അമിത വേഗതയിലെത്തിയ കാര്‍ മരത്തിലിടിച്ച് രണ്ട് കഷ്ണങ്ങളായി! ജൂനിയര്‍ ആര്‍ട്ടിസ്റ്റടക്കം മൂന്ന് പേര്‍ക്ക് ദാരുണാന്ത്യം

ഹൈദരാബാദ്: ഹൈദരാബാദ് സെന്‍ട്രല്‍ യൂണിവേഴ്‌സിറ്റിക്ക് സമീപം നടന്ന വാഹനാപകടത്തില്‍ ജൂനിയര്‍ ആര്‍ട്ടിസ്റ്റടക്കം മൂന്ന് പേര്‍ക്ക് ദാരുണാന്ത്യം. ടിവി സീരിയല്‍ ജൂനിയര്‍ ആര്‍ട്ടിസ്റ്റുകളായ എന്‍ മാനസ, എം മാനസ എന്നിവരാണ് മരിച്ചത്. അബ്ദുല്‍ റഹീം എന്ന 25കാരനാണ് കാര്‍ ഓടിച്ചിരുന്നത്. ഇയാളും അപകടത്തില്‍ മരിച്ചു.

A speedy car split into 2 parts after hit a tree, 3 people were dead on the spot and 1 suffered serious injuries at #Gachibowli area in #Hyderabad on Saturday.
The deceased are 2 female junior artists and a bank employee.#caraccident#Carsplits2parts#DrunkandDrivepic.twitter.com/ZLWc4VQx2w

— Surya Reddy (@jsuryareddy67) December 18, 2021

കഴിഞ്ഞ ദിവസം പുലര്‍ച്ചെ 3.30-നാണ് അപകടമുണ്ടായത്. അമിത വേഗത്തിലെത്തിയ കാര്‍ റോഡരികിലെ മരത്തില്‍ ഇടിക്കുകയായിരുന്നു. ഇടിയുടെ ആഘാതത്തില്‍ കാര്‍ കഷ്ണങ്ങളായി മുറിഞ്ഞു. പൊലീസ് അന്വേഷണം തുടങ്ങി.