02
Saturday July 2022
കേരളം

തൃക്കാക്കര തെരഞ്ഞെടുപ്പ് ചൂടിനിടയില്‍ സര്‍ക്കാരിനെ പ്രതിസന്ധിയിലാക്കി നടി ആക്രമിക്കപ്പെട്ട കേസിലെ അതിജീവിത ! സര്‍ക്കാരിലെ ഉന്നതരെ സ്വാധീനിച്ച് കേസ് അട്ടിമറിച്ചതെന്ന നടിയുടെ ആരോപണം ഗൗരവം തന്നെ. നടിക്കൊപ്പം നിന്ന പിടി തോമസിന്റെ ഒഴിവിലേക്ക് നടക്കുന്ന തെരഞ്ഞെടുപ്പില്‍ ഇനി ഇടതുപക്ഷം നേരിടേണ്ടി വരിക സ്ത്രീ വിരുദ്ധ സര്‍ക്കാരെന്ന ആരോപണം കൂടി ! നടിയുടെ ആരോപണം ചര്‍ച്ചയാക്കാന്‍ യുഡിഎഫും. തൃക്കാക്കരയില്‍ സര്‍ക്കാര്‍ നേരിടുക ഇനി കനത്ത വെല്ലുവിളി തന്നെ

ന്യൂസ് ബ്യൂറോ, കൊച്ചി
Monday, May 23, 2022

കൊച്ചി: തൃക്കാക്കര ഉപതെരഞ്ഞെടുപ്പ് പടിവാതില്‍ക്കല്‍ എത്തിനില്‍ക്കെ സര്‍ക്കാരിനെ സമ്മര്‍ദ്ദത്തിലാക്കി നടിയെ ആക്രമിച്ച കേസിലെ അതിജീവിത. കേസ് അട്ടിമറിച്ച് ദിലീപിനെ സംരക്ഷിക്കാന്‍ സര്‍ക്കാര്‍ ശ്രമിക്കുന്നുവെന്ന ഗുരുതര ആരോപണമാണ് ആക്രമിക്കപ്പെട്ട നടി തന്നെ ഉന്നയിക്കുന്നത്. ഇതോടെ സര്‍ക്കാര്‍ കടുത്ത കടുത്ത പ്രതിസന്ധിയിലാകുകയാണ്.

നടിയെ ആക്രമിച്ച കേസിലെ ഉന്നത ബന്ധങ്ങള്‍ പോലും അവഗണിച്ച് അതിജീവിതയ്‌ക്കൊപ്പം നിന്നതാണ് പിടി തോമസ് എംഎല്‍എ. എക്കാലവും അതിജീവിതയെ സഹായിക്കുന്ന നിലപാടായിരുന്നു അദ്ദേഹം സ്വീകരിച്ചിരുന്നത്. പിടി തോമസ് ആ വിഷയത്തില്‍ ഇടപെട്ടില്ലായിരുന്നെങ്കില്‍ ഇന്ന് ആ കേസിന്റെ ഗതി തന്നെ മാറുമായിരുന്നു.

അത്തരമൊരു നിര്‍ണായകമായ ഇടപെടല്‍ നടത്തിയ പിടി തോമസിന്റെ നിര്യാണത്തോടെ വന്ന ഒഴിവില്‍ മറ്റൊരു തെരഞ്ഞെടുപ്പിന് കളമൊരുങ്ങുന്നതിനിടെയാണ് നടി തന്നെ സര്‍ക്കാരിനെ പ്രതിക്കൂട്ടിലാക്കി രംഗത്ത് വന്നത്. സര്‍ക്കാരിലെ ഉന്നതരുടെ ഇടപെടലാണ് കേസിലെ പുനരന്വേഷണം അട്ടിമറിക്കുന്നതിലേക്ക് എത്തിയതെന്നാണ് നടി തന്നെ പറയുന്നത്.

സ്ത്രീകളുടെ സുരക്ഷ ഉറപ്പാക്കുമെന്ന് നാഴിക്ക് നാല്‍പ്പതുവട്ടം പറയുന്ന ഇടതു സര്‍ക്കാരിനെതിരെ നടി തന്നെ രംഗത്ത് വന്നതോടെ ഇടതുപക്ഷത്തോടൊപ്പമെന്ന് പറയുന്ന ചില സാംസ്‌ക്കാരിക നായകരും പ്രതിസന്ധിയിലായി. ഇതു ആയുധമാക്കാന്‍ പ്രതിപക്ഷവും രംഗത്തുണ്ട്.

