മാസ്‌ക് ധരിച്ചില്ല; ജോജുവിനെതിരെ പരാതിയുമായി യൂത്ത് കോണ്‍ഗ്രസ്‌

കൊച്ചി: ഇന്ധന വിലവർധനയ്ക്കെതിരെ കോൺഗ്രസ് നടത്തിയ വഴി തടയല്‍ സമരത്തിനെതിരെ പ്രതിഷേധിച്ച നടൻ ജോജു ജോജോർജിനെതിരെ പരാതിയുമായി യൂത്ത് കോൺഗ്രസ്. മാസ്ക് ധരിക്കാതെ പൊതു നിരത്തിലിറങ്ങിയ ജോജുവിനെതിരെ കോവിഡ് മാനദണ്ഡങ്ങൾ ലംഘിച്ചതിനു കേസെടുക്കണമെന്ന് ആവശ്യപ്പെട്ടാണ് പൊലീസിൽ പരാതി നൽകിയത്. യൂത്ത് കോൺഗ്രസ് സംസ്ഥാന സെക്രട്ടറി പി.വൈ.ഷാജഹാൻ ആണ് നടനെതിരെ കൊച്ചി സിറ്റി പൊലീസ് കമ്മിഷണർക്കു പരാതി നൽകിയത്.