തിരുവനന്തപുരം: മന്ത്രിയുമില്ല, മാധ്യമ പ്രവർത്തകരുമില്ല, കൃഷിവകുപ്പിൻെറ ഇസ്രയേൽ യാത്രക്ക് മുഖ്യമന്ത്രിയുടെ അനുമതിയോടെ ഉത്തരവായി. നൂതന കൃഷിരീതികൾ പഠിക്കാൻ ഇരുപത് കർഷകരെയും കൂട്ടിയുളള ഇസ്രയേൽ യാത്രയെ കൃഷി വകുപ്പ് പ്രിൻസിപ്പൽ സെക്രട്ടറി ബി. അശോക് നയിക്കും. സയണിസ്റ്റ് ഭീകരതയുടെ രാജ്യമെന്ന് ഇടതുപക്ഷം വിലയിരുത്തുന്ന ഇസ്രയേലിലേക്ക് എൽ.ഡി.എഫ് സർക്കാരിലെ മന്ത്രി പോകുന്നത് മുന്നണിയുടെ നയത്തിന് വിരുദ്ധമാണെന്ന സി.പി.എം ദേശിയ നേതൃത്വം ഇടപെട്ടതിനെ തു‌ടർന്നാണ് കൃഷി മന്ത്രി പി. പ്രസാദ് പിന്മാറിയത്.
സി.പി.എം ജനറൽ സെക്രട്ടറി സീതാറാം യെച്ചൂരി, സി.പി.ഐ ജനറൽ സെക്രട്ടറി ഡി. രാജയെ വിളിച്ചാണ് യാത്രയിലുളള നയപരമായ പ്രശ്നം ചൂണ്ടിക്കാട്ടിയത്. മുസ്ലിം സംഘടനകളുടെ പരാതിയെ തുടർന്നായിരുന്നു യെച്ചൂരിയുട‌െ ഇടപെടൽ.
മുൻനിശ്ചയ പ്രകാരം ഈ മാസം 12ന് തന്നെ കർഷകർ അടങ്ങുന്ന സംഘം ഇസ്രയേലിലേക്ക് പോകും. ഒരാഴ്ച നീളുന്ന സന്ദർശന പരിപാടിയാണ് ക്രമീകരിച്ചിരിക്കുന്നത്. ടെൽ അവീവിൽ എത്തുന്ന സംഘം കൃഷി സ്ഥലങ്ങൾ , ഗവേഷണ സ്ഥാപനങ്ങൾ, പരിശീലന കേന്ദ്രങ്ങൾ എന്നിവിടങ്ങൾ സന്ദർശിച്ച് നൂതന കൃഷി രീതികൾ സ്വായത്തമാക്കും.
ടെൽ അവീവിലെ സംഘർഷ സാഹചര്യം കണക്കിലെടുത്ത് നേരത്തെ യാത്ര നീട്ടിവെയ്ക്കാൻ മുഖ്യമന്ത്രി നിർദ്ദേശിച്ചിരുന്നു. ഇപ്പോൾ സംഘർഷത്തിൽ അയവുവന്നുവെന്ന വിലയിരുത്തലിലാണ് യാത്രക്ക് അനുമതി നൽകിയതെന്നാണ് ഔദ്യോഗിക വിശദീകരണം. എന്നാൽ മുസ്ലിം സംഘടനകളുടെ പരാതിയിൽ സി.പി.എം കേന്ദ്രനേതൃത്വത്തിൻെറ തീരുമാനത്തിന് കാത്തിരുന്നതാണോ മുഖ്യമന്ത്രിയെന്ന് സംശയം ഉയർന്നിട്ടുണ്ട്.
കാർഷിക വാർത്താ റിപ്പോർട്ടിങ്ങിൽ പ്രവീണ്യമുളള രണ്ട് മാധ്യമ പ്രവർത്തകരെയും ഇസ്രയേൽ യാത്ര സംഘത്തിൽ ഉൾപ്പെടുത്താൻ തീരുമാനിച്ചിരുന്നെങ്കിലും അത് ഒഴിവാക്കി. ആദ്യ യാത്രയിൽ മാധ്യമ പ്രവർത്തകരെ കൂട്ടേണ്ടെന്നും അടുത്ത യാത്രമുതൽ പരിഗണിച്ചാൽ മതിയെന്നുമാണ് പുതിയ ധാരണ.