ആക്രമിക്കപ്പെട്ട നടി വളരെ ഗുരുതരമായ ആരോപണമാണ് സര്‍ക്കാരിനെതിരെ ഉന്നയിക്കുന്നതെന്ന് പ്രതിപക്ഷ നേതാവ് വിഡി സതീശന്‍ പറഞ്ഞു കഴിഞ്ഞു. സി പി എം നേതാക്കള്‍ ഇടനില നിന്നുവെന്ന ആരോപണം നടി ഉയര്‍ത്തുന്നു.

സമാന്തരമായ അന്വേഷണം വേണം. ഇടനിലക്കാരായ സി പി എം നേതാക്കളുടെ പേര് പുറത്തുവരണമെന്നും അദ്ദേഹം ആവശ്യപ്പെട്ടു. നടി ആക്രമിക്കപ്പെട്ട കേസ് പാതി വെന്ത നിലയിലാണ് കോടതിയിലെത്തിയതെന്ന് വിഡി കുറ്റപ്പെടുത്തി. സംസ്ഥാനത്തെ സര്‍ക്കാര്‍ സ്ത്രീ വിരുദ്ധ സര്‍ക്കാരാണ്. മുഖ്യമന്ത്രി മറുപടി പറയണമെന്നും അദ്ദേഹം ആവശ്യപ്പെട്ടു.

വുമണ്‍ ഇന്‍ സിനിമ കളക്ടീവിന്റെ നിലപാടുകള്‍ക്കെതിരെ പരസ്യമായി സര്‍ക്കാര്‍ നിലകൊള്ളുകയാണെന്ന് അദ്ദേഹം കുറ്റപ്പെടുത്തി. ഹേമ കമ്മിറ്റി റിപ്പോര്‍ട്ട് പുറത്തു വരണമെന്ന് ശക്തമായി ആവശ്യപ്പെടുന്നു. കേസില്‍ ഇടനില നിന്നത് ആരാണെന്ന് കൃത്യമായി അറിയാം. തെളിവുകളുടെ പിന്‍ബലത്തില്‍ അക്കാര്യം തുറന്നു പറയുമെന്നും അദ്ദേഹം പറഞ്ഞു.

More News

തിരുവനന്തപുരം: മുഖ്യമന്ത്രിക്കെതിരായ ഗൂഢാലോചന കേസിൽ ഇന്ന് പ്രത്യേക പൊലീസ് സംഘം മുൻ എംഎൽഎ പി സി ജോർജിനെ ചോദ്യം ചെയ്യും. 11 മണിക്ക് തിരുവനന്തപുരത്ത് ഹാജരാകണമെന്നാവശ്യപ്പെട്ട് പൊലീസ് ജോർജിന് നോട്ടീസ് നൽകിയിരുന്നു. ഇന്ന് ഹാജരാകാമെന്നാണ് പിസി അറിയിച്ചിരിക്കുന്നത്. സ്വർണക്കടത്ത് കേസിൽ മുഖ്യമന്ത്രിക്കെതിരെ വ്യാജ വെളിപ്പെടുത്തലുകള്‍ നടത്തി കലാപമുണ്ടാക്കാൻ ശ്രമിച്ചുവെന്നാണ് കേസ്. ഗൂഢാലോചന നടത്തി വെളിപ്പെടുത്തൽ നടത്താൻ പി സി ജോർജ് തന്നെ പ്രേരിപ്പിച്ചുവെന്ന് കേസിലെ സാക്ഷിയായ സരിത എസ് നായർ രഹസ്യമൊഴി നൽകിയിരുന്നു. രഹസ്യമൊഴി പരിശോധിച്ച ശേഷമാണ് അന്വേഷണ […]

തിരുവനന്തപുരം: മെഡിസെപ് ആരോഗ്യ ഇൻഷുറൻസ് പദ്ധതിയിലെ ആശുപത്രികളുടെ പട്ടിക പുറത്തുവിട്ടു. 200 ലധികം ആശുപത്രികളെ പദ്ധതിയിൽ ഉൾപ്പെടുത്തിയിട്ടുണ്ട്. കൂടുതൽ ആശുപത്രികളെ ഉൾപ്പെടുത്താനുള്ള ശ്രമങ്ങൾ തുടരുകയാണ്. ഡിജിറ്റൽ ഇൻഷുറൻസ് കാർഡുകൾ ഇന്ന് മുതൽ മെഡിസെപ്പിൻറെ പോർട്ടലിൽ നിന്ന് ഡൗൺലോഡ് ചെയ്യാം.

