17
Monday January 2022
കേരളം

മതവികാരം വ്രണപ്പെടുത്തിയെന്ന പരാതിയിൽ കെ.എം ചാണ്ടിയുടെ കൊച്ചുമകൻ സഞ്ജയ് സഖറിയാസിനും ഭാര്യ സൂര്യയ്ക്കുമെതിരെ പോലീസിൽ പരാതി ! ഇരുവരും ക്രൈസ്തവ മത വികാരത്തെ വ്രണപ്പെടുത്തിയെന്നും വിശ്വാസ ചിഹ്നങ്ങളെയും രൂപങ്ങളെയും അപമാനിച്ചെന്നും പരാതിയിൽ. പാലാ രൂപതയേയും ബിഷപ്പിനെയും വിശ്വാസികളേയും ഫേസ് ബുക്ക് പോസ്റ്റിലൂടെ അവഹേളിക്കുന്നു ! ” പാലാക്കാരൻ ചേട്ടൻ ” എന്ന ഫേസ്ബുക്ക് പേജു സജ്ഞയ് സഖറിയാസിൻ്റെയെന്നും ആനിക്കാട് സ്വദേശിയുടെ പരാതി

ന്യൂസ് ബ്യൂറോ, കോട്ടയം
Tuesday, December 7, 2021

കോട്ടയം: ക്രിസ്ത്യൻ മതവികാരത്തെ വ്രണപ്പെടുത്തിയെന്ന പരാതിയിൽ പാലാ സ്വദേശി സഞ്ജയ് സഖറിയാസ്,ഭാര്യ സൂര്യ എസ് നായർ എന്നിവർക്കെതിരെ പാലാ പോലീസ് സ്റ്റേഷനിൽ പരാതി. കോട്ടയം ആനിക്കാട് സ്വദേശി ആന്റണി ജോർജാണ് പരാതി നൽകിയത്. പരാതി പോലീസ് സ്വീകരിച്ചു.

ക്രിസ്ത്യൻ കത്തോലിക്കാ മതവികാരത്തെ വ്രണപ്പെടുത്തണമെന്നും ക്രിസ്ത്യൻ മതവിശ്വാസ
ചിഹ്നങ്ങളെയും രൂപങ്ങളെയും അപമാനിക്കണമെന്നും അവഹേളിക്കണമെന്നുമുള്ള മനപ്പൂർവ്വമായ ഉദ്ദേശത്തോടും കരുതലോടും കൂടി കെഎം ചാണ്ടിയുടെ കൊച്ചുമകൻ സഞ്ചയ് സഖറിയാസിന്റെ മൊബൈൽ നമ്പരുപയോഗിച് നിർമ്മിച്ച് പ്രവർത്തിച്ചുവരുന്ന ” പാലാക്കാരൻ ചേട്ടൻ ” എന്ന ഫേസ്ബുക്ക് പേജു വഴി അശ്ലീലവും മ്ലേച്ഛകരവുമായ സന്ദേശങ്ങളും ചിത്രങ്ങളും കഴിഞ്ഞകുറെ നാളുകളായി സമൂഹ മധ്യത്തിൽ പ്രചരിപ്പിച്ചതിനെതിരെയാണ് പരാതി.

പ്രതികളുടെ പ്രവർത്തികൾമൂലം സഭക്കും മറ്റു കത്തോലിക്കാ വിശ്വാസികൾക്കും വലിയ മനോവേദനയും മതവിശ്വാസത്തിന് മുറിവും സമൂഹ മധ്യത്തിൽ അപമാനവും ഉണ്ടായിട്ടുണ്ടെന്ന് പരാതിയിൽ പറയുന്നു. അൽമായ പ്രതിനിധി ആനിക്കാട് സ്വദേശി ആൻറണി ജോർജാണ് കേസ് കൊടുത്തത്.

