പാലാ: വെടിപ്പിലും വെണ്മയിലും അലക്കി തേച്ചു മിനുക്കിയ വസ്ത്രങ്ങള്‍ ധരിച്ച് തനി പാലാക്കാരന്‍ സ്റ്റൈലിലുള്ള പാലാക്കാരുടെ നടപ്പ് മലയാളി ഉള്ളിടത്തെല്ലാം പ്രസിദ്ധമാണ്. ഒടുവിലിറങ്ങിയ ‘കടുവ’ സിനിമയില്‍ പോലും കഥാപാത്രങ്ങളുടെ വസ്ത്രധാരണത്തിലെ പാലാ സ്റ്റൈല്‍ എടുത്തു കാണിക്കുന്നുണ്ട്.
പാലാക്കാരുടെ ഈ വസ്ത്ര അഴക് കച്ചവടമാക്കാനുള്ള പുറപ്പാടിലാണ്, ഏറ്റവും അവസാനം ഈ ലക്ഷ്യം പരീക്ഷിച്ച് പരാജയമടങ്ങിയ കരിക്കിനേത്ത് സില്‍ക്സിനു പിന്നാലെ ഇപ്പോള്‍ പുളിമൂട്ടില്‍ സില്‍ക്സ്.
പുളിമൂട്ടിലിന്‍റെ ഏറ്റവും പുതിയ ഷോറൂമാണ് പാലാ മഹാറാണി ജംഗ്ഷനില്‍ കെഎസ്ആര്‍ടിസിക്ക് എതിര്‍വശത്തായി 17-ന് ഉത്ഘാടനം ചെയ്യപ്പെടുന്നത്. പുതിയ ഷോറൂമിന്‍റെ വെഞ്ചരിപ്പ് ഞായറാഴ്ച വൈകിട്ട് നടന്നു. തൊടുപുഴയില്‍ തുടങ്ങി തൃശൂരും കൊല്ലവും കോട്ടയവുമൊക്കെയായി കേരളത്തില്‍ വിപുലമായ വ്യാപാര ശ്രംഘലയുള്ള പുളിമൂട്ടിലിന്‍റെ പുതിയ പരീക്ഷണ കേന്ദ്രമാണ് പാലാ. മറ്റ് ഷോറൂമുകളിലെ വിജയം പാലായിലും ആവര്‍ത്തിക്കുമെന്ന ഉറച്ച വിശ്വാസവും അവര്‍ക്കുണ്ട്.
കച്ചവടത്തിന്‍റെ കാര്യത്തില്‍ വേറിട്ട വ്യാപാര സംസ്കാരമാണ് പാലായുടേത്. അതറിയാതെ പാലായില്‍ പണം എറിഞ്ഞവര്‍ക്കൊക്കെ പൊള്ളിയിട്ടുണ്ട്. വസ്ത്രധാരണത്തിലെ തറവാടിത്തം പോലെതന്നെയാണ് കച്ചവടത്തിലും പാലായുടെ മനസ്.
അതറിയാതെയാണ് പാലാ വെള്ളാപ്പാടുള്ള ബഹുനില മന്ദിരത്തില്‍ പതിറ്റാണ്ടിലേറെ മുന്‍പ് കരിക്കിനേത്ത് സില്‍ക്സ് വിത്തെറിഞ്ഞത്. പക്ഷേ വിതച്ചത് പാറപ്പുറത്തായിപ്പോയെന്നതിന് ചരിത്രം സാക്ഷി. അന്നത്തെ കരിക്കിനേത്തിന്‍റെ ശോഭ നശിച്ച ആ പഴയ കെട്ടിടത്തിന്‍റെ വേലികെട്ടി തിരിച്ച ഉമ്മറത്ത് ഇപ്പോള്‍ കസേരയിട്ടിരിക്കുന്ന സെക്യൂരിറ്റിക്കാര്‍ അത് ജപ്തി ചെയ്ത ബാങ്കിന്‍റെ ശമ്പളക്കാരാണ്.
