27
Saturday November 2021
കേരളം

മോന്‍സണ്‍ മാവുങ്കല്‍ എറണാകുളം പ്രസ്‌ക്ലബിന് നല്‍കിയ 10 ലക്ഷത്തില്‍ അഞ്ചുലക്ഷവും സഹിന്‍ ആന്റണിക്ക് നല്‍കിയെന്ന് പ്രസ്‌ക്ലബ് സെക്രട്ടറി ശശികാന്ത് ! പ്രസ്‌ക്ലബ്ബ് സെക്രട്ടറി എന്ന നിലയില്‍ താന്‍ തെറ്റുചെയ്തിട്ടില്ലെന്നും സഹിനെ വിശ്വസിച്ച് പോയെന്നും ശശികാന്ത്. ഭക്ഷണത്തിനായി അഞ്ചരലക്ഷം തരാമെന്നു പറഞ്ഞ സഹിന്‍ പിന്നീട് പ്രസ്‌ക്ലബ് അക്കൗണ്ടില്‍ പണം ഇടാനാവുന്നില്ലെന്നു പറഞ്ഞ് പേഴ്‌സണല്‍ അക്കൗണ്ട് നമ്പര്‍ വാങ്ങി. വന്ന പണത്തിന്റെ പകുതി 2020 ജനുവരിയില്‍ മൂന്നു ദിവസമായി സഹിന് ട്രാന്‍ഫര്‍ ചെയ്തു ! ജാഗ്രത കുറവുണ്ടായെന്നും തെറ്റു പൊറുക്കണമെന്നും സെക്രട്ടറിയുടെ കുമ്പസാരം ! എല്ലാം സഹിന്റെ തലയില്‍ വയ്ക്കുമ്പോഴും ആദ്യം പറഞ്ഞ രണ്ടരലക്ഷത്തിന്റെ കണക്കും കഥയുടെയും വാസ്തവും അറിയണമെന്ന് അംഗങ്ങളും

ന്യൂസ് ബ്യൂറോ, കൊച്ചി
Thursday, October 21, 2021

കൊച്ചി: പുരാവസ്തു തട്ടിപ്പു കേസില്‍ അറസ്റ്റിലായ മോന്‍സണ്‍ മാവുങ്കല്‍ 2020ല്‍ എറണാകുളം പ്രസ്‌ക്ലബിന്റെ കുടുംബമേളയ്ക്ക് സംഭാവന നല്‍കിയ 10 ലക്ഷം രൂപയില്‍ നിന്നും അഞ്ചുലക്ഷം രൂപ സഹിന്‍ ആന്റണിക്ക് കൈമാറിയെന്ന് സെക്രട്ടറി പി. ശശികാന്ത്. എറണാകുളം പ്രസ്‌ക്ലബ്ബ് സെക്രട്ടറി എന്ന നിലയില്‍ താന്‍ തെറ്റുചെയ്തിട്ടില്ലെന്നും സഹിനെ വിശ്വസിച്ച് പോയെന്നും ശശികാന്ത് പറയുന്നു. ഒരിക്കല്‍ പോലും മോന്‍സണെ വിളിക്കുകയോ ബന്ധപ്പെടുകയോ ചെയ്തിട്ടില്ലെന്നും വിഷയത്തില്‍ തനിക്ക് ജാഗ്രത കുറവുണ്ടായതായും ശശികാന്ത് വ്യക്തമാക്കുന്നു.

അമൃത ടിവിയില്‍ സീനിയര്‍ ക്യാമറാമാനായ ശശികാന്ത് എറണാകുളം പ്രസ് ക്ലബിലെ സഹപ്രവര്‍ത്തകരോട് നടത്തിയ പ്രസ്താവനയിലാണ് ഇക്കാര്യങ്ങള്‍ വ്യക്തമാക്കിയത്. ജില്ലാ കമ്മറ്റിയംഗമായ സഹിന്‍ ആന്റണിയെ താന്‍ വിശ്വസിക്കുകയായിരുന്നു. കുടുംബമേളയുടെ ഭക്ഷണ ചിലവ് പ്രവാസി സംഘടനയുടെ നേതാവായാ ഡോക്ടര്‍ വഹിക്കുമെന്നു പറഞ്ഞാണ് തന്നെ സഹിന്‍ സമീപിച്ചത്.

