ദീർഘകാലത്തെ പ്രവാസ ജീവിതം മതിയാക്കി നാട്ടിലേക്ക് മടങ്ങുന്ന സഞ്ജയ് വി. ഹരിദാസിന് കൊല്ലം ജില്ലാ പ്രവാസി സമാജം കുവൈറ്റ് മങ്കഫ് യൂണിറ്റ് യാത്രയയപ്പ് നൽകി

കുവൈറ്റ് സിറ്റി: ദീർഘകാല പ്രവാസ ജീവിതം മതിയാക്കി നാട്ടിലേക്ക് മടങ്ങുന്ന കൊല്ലം ജില്ലാ പ്രവാസി സമാജം കുവൈറ്റ് മങ്കഫ് യൂണിറ്റ് സജീവ അംഗവും വുഡ് കമ്പനി ഉദ്യോഗസ്ഥനുമായ കൊല്ലം ഇരവിപുരം സ്വദേശി സഞ്ജയ് വി ഹരിദാസിന് സമാജം യാത്രയയപ്പ് നൽകി.

പ്രസിഡന്റ് സലിംരാജിന്റെ അദ്ധ്യക്ഷതയിൽ കൂടിയ യോഗത്തിന് യൂണിറ്റ് കൺവീനർ അബ്ദുൽ വാഹിദ് സ്വാഗതം ആശംസിച്ചു. ജനറൽ സെക്രട്ടറി അലക്സ് മാത്യൂ, ട്രഷറർ തമ്പി ലൂക്കോസ്, സെക്രട്ടറിമാരായ വർഗ്ഗീസ് വൈദ്യൻ, പ്രമീൾ പ്രഭാകരൻ, റെജി മത്തായി, ജോ. ട്രഷറർ സലിൽ വർമ്മ, ബിനിൽ റ്റി.ഡി., ബൈജൂ മിഥുനം, സിബി ജോസഫ് ,വിഷ്ണു, റെജി അച്ചൻ കുഞ്ഞു, സംഗീത്, രഞ്ജനാ ബിനിൽ, രാജിമോൾ, ലിബി ബിജൂ എന്നിവർ ആശംസകളർപ്പിച്ചു സംസാരിച്ചു. സമാജത്തിന്റെ ഉപഹാരം സലിം രാജ് നൽകി. സൻജയ് മറുപടി പ്രസംഗം നടത്തി.