02
Saturday July 2022
Byelection Keralam 22

തൃക്കാക്കരയിൽ അട്ടിമറിയില്ല; യുഡിഎഫ് മണ്ഡലം നിലനിർത്തുമെന്ന് സത്യം ഓൺലൈൻ അഭിപ്രായ സർവേ ഫലം ! ഉമ തോമസിന് 47 മുതൽ 53 ശതമാനം വോട്ടുകൾ ലഭിക്കാം. ജോ ജോസഫിന് നേടാനാകുക 39 മുതൽ 42 ശതമാനം വോട്ടുകൾ ! ബിജെപിയുടെ പ്രകടനം പരമാവധി 10 ശതമാനം വരെ. തൃക്കാക്കരയിൽ സർക്കാരിനെക്കാൾ മികച്ച മാർക്ക് പ്രതിപക്ഷത്തിന് തന്നെ ! സര്‍വെ വിലയിരുത്തലുകള്‍ ഇങ്ങനെ…

ന്യൂസ് ബ്യൂറോ, കൊച്ചി
Wednesday, May 25, 2022

കൊച്ചി: തൃക്കാക്കരയിൽ യുഡിഎഫ് തരംഗമെന്ന് സത്യം ഓൺലൈൻ അഭിപ്രായ സർവേ. യുഡിഎഫ് സ്ഥാനാർത്ഥി ഉമ തോമസിന് 47 ശതമാനം മുതൽ 53 ശതമാനം വോട്ടുകൾ നേടാനാവുമെന്ന് സർവേ ഫലം വ്യക്തമാക്കുന്നു. ഇടതു സ്ഥാനാർത്ഥി ജോ ജോസഫിന് 39 മുതൽ 42 ശതമാനം വരെ വോട്ടു കിട്ടിയേക്കാം.

ബിജെപിയുടെ പ്രകടനം 7 ശതമാനം മുതൽ 10 ശതമാനം വോട്ടുകൾ മാത്രമാകുമെന്നും സര്‍വേ വ്യക്തമാക്കുന്നു. മറ്റുള്ളവർ പരമാവധി ഒരു ശതമാനം വോട്ട് നേടും.

കഴിഞ്ഞ 16 മുതൽ 23 വരെ തൃക്കാക്കര മണ്ഡലത്തിലെ വോട്ടർമാരെ നേരിൽ കണ്ടായിരുന്നു സർവേ. പ്രത്യേക പരിശീലനം നേടിയ ടീം നിയോജക മണ്ഡലത്തിലെ 11 മണ്ഡലങ്ങളില്‍നിന്നുള്ള 550 വോട്ടർമാരെയാണ് വിവരശേഖരണത്തിനായി കണ്ടത്.

6 ചോദ്യങ്ങൾക്ക് ഒപ്പം സ്ഥാനാർത്ഥികളുടെ മികവിനെ കുറിച്ച് നേരിട്ടുള്ള ചോദ്യവും ഉണ്ടായിരുന്നു. ഉമ തോമസിന് വലിയ സ്വീകാര്യതയാണ് വോട്ടർമാർക്കിടയിലുള്ളത്. യുവാക്കൾക്ക് ഇടയിലും സ്ത്രീകൾക്ക് ഇടയിലും ഉമയ്ക്ക് വലിയ മുന്നേറ്റമുണ്ടാനായെന്നാണ് വിലയിരുത്തൽ.


തെരഞ്ഞെടുപ്പിലെ പ്രധാന വിഷയമായി ഭൂരിഭാഗവും വികസനത്തെ കാണുമ്പോഴും കെ- റെയിലിന് ഭൂരിഭാഗവും എതിരാണ്. സര്‍വെയില്‍ അഭിപ്രായം പറഞ്ഞ 72 ശതമാനം ആളുകളും കെ-റെയിലിനെ എതിര്‍ക്കുന്നു. 21 ശതമാനം മാത്രമാണ് കെ-റെയിലിനെ പിന്തുണച്ചത്. കെ-റെയില്‍ തന്നെയാണ് സർക്കാരിനെ എതിരാക്കുന്നത്.


ത്യക്കാക്കരയുടെ രാഷ്ട്രീയ സ്വഭാവം അതേപടി സർവേയിലും പ്രതിഫലിക്കുന്നുണ്ട്. സർക്കാരിനേക്കാൾ ജനപിന്തുണ പ്രതിപക്ഷത്തിനുണ്ട്. 49.5 ശതമാനമാണ് പ്രതിപക്ഷത്തിനുള്ള പിന്തുണ.