കൃഷി വകുപ്പിലെ പരിശീലന പരിപാടികൾക്കായി മുൻപ് അനുവദിച്ച തുകയിൽ ചെലവഴിക്കാതെ കിടന്ന 2 കോടി രൂപ ചെലവിട്ടാണ് കർഷകരെ ഇസ്രയേലിലേക്ക് കൊണ്ടുപോകുന്നത്. 20 കർഷകരും ഉദ്യോഗസ്ഥരും അടങ്ങുന്ന 22 അംഗസംഘത്തിൻെറ വിമാന ടിക്കറ്റ്, താമസം, ഭക്ഷണം, ആഭ്യന്തര യാത്രകൾ എന്നിവയ്ക്കായി അരക്കോടിയോളം രൂപയാണ് ചെലവ് പ്രതീക്ഷിക്കുന്നത്.
കൃഷി വകുപ്പിൻെറ വെബ് സൈറ്റ് വഴി അപേക്ഷ ക്ഷണിച്ചാണ് കർഷകരെ തെരഞ്ഞെടുത്ത്. ലോകത്തിലെ ഏറ്റവും അധുനിക കൃഷിരീതി അവലംബിക്കുന്ന രാജ്യം എന്ന നിലയിലാണ് യാത്രയ്ക്ക് ഇസ്രയേലിനെ തെരഞ്ഞെടുത്തത്. എന്നാൽ പലസ്തീൻകാരുടെ സ്വയം നിർണയാവകാശത്തെ വിലവെയ്ക്കാത്ത ഇസ്രയേലുമായി നയതന്ത്ര സഹകരണം ഉണ്ടാക്കുന്നതിനെ എതിർത്ത് മുസ്ലിം സംഘടനകൾ രംഗത്തെത്തുകയായിരുന്നു.
മുഖ്യമന്ത്രിയേയും സി.പി.എം – സി.പി.ഐ ദേശീയ നേതൃത്വങ്ങളെയുമാണ് സംഘടനകൾ പരാതിയുമായി സമീപിച്ചത്. എന്നാൽ കാർഷിക മേഖലയുമായി ബന്ധപ്പെട്ട് കർഷകർ നടത്തുന്ന യാത്രയ്ക്ക് മറ്റ് മാനങ്ങൾ നൽകേണ്ടെന്നാണ് കൃഷി വകുപ്പിൻെറ അഭിപ്രായം.
ഇസ്ലാം മതം പിറന്നുവീണ സൗദ്യ അറേബ്യയും മതപരമായ കാര്യങ്ങളിൽ കർശന സമീപനം പുലർത്തുന്ന ഖത്തറും എല്ലാം ഇപ്പോൾ ഇസ്രയേലുമായി നയതന്ത്ര ബന്ധത്തിലും സഹകരണത്തിലുമാണ്. സൗദിക്കും ഖത്തറിനും പുറമേ അബുദാബിയും ഇസ്രയേലുമായി സഹകരിക്കുന്നുണ്ട്. കർഷകരു‌ടെ പഠനയാത്രയെ എതിർക്കുന്ന മുസ്ലിം ലീഗിൻെറ എം.എൽ.എയുടെ മകൻ ജോലി ചെയ്യുന്നത് ഇസ്രയേലിലാണെന്നും സി.പി.ഐ നേതാക്കൾ ചൂണ്ടിക്കാട്ടുന്നുണ്ട്. എന്നിട്ടും യാത്രയെ എതിർക്കുന്നത് ശരിയല്ലെന്നാണ് കൃഷി വകുപ്പിൻെറ നിലപാ‌ട്.
