01
Wednesday December 2021
കേരളം

മുല്ലപ്പെരിയാറില്‍ മുഖ്യമന്ത്രിയുടെ പ്രസ്താവന തമിഴ്‌നാടിന്റെ കയ്യില്‍ അടിക്കാന്‍ വടി കൊടുക്കുന്നതിന് തുല്യം ! 137 അടി വെള്ളം വന്നിട്ടും മുഖ്യമന്ത്രി പോലും ഭയക്കുന്നില്ലാത്ത സാഹചര്യത്തില്‍ ജലനിരപ്പ് 142 അടിയില്‍ കുറയ്‌ക്കേണ്ടെന്ന തമിഴ്‌നാടിന്റെ വാദത്തിന് ബലം പകരും. കേരളം അനാവശ്യ ഭീതി പരത്തുകയാണന്നു സുപ്രീംകോടതിയിലും വാദം ഉയരും ! കേരളത്തെ സുപ്രീംകോടതിയില്‍ തോല്‍പ്പിക്കുമോ മുഖ്യമന്ത്രിയുടെ നിലപാട് ! കേസെടുക്കുമെന്ന് മുഖ്യമന്ത്രിയുടെ ഭീഷണിക്കെതിരെ ഇടുക്കി നിവാസികളും രംഗത്ത്. ഡാം പൊട്ടില്ലെന്ന് മുഖ്യമന്ത്രിക്ക് ഉറപ്പുനല്‍കാനാകുമോയെന്നും വിമര്‍ശനം

ന്യൂസ് ബ്യൂറോ, ഇടുക്കി
Monday, October 25, 2021

ഇടുക്കി: മുല്ലപ്പെരിയാര്‍ അണക്കെട്ടില്‍ പ്രശ്നങ്ങള്‍ ഇല്ലെന്നും സാമൂഹിക മാധ്യമങ്ങളിലൂടെ ചിലര്‍ അനാവശ്യ ഭീതി പരത്തുകയാണെന്നുമുള്ള മുഖ്യമന്ത്രി പിണറായി വിജയന്റെ പരാമര്‍ശത്തിനെതിരെ കടുത്ത വിമര്‍ശനം. കാര്യം പറയുന്നവര്‍ക്കെതിരെ കേസെടുക്കുമെന്നുള്ള ഭീഷണി വിലപ്പോകില്ലെന്നാണ് വിമര്‍ശനം. ജനങ്ങളുടെ ആകുലത പരിഹരിക്കാതെ ഭീഷണിമാത്രം നടത്തിയാല്‍ അംഗീകരിക്കില്ലെന്നും പലരും പറയുന്നുണ്ട്.

പണ്ട് സിപിഎം അടക്കമുള്ള കക്ഷികള്‍ 132 അടിയിലേക്ക് ജലനിരപ്പെത്തിയപ്പോള്‍ നടത്തിയ സമരം എന്തിനെന്ന് മുഖ്യമന്ത്രി മറുപടി പറയേണ്ടിവരും. അതല്ല ഇത്തരമൊരു പരാമര്‍ശം ആരുടെയെങ്കിലും കയ്യടിക്ക് വേണ്ടിയാണ് നടത്തിയതെങ്കില്‍ അതുകൂടി പറയണമെന്നാണ് പലരും പറയുന്നത്.

സിപിഎമ്മിന്റെ ഇടുക്കി ജില്ലാ ഘടകത്തോടു പോലും ആലോചിച്ചിരുന്നെങ്കില്‍ ഇത്തരമൊരു കാര്യം മുഖ്യമന്ത്രി പറയില്ലായിരുന്നു. ഡാം പൊട്ടുമെന്ന ആശങ്ക പങ്കുവയ്ക്കുന്ന ലക്ഷക്കണത്തിന് ആളുകള്‍ക്കെതിരെ കേസെടുത്താല്‍ ഡാമിന്റെ ഭീഷണിയൊഴിയുമോയെന്നും ചോദ്യമുണ്ട്. പെരിയാറിന്റെ താഴ് വരയില്‍ താമസിക്കുന്ന ആളുകളെ പരിഹസിക്കുന്നതാണ് മുഖ്യമന്ത്രിയുടെ നിലപാടെന്നും വിമര്‍ശനമുണ്ട്.