അഞ്ചര ലക്ഷം രൂപ ഭക്ഷണത്തിനു ചിലവാകുമെന്ന് താന്‍ സഹിനോട് പറഞ്ഞെന്നും 2020 ജനുവരി 22ന് പ്രസ്‌ക്ലബിന്റെ അക്കൗണ്ടില്‍ എറര്‍ മൂലം കാശുവരാത്തതിനാലാണ് പേഴ്‌സണല്‍ അക്കൗണ്ടിലേക്ക് കാശു വാങ്ങിയതെന്നും ശശികാന്ത് പറയുന്നു. ജനുവരി 22,23,24 തീയതികളിലായി സഹിന്റെ അക്കൗണ്ടിലേക്ക് താന്‍ അഞ്ചുലക്ഷം രൂപ ഇട്ടു.

ജനുവരി 24ന് കുടുംബമേള നടത്തിയ റിസോര്‍ട്ടിന്റെ അക്കൗണ്ടിലേക്ക് നാലു ലക്ഷവും പിന്നീട് ഫെബ്രുവരി മൂന്നിന് ഒരുലക്ഷവും ട്രാന്‍സ്ഫര്‍ ചെയ്‌തെന്നും ശശികാന്ത് പറയുന്നുണ്ട്. സഹിനെ വിശ്വസിച്ചാണ് താന്‍ എല്ലാം ചെയ്തതെന്നും അറിഞ്ഞോ അറിയാതെയോ തെറ്റ് സംഭവിച്ചെങ്കില്‍ ക്ഷമിക്കണെമന്നുമാണ് ശശികാന്ത് പറയുന്നത്. കഴിഞ്ഞ ദിവസം തന്നെ ക്രൈബ്രാഞ്ച് ചോദ്യം ചെയ്‌തെന്നും ശശികാന്ത് സമ്മതിക്കുന്നുണ്ട്.

എന്നാല്‍ ശശികാന്ത് പറഞ്ഞ കാര്യങ്ങളും മുമ്പ് സഹിന്‍ പ്രസ്‌ക്ലബ് ഭാരവാഹികളുടെ അടിയന്തര യോഗത്തില്‍ പറഞ്ഞതുമെല്ലാം തമ്മില്‍ നിരവധി പൊരുത്തക്കേടുണ്ട്. അന്നു രണ്ടുലക്ഷം രൂപ മാത്രമാണ് ഭക്ഷണ ചിലവിനായി വാങ്ങിയതെന്നായിരുന്നു ജില്ലാ കമ്മറ്റിയില്‍ സെക്രട്ടറി പറഞ്ഞത്. പിന്നീട് സഹിനെ ക്രൈംബ്രാഞ്ച് ചോദ്യം ചെയ്തതിനു പിന്നാലെ 10 ലക്ഷം കിട്ടിയെന്നും അതില്‍ അഞ്ചു ലക്ഷം സഹിന്‍ കൊണ്ടുപോയെന്നും പറയുന്നത്.

കണക്കിലും പ്രസ്താവനയിലും പൊരുത്തക്കേട് ഉണ്ടെന്നു തന്നെയാണ് പ്രസ്‌ക്ലബ് അംഗങ്ങളുടെ നിലപാട്.

ശശികാന്തിന്റെ പ്രസ്താവന ഇങ്ങനെ:

സുഹൃത്തുക്കളെ,

പുരാവസ്തു തട്ടിപ്പുകാരനായ മോന്‍സണ്‍ മാവുങ്കല്‍ 2020 ലെ പ്രസ് ക്ലബ്ബ് കുടുംബമേളയ്ക്ക് നല്‍കിയ സംഭാവനയുമായി ബന്ധപ്പെട്ട് ഉണ്ടായ വിവാദത്തില്‍ കേസ് അന്വേഷിക്കുന്ന ക്രൈം ബ്രാഞ്ച് ആവശ്യപ്പെട്ടത് പ്രകാരം 20 -10 -21 ന് ഹാജരായി ഞാന്‍ സ്റ്റേറ്റ്മെന്റ് നല്‍കി.
ഇത് സംബന്ധിച്ച് നിരവധി കെട്ടുകഥകള്‍ പ്രചരിപ്പിക്കുന്ന സാഹചര്യത്തില്‍ വസ്തുതകള്‍ വ്യക്തമാക്കാനാണ് ഈ കുറിപ്പ്.