സഭയ്ക്കെതിരെ സഞ്ജയ് സഖറിയാസും ഭാര്യയും കൂടി ചേർന്ന് പ്രചരിപ്പിച്ച പോസ്റ്റുകളുടെ സ്ക്രീൻഷോട്ടുകളും പോസ്റ്റുകളുടെ കണ്ടന്റും സഹിതമാണ് പരാതി കൊടുത്തിരിക്കുന്നത്. അതോടൊപ്പം അശ്ളീലവും മ്ലേച്ഛവുമായി കത്തോലിക്കാ മതവിശ്വാസത്തെ ഇകഴ്ത്തി കാണിക്കുകയും ചെയ്യു ന്ന നിരവധി പോസ്റ്റുകളും കമന്റുകളും ” പാലാക്കാരൻ ചേട്ടൻ”, “പാൽക്കാരൻ പാലാ” തുടങ്ങിയ ഫേസ്ബുക് പേജുകൾ വഴി പ്രചരിപ്പിച്ചിട്ടുണ്ടെന്നും പരാതിയിൽ പറയുന്നുണ്ട്.

പാലാ രൂപതയേയും ബിഷപ്പിനെയും വിശ്വാസികളേയും രൂപതയുടെ സ്ഥാപനമായ മെഡിസിറ്റിയേയും വളരെ മോശമായി ചിത്രീകരിച്ചതിൻ്റെയും തെളിവുകൾ പരാതിക്കാരൻ സമർപ്പിച്ചിട്ടുണ്ട്. കത്തോലിക്കാ സഭാസ്ഥാപനങ്ങളെയും അധികാരികളെയും മ്ളേച്ഛകരമായി ചിത്രീ കരിച്ചതിൽ മതവികാരം വ്രണപ്പെട്ടിട്ടു ള്ളതാണെന്ന് പരാതിയിൽ പറയുന്നു.

സഞ്ജയ് സഖറിയാസിന്റെയും ഭാര്യയുടെയും വിവാഹം ഹൈന്ദവ മതാചാരപ്രകാരം നടത്തിയിട്ടുള്ളതും അതിനു ശേഷം കത്തോലിക്കാ പള്ളിയിൽ വെച്ചുനടത്തുവാൻ ശ്രമിച്ചെങ്കിലും പലവിധ കാരണങ്ങൾകൊണ്ട് കത്തോലിക്കാ പള്ളിയിൽ നിന്നും അനുമതി കൊടുക്കാതെ വരികയുമാണുണ്ടായതെന്നും ഇതിനെത്തുടർന്ന് കത്തോലിക്കാ സഭയോടും മതവിശ്വാസത്തോടും തികഞ്ഞവിരോധവും വൈരാഗ്യവും വച്ചുപുലർത്തിയതിന്റെ ഭാഗമായാണ് ”പാലാക്കാരൻ ചേട്ടൻ ” “പാൽക്കാരൻ പാലാ ” തുടങ്ങിയ ഫേസ്ബുക്പേജു കളിലൂടേയും വാട്സ്ആപ്ഗ്രൂ പ്പുകളിലൂടെയും കത്തോലിക്കാ സഭയെയും ക്രിസ്തീയ വിശ്വാസത്തെയും മുറിപ്പെടുത്തുകയും അതെല്ലാം പാലാക്കാരുടെ വികാരമാണ് എന്ന രീതിയിൽ പ്രചരിപ്പിക്കുകയും ചെയ്തെന്നും പരാതിയിൽ പറയുന്നു.

മറ്റൊരു സൈബർ കേസിൽ കോടതി കുറ്റക്കാരനാണെന്ന് കണ്ട് റിമാൻഡിൽ ആയിരുന്ന സഞ്ജയ് സഖറിയാസ് കോടതിയുടെ കർശനമായ നിബന്ധനയുടെ അടിസ്ഥാനത്തിൽ ജാമ്യത്തിലാണ്.

