില്‍ കുടുംബത്തിന്റെ സംരക്ഷണം ഏറ്റെടുക്കാന്‍ തീരുമാനിച്ചു. ചരമവാര്‍ഷിക ദിനത്തില്‍ വാര്‍ത്ത വന്നതും കുട്ടികളുടെ പിതാവിന്റെ പേര് ബാബു എന്ന് ആയതുമാണ് ഇത്തരമൊരു തീരുമാനം പെട്ടെന്ന് എടുക്കാന്‍ പ്രേരിപ്പിച്ചതെന്ന് ഫൗണ്ടേഷന്‍ ചെയര്‍മാന്‍ കൂടിയായ തോമസ് ചാഴികാടന്‍ എംപി പറഞ്ഞു.

കുട്ടികളുടെ പേരിലുള്ള 10 സെന്റ് സ്ഥലത്ത് രണ്ടു നിലയില്‍ 1800 സ്‌ക്വയര്‍ ഫീറ്റ് വീടാണ് നിര്‍മിച്ചു നല്‍കുക. കോവിഡ് ബാധിച്ച് മാതാപിതാക്കള്‍ മരിച്ച കുട്ടികളുടെ സംരക്ഷണത്തിനു പ്രത്യേക പാക്കേജ് പ്രഖ്യാപിക്കുമെന്ന മുഖ്യമന്ത്രിയുടെ പ്രഖ്യാപനത്തില്‍ നിര്‍ണായകമായത് ഇവരുടെ അവസ്ഥയാണ്. കുട്ടികളുടെ സംരക്ഷണത്തിനായി സര്‍ക്കാര്‍ സഹായം തേടി മന്ത്രി റോഷി അഗസ്റ്റിന്‍, തോമസ് ചാഴികാടന്‍ എംപി എന്നിവര്‍ മുഖ്യമന്ത്രിയെ കണ്ടു നിവേദനം നല്‍കിയിരുന്നു.

തറക്കല്ലിടില്‍ കര്‍മ്മത്തില്‍ മണ്ണാറപ്പാറ സെയിന്റ് സേവ്യഴ്‌സ് പള്ളി വികാരി ഫാ. എബ്രഹാം കുപ്പപ്പുഴക്കല്‍, തോമസ് ചാഴികാടന്‍ എംപി, പാസ്റ്ററല്‍ അസിസ്റ്റന്റ് ഫാ. തോമസ് വലിയവീട്ടില്‍, അസിസ്റ്റന്റ് വികാരി ഫാ. ജോസഫ് താന്നിയ്ക്കപ്പാറ, ഫാ. ജോസഫ് തെരുവില്‍, ഫൗണ്ടേഷന്‍ സെക്രട്ടറി റോയ് മാത്യു, ട്രഷറര്‍ പ്രൊഫ: ബാബു തോമസ് പൂഴിക്കുന്നേല്‍, ഡയറക്ടര്‍ ബോര്‍ഡ് അംഗങ്ങളായ ഡോ കുര്യാസ് കുമ്പളകുഴി, സിറിയക് ചാഴികാടന്‍, ബാബു ചാഴികാടന്റെ കുടുംബാംഗങ്ങള്‍, ജോണി കണ്ടാരപ്പള്ളി , ഡോ ജോര്‍ജ് എബ്രഹാം, സീന കൊട്ടാരം തുടങ്ങിയവര്‍ പങ്കെടുത്തു.

വെബ്സൈറ്റിൽ അപ്ഡേഷൻ നടക്കുന്നതിനാൻ പുതിയ വാർത്തകൾ അപ് ലോഡ് ചെയ്യുന്നതിലും വാർത്ത ലിങ്കുകൾ തുറക്കുന്നതിലും നേരിയ താമസം നേരിടുന്നുണ്ട്. മാന്യ വായനക്കാർ സഹകരിക്കുമല്ലോ.