കുടുംബ മേളയുടെ നടത്തിപ്പിനെ കുറിച്ചുളള ആലോചനക്കിടയില്‍ ജില്ലാ കമ്മിറ്റി അംഗം സഹിന്‍ ആന്റണിയാണ് ഒരു പ്രവാസി മലയാളി സംഘടനയിലെ ഡോക്ടര്‍ ഉണ്ടെന്നും ഭക്ഷണത്തിന്റെ ചലവ് വഹിക്കാന്‍ അയാള്‍ തയ്യാറാകുമെന്നും അറിയിച്ചത്. ഭക്ഷണ ചിലവ് എത്രയാണെന്ന് സഹിന്‍ ചോദിച്ചപ്പോള്‍ അഞ്ചര ലക്ഷം ആണെന്ന് അറിയിച്ചു. ഇയാള്‍ ആരാണെന്നോ എന്താണെന്നോ അറിയുമായിരുന്നില്ല.

പറഞ്ഞ് കേട്ടതനുസരിച്ച് ഉന്നത ബന്ധങ്ങളുള്ള ഒരു സമ്പന്നന്‍ ആണെന്ന് മാത്രമേ മനസിലാക്കിയുള്ളൂ. ഈ വ്യക്തിയെ കുറിച്ച് അന്ന് കൂടുതല്‍ ഒന്നും അറിയുമായിരുന്നില്ല. അന്വേഷിക്കേണ്ട സാഹചര്യവും ഉണ്ടായിരുന്നില്ല. ആവശ്യവും തോന്നിയില്ല. പണം കൈമാറാന്‍ പ്രസ് ക്ലബ്ബിന്റെ അക്കൗണ്ട് നമ്പറും സഹിന് കൈമാറി.

എന്നാല്‍ 2020 ജനവരി 22 ന് സഹിന്‍ എന്നെ വിളിച്ച് പ്രസ് ക്ലബ്ബിന്റെ അക്കൗണ്ടില്‍ പണം വീഴുന്നില്ല എന്തോ എറര്‍ ഉണ്ടെന്ന് അറിയിച്ചു. അത് കൊണ്ട് എന്റെ പേഴ്സണല്‍ അക്കൗണ്ട് നമ്പര്‍ നല്‍കാന്‍ ആവശ്യപ്പെട്ടു. ആദ്യം വിസമ്മതിച്ചെങ്കിലും കുടുംബ മേളയുടെ ദിവസം അടുത്തതിനാല്‍ നിര്‍ബന്ധിത സാഹചര്യവും ആയിരുന്നു.

സ്പോണ്‍സര്‍ തനിക്ക് വളരെ വിശ്വാസം ഉള്ള ആള്‍ ആണെന്നും അയാളുടെ യൂടൂബ് പോലുള്ള വീഡിയോ ജോലികള്‍ ചെയ്യുന്നത് താനാണെന്നും അതിന്റെ പേരില്‍ പണം കിട്ടാറുണ്ടെന്നും സഹിന്‍ പറഞ്ഞു. ഈ സാഹചര്യത്തില്‍ സഹിനെ വിശ്വാസിച്ച ഞാന്‍ എന്റെ പേഴ്സണല്‍ അക്കൗണ്ട് നമ്പര്‍ സഹിന് കൈമാറി എന്നാല്‍ അഞ്ചര ലക്ഷത്തിന് പകരം എന്റെ അക്കൗണ്ടില്‍ അന്ന് തന്നെ പത്ത് ലക്ഷം രൂപ വന്നതായി സഹിന്‍ എന്നെ വിളിച്ച് പറഞ്ഞു.