സർക്കാരിൻ്റെ പ്രവർത്തനത്തെയും തൃക്കാക്കരയിലെ വോട്ടർമാർ വിലയിരുത്തുന്നുണ്ട്. സർക്കാർ മികച്ചതെന്ന് 33.5 ശതമാനം മാത്രം പറയുമ്പോൾ 41 ശതമാനവും സർക്കാരിൻ്റേത് മോശം പ്രകടനമെന്ന് വിലയിരുത്തുന്നു.

23.3 ശതമാനം സർക്കാരിൻ്റെ പ്രവർത്തനത്തെ വിലയിരുത്തുന്നില്ല. പ്രത്യേകിച്ച് അഭിപ്രായം പറയാനില്ലെന്നാണ് അവർ പ്രതികരിക്കുന്നത്.

സര്‍ക്കാര്‍ തീര്‍ത്തും മോശമോ ? ഏറ്റവും മികച്ചതോ ?

സംസ്ഥാന സര്‍ക്കാരിന്‍റെ പ്രവര്‍ത്തനത്തെ എങ്ങനെ വിലയിരുത്തുന്നു എന്ന ചോദ്യത്തിന് ഏറ്റവും മികച്ചത് (10.5 %), മികച്ചത് (7 %), തരക്കേടില്ല (18 %) മോശം (12.5 %), തീര്‍ത്തും മോശം (28.7 %) എന്നീ വിലയിരുത്തലുകളിലാണ് ജനം പ്രതികരിച്ചത്.

ഇത്തരത്തില്‍ ആകെ 35.5 ശതമാനം ആളുകള്‍ സര്‍ക്കാരിനെ പിന്തുണയ്ക്കുമ്പോള്‍ 41.2 ശതമാനവും സര്‍ക്കാര്‍ പ്രവര്‍ത്തനം മോശമാണെന്ന അഭിപ്രായക്കാര്‍ തന്നെ. അതില്‍ തന്നെ സര്‍ക്കാര്‍ പ്രവര്‍ത്തനം തീര്‍ത്തും മോശമാണെന്നാണ് 28.7 ശതമാനവും പറയുന്നത്. ഏറ്റവും മികച്ചതെന്ന് പറഞ്ഞത് 10.5 ശതമാനം മാത്രം.

സമുദായം വോട്ടാകില്ല !

തെരഞ്ഞെടുപ്പില്‍ സാമുദായിക പരിഗണനകള്‍ വോട്ടാകുമോ എന്ന ചോദ്യത്തിന് 58.5 ശതമാനം ആളുകളുടെയും മറുപടി ഇല്ലെന്നു തന്നെയായിരുന്നു. 10.5 ശതമാനം മാത്രമാണ് സാമുദായിക വിഷയങ്ങള്‍ വോട്ടിംങ്ങില്‍ പ്രതിഫലിക്കുമെന്ന് അഭിപ്രായപ്പെട്ടത്.

വിഷയം വികസനം തന്നെ !

തെരഞ്ഞെടുപ്പ് ചര്‍ച്ച ചെയ്യുന്ന പ്രധാന വിഷയം വികസനം തന്നെയെന്നാണ് ബഹുഭൂരിപക്ഷവും പ്രതികരിച്ചത്. സര്‍വെയില്‍ പങ്കെടുത്തവരില്‍ 72 ശതമാനവും കെ-റെയിലിനെ എതിര്‍ക്കുകയാണ്. സര്‍വെയില്‍ ഇടതു സര്‍ക്കാരിനും ഡോ. ജോ ജോസഫിനും അനുകൂലമായി വോട്ട് ചെയ്തവര്‍ പോലും കെ-റെയില്‍ ചോദ്യത്തിന് അതിപ്പോള്‍ കേരളത്തിനാവശ്യമില്ലെന്ന മറുപടിയാണ് നല്‍കിയതെന്നതാണ് ശ്രദ്ധേയം.

സര്‍ക്കാര്‍ പോര ! പ്രതിപക്ഷം കൊള്ളാം !

പ്രതിപക്ഷത്തെ പുതിയ നേതൃത്വത്തിന് പ്രത്യാശ നല്‍കുന്നതാണ് സര്‍വെ വിലയിരുത്തല്‍. സര്‍ക്കാരിന്‍റെ പ്രവര്‍ത്തനത്തെ എങ്ങനെ വിലയിരുത്തുന്നു എന്ന ചോദ്യത്തിനു പുറമെ കേരളത്തില്‍ പ്രതിപക്ഷമാണോ, ഭരണപക്ഷമാണോ മികച്ചതെന്ന മറ്റൊരു ചോദ്യം കൂടി ഉന്നയിച്ചിരുന്നു.