More News

കുവൈറ്റ്: തൃശൂർ അസോസിയേഷന്റെ പതിനഞ്ചാം വാർഷിക ആഘോഷം ഫേസ്ബുക്ക് ലൈവ് ആയി നടത്തി. അംഗങ്ങളുടെ വെൽക്കം ഡാൻസും, വിവിധ കലാപരിപാടികളും, ഓർക്കിഡിസ് മ്യൂസിക്കൽ ഈവന്റ്സ് അവതരിപ്പിച്ച സംഗീത വിരുന്നും ആഘോഷത്തിനു മാറ്റുകൂട്ടി. പ്രാർത്ഥനാ ഗീതത്തോടെ ആരംഭിച്ച യോഗത്തിൽ അൽമുള്ള എക്സ്ചേഞ്ച് മാർക്കറ്റിങ്ങ് മാനേജർ ഹുസേഫ സാദൻപൂർവാല നിലവിളക്ക് കൊളുത്തി ഉദ്ഘാടനം നിർവ്വഹിച്ചു. ഇന്ത്യൻ അംബാസിഡർ സിബി ജോർജ്ജ് അസോസിയേഷൻ അംഗങ്ങൾക്ക്‌ ആശംസകള്‍ അര്‍പ്പിച്ചു. കുവൈറ്റിലെ വളരെ ആക്ടീവ്‌ ആയീട്ടുള്ള അസോസിയേഷനുകളിൽ ഒന്നാണ് തൃശൂർ അസോസിയേഷൻ ഓഫ് കുവൈറ്റ് […]

അയല്‍ക്കാരന്റെ ആടുമായി ലൈംഗിക ബന്ധത്തിലേര്‍പ്പെട്ട അറുപതുകാരനായ മലേഷ്യക്കാരന് ഇരുപതു വര്‍ഷത്തെ തടവു ശിക്ഷയും ചാട്ടവാറടിയും വിധിച്ച് കോടതി. തലസ്ഥാനമായ ക്വാലാലംപൂരില്‍ നിന്ന് ഏകദേശം 18 മൈല്‍ വടക്ക് പടിഞ്ഞാറ് റാവാംഗിലാണ് സംഭവം നടന്നത്. ഹസന്‍ എന്ന അറുപതുകാരനാണ് കുറ്റം ചെയ്തതായി തെളിഞ്ഞത്. ഹസന്റെ അയല്‍ക്കാരനായ വ്യക്തിയാണ് ഇയാള്‍ക്കെതിരെ കേസ് കൊടുത്തത്. തന്റെ പെണ്ണാടിനെ ഹസന്‍ ലൈംഗികമായി ഉപദ്രവിച്ച് കൊലപ്പെടുത്തി എന്നാണ് അയല്‍ക്കാരന്റെ പരാതി. രാത്രിയില്‍ ആടിന്റെ അസ്വാഭാവികമായ ശബ്ദം കേട്ട് ഉടമ എഴുന്നേറ്റ് നോക്കിയപ്പോള്‍ വീടിന്റെ പിന്‍ഭാഗത്തായി […]

ചെന്നൈ: ബംഗാള്‍ ഉള്‍ക്കടലിലെ ന്യൂനമര്‍ദത്തെ തുടര്‍ന്ന് തമിഴ്‌നാട്ടില്‍ പെയ്യുന്ന തുടര്‍ച്ചയായ മഴയിലും തുടര്‍ന്നുണ്ടായ അപകടങ്ങളിലും മരിച്ചവരുടെ എണ്ണം എട്ടായി. വെള്ളിയാഴ്ച മൂന്നുപേര്‍ മരിച്ചതായി മന്ത്രി കെ.കെ.എസ്.എസ്.ആര്‍. രാമചന്ദ്ര പ്രതികരിച്ചു. 120 വീടുകള്‍ക്കും 681 കുടിലുകള്‍ക്കും തകരാറുണ്ടായി. 152 ഓളം കന്നുകാലികള്‍ ചത്തു. ചെങ്കല്‍പെട്ട്, കാഞ്ചീപുരം എന്നിവിടങ്ങളില്‍ ദേശീയ ദുരന്ത നിവാരണ സേനയെ വിന്യസിച്ചു. തമിഴ്‌നാടിന്റെ തീരദേശ ജില്ലകളില്‍ റെഡ് അലര്‍ട്ട് പ്രഖ്യാപിച്ചിട്ടുണ്ട്. ഇവിടങ്ങളില്‍ ഒറ്റപ്പെട്ട തീവ്രമഴയ്ക്കും അതിതീവ്രമഴയ്ക്കും സാധ്യത. ചെന്നൈ, ചെങ്കല്‍പേട്ട്, തിരുനെല്‍വേലി, തൂത്തുക്കുടി, രാമനാഥപുരം, നാഗപട്ടണം, […]