അതില്‍ അഞ്ച് ലക്ഷം സഹിന് മോന്‍സന്‍ കൊടുക്കാന്‍ ഉള്ളതാണെന്നും പറഞ്ഞു. അതിനെ തുടര്‍ന്ന് ജനവരി 22,23,24 തീയതികളിലായി അഞ്ച് ലക്ഷം രൂപ ഈ അക്കൗണ്ടില്‍ നിന്ന് സഹിന് കൈമാറി. ജനുവരി 24 ന് 4 ലക്ഷവും ഫെബ്രവരി 3 ന് 1 ലക്ഷവും കുടുംബ മേള നടന്ന റിസോര്‍ട്ടിലേക്ക് ആ അക്കൗണ്ടില്‍ നിന്ന് ബാക്കിയുള്ള അഞ്ച് ലക്ഷം രൂപയും ട്രാന്‍സ്ഫര്‍ ചെയതു. അതിന്റെ എല്ലാ ബില്ലും ഡീറ്റയ്ല്‍സും ഉണ്ട്. ഇതാണ് സത്യാവസ്ഥ.

ഇക്കാര്യങ്ങള്‍ തെളിവ് സഹിതം ഞാന്‍ ക്രൈം ബ്രാഞ്ചിനെ അറിയിച്ചു. മോന്‍സനെ ഒരു തവണ പോലും ഞാന്‍ നേരിട്ടോ ഫോണിലോ ബന്ധപ്പെട്ടിട്ടില്ല. മോന്‍സന്‍ വിഷയം ഉണ്ടായപ്പോള്‍ അയാളുമായി അടുപ്പത്തില്‍ ആയിരുന്ന സഹിനെ ക്രൈംബ്രാഞ്ച് ചോദ്യം ചെയ്തപ്പോള്‍ അയാള്‍ നല്‍കിയ മൊഴിയുടെ അടിസ്ഥാനത്തിലാണ് ക്രൈംബ്രാഞ്ച് എന്റെ മൊഴി എടുത്തത്.

കമ്മിറ്റി അംഗമെന്ന നിലയിലാണ് സഹിനെ ഞാന്‍ വിശ്വാസിച്ചത്. കുടുംബ മേളയും പ്രസ് ക്ലബ്ബുമായി ബന്ധപ്പെട്ട ഓരോ പരിപാടികളും വിജയിപ്പിക്കാന്‍ അങ്ങേയറ്റം അത്മാര്‍ത്ഥതയോടും സത്യസന്ധതയോടെയും മാത്രമേ ഞാന്‍ പ്രവര്‍ത്തിച്ചിട്ടുള്ളു. മേള നടത്താനുള്ള പണം കിട്ടാത്ത സാഹചര്യത്തില്‍ കാര്യങ്ങള്‍ തിരക്കിട്ട് നടത്തുന്നതിന്റെ ഇടയില്‍ സംഭവിച്ച വീഴ്ചയാണിതെന്നും ഇക്കാര്യത്തില്‍ ഗുരുതരമായ ജാഗ്രതക്കുറവ് ഉണ്ടായിട്ടുണ്ടെന്നും ഞാന്‍ സമ്മതിക്കുന്നു.

മേലില്‍ ഇത്തരം കാര്യങ്ങള്‍ കൂടുതല്‍ ശ്രദ്ധയോടെ മാത്രമേ കൈകാര്യം ചെയ്യൂ. ഗുരുസ്ഥാനീയരായ നിരവധി പേര്‍ ഇരുന്ന പ്രസ് ക്ലബ്ബ് സെക്രട്ടറി സ്ഥാനം എന്നെ വിശ്വാസിച്ച് ഏല്‍പ്പിച്ച ഓരോരുത്തരോടും ഞാന്‍ ആണയിട്ട് പറയുന്നു, ഞാനായിട്ട് ഈ സ്ഥാനത്തിന് കളങ്കം ഏല്‍പ്പിക്കില്ല. എന്റെ ഭാഗത്ത് നിന്ന് എന്തെങ്കിലും തെറ്റ് കുറ്റങ്ങള്‍ അറിഞ്ഞോ അറിയാതയോ സംഭവിച്ചിട്ടുണ്ടെങ്കില്‍ നിര്‍വ്യാജ്യം ക്ഷമ ചോദിക്കുന്നു.