അതിനിടെ മുഖ്യമന്ത്രി നിയമസഭയില്‍ പറഞ്ഞ കാര്യങ്ങളെ തമിഴ്‌നാട് സുപ്രീംകോടതിയില്‍ മുതലെടുക്കാനുള്ള സാധ്യതയുണ്ട്. കേരള മുഖ്യമന്ത്രിപോലും ഡാമിന്റെ അവസ്ഥയില്‍ അപകടമില്ലെന്നു പറയുമ്പോള്‍ പിന്നെ എന്തിനാണ് കേസെന്ന ചോദ്യം ഉയരും. കേരളം അനാവശ്യഭീതിയാണ് ഉയര്‍ത്തുന്നതെന്ന തമിഴ്‌നാടിന്റെ വാദത്തിനെ സഹായിക്കാനേ മുഖ്യമന്ത്രിയുടെ നിലപാട് സഹായിക്കു.

ഇന്നു സുപ്രീംകോടതിയില്‍ ഡാമിലെ ജലനിരപ്പ് 139 അടിയായി നിലനിര്‍ത്തണമെന്നാവശ്യപ്പെട്ട് കേരളം നിലപാട് സ്വീകരിച്ചിരുന്നു. എന്നാല്‍ 137 അടി കഴിഞ്ഞിട്ടും സര്‍ക്കാര്‍ തന്നെ ഭീഷണിയില്ലെന്ന് പറയുന്ന സാഹചര്യത്തില്‍ എന്തിനാണ് ഹര്‍ജിയെന്ന് തമിഴ്‌നാട് വാദിച്ചാല്‍ കേരളത്തിന്റെ ഉത്തരം മുട്ടും.

Related Posts

More News

കുവൈറ്റ് സിറ്റി: കുവൈറ്റില്‍ മീഡ് (മുള്ളറ്റ്/കണമ്പ്‌) മത്സ്യബന്ധന സീസൺ അവസാനിക്കുന്നതായി പബ്ലിക് അതോറിറ്റി ഫോർ അഗ്രികൾച്ചർ അഫയേഴ്സ് ആൻഡ് ഫിഷ് റിസോഴ്സസ് (പിഎഎഎഎഫ്ആർ) തലാൽ ഫഹദ് അൽ ദൈഹാനി പ്രഖ്യാപിച്ചു. എല്ലാ വർഷവും ജൂൺ 15 മുതൽ നവംബർ 30 വരെ മീഡ് മത്സ്യബന്ധനം അനുവദനീയമാണെന്ന് അൽ ദൈഹാനി പറഞ്ഞു. കുവൈറ്റിലെ സമുദ്രാതിർത്തിക്കുള്ളിൽ മത്സ്യബന്ധനം നിയന്ത്രിക്കുന്നതിന് അതോറിറ്റി പുറപ്പെടുവിച്ച തീരുമാനങ്ങൾ മത്സ്യസമ്പത്ത് സംരക്ഷിക്കുന്നതിൽ മികച്ച ഫലങ്ങള്‍ കൈവരിച്ചിട്ടുണ്ടെന്നും എല്ലാവരും പിഎഎഎഎഫ്ആർ മത്സ്യബന്ധന നിയമങ്ങൾ പാലിക്കണമെന്നും അദ്ദേഹം കൂട്ടിച്ചേർത്തു.

കുവൈറ്റ് സിറ്റി: വിവിധ രാജ്യങ്ങളില്‍ ഒമിക്രോണ്‍ റിപ്പോര്‍ട്ട് ചെയ്‌തെങ്കിലും, ഇതുമായി ബന്ധപ്പെട്ട് കുവൈറ്റില്‍ ഭാഗികമായോ പൂര്‍ണമായോ കര്‍ഫ്യൂ നടപ്പാക്കാന്‍ പദ്ധതിയില്ലെന്ന് ഉന്നത സര്‍ക്കാര്‍ വൃത്തങ്ങളെ ഉദ്ധരിച്ച് പ്രാദേശികപത്രം റിപ്പോര്‍ട്ട് ചെയ്തു. രാജ്യത്തെ മെച്ചപ്പെട്ട ആരോഗ്യസ്ഥിതിയിലെ സ്ഥിരത നിലനിര്‍ത്തുന്നതിന് ആവശ്യമായ നടപടികള്‍ പാലിക്കുന്നത് തുടരുമെന്നും, പ്രതിരോധ നടപടികള്‍ കൈക്കൊള്ളുമെന്നും റിപ്പോര്‍ട്ട് വ്യക്തമാക്കുന്നു.

കുവൈറ്റ് സിറ്റി: കുവൈറ്റില്‍ വാഹനാപകടത്തില്‍ പ്രവാസി മരിച്ചു. അബു ഹലീഫയിലാണ് വാഹനാപകടമുണ്ടായത്. മൃതദേഹം ഫോറന്‍സിക് പരിശോധനയ്ക്ക് അയച്ചു. പ്രവാസി സഞ്ചരിച്ച വാഹനം നിര്‍ത്തിയിട്ടിരുന്ന വാഹനത്തിലിടിച്ചാണ് അപകടമുണ്ടായതെന്നാണ് റിപ്പോര്‍ട്ട്.

