മൂന്നാർ നെറ്റിമേട് ഭാഗത്ത് വീണ്ടും 'പടയപ്പ'യിറങ്ങി; തേയില കൊളുന്തുമായി പോയ വാഹനം ആന തടഞ്ഞു, ഡ്രൈവർ വാഹനത്തിൽ നിന്നിറങ്ങിയോടി

മൂന്നാർ: മൂന്നാർ നെറ്റിമേട് ഭാഗത്ത് വീണ്ടും കാട്ടുകൊമ്പൻ പടയപ്പയിറങ്ങി. തേയില കൊളുന്തുമായി പോയ വാഹനം ആന തടഞ്ഞു. ആനയെ കണ്ടതോടെ ഡ്രൈവർ വാഹനത്തിൽനിന്നിറങ്ങിയോടി രക്ഷപ്പെട്ടു. വാഹനത്തെ ഒന്നും ചെയ്യരുതെന്ന് ഡ്രൈവർ പറയുന്നത് വിഡിയോയിലുണ്ട്.

ഇന്നലെ വൈകിട്ടാണ് സംഭവം. പടയപ്പ വാഹനത്തെ തൊട്ടുനോക്കിയതല്ലാതെ, ആക്രമിക്കുകയോ നാശനഷ്ടങ്ങളുണ്ടാക്കുകയോ ചെയ്തിട്ടില്ല. മണിക്കൂറൂകളോളം സ്ഥലത്ത് നിലയുറപ്പിച്ച ആന പിന്നീട് കാട്ടിലേക്കു മടങ്ങി. ഭക്ഷണം കിട്ടാതെ വരുമ്പോഴാണ് പടയപ്പ ജനവാസമേഖലകളിലേക്ക് ഇറങ്ങുന്നത്.