വെബ്സൈറ്റിൽ അപ്ഡേഷൻ നടക്കുന്നതിനാൻ പുതിയ വാർത്തകൾ അപ് ലോഡ് ചെയ്യുന്നതിലും വാർത്ത ലിങ്കുകൾ തുറക്കുന്നതിലും നേരിയ താമസം നേരിടുന്നുണ്ട്. മാന്യ വായനക്കാർ സഹകരിക്കുമല്ലോ.

Related Posts

More News

കുവൈറ്റ് സിറ്റി: കുവൈറ്റില്‍ യുവതിയെ ജീവനൊടുക്കിയ നിലയില്‍ കണ്ടെത്തി. സാല്‍വയിലാണ് സംഭവം നടന്നത്. സ്വദേശി യുവതിയാണ് മരിച്ചതെന്ന് പ്രാദേശികപത്രം റിപ്പോര്‍ട്ട് ചെയ്തു. അപ്പാർട്ട്‌മെന്റിൽ നിന്ന് ദുർഗന്ധം വമിക്കുന്നതിനെ തുടർന്ന് അയൽവാസികൾ ഫയർഫോഴ്‌സിൽ വിവരമറിയിച്ചതിനെ തുടർന്ന് വാതിൽ തുറന്നപ്പോൾ തൂങ്ങിമരിച്ച നിലയിൽ കണ്ടെത്തുകയായിരുന്നു. സംഭവത്തില്‍ പൊലീസ് അന്വേഷണം ആരംഭിച്ചു.

കുവൈറ്റ് സിറ്റി: ജഹ്‌റയില്‍ സംഘട്ടനത്തിലേര്‍പ്പെട്ട യുവാക്കളില്‍ നാലു പേരെ പൊലീസ് പിടികൂടി. നിരവധി പേരാണ് സംഘട്ടനത്തിലേര്‍പ്പെട്ടത്. ഇവരുടെ കൈയ്യില്‍ ആയുധങ്ങളുമുണ്ടായിരുന്നുവെന്നാണ് റിപ്പോര്‍ട്ട്. തുടര്‍ന്ന് സ്ഥലത്തെത്തിയ പൊലീസ് സ്ഥിതി നിയന്ത്രണവിധേയമാക്കാന്‍ ആകാശത്തേക്ക് വെടിവയ്ക്കുകയായിരുന്നു. തുടര്‍ന്ന് യുവാക്കള്‍ പിരിഞ്ഞുപോയി. ഇവരില്‍ നാലു പേരെ പൊലീസ് പിടികൂടി. മറ്റുള്ളവര്‍ക്കായി അന്വേഷണം ഊര്‍ജ്ജിതമാക്കി.

കുവൈറ്റ് സിറ്റി: കുവൈറ്റ് ജനറൽ അഡ്മിനിസ്ട്രേഷൻ ഓഫ് കസ്റ്റംസ് (കെജിഎസി) ബിറ്റ്‌കോയിന്‍ കറന്‍സി ഡിവൈസുകള്‍ പിടിച്ചെടുത്തതായി പ്രാദേശികപത്രം റിപ്പോര്‍ട്ട് ചെയ്തു. ഇതു സംബന്ധിച്ച് കൂടുതല്‍ വിശദാംശങ്ങള്‍ പുറത്തുവിട്ടിട്ടില്ല. ഡിവൈസുകള്‍ പരിശോധിക്കാൻ കമ്മ്യൂണിക്കേഷൻ ആൻഡ് ഇൻഫർമേഷൻ ടെക്നോളജി റെഗുലേറ്ററി അതോറിറ്റി (സിട്രാ) യിൽ നിന്നുള്ള കെജിഎസി വിദഗ്ധരെ നിയോഗിച്ചതായി റിപ്പോര്‍ട്ട് വ്യക്തമാക്കി.