പിന്നീട് പാലായിലേയ്ക്ക് വന്നത് റിലയന്‍സ് ട്രെൻഡ്‌സും മാക്സുമൊക്കെയാണ്. ലോക്ക്ഡൗണിനു ശേഷം പ്രത്യേകിച്ചും അവരുടെ സ്ഥിതി അവിടം സന്ദര്‍ശിച്ചാല്‍ വ്യക്തം. അതേസമയം, ഏതാനും വര്‍ഷങ്ങള്‍ക്ക് മുമ്പ് മാത്രം കുരിശുപള്ളിക്കവലയില്‍ ആരംഭിച്ച സുപ്രിയ ടെക്സ്റ്റൈല്‍സ് ഇതിനോടകം പാലായില്‍ കളം പിടിച്ചു. പാലായില്‍ പാവപ്പെട്ടവന്‍റെ ശീമാട്ടിയായി അതു മാറി.
ഒരു പരിധിവരെ ഇടപ്പറമ്പിലെ ചെറു കച്ചവടങ്ങളും ചെറുപുഷ്പത്തെയും മുഞ്ഞനാട്ടെയുമൊക്കെ കച്ചവടങ്ങളും അവര്‍ ഏറ്റു പിടിച്ചു. വിസ്താരം കുറവെങ്കിലും ഏതു സമയത്തും തിരക്കുതന്നെ.
ഇനി പുളിമൂട്ടിലിനോട് ചേര്‍ന്ന് അതേ കെട്ടിടത്തില്‍ തന്നെ വമ്പന്‍ വസ്ത്ര വ്യാപാര ബ്രാന്‍ഡായ ഈസി ബൈ കൂടി എത്തുകയാണ്. ഒരേ കെട്ടിടത്തില്‍ സാധാരണ ഒരേ സ്വഭാവമുള്ള രണ്ട് സ്ഥാപനങ്ങള്‍ അനുവദിക്കുക പതിവില്ലെങ്കിലും അതൊക്കെ പരിചയുള്ള കെട്ടിട ഉടമ എന്തായാലും ആ പണിയും ഒപ്പിച്ചു വച്ചിട്ടുണ്ട്.
മേല്‍പറഞ്ഞ വമ്പന്‍ ബ്രാന്‍ഡുകളൊക്കെ വന്നിട്ടുണ്ടെങ്കിലും പാലാക്കാര്‍ക്ക് നാട്ടുകാരായ കച്ചവടക്കാരോടുള്ള പ്രിയം അടിവരയിടുന്നതാണ് ഇടപ്പറമ്പില്‍ ടെക്സ്റ്റൈല്‍സ്, ചെറുപുഷ്പം എന്നു തുടങ്ങി മുഞ്ഞനാട്ട് സ്റ്റോഴ്സ് വരെയുള്ള തുണിക്കടകള്‍.
പാലായില്‍ കരിക്കിനേത്തും റിലയന്‍സും മാക്സുമെല്ലാം മാറ്റുരച്ചപ്പോഴും ഇടപ്പറമ്പില്‍ ടെക്സ്റ്റൈല്‍സിന്‍റെ കച്ചവടം കൂടിയതല്ലാതെ കുറഞ്ഞില്ല. ഇടപ്പറമ്പിലിന് കച്ചവടത്തില്‍ പ്രൊഫഷണലിസം തീരെയില്ലെങ്കിലും പാലാക്കാരുടെ മനസറിയാം എന്നതാണ് പ്രത്യേകത.
കരിക്കിനേത്തിനും അതിനും മുമ്പേ പാലായില്‍ തമ്പടിച്ച ഐശ്വര്യ സില്‍ക്സിനുമൊക്കെ അതറിയാതെ പോയതായിരുന്നു തിരിച്ചടി. എന്നിട്ടും ഐശ്വര്യ പാലായില്‍ പിടിച്ചു നില്‍ക്കുന്നുണ്ട്. പക്ഷേ ഇടപ്പറമ്പില്‍ വച്ചടി ഉയരങ്ങള്‍ താണ്ടുന്നുമുണ്ട്.
എന്നാല്‍ വല്ലയിടത്തുനിന്നും വന്ന കരിക്കിനേത്തും ഐശ്വര്യയുമൊക്കെ പോലെയായിരിക്കില്ല തൊട്ടടുത്ത തൊടുപുഴയില്‍ നിന്നും വരുന്ന പുളിമൂട്ടില്‍ എന്നത് ഇത്തവണ ഇടപ്പറമ്പിലിന്‍റെ ഉറക്കം കെടുത്തും എന്നുറപ്പാണ്.
