ശൂരനാട് ബൈക്ക് നിയന്ത്രണം വിട്ട് ഗേറ്റിലിടിച്ച് യുവാവ് മരിച്ചു

കൊല്ലം:ശൂരനാട് കെസിടി ജംഗ്ഷന് സമീപം ബൈക്ക് അപകടത്തില്‍ യുവാവ് മരിച്ചു. പതാരം അക്ഷയ് നിവാസില്‍ റിട്ട സ്‌കൂള്‍ ജീവനക്കാരന്‍ ശശികുമാറിന്റെ മകന്‍ അക്ഷയ്കുമാര്‍ (26) ആണ് മരിച്ചത്. ചക്കുവള്ളിയിലേക്ക് വരവേ നിയന്ത്രണം വിട്ട ബൈക്ക് സമീപത്തുള്ള വീടിന്റെ ഗേറ്റിലിടിച്ചാണ് അപകടമുണ്ടായത്.

അപകടത്തില്‍ പെട്ട് രക്തം വാര്‍ന്ന് റോഡരികില്‍ ഏറെ നേരം കിടന്ന അക്ഷയ് കുമാറിനെ പൊലീസ് എത്തിയാണ് ആശുപത്രിയിലെത്തിച്ചത്. ശാസ്താംകോട്ടയിലുള്ള സ്വകാര്യ ആശുപത്രിയിലെത്തിച്ചപ്പോഴേക്കും മരിച്ചിരുന്നു.