കുവൈറ്റ് സിറ്റി: പുതിയ വൈറസ് വകഭേദത്തിന്റെ പശ്ചാത്തലത്തില്‍ ദക്ഷിണാഫ്രിക്ക, നമീബിയ, ബോട്‌സ്വാന, സാംബിയ, മൊസാംബിക്, ലെസോത്തോ, ഇശ്വതിനി, മലാവി, സിംബാബ്‌വെ എന്നിവിടങ്ങളിലേക്കുള്ള നേരിട്ടുള്ള വാണിജ്യ വിമാന സർവീസുകൾ നിർത്തിവച്ചതായി കുവൈത്ത് ജനറൽ അഡ്മിനിസ്ട്രേഷൻ ഓഫ് സിവിൽ ഏവിയേഷൻ അറിയിച്ചു. കാര്‍ഗോ പ്ലെയിനുകള്‍ക്ക് നിയന്ത്രണം ബാധകമല്ലെന്നാണ് സൂചന. മേൽപ്പറഞ്ഞ രാജ്യങ്ങളിൽ നിന്ന് വരുന്ന പൗരന്മാർക്ക് ഏഴ് ദിവസത്തേക്ക് ഇൻസ്റ്റിറ്റിയൂഷണൽ ക്വാറന്റൈൻ ബാധകമാണ്. രാജ്യത്തെത്തുമ്പോഴും, ക്വാറന്റൈനിന്റെ ആറാം ദിവസവും പിസിആര്‍ പരിശോധന നടത്തും.  

ന്യൂഡല്‍ഹി: ജമ്മു കശ്മീരിനെ കേന്ദ്രഭരണ പ്രദേശമാക്കിയത് മുഖ്യമന്ത്രിയെ എം.എല്‍.എ.പദത്തിലേക്ക് തരംതാഴ്ത്തിയത് പോലെയാണെന്ന് കോണ്‍ഗ്രസ് നേതാവ് ഗുലാം നബി ആസാദ്. ശൈത്യകാലത്ത് കശ്മീരില്‍ തിരഞ്ഞെടുപ്പ് നടത്താനുള്ള കേന്ദ്ര സര്‍ക്കാര്‍ തീരുമാനത്തെയും അദ്ദേഹം വിമര്‍ശിച്ചു. “സാധാരണ കേന്ദ്ര ഭരണ പ്രദേശങ്ങളെ സംസ്ഥാനമാക്കി ഉയര്‍ത്താറാണ് പതിവ്. പക്ഷെ ഇവിടെ സംസ്ഥാനത്തെ കേന്ദ്ര ഭരണ പ്രദേശമാക്കി തരംതാഴ്ത്തി. അത് ഡി.ജി.പിയെ എസ്.എച്ച്.ഒ. ആക്കുന്നതുപോലെ, മുഖ്യമന്ത്രിയെ എം.എല്‍.എ. ആക്കുന്നതുപോലെയാണ്” – കുല്‍ഗാമില്‍ നടന്ന പരിപാടിയില്‍ ഗുലാംനബി പറഞ്ഞു.

തിരുവനന്തപുരം: കോവിഡ് നിയന്ത്രണങ്ങള്‍ ലംഘിച്ചതിന് സംസ്ഥാനത്തൊട്ടാകെ ഇന്ന് 218 പേര്‍ക്കെതിരെ കേസെടുത്തു. ഇന്ന് അറസ്റ്റിലായത് 130 പേരാണ്. 413 വാഹനങ്ങളും പിടിച്ചെടുത്തു. മാസ്‌ക് ധരിക്കാത്ത 3374 സംഭവങ്ങളാണ് സംസ്ഥാനത്ത് ഇന്ന് റിപ്പോര്‍ട്ട് ചെയ്തത്.