കാരണം പാലായിലെ യാഥാര്‍ഥ്യം മനസിലാക്കി തന്നെയാണ് പുളിമൂട്ടിലിന്‍റെ പുറപ്പാട്. പാലായില്‍ കട തുറക്കാന്‍ തീരുമാനിച്ചപ്പോള്‍ തന്നെ ആദ്യം ഇടപ്പറമ്പിലില്‍ പതിവായി ആളെ വിട്ട് വസ്ത്രങ്ങള്‍ വാങ്ങിയും പാലാക്കാര്‍ വാങ്ങുന്നത് കണ്ടു പഠിച്ചും, ഇവിടുത്തെ കച്ചവടം നിരീക്ഷിച്ചും കളം പഠിച്ചായിരുന്നു ഇവരുടെ തുടക്കം. അതിനാല്‍ തന്നെ പുളിമൂട്ടില്‍ ഒന്നൊന്നര അങ്കത്തിനു തന്നെയുള്ള പുറപ്പാടിലാണ്. ബാക്കിയൊക്കെ കാത്തിരുന്നു കാണേണ്ടതുതന്നെ.
ഹൂസ്റ്റൺ: നവംബർ 8 ന് നടക്കുന്ന പൊതു തിരഞ്ഞെടുപ്പിൽ രണ്ടാം പ്രാവശ്യവും മിസ്സോറി സിറ്റി മേയറായി തിരഞ്ഞെടുക്കപ്പെട്ട് ചരിത്രസംഭവമാക്കാൻ റോബിൻ ഇലക്കാട്ട്. സെപ്തംബർ 29 നു വ്യാഴാഴ്ച വൈകുന്നേരം 6 മണിയ്ക്ക് ഹൂസ്റ്റൺ ക്നാനായ കാത്തലിക് സൊസൈറ്റി ഹാളിൽ തിങ്ങി നിറഞ്ഞു നിന്ന സദസ്സിന്റെ മുമ്പിൽ റോബിൻ ഇലക്കാട്ടിന്റെ തിരഞ്ഞെടുപ്പ് പ്രചാരണത്തിന്റെ ഔദ്യോഗിക കിക്ക്‌ ഓഫ് കർമ്മം നടത്തപ്പെട്ടു. കഴിഞ്ഞ രണ്ടു വര്ഷം മിസ്സോറി സിറ്റിയെ അമേരിക്കയിലെ ഏറ്റവം നല്ല നഗരങ്ങളിലൊന്നായി വളർത്തിയെടുത്ത, മലയാളികളുടെ മാത്രമല്ല ഏഷ്യൻ […]
പാലക്കാട്: കുട്ടികളെയും മുതിർന്നവരെയും വായനയിലേക്ക് ആകർഷിക്കുന്നതിന് കരിമ്പ ഗവ.ഹയർ സെക്കന്ററി സ്കൂളിന്റെ ആഭിമുഖ്യത്തിൽ കുട്ടികൾക്കും രക്ഷിതാക്കൾക്കുമായി ആരംഭിച്ച ‘പബ്ലിക് ലൈബ്രറി ഒക്ടോബർ ആറിന് രാവിലെ 10:30ന് പാലക്കാട് എംപി വി.കെ.ശ്രീകണ്ഠൻ’ ഉദ്ഘാടനം ചെയ്യും. കരിമ്പ ഗ്രാമപഞ്ചായത്ത് പ്രസിഡന്റ് പി.എസ്.രാമചന്ദ്രൻ അധ്യക്ഷത വഹിക്കും.പദ്ധതിയുടെ ഭാഗമായി തുടക്കമിട്ട ‘പുസ്തക ചലഞ്ച്’ എന്ന പേരിൽ പുസ്തക സമാഹരണ പരിപാടി വിജയകരമായിരുന്നു.ആയിരം ചതുരശ്ര വിസ്തീർണ്ണത്തിൽ മൂന്നര ലക്ഷം രൂപ ചെലവിട്ട് നിർമിച്ച,കുട്ടികൾക്കും രക്ഷിതാക്കൾക്കുമായി ഇത്തരത്തിൽ പൊതുവായൊരു ലൈബ്രറി ഹൈസ്‌കൂൾ -ഹയർ സെക്കന്ററി മേഖലയിൽ […]