ന്യൂഡല്‍ഹി: ശിരോമണി അകാലിദള്‍ നേതാവ് മഞ്ജീന്ദര്‍ സിങ് സിര്‍സ ബി.ജെ.പിയില്‍ ചേര്‍ന്നു. പഞ്ചാബ് നിയമസഭാ തിരഞ്ഞെടുപ്പിന് മാസങ്ങള്‍ മാത്രം ബാക്കിനില്‍ക്കേയാണ് സിര്‍സയുടെ ബിജെപി പ്രവേശനം. കേന്ദ്രമന്ത്രി ധര്‍മേന്ദ്ര പ്രധാന്റെയും ഗജേന്ദ്ര സിങ് ശെഖാവത്തിന്റെയും സാന്നിധ്യത്തിലാണ് സിര്‍സ ബിജെപിയില്‍ ചേര്‍ന്നത്. ബി.ജെ.പി. അംഗത്വം സ്വീകരിക്കുന്നതിന് മുന്‍പ് കേന്ദ്ര ആഭ്യന്തര മന്ത്രി അമിത് ഷായുമായും പാര്‍ട്ടി ദേശീയ അധ്യക്ഷന്‍ ജെ.പി. നഡ്ഡയുമായും സിര്‍സ കൂടിക്കാഴ്ച നടത്തിയിരുന്നു.

‘മരക്കാര്‍ അറബിക്കടലിന്റെ സ്‌നേഹം’ ഇന്ന് റിലീസാകുമ്പോള്‍ പ്രേഷകരുടെ ഏറെ നാളായുള്ള കാത്തിരിപ്പിനാണ് വിരാമമാകുന്നത്. നിരവധി പേരാണ് ചിത്രത്തിന് ആശംസയുമായി രംഗത്തെത്തിയത്. മമ്മൂട്ടിയും ആശംസ അറിയിച്ചിരുന്നു. ഇതിന് മോഹന്‍ലാല്‍ നല്‍കിയ മറുപടി സമൂഹമാധ്യമങ്ങളില്‍ വൈറലാണ്. “മരക്കാർ അറബിക്കടലിന്റെ സിംഹം നാളെ ലോകമെമ്പാടും റിലീസ് ചെയ്യുന്നു, പ്രിയപ്പെട്ട ലാലിനും പ്രിയനും അതിന്റെ പിന്നിലെ മുഴുവൻ ടീമിനും എല്ലാ ആശംസകളും നേരുന്നു”, എന്നാണ് മമ്മൂട്ടി കുറിച്ചത്. പിന്നാലെ കമന്റായി മോഹൻലാലും എത്തി. “പ്രിയപ്പെട്ട ഇച്ചാക്ക നിങ്ങളുടെ എല്ലാ സ്നേഹത്തിനും പിന്തുണയ്ക്കും വളരെ […]

രാജാക്കാട്: വാഹനാപകടത്തിൽ പരിക്കേറ്റ ഗൃഹനാഥൻ മരിച്ചു. രാജാക്കാട് അടിവാരം കാപ്പിൽ ദിവാകരൻ (65) ആണ് മരിച്ചത്. മൂന്നാഴ്ച മുമ്പ് മകൻ സുജിതിന്റെ കല്യാണം ക്ഷണിക്കാനായി അരിവിളംചാലിലുള്ള ബന്ധുവീട്ടിൽ പോയി മടങ്ങും വഴിയാണ് ആത്മാവുസിറ്റിക്ക് സമീപം ഇവർ സഞ്ചരിച്ച കാർ അപകടത്തിൽപ്പെട്ടത്. ഗുരുതര പരിക്കേറ്റ ദിവാകരനും, ഭാര്യ സതിയും കോതമംഗലത്ത് സ്വകാര്യ ആശുപത്രിയിൽ ചികിത്സയിലായിരുന്നു. കാർ ഓടിച്ചിരുന്ന സുജിതിന് നിസ്സാര പരിക്കേറ്റു. സംസ്കാരം ഇന്ന് ഉച്ചക്ക് 12 ന് വീട്ടുവളപ്പിൽ .ഭാര്യ സതി രാജാക്കാട് മാനാംതടത്തിൽ കുടുംബാംഗം. മക്കൾ: […]