അവിടെ ഭരണപക്ഷത്തിന് തിരിച്ചടിയാകുന്നതാണ് തൃക്കാക്കരയുടെ മനസ്. പ്രതിപക്ഷമാണ് മികച്ചതെന്ന് സര്‍വെയില്‍ പങ്കെടുത്ത 49.5 ശതമാനം ആളുകളും പറഞ്ഞപ്പോള്‍ ഭരണപക്ഷത്തെ പിന്തുണച്ചത് 33 ശതമാനം മാത്രം.

രണ്ടും കൊള്ളില്ലെന്നും മൂന്നാമതൊരു സംവിധാനം ആവശ്യമാണെന്നു പറഞ്ഞവരും എന്‍ഡിഎ ആണ് മികച്ചതെന്നും പറഞ്ഞവരും ഏറെയുണ്ട്.

More News

ആലപ്പുഴ: മുഖ്യമന്ത്രി പിണറായി വിജയന്റെ മകള്‍ വീണക്കെതിരെ ആരോപണം ഉന്നയിച്ച മാത്യു കുഴല്‍നാടന്‍ എം എല്‍ എക്കെതിരെ പരിഹാസവുമായി മന്ത്രി സജി ചെറിയാന്‍. മുഖ്യമന്ത്രിയുടെ മകള്‍ക്കെതിരായ ആരോപണം മര്യാദകേടാണെന്നും മാത്യു കുഴല്‍നാടനല്ല, കുഴല്‍മന്ദനാണെന്നും മന്ത്രി പരിഹസിച്ചു. ആലപ്പുഴയില്‍ എല്‍ ഡി എഫ് റാലിയില്‍ സംസാരിക്കുകയായിരുന്നു മന്ത്രി സജി ചെറിയാന്‍. സ്വപ്ന സുരേഷ് മുഖ്യമന്ത്രിക്കെതിരെ നടത്തിയ ആരോപണങ്ങളെയും മന്ത്രി വിമര്‍ശിച്ചു. ഒരു സ്ത്രീ പറഞ്ഞാല്‍ തകരുന്നതാണോ പിണറായി വിജയന്‍ എന്നും എവിടുന്ന് കിട്ടി ഈ സാധനത്തെയെന്നും മന്ത്രി ചോദിച്ചു. […]

തിരുവനന്തപുരം : ഇന്നുമുതൽ പാൻകാർഡും ആധാർ കാർഡും ബന്ധിപ്പിക്കണമെങ്കിൽ പിഴ 1000 രൂപ . ഏപ്രിൽ 1 മു തൽ 500 രൂപയായിരുന്ന പിഴയെങ്കിൽ ഇനി ഇരട്ടിയാവും. 2023 ഏപ്രിൽ ഒന്നിനകം ബന്ധിപ്പിച്ചില്ലെങ്കിൽ പാൻ നിർജീവമാകും. ലിങ്ക് ചെയ്തോയെന്ന് അറിയാൻ www.incometax.gov.in എന്ന വെബ്സൈറ്റിൽ ‘ Link Aadhaar Status ‘ ക്ലിക് ചെയ്ത് പാൻ , ആധാർ നമ്പറുകൾ നൽകുക . ഇതിനകം ബന്ധിപ്പിച്ചിട്ടുണ്ടെങ്കിൽ ‘ Your PAN is already linked to given […]

തിരുവനന്തപുരം: സിഎം സംസ്ഥാന കമ്മിറ്റി ഓഫിസായ എകെജി സെന്ററിനു നേരെ സ്ഫോടക വസ്തു എറി‍ഞ്ഞ സംഭവത്തിൽ 24 മണിക്കൂർ കഴിഞ്ഞിട്ടും പ്രതിയെ കണ്ടെത്താനായില്ല. അന്വേഷണത്തിന് അസിസ്റ്റന്റ് കമ്മിഷണർ ഡി.കെ.ദിനിലിന്റെ നേതൃത്വത്തിലുള്ള 14 അംഗ സംഘത്തെ നിയോഗിച്ചത്. ക്രമസമാധാനച്ചുമതലയുള്ള എഡിജിപി വിജയ് സാഖറെയ്ക്കാണ് നേരിട്ടുള്ള മേൽനോട്ടം. പ്രധാന റോഡിൽനിന്നു കുന്നുകുഴി ഭാഗത്തേക്കു പോകുന്ന വഴിയിലുള്ള എകെജി സെന്റർ ഗേറ്റിന്റെ കോൺക്രീറ്റ് തൂണിന്മേലാണു സ്ഫോടക വസ്തു വീണു പൊട്ടിത്തെറിച്ചത്. ഈ ഗേറ്റിൽ വച്ചിരുന്നതും പ്രതി സ്കൂട്ടറിൽ തിരികെ പോയ വഴിയിൽ […]