ഒരിടവേളക്ക് ശേഷം മലയാളത്തിൽ വീണ്ടും ഒരു റോഡ് മൂവി എത്തുകയാണ്. അർജുൻ അശോകൻ, ഷറഫുദ്ദീൻ, ശ്രീനാഥ് ഭാസി, ധ്രുവൻ, അതിഥി രവി എന്നിവരെ പ്രധാന താരങ്ങളാക്കി നവാഗതനായ മനോജ് വാസുദേവ് സംവിധാനം ചെയ്യുന്ന ‘ഖജുരാഹോ ഡ്രീംസ്’ ആണ് പൂർണമായി ഒരു റോഡ് മൂവിയായി ഒരുങ്ങുന്നത്. ചിത്രത്തിന്റെ ഫസ്റ്റ്‌ലുക്ക് പോസ്റ്റർ ഇപ്പോൾ പുറത്തിറങ്ങിയിരിക്കുകയാണ്. ഗുഡ് ലൈൻ പ്രൊഡക്ഷൻസിന്റെ ബാനറിൽ എം.കെ. നാസറാണ് ചിത്രം നിർമ്മിക്കുന്നത്. കോമഡി പശ്ചാത്തലത്തിലൂടെ കഥ പറയുന്ന ഈ മൾട്ടി സ്റ്റാർ ചിത്രത്തിൽ ശക്തമായൊരു സാമൂഹിക […]
ഒമര്‍ ലുലു സംവിധാനം ചെയ്ത നല്ല സമയം എന്ന ചിത്രം ഒടിടി റിലീസിന്. സൈന പ്ലേ ഒടിടി പ്ലാറ്റ്ഫോമിലൂടെ സ്ട്രീം ചെയ്യപ്പെടുന്ന ചിത്രത്തിന്റെ റിലീസ് തീയതിയും പ്രഖ്യാപിച്ചു. ഏപ്രില്‍ 15 ന് വിഷു ദിനത്തിലാണ് ചിത്രത്തിന്റെ ഒടിടി റിലീസ്. ഇര്‍ഷാദ് അലി നായകനായ ചിത്രത്തില്‍ നീന മധു, നോറ ജോണ്‍, നന്ദന സഹദേവന്‍, ഗായത്രി ശങ്കര്‍ എന്നിങ്ങനെ നാല് പുതുമുഖ നായികമാരാണ് ഉള്ളത്. ലഹരി ഉപയോഗത്തെ പ്രോത്സാഹിപ്പിക്കുന്ന തരത്തിലാണ് ചിത്രത്തിന്റെ ട്രെയ്ലര്‍ എന്ന് ചൂണ്ടിക്കാട്ടി എക്സൈസ് കേസ് […]
പച്ച, ചുവപ്പ്, കറുപ്പ് എന്നിങ്ങനെ മൂന്ന് തരത്തിലുള്ള മുന്തിരിയുണ്ട്. എന്നാൽ ഏത് മുന്തിരിയാണ് ഏറ്റവും ആരോഗ്യകരം? ഓരോന്നിനും അതിന്റേതായ രുചിയും പോഷക ഗുണങ്ങളും ഉണ്ട്. ‘മുന്തിരി ഏറ്റവും ആരോഗ്യകരമായ പഴങ്ങളിൽ ഒന്നാണ്. മുന്തിരിയിൽ ധാരാളം വിറ്റാമിനുകൾ, ധാതുക്കൾ, നാരുകൾ, ഫാറ്റി ആസിഡുകൾ എന്നിവ അടങ്ങിയിട്ടുണ്ട്. മുന്തിരി ചർമ്മത്തിനും ഹൃദയത്തിനും രക്തക്കുഴലുകൾക്കും ആരോഗ്യകരമാണെന്ന് കണക്കാക്കപ്പെടുന്നു. പച്ച മുന്തിരി ഏറ്റവും സാധാരണയായി ഉപയോഗിക്കുന്ന മുന്തിരി ഇനമാണ്. സലാഡുകൾ, സ്മൂത്തികൾ, ബേക്ക് ചെയ്ത സാധനങ്ങൾ എന്നിവയുൾപ്പെടെ വിവിധ ഭക്ഷണങ്ങളിൽ ഇത് ഉപയോഗിക്കുന്നു. ഒരു കപ്പ് […]