തിരുവനന്തപുരം: ദേശീയ ജന്തുരോഗ നിയന്ത്രണ പദ്ധതിയുടെ ഭാഗമായുളള കുളമ്പുരോഗ പ്രതിരോധ കുത്തിവയ്പ്പ് തീവ്രയജ്ഞം സംസ്ഥാനത്ത് വിജയകരമായി പൂർത്തീകരിച്ചു. സംസ്ഥാനത്തുള്ള പശു, എരുമ വർഗ്ഗങ്ങളുടെ കുളമ്പുരോഗ പ്രതിരോധ കുത്തിവയ്പ്പാണ് ഇപ്പോൾ നടന്നിട്ടുള്ളത്. 11,54,105 ഉരുക്കൾക്ക് കുത്തിവയ്പ്പ് നൽകി. ആകെ ഉരുക്കളുടെ എണ്ണത്തിന്റെ 80% ത്തെ വാക്സിനേറ്റ് ചെയ്യുക വഴി “ഹെര്‍ഡ് ഇമ്മ്യൂണിറ്റി” കൈവരിക്കുന്നതിന് സാധിച്ചു. മുന്‍ വര്‍ഷങ്ങളില്‍ നിന്നും വ്യത്യസ്തമായി കൃത്യം ഒരു മാസത്തിനുള്ളില്‍ യജ്ഞം വിജയകരമായി അവസാനിപ്പിച്ചിട്ടുണ്ട്. യജ്ഞവുമായി ബന്ധപ്പെട്ട് പ്രതിരോധ ശേഷിയുടെ അളവ് നിർണ്ണയിക്കുന്ന സീറോ […]

തിരുവനന്തപുരം: അട്ടപ്പാടിയില്‍ അടിക്കടി ഉണ്ടാകുന്ന ശിശു മരണത്തിനു കാരണം സര്‍ക്കാരിന്റെ കടുത്ത അനാസ്ഥയാണെന്ന് മുന്‍ പ്രതിപക്ഷ നേതാവ് രമേശ് ചെന്നിത്തല. സര്‍ക്കാരിനെ ഒന്നാം പ്രതിയാക്കി കേസെടുക്കണമെന്നും അദ്ദേഹം ആവശ്യപ്പെട്ടു. പോഷകാഹാരക്കുറവും ചികിത്സാ സംവിധാനങ്ങളുടെ അഭാവവുമാണ് പിഞ്ചുകുഞ്ഞുങ്ങളുടെ മരണത്തിനു കാരണമെന്ന് നേരത്തേ മരണങ്ങള്‍ നടന്ന അവസരങ്ങളില്‍ ചൂണ്ടിക്കാട്ടിയിട്ടും അവ പരിഹരിക്കുന്നതില്‍ സര്‍ക്കാര്‍ ഗുരുതരവീഴ്ചയാണ് വരുത്തിയിരിക്കുന്നത്. നേരത്തെതന്നെ ഇക്കാര്യത്തില്‍ സര്‍ക്കാരിന്റെ കാര്യക്ഷമമായ ഇടപെടല്‍ ഉണ്ടായിരുന്നെങ്കില്‍ നാലു ദിവസത്തിനിടെ നാല് പിഞ്ചു കുട്ടികളുടെ മരണത്തിനിടയാക്കിയ ദാരുണ സംഭവം ഒഴിവാക്കാമായിരുന്നു. ഈ വര്‍ഷം […]

ഐഎൻടിയുസി ജില്ലാ കമ്മിറ്റിയും ടൈറ്റാനിയം പ്രോഡക്ട്സ് ലേബർ യൂണിയനും സംയുക്തമായി ഏർപ്പെടുത്തിയിട്ടുള്ള അഞ്ചാമത് എ വെങ്കടാചലം പുരസ്കാരം തിങ്കളാഴ്ച 3.00 മണിക്ക് തിരുവനന്തപുരം പ്രസ് ക്ലബ് ഹാളിൽ നടക്കുന്ന ചടങ്ങിൽ പ്രതിപക്ഷനേതാവ് വി.ഡി സതീശൻ പാലക്കാട് ജില്ലയിലെ മുൻ കൊല്ലങ്കോട് എംഎൽഎ കെ.എ ചന്ദ്രന്  സമർപ്പിക്കും. പി.സി വിഷ്ണുനാഥ് എംഎൽഎ, ഐഎൻടിയുസി സംസ്ഥാന പ്രസിഡൻറ് ആർ. ചന്ദ്രശേഖരൻ, ഡിസിസി പ്രസിഡൻറ് പാലോട് രവി, സിഐടിയു സംസ്ഥാന പ്രസിഡൻറ് ആനത്തലവട്ടം ആനന്ദൻ, എഐടിയുസി സംസ്ഥാന സെക്രട്ടറി  കെ.പി ശങ്കരദാസ്, […]