ദി ഫണ്ടമെന്റം പാർട്ണർഷിപ്പിന്റെ നേതൃത്വത്തിൽ സീരീസ് ബി1 ഫണ്ടിംഗ് റൗണ്ടിൽ കുക്കു എഫ്എം 21.8 മില്യൺ ഡോളർ സമാഹരിച്ചു. അടുത്തിടെ ആരംഭിച്ച രണ്ടാമത്തെ ഫണ്ടിൽ നിന്നുള്ള ഫണ്ടമെന്റത്തിന്റെ ആദ്യ നിക്ഷേപമാണ് കുക്കു എഫ്എം രേഖപ്പെടുത്തുന്നത്. പുതിയ നിക്ഷേപകരായ Fundamentum, Paramark എന്നിവയ്‌ക്കൊപ്പം നിലവിലുള്ള നിക്ഷേപകരായ KRAFTON, Inc, 3one4 Capital, Vertex, Verlinvest, FounderBank Capital എന്നിവയും ഈ റൗണ്ടിൽ പങ്കെടുത്തിട്ടുണ്ട്. കുക്കു എഫ്‌എമ്മിന്റെ ഈ വർഷത്തെ രണ്ടാമത്തെ ധനസമാഹരണമാണിത്. വർഷാരംഭത്തിൽ KRAFTON, Inc. നയിച്ച്, […]
കുവൈറ്റ് സിറ്റി: കലാ സംസ്‌കാരിക പരിപാടികളോടൊപ്പം കായിക രംഗത്തേക്ക് കൂടി തങ്ങളുടെ പ്രവർത്തനം വ്യാപിപ്പിക്കുന്നതിന്റെ ഭാഗമായി കുവൈറ്റ് തളിപ്പറമ്പ് കൂട്ടായ്മ ഫുട്ബോൾ ടൂർണമെന്റ് ഫഹാഹീൽ സൂഖ്സബാ ഗ്രൗണ്ടിൽ വൈകിട്ട് ആറു മുതൽ സംഘടിപ്പിക്കുന്നു. കൂട്ടായ്മ രൂപീകരിക്കുന്നതിൽ മുഖ്യ പങ്ക് വഹിച്ച അയൂബ് ഗാന്ധിയുടെ പേരിലാണ് ഓൾ കേരള സെവൻസ് ഫുട്ബോൾ ടൂർണമെന്റ് കുവൈറ്റിലെ അറിയപ്പെടുന്ന 16 ടീമുകൾ മാറ്റുരക്കുന്ന ഫുട്ബോൾ മാമാങ്കത്തിന്റെ മുഖ്യാതിഥിയായി എത്തുന്നത് പ്രവാസികൾക്കടക്കം ആവേശമായ സാമൂഹ്യ മാധ്യമങ്ങളിൽ നിറഞ്ഞു നിൽക്കുന്ന സൽമാൻ കുറ്റിക്കോടാണ്. ഒപ്പം […]
ഇന്ത്യയിലെ ഏറ്റവും വലിയ ഇലക്ട്രിക് വാഹന കമ്പനിയായ ഒല ഇലക്ട്രിക്, കൊച്ചി ആദ്യത്തെ ഒല എക്സ്പീരിയൻസ് സെന്റർ തുറന്നുകൊണ്ട് D2C ഫൂട്ട്പ്രിന്റ് വിപുലീകരിക്കുന്നതായി പ്രഖ്യാപിച്ചു. എല്ലാ സേവനങ്ങളും ഒരു കുടക്കീഴിൽ ലഭ്യമാക്കുക എന്ന ലക്ഷ്യത്തോടെ, ഒല എക്സ്പീരിയൻസ് സെന്റർ EV പ്രേമികൾക്ക് ഒലയുടെ EV സാങ്കേതികവിദ്യ അനുഭവിക്കാനും വാഹനങ്ങളെക്കുറിച്ചുള്ള വിവരങ്ങൾ ശേഖരിക്കാനും സഹായകമാകും. ഉപഭോക്താക്കൾക്ക് S1, S 1 പ്രോ എന്നിവയുടെ ടെസ്റ്റ് റൈഡുകൾ നടത്താനും ഒലയുടെ ബ്രാൻഡ് ചാമ്പ്യൻമാരിൽ നിന്ന് പര്ച്ചേസിനുള്ള സഹായം തേടാനും ഓല […]