കോഴിക്കോട്: ഞെളിയൻ പറമ്പിലെ മാലിന്യക്കരാറുമായി ബന്ധപ്പെട്ട് വിവാദ കമ്പനി സോൺട ഇൻഫ്രാടെക്കിൽ നിന്ന് കോഴിക്കോട് കോർപറേഷൻ പിഴ ഇടാക്കും. 38.85 ലക്ഷം രൂപയാണ് ഈടാക്കുക. കമ്പനിക്ക് കരാർ പുതുക്കി നിൽകിയിരുന്നു. പിന്നാലെയാണ് നടപടി. ലേലത്തുകയുടെ അഞ്ച് ശതമാനമാണ് പിഴ ഈടാക്കുന്നത്. പിഴ അടയ്ക്കാമെന്ന് കമ്പനി കോർപറേഷനെ അറിയിച്ചിരുന്നു. അതിനിടെ കരാർ സോൺടയ്ക്ക് പുതുക്കി നൽകിയ കോഴിക്കോട് കോർപറേഷൻ തീരുമാനത്തിെതിരെ പ്രതിപക്ഷം രംഗത്തെത്തിയിരുന്നു. എന്നാൽ പ്രതിഷേധങ്ങളെല്ലാം അവഗണിച്ചാണ് കമ്പനിക്ക് കരാർ പുതുക്കി നിൽകിയിരിക്കുന്നത്. ഉപാധികളോടെയാണ് അനുമതി. നാല് വർഷം കിട്ടിയിട്ടും പ്രാഥമിക നടപടികൾ […]
തിരുവനന്തപുരം: സംസ്ഥാനത്ത് കോവിഡ് കേസുകള്‍ കൂടി വരുന്ന സാഹചര്യത്തില്‍ പ്രതിരോധ പ്രവര്‍ത്തനങ്ങള്‍ ശക്തിപ്പെടുത്താന്‍ നിര്‍ദേശം നല്‍കിയതായി ആരോഗ്യമന്ത്രി വീണാ ജോര്‍ജ്. പ്രമേഹം, രക്തസമ്മര്‍ദ്ദം തുടങ്ങിയ ജീവിതശൈലീ രോഗങ്ങളുള്ളവരും പ്രായമായവരും ഗര്‍ഭിണികളും കുട്ടികളും പ്രത്യേകം ശ്രദ്ധിക്കണമെന്നും മന്ത്രി മുന്നറിയിപ്പ് നല്‍കി.മാസ്‌ക് കൃത്യമായി ധരിക്കണം. ഇവര്‍ കോവിഡ് രോഗ ലക്ഷണങ്ങളുണ്ടെങ്കില്‍ പരിശോധന നടത്തണം. ആശുപത്രികളിലും മാസ്‌ക് നിര്‍ബന്ധമാണ്. ആരോഗ്യ പ്രവര്‍ത്തകര്‍ സുരക്ഷാ മാനദണ്ഡങ്ങള്‍ കൃത്യമായി പാലിക്കണമെന്നും മന്ത്രി നിര്‍ദേശിച്ചു. കോവിഡ് കേസുകള്‍ വര്‍ധിക്കുന്നത് മുന്നില്‍ കണ്ടുള്ള സര്‍ജ് പ്ലാനുകള്‍ എല്ലാ ജില്ലകളും […]
വേനല്‍ക്കാലത്ത് കഴിക്കാന്‍ പറ്റിയ ഒരു ഫലമാണ് പൈനാപ്പിള്‍ എന്ന കൈതച്ചക്ക. നിരവധി ഗുണങ്ങള്‍ അടങ്ങിയ ഒരു പഴമാണ് പൈനാപ്പിള്‍. ശരീരഭാരം കുറയ്ക്കാനും ദഹനം മെച്ചപ്പെടുത്താനും സഹായിക്കുന്നതുൾപ്പെടെ നിരവധി ആരോഗ്യഗുണങ്ങൾ പൈനാപ്പിളിന് ഉണ്ട്. വിറ്റാമിന്‍ സിയും എയും ധാരാളമായടങ്ങിയ ഈ പഴത്തിൽ 22 ഗ്രാം അന്നജവും 2.3 ഗ്രാം നാരുകളും ഉണ്ട്. ഇതു കൂടാതെ മഗ്നീഷ്യം, ഫോസ്ഫറസ്, പൊട്ടാസ്യം തുടങ്ങിയവയും മറ്റ് ആന്‍റി ഓക്സിഡന്‍റുകളും ഇവയില്‍ അടങ്ങിയിട്ടുണ്ട്. ചര്‍മ്മത്തിനും തലമുടിക്കും വരെ പൈനാപ്പിള്‍ നല്ലതാണ്. ഒന്ന്… ശരീരഭാരം കുറയ്ക്കാന്‍ […]
