മുതലപ്പൊഴി‍യിൽ ബോട്ട് മറിഞ്ഞ് കാണാതായ ഒരു മത്സ്യത്തൊഴിലാളിയുടെ മൃതദേഹം കണ്ടെത്തി; മൃതദേഹം പാറക്കല്ലുകൾക്കിടയിൽ കുടുങ്ങിയ നിലയിൽ

തിരുവനന്തപുരം: മുതലപ്പൊഴി‍യിൽ ബോട്ട് മറിഞ്ഞ് കാണാതായ ഒരു മത്സ്യത്തൊഴിലാളിയുടെ മൃതദേഹം കണ്ടെത്തി. പാറക്കല്ലുകൾക്കിടയിൽ കുടുങ്ങിയ നിലയിലായിരുന്നു മൃതദേഹം.

ആരുടെ മൃതദേഹമാണെന്നു തിരിച്ചറിഞ്ഞിട്ടില്ല. പുറത്തെടുക്കാനുള്ള ശ്രമം തുടരുന്നു. തിങ്കളാഴ്ച പുലർച്ചെയാണ് ബോട്ട് മറിഞ്ഞ് നാലു മത്സ്യത്തൊഴിലാളികളെ കാണാതായത്. പുതുക്കുറിച്ചി സ്വദേശി കുഞ്ഞുമോൻ സിസിലിന്റെ (40) മൃതദേഹം കണ്ടെത്തിയിരുന്നു. കാണാതായ മറ്റു 2 പേർക്കായി തിരച്ചിൽ തുടരുന്നു.