യുപിയില്‍ ആം ആദ്മി പാര്‍ട്ടിയും സമാജ്‌വാദി പാര്‍ട്ടിയും സഖ്യത്തിലേക്ക്? അഭ്യൂഹം ശക്തം

ലഖ്‌നൗ: ഉത്തര്‍പ്രദേശ് നിയമസഭ തിരഞ്ഞെടുപ്പില്‍ ആം ആദ്മി പാര്‍ട്ടിയും സമാജ്‌വാദി പാര്‍ട്ടിയും സഖ്യത്തിനൊരുങ്ങുന്നതായി സൂചന. എഎപി നേതാവ് സഞ്ജയ് സിങും സമാജ്‌വാദി പാര്‍ട്ടി നേതാവ് അഖിലേഷ് യാദവും ബുധനാഴ്ച കൂടിക്കാഴ്ച നടത്തിയിരുന്നു. ഇതോടെ അഭ്യൂഹങ്ങളും ശക്തമായി.

സഖ്യത്തിനെ കുറിച്ച് സൂചനകളൊന്നും നല്‍കിയില്ലെങ്കിലും രണ്ട് പാര്‍ട്ടികള്‍ക്കും പൊതുവായ ലക്ഷ്യമാണുള്ളതെന്നും, കൂടിക്കാഴ്ചയില്‍ പൊതുവായ രാഷ്ട്രീയ വിഷയങ്ങള്‍ മാത്രമാണ് ചര്‍ച്ചയായതെന്നും സഞ്ജയ് സിങ് പറഞ്ഞിരുന്നു.