തിരുവനന്തപുരം: സംസ്ഥാന സർക്കാരിന്റെ അനുമതിയില്ലാതെ കെടിയു വിസിയുടെ ചുമതല ഏറ്റെടുത്തതിൽ സിസ തോമസിന് നാളെ ഹിയറിങ്. കാരണം കാണിക്കൽ നോട്ടീസിൽ തുടർ നടപടികളുടെ ഭാഗമായാണ് സംസ്ഥാന സർക്കാർ സിസ തോമസിനോട് ഹാജരാവാൻ നിർദ്ദേശം നൽകിയത്. ഉന്നത വിദ്യാഭ്യാസ വകുപ്പ് അഡീഷണൽ സെക്രട്ടറി മുമ്പാകെ സിസ തോമസ് നാളെ രാവിലെ 11.30 ന് ഹാജരാകണം. നാളെ സർവീസിൽ നിന്ന് വിരമിക്കാനിരിക്കെയാണ് സിസ തോമസിനോട് ഹാജരാകാൻ സർക്കാർ ആവശ്യപ്പെട്ടത്. സിസ തോമസിനെതിരെ നടപടിയെടുക്കും മുൻപ് സർക്കാർ അവരെ കേൾക്കണമെന്ന് അഡ്മിനിസ്ട്രേറ്റീവ് […]
കര്‍ണാടകയില്‍ കോണ്‍ഗ്രസ് ജയിക്കുമോ ? അഴിമതിയാരോപണങ്ങളില്‍ മുങ്ങിക്കുളിച്ച സംസ്ഥാന ബി.ജെ.പി ഭരണം കടുത്ത പ്രതിസന്ധിയിലാണ്. കോണ്‍ഗ്രസ് ജയിക്കുമെന്ന സംസാരം സംസ്ഥാനത്തെ രാഷ്ട്രീയ കേന്ദ്രങ്ങളില്‍ പലര്‍ക്കുമുണ്ട്. പക്ഷെ, മത്സരിക്കുന്നതു ബി.ജെ.പിയോടാണ്. തെരഞ്ഞെടുപ്പിലും അതിനു ശേഷവും എന്തു കളിയും കളിക്കാന്‍ കെല്‍പ്പുള്ള പാര്‍ട്ടിയാണു ബി.ജെ.പിയെന്നു കോണ്‍ഗ്രസിനു നന്നായറിയാം. പോരാത്തതിന് ഒറ്റയ്ക്കു മത്സരിക്കാന്‍ ജനതാദള്‍ (എസ്) രംഗത്തിറങ്ങുകയും ചെയ്തിരിക്കുന്നു. തനിച്ചു ഭൂരിപക്ഷം കിട്ടില്ലെന്നറിയാമെങ്കിലും ആര്‍ക്കും ഭൂരിപക്ഷമില്ലാത്ത സ്ഥിതി വന്നാല്‍ ഏതു വശത്തോട്ടും ചരിഞ്ഞ് ഭരണത്തില്‍ കയറാനാകും ജെ.ഡി.എസിന്‍റെ കളി. മുമ്പ് കോണ്‍ഗ്രസിന്‍റെയും […]
കോട്ടയം: എ ഐ സി സി അധ്യക്ഷനായ ശേഷം ആദ്യമായി കേരളത്തിലെത്തിയ മല്ലികാർജുന ഗാർഘെയ്ക്കൊപ്പം വേദി പങ്കിട്ട് പ്രസിഡന്റ് തെരെഞ്ഞെടുപ്പിൽ എതിരാളിയായിരുന്ന ഡോ. ശശി തരൂർ എംപി. വൈക്കത്ത് കോൺഗ്രസ് സംഘടിപ്പിച്ച വൈക്കം സത്യാഗ്രഹ ശതാബ്ധി ആഘോഷ പരിപാടിയായിരുന്നു വേദി. അതേസമയം പാർട്ടി പ്രോട്ടോക്കോളിന്റെ പേരിൽ വേദിയിൽ പ്രസംഗിക്കാൻ തരൂരിന് ഇടം ലഭിച്ചതുമില്ല. കെ സി വേണുഗോപാൽ, പ്രതിപക്ഷ നേതാവ് വി ഡി സതീശൻ, കെപിസിസി അധ്യക്ഷൻ കെ സുധാകരൻ, രമേശ് ചെന്നിത്തല എന്നിവർ പ്രസംഗിച്ചു. വേദിയിൽ […]