തിരുവനന്തപുരം :- സാമ്പത്തിക ബാധ്യത തീർക്കാൻ വിഴിഞ്ഞത്തെ സ്ത്രീകൾ വൃക്ക വിൽക്കുന്നുവെന്ന വിവരത്തെ കുറിച്ച് അന്വേഷിക്കാൻ സംസ്ഥാന മനുഷ്യാവകാശ കമ്മീഷൻ അധ്യക്ഷൻ ജസ്റ്റിസ് ആന്റണി ഡൊമിനിക്ക് ഉത്തരവിട്ടു. തിരുവനന്തപുരം റൂറൽ ജില്ലാ പോലീസ് മേധാവിയും ജില്ലാമെഡിക്കൽ ഓഫീസറും അന്വേഷണം നടത്തി നാലാഴ്ചയ്ക്കകം റിപ്പോർട്ട് സമർപ്പിക്കണമെന്ന് കമ്മീഷൻ ആവശ്യപ്പെട്ടു. തീരദേശത്ത് അവയവ മാഫിയ പിടിമുറുക്കുന്നുവെന്ന മാധ്യമ വാർത്തകളുടെ അടിസ്ഥാനത്തിൽ കോട്ടുകാൽ സ്വദേശി അനീഷ് മണിയൻ സമർപ്പിച്ച പരാതിയിലാണ് നടപടി. വാടക വീടുകളിൽ കഴിയുന്ന കടബാധ്യതയുള്ള കുടുംബങ്ങളെയാണ് അവയവ മാഫിയ […]

കുവൈത്ത് സിറ്റി : വിശ്വകർമ്മ ഓർഗനൈസേഷൻ ഫോർ ഐഡിയൽ കരിയർ ആൻഡ് എജ്യുക്കേഷൻ ( വോയ്സ് കുവൈത്ത് ) വനിതാവേദിയുടെ ആഭിമുഖ്യത്തിൽ സംഘടിപ്പിക്കുന്ന ഫാമിലി പിക്നിക്കിന്റെ ഫ്ലയർ പ്രകാശനം ചെയ്തു. കോവിഡ് പ്രോട്ടോക്കോൾ പാലിച്ചുകൊണ്ട് അബ്ബാസിയ സക്സസ് ലൈൻ ഹാളിൽ നടന്ന ചടങ്ങിൽ പിക്നിക്ക് പരിപാടിയുടെ കൺവീനർ എം.രാധ മാധവി വോയ്സ് കുവൈത്ത് രക്ഷാധികാരി പി. ജി.ബിനു ഫ്ലയർ നൽകി പ്രകാശനം നിർവ്വഹിച്ചു. വോയ്സ് കുവൈത്ത് കേന്ദ്ര കമ്മിറ്റി പ്രസിഡൻറ് ഷനിൽ വെങ്ങളത്ത് അധ്യക്ഷതവഹിച്ചു. വനിതാവേദി പ്രസിഡൻറ് […]

ബെര്‍ലിന്‍: കോവിഡിന്റെ പുതിയ വകഭേദമായ ഒമിക്രോണ്‍ ജര്‍മനിയിലും സ്ഥിരീകരിച്ചു. ദക്ഷിണാഫ്രിക്കയില്‍നിന്നെത്തിയ യാത്രക്കാരനിലാണ് വൈറസ് സ്ഥിരീകരിച്ചതെന്ന് ഹെസ്സെയുടെ സാമൂഹ്യകാര്യ വകുപ്പ് മന്ത്രി കയ് ക്ലോസെ ട്വീറ്റ് ചെയ്തു. ഒമിക്രോണ്‍ സ്ഥിരീകരിക്കുന്ന രണ്ടാമത്തെ യൂറോപ്യന്‍ രാജ്യമാണ് ജര്‍മനി. നേരത്തെ ബെല്‍ജിയത്തില്‍ പുതിയ കോവിഡ് വകഭേദം സ്ഥിരീകരിച്ചിരുന്നു.

error: Content is protected !!