ബെംഗളൂരു: കര്‍ണാടകയില്‍ ബിജെപി എംഎല്‍എയെ കൊലപ്പെടുത്താന്‍ കോണ്‍ഗ്രസ് നേതാവ് ആസൂത്രണം നടത്തുന്നതിന്റെ വീഡിയോ പുറത്ത്. യെലഹങ്ക എംഎല്‍എ എസ്ആര്‍ വിശ്വനാഥനെ കൊലപ്പെടുത്താനാണ് കോണ്‍ഗ്രസ് നേതാവായ ഗോപാല്‍കൃഷ്ണ പദ്ധതിയിട്ടത്. കോണ്‍ഗ്രസ് നേതാവ് ഒപ്പമുള്ളയാളോട് പറയുന്നത് എംഎല്‍എയെ എങ്ങനെയെങ്കിലും അവസാനിപ്പിക്കണം. അതിന് ഒരു കോടിയോ മറ്റോ ആകട്ടെ. അത് തരാം. ആരുമറിയാതെ തീര്‍ത്തുകളയണമെന്നും പറയുന്നത് വീഡിയോയില്‍ വ്യക്തമാണ്. Plot to assassinate a sitting BJP MLA & chairman of BDA SR vishwanath being probed by […]

മിഷിഗണ്‍: മിഷിഗണ്‍ സ്‌കൂളില്‍ നടന്ന വെടിവെപ്പില്‍ മൂന്ന് വിദ്യാര്‍ത്ഥികള്‍ കൊല്ലപ്പെട്ട ഭീകര നിമിഷങ്ങള്‍ ഓര്‍ത്തെടുത്ത് സഹപാഠികള്‍. സ്‌കൂള്‍ കെട്ടിടത്തിനുള്ളില്‍ വെടിയൊച്ച മുഴങ്ങുകയും മരണത്തെ മുന്നില്‍ കാണുകയും ചെയ്ത നിമിഷത്തെക്കുറിച്ച് വിദ്യാര്‍ത്ഥികള്‍ പ്രതികരിച്ചു. ഓക്സ്ഫോര്‍ഡ് ഹൈസ്‌കൂള്‍ സീനിയര്‍ എയ്ഡന്‍ പേജും സഹപാഠികളും അവരുടെ എപി സ്റ്റാറ്റിസ്റ്റിക്സ് ക്ലാസിനു തയ്യാറെടുക്കവെയാണ് ഞെട്ടിച്ചുകൊണ്ട് വെടിയൊച്ച മുഴങ്ങിയത്. തങ്ങളുടെ ക്ലാസ് ടീച്ചര്‍ ഉടന്‍ തന്നെ ഓടിച്ചെന്ന് ക്ലാസ്‌റൂമിന്റെ വാതിലുകള്‍ അടച്ചെന്നും മെറ്റല്‍ ഡോര്‍‌സ്റ്റോപ്പ് ഉപയോഗിച്ച് അത് അടയ്ക്കുകയും ചെയ്തുവെന്നും മേശകള്‍ വലിച്ച് വാതിലിനരികിലേക്ക് […]

കുവൈത്ത് സിറ്റി: കോവിഡ് മൂലം മരണപ്പെട്ടവരുടെ ആശ്രിതർക്ക് സർക്കാർ പ്രഖ്യാപിച്ച ധനസഹായം, മരണപ്പെട്ട പ്രവാസികളുടെ ആശ്രിതർക്കു കൂടി നൽകണമെന്ന് കുവൈത്ത് കെ എം സി സി സംസ്ഥാന പ്രവർത്തക സമിതിയോഗത്തിൽ അവതരിപ്പിച്ച പ്രമേയത്തിൽ കേന്ദ്ര-സംസ്ഥാന ഗവൺമെന്റുകളോടാവശ്യപ്പെട്ടു. ഇക്കാര്യത്തിൽ കോടതി ഇടപെടൽ ഉണ്ടായിട്ടു പോലും ഒളിച്ചുകളി നടത്തുന്ന സംസ്ഥാന സർക്കാറിന്റെ നിലപാട് അങ്ങേയറ്റം അപലനീയമാണെന്നും യോഗം വിലയിരുത്തി. ഇത് സംബന്ധിച്ച് മുഖ്യമന്ത്രി, വിദേശകാര്യ മന്ത്രി എന്നിവർക്ക് ഇ മെയിൽ സന്ദേശമയച്ചതായി കെ.എം.സി.സി. പ്രസിഡന്റ് ഷറഫുദ്ദീൻ കണ്ണേത്തും ജനറൽ സെക്രട്ടറി […]

error: Content is protected !!