തിരുവനന്തപുരം: പോലീസിനെക്കുറിച്ച് ചോദിക്കുമ്പോൾ ഹലാലിനെക്കുറിച്ച് പറയുന്ന മുഖ്യമന്ത്രി പിണറായി വിജയൻ്റെ തന്ത്രം പഴകിത്തേഞ്ഞതാണെന്ന് കേന്ദ്രമന്ത്രി വി. മുരളീധരന്‍. കേരളത്തിലെ പോലീസ് വകുപ്പിൻ്റെ പരാജയത്തെക്കുറിച്ചുള്ള മാധ്യമ ചർച്ചകൾ വഴിതിരിച്ചുവിടാനാണ് മുഖ്യമന്ത്രി ഇന്ന് ‘ഹലാലു ‘മായി ഇറങ്ങിയിരിക്കുന്നതെന്നും അദ്ദേഹം സമൂഹമാധ്യമത്തില്‍ പങ്കുവച്ച കുറിപ്പില്‍ ആരോപിച്ചു. വി. മുരളീധരന്റെ കുറിപ്പ്… പോലീസിനെക്കുറിച്ച് ചോദിക്കുമ്പോൾ ഹലാലിനെക്കുറിച്ച് പറയുന്ന പിണറായി വിജയൻ്റെ തന്ത്രം പഴകിത്തേഞ്ഞതാണ്. കേരളത്തിലെ പോലീസ് വകുപ്പിൻ്റെ പരാജയത്തെക്കുറിച്ചുള്ള മാധ്യമ ചർച്ചകൾ വഴിതിരിച്ചുവിടാനാണ് മുഖ്യമന്ത്രി ഇന്ന് ‘ഹലാലു ‘മായി ഇറങ്ങിയിരിക്കുന്നത്. ന്യൂനപക്ഷത്തിൻ്റെ സംരക്ഷകനെന്ന് […]

തിരുവനന്തപുരം: മറ്റു സംസ്ഥാനങ്ങളിലെ ബിജെപി മുഖ്യമന്ത്രിമാർക്ക് പോലും ഭീഷണിയാകുന്ന തരത്തിൽ,നരേന്ദ്ര മോദിയുടെ അവകാശവാദങ്ങൾ ജനങ്ങളിലേക്കെത്തിക്കാൻ അക്ഷീണം പരിശ്രമിക്കുന്ന പി ആർ ഏജൻസി നടത്തിപ്പുകാരനാവുകയാണ് കേരളത്തിന്റെ മുഖ്യമന്ത്രി പിണറായി വിജയനെന്ന് കെപിസിസി പ്രസിഡന്റ് കെ. സുധാകരന്‍. ഫേസ്ബുക്ക് പോസ്റ്റിലൂടെയായിരുന്നു അദ്ദേഹത്തിന്റെ വിമര്‍ശനം. ഫേസ്ബുക്ക് പോസ്റ്റ്… നാട്ടുകാർ കാര്യമായി തന്നെ പരിഗണിക്കുന്നില്ലെന്ന തിരിച്ചറിവാണ് നാട്ടിൽ നടക്കുന്ന സംഭവങ്ങളെല്ലാം നമ്മൾ ഉണ്ടാക്കിയതാണെന്നു പറയാൻ വൈക്കം മുഹമ്മദ് ബഷീറിന്റെ കഥയിലെ എട്ടുകാലി മമ്മൂഞ്ഞ് എന്ന കഥാപാത്രത്തിന് പ്രേരണയായത്. കഴിഞ്ഞദിവസം നീതി ആയോഗ് പുറത്തിറക്കിയ […]

തൃശൂര്‍: തൃശൂരിൽ 52 വിദ്യാർത്ഥിനികൾക്ക് നോറോ വൈറസ് സ്ഥിരീകരിച്ചു. സെന്റ് മേരിസ് കോളേജ് ഹോസ്റ്റലിലെ വിദ്യാർത്ഥിനികൾക്കാണ് രോഗം സ്ഥിരീകരിച്ചത്. ഹോസ്റ്റലിലെ കുടിവെള്ളത്തിൽ നിന്ന് വൈറസ് പകർന്നതാണെന്നാണ് പ്രാഥമിക നിഗമനം. ആലപ്പുഴ വൈറോളജി ലാബിൽ നിന്നുള്ള റിപ്പോർട്ടിൽ ആണ് രോഗബാധ സ്ഥിരികരിച്ചത്.

error: Content is protected !!