വയനാട്ടിലെ എസ്എഫ്‌ഐ പ്രവര്‍ത്തകര്‍ ഓഫീസ് അടിച്ചു തകര്‍ത്തതില്‍ പ്രതികരിച്ച രാഹുല്‍ ഗാന്ധിയുടെ വാക്കുകളെ പിന്തുണച്ച് ജോയ് മാത്യു. ‘പൊറുക്കുക എന്ന വാക്ക് മലയാളിയെ ഓർമിപ്പിച്ച രാഹുൽ ഗാന്ധിക്ക് 100/100’ എന്നായിരുന്നു ജോയ് മാത്യു ഫേസ്ബുക്കിൽ കുറിച്ചത്. കല്‍പ്പറ്റയിലെ തകര്‍ക്കപ്പെട്ട തന്റെ ഓഫീസ് സന്ദര്‍ശിച്ച ശേഷം മാധ്യമങ്ങളെ കാണുകയും ഓഫീസ് അക്രമിച്ചവരോട് ഒരു ദേഷ്യവുമില്ലെന്നു പറയുകയും ചെയ്തിരുന്നു. സ്വന്തം ഓഫീസ് തകർത്ത സംഭവത്തെ തുടർന്ന് വയനാട് എംപി ഓഫീസിൽ സന്ദർശനത്തിനിടെ രാഹുൽ ഗാന്ധി നടത്തിയ പ്രതികരണത്തെ കുറിച്ചുള്ള നടൻ […]

കൊച്ചി: ദേശീയ അന്വേഷണ ഏജൻസി സ്വർണക്കടത്ത് കേസുമായി ബന്ധപ്പെട്ട് പിടിച്ചെടുത്ത സ്വർണാഭരണങ്ങളും ‍ഡോളറും തിരികെയാവശ്യപ്പെട്ട് സ്വപ്ന സുരേഷ് നൽകിയ ഹർജി ഇന്ന് പരിഗണിക്കും. ഹ‍ർജി നൽകിയിരിക്കുന്നത് കൊച്ചിയിലെ എൻ ഐഎ കോടതിയിലാണ് . എന്നാൽ, കേസിന്‍റെ ഭാഗമായുളള റെയ്ഡിൽ പിടിച്ചെടുത്ത സ്വർണവും ഡോളറും കണ്ടുകെട്ടാൻ അനുമതി തേടി എൻഐഐയും ഇതേ കോടതിയെ സമീപിച്ചിട്ടുണ്ട്. തന്‍റെ ലോക്കറിൽ നിന്ന് പിടിച്ചെടുത്ത ആഭരണങ്ങൾ കുടുംബ സ്വത്തായി ലഭിച്ച ഉപഹാരമാണെന്നും ഇതിന് സ്വർണക്കള്ളക്കടത്തുമായി ബന്ധമില്ലെന്നുമാണ് സ്വപ്നയുടെ വാദം. ഇതിനിടെ, ഗൂഢാലോചനാ കേസ് […]

ആലപ്പുഴ: ബിവറേജ് ഷോപ്പിന് അവധിയായ ഒന്നാം തീയതി അനധികൃത മദ്യവില്‍പന നടത്തിയ ബിവറേജ് ജീവനക്കാരന്‍ അറസ്റ്റില്‍. ബിവറേജ് ജീവനക്കാരന്‍ കുന്നപ്പള്ളി തച്ചം വീട്ടില്‍ ഉദയകുമാര്‍ (50) ആണ് അറസ്റ്റിലായത്. രഹസ്യ വിവരത്തെ തുടര്‍ന്ന്, എക്സൈസ് ഇന്‍സ്പക്ടര്‍ എസ് സതീഷും സംഘവും ചേര്‍ന്ന് മണ്ണഞ്ചേരി കുന്നപ്പള്ളി ഭാഗത്ത് നടത്തിയ പരിശോധനയിലാണ് ഇയാള്‍ അറസ്റ്റിലായത്. മദ്യശാലകള്‍ അവധിയായതിനാല്‍ അമിത ലാഭത്തില്‍ വില്‍പനയ്ക്കായി സൂക്ഷിച്ച 22 കുപ്പി മദ്യം ഇയാളുടെ പക്കല്‍ നിന്നും കണ്ടെടുത്തു. ആലപ്പുഴ ബോട്ട് ജെട്ടിക്ക് സമീപമുള്ള കണ്‍സ്യൂമര്‍ഫെഡ് […]