More News

ചെന്നൈ: തമിഴ് താരദമ്പതികളായ ഐശ്യര്യ രജനീകാന്തും ധനുഷും ബന്ധം വേർപ്പെടുത്തുന്നു. സോഷ്യല്‍ മീഡിയയിലൂടെ പുറത്തിറക്കിയ പ്രസ്‍താവനകളിലൂടെയാണ് ഇരുവരും ഇക്കാര്യം അറിയിച്ചത്. നീണ്ട 18 വര്‍ഷം, വളര്‍ച്ചയുടെയും മനസിലാക്കലിന്‍റെയും യാത്രയായിരുന്നു ഇതെന്നും ഇപ്പോള്‍ തങ്ങള്‍ ഇരുവരുടെയും വഴികള്‍ പിരിയുന്ന സമയമാണെന്നും കുറിപ്പില്‍ പറയുന്നു. തങ്ങളുടെ തീരുമാനത്തെ മാനിക്കണമെന്നും തങ്ങളുടെ സ്വകാര്യതയിലേക്ക് കടന്നുകയറരുതെന്നുമുള്ള അഭ്യർത്ഥനയോടെയാണ് ഇരുവരുടേയും കുറിപ്പുകൾ അവസാനിക്കുന്നത്. ഇന്ത്യൻ സിനിമയിലെ തന്നെ സൂപ്പർതാരമായ രജനീകാന്തിന്റെ മകളായ ഐശ്വര്യയും നടൻ ധനുഷുമായുള്ള വിവാഹം 2004ലാണ് നടന്നത്. നവംബര്‍ 18നായിരുന്നു ഇരുവരുടെയും […]

അബുദാബി: തിങ്കളാഴ്‍ച രാവിലെ അബുദാബിയിലുണ്ടായ സ്‍ഫോടനങ്ങള്‍ക്ക് പിന്നില്‍ ഹൂതികളാണെന്ന് യുഎഇയുടെ സ്ഥിരീകരണം. സംഭവം ആസൂത്രിതമാണെന്നും യുഎഇ അറിയിച്ചു. യുഎഇ വിദേശകാര്യ അന്താരാഷ്‍ട്ര സഹകരണ മന്ത്രാലയം പുറത്തിറക്കിയ പ്രസ്‍താവനയിലാണ് ഇക്കാര്യം വ്യക്തമാക്കിയത്. യുഎഇയുടെ മണ്ണില്‍ നടത്തിയ ആക്രമണത്തെ ശക്തമായി അപലപിക്കുന്നുവെന്നും അതിന് പിന്നിലുള്ളവര്‍ ശിക്ഷിക്കപ്പെടാതെ പോകില്ലെന്നും പ്രസ്‍താവന പറയുന്നു. ആക്രമണത്തിനെതിരെ കർശന നടപടിയുണ്ടാകുമെന്നും യുഎഇ വ്യക്തമാക്കി. രണ്ട് ഇന്ത്യക്കാരടക്കം മൂന്ന് പേരാണ് സ്‌ഫോടനത്തില്‍ മരിച്ചത്. രാവിലെ 10 മണിയോടെ മുസഫയിലും അബുദാബി വിമാനത്താവളത്തിന് സമീപത്തുള്ള നിര്‍മാണ മേഖലയിലുമായിരുന്നു സ്‍ഫോടനങ്ങള്‍. […]

കൊച്ചി: നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ അപായപ്പെടുത്താൻ ഗൂഢാലോചന നടത്തിയത്‌ സംബന്ധിച്ച കേസിൽ സംവിധായകൻ ബാലചന്ദ്രകുമാർ വെളിപ്പെടുത്തിയ വിഐപി ദിലീപിന്റെ അടുത്ത സുഹൃത്ത്‌ ശരത്തെന്ന് സംശയം. സംവിധായകന്‍ ബാലചന്ദ്രകുമാര്‍ ശരത്തിന്റെ ശബ്ദം തിരിച്ചറിഞ്ഞതായാണ് വിവരം. ശരത്തിന്റെ ആലുവയിലെ വീട്ടില്‍ ക്രൈം ബ്രാഞ്ച് റെയ്ഡ് നടത്തി. ദിലീപിന്റെ അടുത്ത സുഹൃത്തായ ഹോട്ടൽ വ്യവസായി ശരത്തിന്റെ ആലുവ തൊട്ടുമുഖത്തെ വീട്ടിലാണ് റെയ്ഡ് നടന്നത്. എസ്പി മോഹന ചന്ദ്രന്റെ നേതൃത്വത്തിലുള്ള അന്വേഷണ സംഘമാണ് പരിശോധന നടത്തിയത്. മൂന്നു മണിക്ക് ആരംഭിച്ച […]

