'യോഗി ആദിത്യനാഥിനെപ്പോലുള്ളവർ കേവലം ആരോഗ്യ സമ്പ്രദായങ്ങൾ മാത്രമല്ല, സദ്ഭരണവും എല്ലാവരെയും ഉൾക്കൊള്ളുന്ന രാഷ്ട്രീയവും കേരളത്തിൽ നിന്ന് പഠിച്ചാൽ, രാജ്യത്തിന് നേട്ടമുണ്ടാകും'; സംസ്ഥാന സർക്കാരിനെ വീണ്ടും പുകഴ്ത്തി ശശി തരൂർ

തിരുവനന്തപുരം: സംസ്ഥാന സർക്കാരിനെ വീണ്ടും പുകഴ്ത്തി ശശി തരൂർ എം പി. നിതി ആയോഗിൻ്റെ ദേശീയ ആരോഗ്യസൂചികയിൽ കേരളം ഒന്നാമതെത്തിയതിനെ അഭിനന്ദിച്ച് ശശി തരൂർ ട്വീറ്റ് ചെയ്യുകയായിരുന്നു. ഉത്തർപ്രദേശ് മുഖ്യമന്ത്രി യോ​ഗി ആദിത്യനാഥിനെ ടാഗ് ചെയ്താണ് ശശി തരൂർ കേരളത്തെ അഭിനന്ദിച്ചിരിക്കുന്നത്. ആരോഗ്യസൂചികയിൽ ഉത്തർപ്രദേശാണ് ഏറ്റവും പിന്നിൽ ഉള്ള സംസ്ഥാനം.

If the likes of ⁦@myogiadityanath⁩ would learn not just health practices but good governance & inclusive politics from Kerala, the country would benefit. Instead they keep trying to drag the country down to their level! pic.twitter.com/QspuEVhnjR

— Shashi Tharoor (@ShashiTharoor) December 27, 2021

''യോഗി ആദിത്യനാഥിനെപ്പോലുള്ളവർ കേവലം ആരോഗ്യ സമ്പ്രദായങ്ങൾ മാത്രമല്ല, സദ്ഭരണവും എല്ലാവരെയും ഉൾക്കൊള്ളുന്ന രാഷ്ട്രീയവും കേരളത്തിൽ നിന്ന് പഠിച്ചാൽ, രാജ്യത്തിന് നേട്ടമുണ്ടാകും. പകരം അവർ രാജ്യത്തെ അവരുടെ നിലയിലേക്ക് വലിച്ചിഴയ്ക്കാൻ ശ്രമിക്കുന്നു!''-എന്നായിരുന്നു തരൂരിന്റെ ട്വീറ്റ്.