സിപിഐഎം സംസ്ഥാന കമ്മിറ്റി ഓഫിസായ എകെജി സെന്ററിനു നേരെ സ്ഫോടക വസ്തു എറി‍ഞ്ഞ സംഭവത്തിൽ 24 മണിക്കൂർ കഴിഞ്ഞിട്ടും പ്രതിയെ കണ്ടെത്താനായില്ല. പ്രധാന റോഡിൽനിന്നു കുന്നുകുഴി ഭാഗത്തേക്കു പോകുന്ന വഴിയിലുള്ള എകെജി സെന്റർ ഗേറ്റിന്റെ കോൺക്രീറ്റ് തൂണിന്മേലാണു സ്ഫോടക വസ്തു വീണു പൊട്ടിത്തെറിച്ചത്. ഈ ഗേറ്റിൽ വച്ചിരുന്നതും പ്രതി സ്കൂട്ടറിൽ തിരികെ പോയ വഴിയിൽ നിന്നുള്ളതുമായ 30 സിസിടിവി ദൃശ്യങ്ങൾ പരിശോധിച്ചെങ്കിലും ഒന്നും വ്യക്തമല്ല. അടുത്ത ജംക്‌ഷനിൽനിന്നു ഗവ.ലോ കോളജിലേക്കു പോകുന്ന റോഡിലെ ക്യാമറയിലും പ്രതി കടന്നുപോകുന്ന […]

തിരുവനന്തപുരം: മുഖ്യമന്ത്രിക്കെതിരായ ഗൂഢാലോചന കേസിൽ ഇന്ന് പ്രത്യേക പൊലീസ് സംഘം മുൻ എംഎൽഎ പി സി ജോർജിനെ ചോദ്യം ചെയ്യും. 11 മണിക്ക് തിരുവനന്തപുരത്ത് ഹാജരാകണമെന്നാവശ്യപ്പെട്ട് പൊലീസ് ജോർജിന് നോട്ടീസ് നൽകിയിരുന്നു. ഇന്ന് ഹാജരാകാമെന്നാണ് പിസി അറിയിച്ചിരിക്കുന്നത്. സ്വർണക്കടത്ത് കേസിൽ മുഖ്യമന്ത്രിക്കെതിരെ വ്യാജ വെളിപ്പെടുത്തലുകള്‍ നടത്തി കലാപമുണ്ടാക്കാൻ ശ്രമിച്ചുവെന്നാണ് കേസ്. ഗൂഢാലോചന നടത്തി വെളിപ്പെടുത്തൽ നടത്താൻ പി സി ജോർജ് തന്നെ പ്രേരിപ്പിച്ചുവെന്ന് കേസിലെ സാക്ഷിയായ സരിത എസ് നായർ രഹസ്യമൊഴി നൽകിയിരുന്നു. രഹസ്യമൊഴി പരിശോധിച്ച ശേഷമാണ് അന്വേഷണ […]

തിരുവനന്തപുരം: മെഡിസെപ് ആരോഗ്യ ഇൻഷുറൻസ് പദ്ധതിയിലെ ആശുപത്രികളുടെ പട്ടിക പുറത്തുവിട്ടു. 200 ലധികം ആശുപത്രികളെ പദ്ധതിയിൽ ഉൾപ്പെടുത്തിയിട്ടുണ്ട്. കൂടുതൽ ആശുപത്രികളെ ഉൾപ്പെടുത്താനുള്ള ശ്രമങ്ങൾ തുടരുകയാണ്. ഡിജിറ്റൽ ഇൻഷുറൻസ് കാർഡുകൾ ഇന്ന് മുതൽ മെഡിസെപ്പിൻറെ പോർട്ടലിൽ നിന്ന് ഡൗൺലോഡ് ചെയ്യാം.

error: Content is protected !!