എൻ എച്ച് എസ് ഇംഗ്ലണ്ടിന്റെ ഐ എൻ എ ഡി ഫെലോഷിപ്പിനു യു എൻ എഫ് അംഗങ്ങൾക്ക് ഇപ്പോൾ അപേക്ഷിക്കാം. ആറു മാസം മുതൽ ഒരു വർഷത്തേക്കാണ് ഫെല്ലോഷിപ്പ്. നിങ്ങളുടെ ജോലിയിൽ നിന്നും മാസത്തിൽ 15 മണിക്കൂർ സമയം ഫെലോഷിപ്പിനു വേണ്ടി ലഭിക്കും. യു എൻ എഫ് ന്റെ പ്രവർത്തനങ്ങൾക്ക് വേണ്ടി ഉപയോഗിക്കുവാനാണ് ഈ സമയം അനുവദിച്ചിരിക്കുന്നത്. നിലവിൽ ബാൻഡ് 5 അല്ലെങ്കിൽ 6 ആയി ജോലി ചെയ്യുന്ന യു എൻ എഫ് അംഗങ്ങൾ ആയിട്ടുള്ള മലയാളി […]

കൊച്ചി: മഹീന്ദ്ര ഗ്രൂപ്പിന്‍റെ ഭാഗമായ മഹീന്ദ്രയുടെ ട്രക്ക് ആന്‍റ് ബസ് ഡിവിഷന്‍ (എംടിബി) തങ്ങളുടെ ബിഎസ്6 ശ്രേണിയില്‍ മുഴുവനായി ‘കൂടുതല്‍ മൈലേജ് നേടുക അല്ലെങ്കില്‍ ട്രക്ക് തിരികെ നല്‍കുക’ എന്ന നവീനവും മാറ്റങ്ങള്‍ വരുത്തുന്നതുമായ മൂല്യവര്‍ധനവ് ഉപഭോക്താക്കള്‍ക്കായി പ്രഖ്യാപിച്ചു. ബ്ലാസോ എക്സ് ഹെവി, ഫ്യൂരിയോ ഇന്‍റര്‍മീഡിയറ്റ്, ഫ്യൂരിയോ7, ജയോ എന്നിവയുള്‍പ്പെടെയുള്ള ലൈറ്റ് കമേഴ്സ്യല്‍ വാഹനങ്ങള്‍ തുടങ്ങിയവയെല്ലാം ഇതില്‍ ഉള്‍പ്പെട്ടിട്ടുണ്ട്. ഫ്യൂഎല്‍ സ്മാര്‍ട്ട് ടെക്നോളജിക്കൊപ്പം തെളിയിക്കപ്പെട്ട 7.2 ലിറ്റര്‍ എംപവര്‍ എഞ്ചില്‍ (എച്ച്സിവികള്‍), എംഡിഐ ടെക് എഞ്ചിന്‍ (ഐഎല്‍സിവി), […]

ഹൈദരാബാദ്: മരുമകന് ഗംഭീര സ്വീകരണം നല്‍കുന്നത് പല ഇന്ത്യന്‍ കുടുംബങ്ങളിലും പതിവാണ്. ഇവിടെ ഭാവി മരുമകന് 365 കൂട്ടം വ്യത്യസ്ഥ തരം ഭക്ഷണമൊരുക്കി സോഷ്യല്‍മീഡിയയില്‍ വൈറലായിരിക്കുകയാണ് ആന്ധ്രാപ്രദേശില്‍ നിന്നുള്ള ഒരു കുടുംബം. മകര സംക്രാന്തി ദിനത്തിലാണ് പെണ്‍കുട്ടിയുെട കുടുംബം ഭാവി മരുമകന് ഭക്ഷണത്തിന്റെ സമ്പൂര്‍ണ്ണ കലവറ തന്നെ ഒരുക്കിയത്. 365 ഭക്ഷണ ഇനങ്ങള്‍ ഉള്‍പ്പെടുന്ന ഒരു രാജകീയ വിരുന്നാണ് കുടുംബം തങ്ങളുടെ മകളെ വിവാഹം കഴിക്കാന്‍ പോകുന്ന പയ്യനായി ഒരുക്കിയത്. പടിഞ്ഞാറന്‍ ഗോദാവരിയിലെ നര്‍സാപുരത്ത് നിന്നുള്ള സ്വര്‍ണ്ണ […]