ഇടുക്കി: വന്യമൃഗങ്ങൾ ആളുകളെ ആക്രമിക്കുന്നു. ആട്, പശു തുടങ്ങിയ വളർത്തു ജീവികളെ കൊന്നു തിന്നുന്നു. കൃഷിയിടങ്ങളിലിറങ്ങി കൃഷി അപ്പാടെ നശിപ്പിക്കുന്നു. കൃഷി തന്നെ അന്യംനിന്നു പോകുന്നു. സംരക്ഷണ കവചം തീർക്കേണ്ട വനം വകുപ്പ് നിസംഗതയോടെ നിലകൊള്ളുന്നു. ഭരണകൂടത്തിന്റെ കുറ്റകരമായ അനാസ്ഥ തുടരുന്നു. ഈ ദുസ്ഥിതിയിൽ നിന്നും ജനങ്ങളെ രക്ഷിക്കാൻ കോൺഗ്രസ് പാർട്ടി ജില്ലയിലൊട്ടാകെ ബഹുജന സമരങ്ങൾ സംഘടിപ്പിക്കുമെന്ന് ഇടുക്കി ഡി.സി.സി. പ്രസിഡണ്ട് സി.പി. മാത്യു പ്രസ്താവിച്ചു. ഹൈറേഞ്ചിലെ കൃഷിക്കാരുടെയും തോട്ടം തൊഴിലാളികളുടെയും ദുരിതവും ജീവൽ ഭയവും അകറ്റാൻ […]
ഓൺലൈൻ പേയ്മെന്റുകൾ നടത്തുന്നവർക്ക് ജാഗ്രത നിർദ്ദേശവുമായി സ്റ്റേറ്റ് ബാങ്ക് ഓഫ് ഇന്ത്യ. രാജ്യത്തെ ഓൺലൈൻ ബാങ്കിംഗ് ഉപയോക്താക്കളെ ലക്ഷ്യം വയ്ക്കുന്ന സോവ വൈറസിനെ കുറിച്ചാണ് മുന്നറിയിപ്പ് നൽകിയിരിക്കുന്നത്. സോവയുടെ ഏറ്റവും പുതിയ പതിപ്പാണ് ഇന്ത്യയിൽ റിപ്പോർട്ട് ചെയ്തിരിക്കുന്നത്. ഒരുതവണ ഫോണിൽ പ്രവേശിച്ചാൽ നീക്കം ചെയ്യാൻ ബുദ്ധിമുട്ടുള്ളവയാണ് പുതിയ പതിപ്പ്. ആദ്യ ഘട്ടത്തിൽ യുഎസ്, റഷ്യ, സ്പെയിൻ തുടങ്ങിയ രാജ്യങ്ങളിലെ ഉപയോക്താക്കളുടെ ലക്ഷ്യമിട്ടാണ് പ്രവർത്തനം തുടങ്ങിയത്. എന്നാൽ, ജൂലൈയോടെ ഇന്ത്യ അടക്കമുള്ള വിവിധ രാജ്യങ്ങളിൽ സോവ വൈറസിന്റെ സാന്നിധ്യം […]
സാംസംഗിന്റെ സ്മാർട്ട്ഫോൺ വാങ്ങാൻ ആഗ്രഹിക്കുന്നവർക്ക് സുവർണാവസരം. സാംസംഗ് ഗാലക്സി എഫ്23 5ജി സ്മാർട്ട്ഫോണുകളാണ് വിലക്കിഴവിൽ വാങ്ങാൻ സാധിക്കുന്നത്. പ്രമുഖ ഓൺലൈൻ ഷോപ്പിംഗ് വെബ്സൈറ്റായ ഫ്ലിപ്കാർട്ടിലൂടെ വാങ്ങുമ്പോഴാണ് നിരവധി ക്യാഷ് ബാക്ക് ഓഫറുകൾ ലഭിക്കുന്നത്. സാംസംഗ് ഗാലക്സി എഫ്23 5ജിയുടെ വിലയും സവിശേഷതയും പരിചയപ്പെടാം. 