രാജ്യതാത്പര്യം കണക്കിലെടുത്ത് അഗ്നിപഥ് നിര്‍ത്തിവയ്ക്കണം, യുവാക്കളുടെ ആശങ്ക പരിഹരിക്കണം! മോദിക്ക് പിണറായിയുടെ കത്ത്‌

തിരുവനന്തപുരം: അഗ്നിപഥ് പദ്ധതി നിർത്തിവയ്ക്കണമെന്നാവശ്യപ്പെട്ട് മുഖ്യമന്ത്രി പിണറായി വിജയൻ പ്രധാനമന്ത്രി നരേന്ദ്ര മോദിക്ക് കത്തയച്ചു. നാലു കൊല്ലത്തേക്കുള്ള ഈ കരാർ നിയമന പദ്ധതിക്കെതിരെ യുവജനങ്ങളുടെ രാജ്യവ്യാപകമായ പ്രതിഷേധങ്ങൾ ഉയർന്നിരിക്കുകയാണ്.

ദേശീയ സുരക്ഷാ വിദഗ്ധരും സേനയിൽ നിന്ന് വിരമിച്ച പ്രമുഖരും പദ്ധതിയുടെ പ്രശ്നങ്ങൾ ചൂണ്ടിക്കാണിക്കുകയുമുണ്ടായി. ഈ വിമർശനങ്ങളെയും ഉയരുന്ന യുവജനരോഷത്തെയും കണക്കിലെടുത്ത് "അഗ്നിപഥ്" പദ്ധതി നിർത്തിവെക്കണമെന്ന് പ്രധാനമന്ത്രിയോട് കത്തിലൂടെ മുഖ്യമന്ത്രി ആവശ്യപ്പെട്ടു.