തിരുവനന്തപുരം: വാവ സുരേഷ് സഞ്ചരിച്ച കാർ മറ്റൊരു കാറുമായി കൂട്ടിയിടിച്ച് അപകടം. തിരുവനന്തപുരം പോത്തൻകോട്ടായിരുന്നു സംഭവം. ഇദ്ദേഹത്തെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. വാവ സുരേഷിന്റെ ഡ്രൈവർക്കും പരിക്കേറ്റിട്ടുണ്ട്. പോത്തൻകോട്ട് നിന്ന് ശ്രീകാര്യത്തേക്ക് പോകുകയായിരുന്ന വാവ സുരേഷ് സഞ്ചരിച്ചിരുന്ന കാറിൽ ശ്രീകാര്യം ഭാഗത്ത് നിന്ന് വന്ന കാർ ഇടിച്ചുകയറുകയായിരുന്നു. ഈ കാറിൽ രണ്ടു സ്ത്രീകളും നവജാത ശിശുവും ഡ്രൈവർ ഉൾപ്പെടെ രണ്ട് പുരുഷൻമാരുമാണ് ഉണ്ടായിരുന്നത്. ഇവര്‍ക്ക് പരിക്കുണ്ടെന്നാണ് വിവരം.

  കൊച്ചി: മലയാളി പ്രേക്ഷകരുടെ ഹൃദയം കവര്‍ന്ന മിനിസ്‌ക്രീന്‍ സുപ്പര്‍സ്റ്റാഴ്‌സ് നിഷ സാരംഗും ബിജു സോപാനവും ഒരു ഇടവേളയ്ക്കു ശേഷം വീണ്ടും തീരിച്ചെത്തിയിരിക്കുകയാണ്. ജനപ്രിയ വിനോദ ചാനല്‍ സീ കേരളം ഇന്നു മുതല്‍ അവതരിപ്പിക്കുന്ന എരിവും പുളിയും എന്ന പുത്തന്‍ പരമ്പരയിലൂടെയാണ് കിടിലന്‍ മേക്ക് ഓവറിലൂടെ ഈ ഓൺസ്ക്രീൻ കുടുംബത്തിന്റെ തിരിച്ചുവരവ്. തമാശകളുടെ രസക്കൂട്ടില്‍ ചാലിച്ച് പുതുപുത്തന്‍ സ്‌റ്റൈലില്‍ ഒരുക്കുന്ന എരിവും പുളിയും പ്രമേയത്തിലെ വ്യത്യസ്തത കൊണ്ട് വേറിട്ടു നില്‍ക്കുന്ന വിനോദ അനുഭവമാകും എന്നത് ഉറപ്പാണ്. പ്രേക്ഷകരെ […]

തിരുവനന്തപുരം: കേരളത്തിന്റെ ക്രമസമാധാനനില പൂർണമായി തകർന്നിരിക്കുകയാണെന്നും ഗുണ്ടകളുടെ ഔദാര്യത്തിലാണ് ജനജീവിതം മുന്നോട്ടു പോകുന്നതെന്നും വെൽഫെയർ പാർട്ടി സംസ്ഥാന ജനറൽ സെക്രട്ടറി കെ.എ ഷഫീഖ് പറഞ്ഞു. പോലീസും ഭരണകൂടവും നോക്കി നിൽക്കുകയാണ് കേരളത്തിൽ വ്യാപകമായി ഗുണ്ടാവിളയാട്ടം നടക്കുന്നത്. കേരളത്തിലെ ഗുണ്ടകളെ നിയന്ത്രിക്കുന്നതിനുവേണ്ടി ‘ഓപ്പറേഷൻ കാവൽ’ എന്ന പേരിൽ നടത്തിക്കൊണ്ടിരിക്കുന്ന പോലീസ് പദ്ധതി തികഞ്ഞ പരാജയമാണ്. യഥാർത്ഥ പ്രതികളെ കണ്ടെത്തുന്നതിനു പകരം പൊതു പ്രവർത്തനം നടത്തുന്ന വ്യക്തികളെയും ജനകീയ സമരങ്ങൾക്ക് നേതൃത്വം നൽകുന്നവരെയും തിരഞ്ഞു പിടിച്ചു അറസ്റ്റ് ചെയ്യുകയും ഭീഷണിപ്പെടുത്തുകയും […]

error: Content is protected !!