6.6 ഇഞ്ച് ഫുൾ എച്ച്ഡി പ്ലസ് ഡിസ്പ്ലേയാണ് ഈ സ്മാർട്ട്ഫോണുകൾക്ക് നൽകിയിട്ടുള്ളത്. 120 ഹെർട്സ് റിഫ്രഷ് റേറ്റും കോണിക് ഗോറില്ല ഗ്ലാസ് 5 സംരക്ഷണവും ലഭ്യമാണ്. സ്നാപ്ഡ്രാഗൺ 750ജി പ്രോസസറിൽ പ്രവർത്തിക്കുന്ന ഈ […]
നോർവേ: കേരളാ മുഖ്യമന്ത്രി പിണറായി വിജയനും സംഘവും നോർവേയിലെത്തി. മന്ത്രിമാരായ പി രാജീവും വി അബ്ദുറഹിമാനുമാണ് മുഖ്യമന്ത്രിയുടെ കൂടെയുള്ളത്. നോർവേയിലെ ഇന്ത്യൻ സ്ഥാനപതി ഡോക്ടർ ബാലഭാസ്‌കറാണ് മുഖ്യമന്ത്രിയെ സ്വീകരിച്ചത്. ബുധനാഴ്ച്ച നോർവേ ഫിഷറീസ് മന്ത്രിയുമായി മുഖ്യമന്ത്രി ചർച്ച നടത്തും. നോർവേയിലെ വ്യാപാര സമൂഹവുമായും അദ്ദേഹം കൂടിക്കാഴ്ച്ച നടത്തും. അതേസമയം, മുഖ്യമന്ത്രി പിണറായി വിജയന്റെ യൂറോപ്പ് യാത്രയിൽ രാജ്ഭവൻ അതൃപ്തി അറിയിച്ചു. യൂറോപ്പ് യാത്ര ഔദ്യോഗികമായി അറിയിച്ചിട്ടില്ലെന്നും യാത്രാവിവരം രാജ്ഭവനെ അറിയിക്കുന്ന പതിവ് തെറ്റിച്ചെന്നുമാണ് വിമർശനം. കോടിയേരി ബാലകൃഷ്ണന് […]
പാലക്കാട് : പാലക്കാട് തങ്കം ആശുപത്രിയിലെ ചികിത്സാപ്പിഴവുമായി ബന്ധപ്പെട്ട് അമ്മയും നവജാത ശിശുവും മരിച്ച കേസിൽ പൊലീസ് നടപടി. പാലക്കാട് ടൗൺ സൗത്ത് പൊലീസ് ഡോക്ടർമാരായ അജിത്, നിള, പ്രിയദർശിനി എന്നിവരുടെ അറസ്റ്റ് രേഖപ്പെടുത്തി. മൂന്നു ഡോക്ടർമാർക്കു പിഴവുണ്ടായെന്നു മെഡിക്കൽ ബോർഡ് അറിയിച്ചിരുന്നു. ഈ സാഹചര്യത്തിലാണ് നടപടി. ഇതിനു പിന്നാലെ ഡോക്ടർമാരെ അറസ്റ്റ് ചെയ്ത് ജാമ്യത്തിൽ വിട്ടു. രണ്ടു ദിവസം മുൻപാണ് പാലക്കാട് മെഡിക്കൽ ബോർഡ് യോഗം ചേർന്നത്. റിപ്പോർട്ട് കഴിഞ്ഞ ദിവസം ആരോഗ്യവകുപ്പിനു കൈമാറിയിരുന്നു. ജൂലൈ […]
