ഭീ​ഷ​ണി​യു​ടെ രാ​ഷ്ട്രീ​യ​ത്തെ കോ​ൺ​ഗ്ര​സ് ഭയക്കില്ല. സു​ധാ​ക​ര​നെ അ​ധ്യ​ക്ഷ പ​ദ​വി​യി​ൽ നി​ന്നു നീ​ക്കു​മെ​ന്ന അ​ഭ്യൂ​ഹ​ങ്ങ​ൾ തെ​റ്റ്; സുധാകരനേയും സതീശനേയും ചേർത്തുപിടിച്ച് രാഹുൽ ​ഗാന്ധി

​ഡ​ൽ​ഹി: കെ​പി​സി​സി അ​ധ്യ​ക്ഷ​ൻ കെ. ​സു​ധാ​ക​ര​ന്‍റെയും വി ഡി സതീശന്റേയും കൈപിടിച്ച് വിമർശകർക്ക് മറുപടി നൽകി രാഹുൽ ​ഗാന്ധി. ഭീ​ഷ​ണി​യു​ടെ രാ​ഷ്ട്രീ​യ​ത്തെ കോ​ൺ​ഗ്ര​സ് ഭ​യ​പ്പെ​ടു​ന്നി​ല്ലെ​ന്ന് രാ​ഹു​ൽ ഗാ​ന്ധി പ​റ​ഞ്ഞു. സു​ധാ​ക​ര​നും വി.​ഡി. സ​തീ​ശ​നും ഒ​പ്പ​മു​ള്ള ചി​ത്രം ട്വി​റ്റ​റി​ൽ പ​ങ്കു​വ​ച്ചാ​യി​രു​ന്നു രാ​ഹു​ലി​ന്‍റെ പ്ര​തി​ക​ര​ണം.

സു​ധാ​ക​രും സ​തീ​ശ​നും രാ​ഹു​ലു​മാ​യി കൂ​ടി​ക്കാ​ഴ്ച ന​ട​ത്തി​യ​തി​നു പി​ന്നാ​ലെ​യാ​യി​രു​ന്നു അ​ദ്ദേ​ഹ​ത്തി​ന്‍റെ പ്ര​തി​ക​ര​ണം. ഡ​ൽ​ഹി​യി​ലാ​യി​രു​ന്നു കൂ​ടി​ക്കാ​ഴ്ച. സം​സ്ഥാ​ന​ത്തെ രാ​ഷ്ട്രീ​യ സാ​ഹ​ച​ര്യം അ​റി​യി​ക്കാ​നാ​ണ് ഇ​രു​നേ​താ​ക്ക​ളും രാ​ഹു​ലി​നെ ക​ണ്ട​ത്. എ​ഐ​സി​സി ജ​ന​റ​ൽ സെ​ക്ര​ട്ട​റി താ​രീഖ് അ​ൻ​വ​റും കൂ​ടി​ക്കാ​ഴ്ച​യി​ൽ പ​ങ്കെ​ടു​ത്തു.

അ​തേ​സ​മ​യം സു​ധാ​ക​ര​നെ കെ​പി​സി​സി അ​ധ്യ​ക്ഷ പ​ദ​വി​യി​ൽ നി​ന്നു നീ​ക്കു​മെ​ന്ന അ​ഭ്യൂ​ഹ​ങ്ങ​ൾ തെ​റ്റാ​ണെ​ന്ന് ഹൈ​ക്ക​മാ​ൻ​ഡും വ്യ​ക്ത​മാ​ക്കി.

മോ​ൻ​സ​ൻ മാ​വു​ങ്ക​ൽ പ്ര​തി​യാ​യ സാ​മ്പ​ത്തി​ക​ത്ത​ട്ടി​പ്പ് കേ​സി​ൽ സു​ധാ​ക​ര​ൻ അ​ന്വേ​ഷ​ണം നേ​രി​ടു​ന്ന സാ​ഹ​ച​ര്യ​ത്തി​ൽ അ​ദ്ദേ​ഹ​ത്തെ സ്ഥാ​ന​ത്തു​നി​ന്ന് മാ​റ്റു​ന്ന കാ​ര്യം ഹൈ​ക്ക​മാ​ൻ​ഡ് ആ​ലോ​ചി​ക്കു​ന്നു​ണ്ടെ​ന്ന​ത് തെ​റ്റാ​യ വി​വ​ര​മാ​ണെ​ന്ന് താ​രീഖ് അ​ൻ​വ​ർ അ​റി​യി​ച്ചു.