ബാംഗ്ലൂർ : കർണാടക നിയമസഭാ തെരെഞ്ഞെടുപ്പിൽ ഇത്തവണ നിർണ്ണായക റോൾ ആണ് മലയാളികൾക്കുള്ളത്. മലയാളി വോട്ടർമാർക്ക് പുറമെ കേരളത്തിൽ നിന്നുള്ള ഇടത് – വലത് മുന്നണിയിൽ നിന്നും മാത്രമുള്ള 5 നേതാക്കളും ഇത്തവണ കർണ്ണാടകയിൽ കളം നിറഞ്ഞുകളിക്കാനുണ്ട്‌. കേരളത്തിൽ നിന്നുള്ള നേതാക്കളിൽ പ്രധാനി കോൺഗ്രസിന്റെ പ്രചാരണ പരിപാടികളുടെ ചുക്കാൻ പിടിക്കുന്ന കോൺഗ്രസ് സംഘടനാ ചുമതലയുള്ള ജനറൽ സെക്രട്ടറി കെ സി വേണുഗോപാൽ തന്നെയാണ്, വേണുഗോപാൽ നേരിട്ടാണ് കോൺഗ്രസ് പ്രചാരണ പരിപാടികളുടെ മേൽനോട്ടം. സംസ്ഥാനത്തെ രണ്ടു പ്രധാന നേതാക്കളായ […]
തിരുവനന്തപുരം: കോൺഗ്രസിന്റെ തലപ്പത്ത് വിവരമുള്ളവർ വന്നാൽ താൻ പാർട്ടിയിൽ തിരികെയെത്തുമെന്ന് ഏകെ ആന്റണിയുടെ മകൻ അനിൽ ആന്റണി, ആ വിവരമുള്ളവരുടെ പട്ടികയിൽ സ്വന്തം പിതാവ് ഏകെ ആന്റണിയും ഉണ്ടോയെന്ന് പ്രവർത്തകർ. അനിൽ ആന്റണിയുടെ നിരന്തര കോൺഗ്രസ് വിരുദ്ധ ബിജെപി അനുകൂല പ്രസ്താവനകളിൽ കോൺഗ്രസിന്റെ സൈബർ പോരാളികൾ പ്രതികരണവുമായി രംഗത്ത് വന്നുതുടങ്ങിയിരിക്കുകയാണ്. അനിൽ ആന്റണിയുടെ നീക്കം ബിജെപിയിൽ ചേരുകയെന്നതാണെന്ന് മുതിർന്ന കോൺഗ്രസ് നേതാവ് ജയറാം രമേശ് പ്രസ്താവിച്ചിരുന്നു. എന്നാൽ താൻ ബിജെപിയിൽ ചേരില്ലെന്നും കോൺഗ്രസിന്റെ തലപ്പത്ത് വിവരം ഉള്ളവർ […]
ഡല്‍ഹി: ബിജെപിയുടെ മനസിലിടം നേടാനുള്ള തുടര്‍ച്ചയായ പ്രയത്നങ്ങളിലാണ് മുതിര്‍ന്ന കോണ്‍ഗ്രസ് നേതാവ് എകെ ആന്റണിയുടെ മകന്‍ അനില്‍ ആന്റണി. ഇക്കാര്യം കോണ്‍ഗ്രസ് നേതാവും ആന്റണിയുടെ സഹപ്രവര്‍ത്തകനുമായ ജയറാം രമേശുതന്നെ ഇന്ന് തുറന്നു പറഞ്ഞിട്ടുമുണ്ട്. തുടര്‍ച്ചയായ ബിജെപി പുകഴ്ത്തലുകള്‍ക്കും കോണ്‍ഗ്രസ് വിമര്‍ശനങ്ങള്‍ക്കുമിടയില്‍ ഇന്ന് രാമനവമി ആശംസകള്‍ സോഷ്യല്‍ മീഡിയയിലൂടെ പങ്കുവച്ചിരിക്കുകയാണ് അനില്‍ ആന്റണി. ശ്രീരാമന്‍റെ ചിത്രത്തോടൊപ്പമാണ് അനിലിന്‍റെ ആശംസ. നേരത്തെ ഗുജറാത്ത് കപാലം സംബന്ധിച്ച ബിബിസി ഡോക്യുമെന്‍ററിയെ വിമര്‍ശിച്ചുകൊണ്ടായിരുന്നു അനില്‍ വിവാദത്തിലായത്. കഴിഞ്ഞ ദിവസം യൂത്ത് കോണ്‍ഗ്രസ് ദേശീയ […]