ബെംഗളൂരു: കബഡി ആരാധകര്‍ കാത്തിരിക്കുന്ന പ്രോ കബഡി ലീഗിന് ഇനി രണ്ടു നാള്‍ മാത്രം ബാക്കി. ബെംഗളൂരു, പൂനെ, ഹൈദരാബാദ് എന്നിവിടങ്ങളിലാണ് പികെഎല്‍ നടത്തുന്നത്. ഈ വർഷം മൂന്ന് ഘട്ടങ്ങളിലായാണ് പികെഎൽ സംഘടിപ്പിക്കുന്നത്. മൂന്ന് തവണ കിരീടം നേടിയിട്ടുള്ള പാട്‌ന പൈറേറ്റ്‌സ് ആണ് ഏറ്റവും കൂടുതല്‍ തവണ ജേതാക്കളായിട്ടുള്ളത്. പികെഎല്ലിന്റെ ചരിത്രത്തില്‍ പ്രദീപ് നര്‍വാള്‍ ഏറ്റവും കൂടുതല്‍ റെയ്ഡ് പോയിന്റുകളും (1,348), മഞ്ജിത് ചില്ലര്‍ ഏറ്റവും കൂടുതല്‍ ടാക്കിള്‍ പോയിന്റുകളും (391) സ്വന്തമാക്കി. പികെഎല്ലിന്റെ ഓരോ സീസണിലും […]
കൊച്ചി: നിരോധിത സംഘടനയായ പോപ്പുലര്‍ ഫ്രണ്ടുമായുള്ള ബന്ധത്തെ തുടര്‍ന്ന് പൊലീസുകാരന് സസ്‌പെന്‍ഷന്‍. കാലടി സ്റ്റേഷനിലെ സിപിഒ സിയാദിനെതിരെയാണ് നടപടി. സിവിൽ പൊലീസ് ഓഫീസറാണ് സിയാദ്. അന്വേഷണ വിധേയമായാണ് സസ്പെൻഷൻ. ഫോണ്‍ രേഖകള്‍ പരിശോധിച്ചതിന്റെ അടിസ്ഥാനത്തില്‍ നിരന്തരം പി.എഫ്.ഐ പ്രവര്‍ത്തകരുമായി ബന്ധപ്പെട്ടിരുന്നതായി കണ്ടെത്തിയിരുന്നു. അതേസമയം പോപുലർ ഫ്രണ്ട് പ്രവർത്തകർ ഹര്‍ത്താല്‍ ദിനത്തിൽ നടത്തിയ അക്രമങ്ങളുമായി ബന്ധപ്പെട്ട് സംസ്ഥാനത്തിന്‍റെ വിവിധ ഭാഗങ്ങളില്‍ നിന്നായി ഇന്ന് 49 പേര്‍ കൂടി അറസ്റ്റിലായി. ഇതോടെ ആകെ അറസ്റ്റിലായവരുടെ എണ്ണം 2390 ആയി. ഇതുവരെ […]
ഇന്‍ഡോര്‍: മൂന്നാം ടി20യില്‍ 49 റണ്സിന് പരാജയപ്പെട്ടെങ്കിലും, ദക്ഷിണാഫ്രിക്കയ്‌ക്കെതിരായ മൂന്ന് മത്സരങ്ങളുടെ പരമ്പര ഇന്ത്യ 2-1ന് സ്വന്തമാക്കി. ടോസ് നേടിയ ഇന്ത്യ ഫീല്‍ഡിംഗ് തിരഞ്ഞെടുക്കുകയായിരുന്നു. തകര്‍പ്പന്‍ ബാറ്റിങ് പ്രകടനം കാഴ്ചവച്ച ദക്ഷിണാഫ്രിക്ക 20 ഓവറില്‍ മൂന്ന് വിക്കറ്റ് മാത്രം നഷ്ടപ്പെടുത്തി 227 റണ്‍സെടുത്തു. 48 പന്തില്‍ പുറത്താകാതെ 100 റണ്‍സെടുത്ത റിലീ റൂസോയാണ് ടോപ് സ്‌കോറര്‍. ക്വിന്റോണ്‍ ഡി കോക്ക് 43 പന്തില്‍ 68 റണ്‍സെടുത്തു. ട്രിസ്റ്റണ്‍ സ്റ്റബ്ര് 18 പന്തില്‍ 32 റണ്‍സെടുത്തു. അഞ്ച് പന്തില്‍ […]