തിരുവനന്തപുരം: സംസ്ഥാനത്ത് മണ്ണെണ്ണ വില കൂടി. റേഷന്‍ മണ്ണെണ്ണയുടെ വില ലിറ്ററിന് നൂറ് രൂപ കടന്നു. ജൂലായ് മാസത്തില്‍ ചില്ലറ വ്യാപാര വില 102 രൂപയായാണ് നിശ്ചയിച്ചത്.അടുത്ത മൂന്ന് മാസത്തെ വില എണ്ണ കമ്പനികള്‍ വര്‍ധിച്ചപ്പോഴാണ് നൂറ് കടന്നത്. നിലവില്‍ 88 രൂപയാണ് വില. സ്റ്റോക്കിന്റെ അടിസ്ഥാനത്തില്‍ സംസ്ഥാന സര്‍ക്കാരാണ് വില വര്‍ധിപ്പിക്കണമോ എന്ന കാര്യത്തില്‍ തീരുമാനമെടുക്കുക. ലിറ്ററിന് 18 രൂപയായിരുന്ന റേഷന്‍ മണ്ണെണ്ണ വില രണ്ടര വര്‍ഷത്തിനിടെ 84 രൂപയാണു വര്‍ധിച്ചത്. കഴിഞ്ഞ വര്‍ഷം നവംബറിലാണ് […]

തിരുവനന്തപുരം: കേരള തീരത്ത് ഞായറാഴ്ച രാത്രി വരെ ഉയര്‍ന്ന തിരമാലയ്ക്ക് സാധ്യത. 3.6 മീറ്റര്‍ വരെ ഉയരത്തില്‍ തീരത്ത് തിരമാലയ്ക്കും കടലാക്രമണത്തിനും സാധ്യതയുള്ളതിനാല്‍ ജാഗ്രത പാലിക്കണമെന്ന് ദേശീയ സമുദ്ര സ്ഥിതി പഠന ഗവേഷണ കേന്ദ്രം അറിയിച്ചു. കടല്‍ക്ഷോഭം രൂക്ഷമാകാന്‍ സാധ്യതയുള്ളതിനാല്‍ അപകട മേഖലകളില്‍ നിന്ന് അധികൃതരുടെ നിര്‍ദേശാനുസരണം മാറി താമസിക്കണമെന്ന് മുന്നറിയിപ്പില്‍ പറയുന്നു. ബീച്ചിലേക്കുള്ള യാത്രകളും കടലില്‍ ഇറങ്ങിയുള്ള വിനോദങ്ങളും പൂര്‍ണ്ണമായും ഒഴിവാക്കണമെന്നും ജാഗ്രതാനിര്‍ദേശത്തില്‍ പറയുന്നു. അതിനിടെ, സംസ്ഥാനത്ത് അടുത്ത അഞ്ചുദിവസം ഇടിമിന്നലോട് കൂടിയ വ്യാപക മഴയ്ക്ക് […]

ബിസിനസ് കസ്റ്റമേഴ്സിന്‍റെ സംഭരണ അനുഭവം മെച്ചപ്പെടുത്തുന്നതിനായി പ്രത്യേകം ഡിസൈന്‍ ചെയ്ത പുതിയ ആൻഡ്രോയിഡ്,ഐ ഒ എസ് ഒപ്റ്റിമൈസ്ഡ് ആപ്പ് ലോഞ്ച് ചെയ്യുന്നതായി ആമസോൺ ബിസിനസ് പ്രഖ്യാപിച്ചു. ഈ പുതിയ, എക്‌സ്‌ക്ലൂസീവ് ആപ്പ് ലോഞ്ച് ചെയ്യുന്നതോടെ, ഉപഭോക്താക്കൾക്ക് ബിസിനസ്സിന് ആവശ്യമായ സാധനങ്ങൾ ഓർഡർ ചെയ്യാൻ ഡെസ്‌ക്‌ടോപ്പ്/ലാപ്‌ടോപ്പ് ആക്‌സസ് ചെയ്യാൻ കാക്കാതെ എവിടെനിന്നും ബിസിനസ്സ് എക്‌സ്‌ക്ലൂസീവ് ഫീച്ചറുകൾ എളുപ്പത്തിൽ ആക്‌സസ് ചെയ്യാൻ കഴിയും.