ഡല്‍ഹി: പാൻ കാർഡും ആധാർ കാർഡും തമ്മിൽ ബന്ധിപ്പിക്കാൻ ജൂൺ 30 വരെ സാവകാശം അനുവദിച്ച സന്തോഷത്തിലാണ് പലരും. പാൻ ആധാറുമായി ബന്ധിപ്പിക്കുന്നതിനുള്ള സമയപരിധി നാളെ (മാർച്ച് 31) അവസാനിക്കാനിരിക്കെയാണ് 3 മാസത്തെ സാവകാശം കൂടി അനുവദിച്ചത്. 2022 ഏപ്രിൽ 1 മുതൽ പാൻ ആധാറുമായി ബന്ധിപ്പിക്കുന്നതിന് സർക്കാർ 500 രൂപ ഫീസ് ചുമത്തിയിരുന്നു. 2022 ജൂലൈ 1 മുതൽ പിഴ 1,000 രൂപയായി ഉയർത്തി. നിലവിൽ പാൻ ആധാറുമായി ബന്ധിപ്പിക്കുന്നതിന് 1,000 രൂപ പിഴ നിർബന്ധമാണ്. […]
മോസ്കോ: വാൾ സ്ട്രീറ്റ് ജേണൽ റിപ്പോർട്ടർ ഇവാൻ ഗെർഷ്കോവിച്ചിനെ ചാരവൃത്തി ചുമത്തി റഷ്യ തടവിലാക്കി. അമേരിക്കൻ സർക്കാരിന് വേണ്ടി ഇവാൻ ഗെർഷ്കോവിച്ച് റഷ്യയുടെ രഹസ്യങ്ങൾ ചോർത്തിയതായാണ് റഷ്യൻ ഫെഡറൽ സെക്യൂരിറ്റി സർവീസ് ഏജൻസിയുടെ ആരോപണം. റഷ്യൻ സൈനിക രഹസ്യങ്ങളടക്കം ചോർത്തിയെന്നാണ് ആരോപണം. റിപ്പോർട്ടറെ തടവിലാക്കിയതു സംബന്ധിച്ച് വാൾസ്ട്രീറ്റ് ജേണൽ പ്രതികരിച്ചിട്ടില്ല. ഗെർഷ്കോവിച്ച് നേരത്തേ ഏജൻസ് ഫ്രാൻസ് പ്രസിലും ദ മോസ്കോ ടൈംസിലും ജോലി ചെയ്തിട്ടുണ്ട്.
ത്രിപുര: ത്രിപുരയിൽ നിയമസഭാ സമ്മേളനത്തിനിടെ അശ്ലീല വീഡിയോ കണ്ട് ബിജെപി എംഎൽഎ. ബിജെപി എംഎൽഎ ജാദബ് ലാൽ ദേബ്നാധ് ആണ് നിയമസഭാ സമ്മേളനത്തിനിടെ അശ്ലീല വീഡിയോ കണ്ടത്. ബാഗ്ബസാ മണ്ഡലത്തിലെ ബിജെപി സ്ഥാനാർത്ഥിയാണ് ജാദബ് ലാൽ ദേബ്നാധ്. പുതിയ മന്ത്രിസഭ അധികാരമേറ്റ ഉടനെ ഇത്തരത്തിലൊരു വാർത്ത പുറത്തുവന്നത് ബിജെപിയെയും ചൊടിപ്പിച്ചിട്ടുണ്ട്.
കുവൈറ്റ് സിറ്റി: ഫോക്കസ് കുവൈറ്റ് ഫർവാനിയ യൂണിറ്റിന്റെ വാർഷിക സമ്മേളനം വെൽഫയർ കൺവീനർ സിറാജുദ്ദീന്റെ അദ്ധ്യക്ഷതയിൽ കൂടി. യൂണിറ്റ് കൺവീനർ ഷാഹിൻ വാർഷിക റിപ്പോർട്ട് അവതരിപ്പിച്ചു. പ്രസിഡന്റ് സലിം രാജ്, ജനറൽ സെക്രട്ടറി ഡാനിയേൽ തോമസ് , ട്രഷറർ സി.ഒ. കോശി, ജോ: സെക്രട്ടറി സുനിൽ ജോർജ്, ജമാലുദ്ദീൻ, വെബ്ബ് മാസ്റ്റർ അനിൽ കെ.ബി, അബ്ദു സലിം, മുഹമ്മദ് ഫാറൂക്ക് എന്നിവർ സംസാരിച്ചു. പുതിയ വർഷത്തെ ഭാരവാഹികളായി സിറാജുദ്ദീൻ (കേന്ദ്ര എക്സിക്യൂട്ടീവ് ) ഷാഹിൻ (യൂണിറ്റ് കൺവീനർ) […]