ബ്രസ്സൽസ്: 2024 മുതൽ എല്ലാ മൊബൈൽ ഫോണുകൾക്കും ടാബ്‌ലെറ്റുകൾക്കും യുഎസ്ബി ടൈപ്പ്-സി സിംഗിൾ ചാർജർ ആയിരിക്കണമെന്ന പുതിയ നിയമം യൂറോപ്യൻ പാർലമെന്റ് പാസാക്കി. മൊബൈല്‍ ഫോണുകള്‍ക്ക് ‘കോമണ്‍ ചാര്‍ജര്‍’ യാഥാര്‍ത്ഥ്യമാകാനുള്ള സാഹചര്യമാണ് ഇതോടെ ഒരുങ്ങുന്നത്. നിയമത്തെ 602 പേര്‍ അനുകൂലിച്ചപ്പോള്‍, 13 പേര്‍ എതിര്‍ത്തു. എട്ട് പേര്‍ വോട്ടെടുപ്പില്‍ നിന്ന് വിട്ടുനിന്നു. ഇ-മാലിന്യം കുറയ്ക്കുക, കൂടുതൽ സുസ്ഥിരമായ തിരഞ്ഞെടുപ്പുകൾ നടത്താൻ ഉപഭോക്താക്കളെ ശാക്തീകരിക്കുക തുടങ്ങിയ ലക്ഷ്യങ്ങളാണ് പുതിയ നിയമത്തിലൂടെ യൂറോപ്യന്‍ യൂണിയന്‍ മുന്നോട്ടുവയ്ക്കുന്നത്. ഈ നീക്കം പരിസ്ഥിതിക്ക് […]
ശശി തരൂരിനെ കെ.പി.സി.സിയും തള്ളിക്കളഞ്ഞിരിക്കുന്നു. സംസ്ഥാനാദ്ധ്യക്ഷന്‍ കെ. സുധാകരന്‍ തന്നെ മല്ലാകാര്‍ജുന്‍ ഖാര്‍ഗെയ്ക്കു പിന്തുണ പ്രഖ്യാപിച്ചിരിക്കുകയാണ്. ഔദ്യോഗിക സ്ഥാനത്തിരിക്കുന്നവര്‍ സ്ഥാനം രാജിവെച്ചിട്ടു വേണം ഏതെങ്കിലും സ്ഥാനാര്‍ഥിക്കു വേണ്ടി പ്രചാരണത്തിനിറങ്ങാന്‍ എന്ന ഹൈക്കമാന്‍റ് നിര്‍ദ്ദേശം മറികടന്നുകൊണ്ടാണ് കെ. സുധാകരന്‍റെ പ്രസ്താവന. ഉത്തരവാദപ്പെട്ട സ്ഥാനങ്ങളിലിരിക്കുന്നവര്‍ സ്ഥാനാര്‍ഥിക്കുവേണ്ടി പ്രചാരണം നടത്തരുതെന്നു തന്നെയാണ് കോണ്‍ഗ്രസിന്‍റെ കേന്ദ്ര തെരഞ്ഞെടുപ്പ് അതോറിറ്റി പുറത്തിറക്കിയ മാര്‍ഗനിര്‍ദേശങ്ങളില്‍ പറയുന്നത്. പ്രചാരണം നടത്താന്‍ ആഗ്രഹിക്കുന്നവര്‍ പദവികള്‍ രാജിവെച്ചിട്ടു വേണം അതിനിറങ്ങാന്‍ എന്നും പി.സി.സി അധ്യക്ഷന്മാര്‍ പ്രചാരണ യോഗം വിളിക്കരുതെന്നും സ്ഥാനാര്‍ഥികള്‍ക്ക് […]
കോട്ടയം: കാറും സ്‌കൂട്ടറും കൂട്ടിയിടിച്ചുണ്ടായ അപകടത്തില്‍ ദമ്പതിമാര്‍ മരിച്ചു. മണിമല കരിമ്പനക്കുളത്താണ്‌ അപകടമുണ്ടായത്. കൊക്കപ്പുഴ സ്വദേശികളായ ഉഷ, ഭര്‍ത്താവ് തങ്കച്ചന്‍ എന്നിവരാണ് മരിച്ചത്. വൈകുന്നേരം അഞ്ചര മണിയോടെയായിരുന്നു അപകടം. ഇവര്‍ സഞ്ചരിച്ചിരുന്ന സ്‌കൂട്ടറിലേക്ക് എതിരേ വരികയായിരുന്ന കാര്‍ ഇടിക്കുകയായിരുന്നു.