ഷിക്കാഗൊ: പ്രവാസി ക്നാനായക്കാരുടെ പ്രഥമ ദൈവാലയമായ തിരുഹ്യദയ ക്നാനായ കത്തോലിക്ക ഫൊറോനാ ദൈവാലയത്തിൽ ജൂൺ 26 ഞായറാഴ്ച രാവിലെ 10:00 മണിയുടെ വിശുദ്ധ കുർബാനയ്ക്കുശേഷം ഇടവകയിൽ ഗ്രാജുവേറ്റ് ചെയ്തവരെ ആദരിച്ചു. അമേരിക്കൻ ഐക്യ നാട്ടിൽ ജനിച്ചു വളർന്ന് കഴിഞ്ഞ 5 വർഷം ഫൊറോനാ ദൈവാലയത്തിന്റെ ഡി. ർ. ഇ. ആയി സേവനം ചെയ്ത ടീന നെടുവാമ്പുഴയുടെ പ്രവർത്തനങ്ങളെ വികാരി വെരി റെവ. ഫാ. എബ്രാഹം മുത്തോലത്ത് അഭിന്ദിക്കുകയും, ഫലകം കൊടുത്ത് ആദരിക്കുകയും ചെയ്തു. തുടർന്ന് പുതിയതായി ഡി. […]

കൊച്ചി: കോവിഡിന്‍റെ നാലാം ഘട്ടത്തോടൊപ്പം, പ്രത്യേകിച്ച് മഴക്കാലത്ത് ശ്വാസകോശ അണുബാധയുടെ തോത് ഉയര്‍ന്നിരിക്കുന്ന സാഹചര്യത്തില്‍ തെമീസ് മെഡികെയറിന്‍റെ വിറാലക്സ് ഫലപ്രദവും സുരക്ഷിതവുമായ ഔഷധമാണെന്ന് വിദഗ്ദ്ധര്‍ ചൂണ്ടിക്കാട്ടുന്നു. ശ്വാസകോശ അണുബാധാ ലക്ഷണങ്ങളുമായി എത്തുന്നവര്‍ ഈ മഴക്കാലത്ത് ഏറുന്നുണ്ട്. പരിശോധനാ ഫലങ്ങള്‍ വൈകുന്ന ചില സാഹചര്യങ്ങളും ഉണ്ടാകാറുണ്ട്. ശ്വാസകോശ അണുബാധയുള്ളവര്‍ക്ക് ചികിത്സ എത്രയും വേഗം തുടങ്ങുക എന്നതും പ്രധാനമാണ്. ഇവിടെയെല്ലാം വായിലൂടെ നല്‍കുന്ന വിറാലക്സ് ഇനോസിന്‍ പ്രാനോബെക്സ് ഫലപ്രദവും പൊതുവെ സുരക്ഷിതവുമായ മരുന്നാണ്. ക്ലിനിക്കല്‍ ട്രയലുകളിലെ ഗോള്‍ഡന്‍ സ്റ്റാന്‍ഡേര്‍ഡ് ആയി […]

തൊടുപുഴ: 74ആം ദേശിയ ചാർട്ടേഡ് അക്കൗണ്ടൻസ് ദിനത്തോടനുബന്ധിച്ച് തൊടുപുഴ ചാർട്ടേഡ് അക്കൗണ്ടൻസ് അസോസിയേഷന്റെ നേതൃത്വത്തിൽ ചാർട്ടേഡ് അക്കൗണ്ടൻസ് ദിനം ആഘോഷിച്ചു. പ്രസിഡന്റ്‌ സിഎ. ജോബി സെബാസ്റ്റ്യന്റെ അധ്യക്ഷതയിൽ ചേർന്ന യോഗം സീനിയർ ചാർട്ടേഡ് അക്കൗണ്ടന്റ് ജോസ് കാപ്പൻ ഉൽഘാടനം ചെയ്തു. ഡോ. ജെറിൻ റോമിയോ മുഖ്യഅഥിതിയായിരുന്നു. സെക്രട്ടറി സിഎ. ഫെബിൻ ലീ ജെയിംസ് നന്ദി പ്രകാശിപ്പിക്കുകയും ചെയ്തു.

കൊച്ചി : കേരള മദ്യനിരോധന സമിതി ഏർപ്പെടുത്തിയ പ്രൊഫ എം പി മന്മഥൻ പുരസ്ക്കാരം നേടിയ കെ.സി.ബി.സി മദ്യ വിരുദ്ധ സമിതി സംസ്ഥാന വക്താവ് അഡ്വ. ചാർളി പോളിനെ സമിതി സംസ്ഥാന ചെയർമാൻ ബിഷപ് ഡോ.യൂഹാനോൻ മാർ തെയഡോഷ്യസ് ഷാൾ അണിയിച്ച് ആദരിച്ചു. പാലാരിവട്ടം പി.ഓ സി യിൽ നടന്ന ചടങ്ങിൽ സംസ്ഥാന ജനറൽ സെക്രട്ടറി ഫാ. ജോൺ അരീക്കൽ അധ്യക്ഷനായിരുന്നു. പ്രോഗ്രാം സെക്രട്ടറി സി എക്സ് ബോണി , ആനിമേറ്റർ സിസ്റ്റർ അന്നബിന്ദു , ജെസി […]

error: Content is protected !!