ആഗസ്റ്റ് 16 മുതൽ ഇന്ത്യയ്ക്കും യുകെയ്ക്കുമിടയിലുള്ള പ്രത്യേക വിമാനങ്ങളുടെ ശേഷി വർദ്ധിപ്പിക്കും; ഇന്ത്യ-യുകെ എയർ റൂട്ടിൽ ആഴ്ചയിൽ 60 വിമാനങ്ങൾ !

ഡല്‍ഹി: ആഗസ്റ്റ് 16 മുതൽ ഇന്ത്യയ്ക്കും യുകെയ്ക്കുമിടയിലുള്ള പ്രത്യേക വിമാനങ്ങളുടെ ശേഷി വർദ്ധിപ്പിക്കും. സിവിൽ ഏവിയേഷൻ മന്ത്രാലയം ഇപ്പോൾ ഈ ഫ്ലൈറ്റുകളുടെ പരിധി ആഴ്ചയിൽ 30 ൽ നിന്ന് 60 ആയി ഉയർത്തി.

ബ്രിട്ടീഷ് എയർവേയ്‌സ്, വിസ്താര, എയർ ഇന്ത്യ, ഡൽഹി-ലണ്ടൻ റൂട്ടുകളുടെ ഇക്കോണമി ക്ലാസ് ടിക്കറ്റിന് 1.2 ലക്ഷം രൂപ മുതൽ 3.95 ലക്ഷം രൂപ വരെയാണ് വിലയെന്ന്‌ അന്തർസംസ്ഥാന കൗൺസിൽ സെക്രട്ടേറിയറ്റ് സെക്രട്ടറി സഞ്ജീവ് ഗുപ്ത ട്വിറ്ററിൽ കുറിച്ച്‌ അഞ്ച് ദിവസങ്ങൾക്ക് ശേഷമാണ് വ്യോമയാന മന്ത്രാലയത്തിന്റെ തീരുമാനം.

"ഇന്ത്യൻ കാരിയറുകൾക്കായി ഇന്ത്യ-യുകെ റൂട്ടിൽ നിലവിൽ ആഴ്ചയിൽ 15 ഫ്ലൈറ്റുകൾ മാത്രമേ അനുവദിക്കൂ, കൂടുതൽ വിമാനങ്ങൾ അനുവദിക്കുമ്പോൾ വില കുറയ്ക്കും." വിസ്താര മറുപടി പറഞ്ഞു,

ബ്രിട്ടീഷ് കാരിയറുകളും ഇന്ത്യൻ കാരിയറുകളും ഇപ്പോൾ ഇന്ത്യയ്ക്കും യുകെയ്ക്കുമിടയിൽ ആഴ്ചയിൽ 15 ഫ്ലൈറ്റുകൾ വീതം പ്രവർത്തിക്കുന്നുണ്ട്, എന്നാൽ ആഗസ്റ്റ് 16 മുതൽ ഈ നമ്പർ 30 ൽ എത്തും.