അല്‍പനേരത്തെങ്കിലും ഗൂഗിള്‍ പേ, പേടിഎം ഇടപാടുകള്‍ നിശ്ചലമായത് ഉപയോക്താക്കളെ ആശങ്കയിലാഴ്ത്തി! ഒടുവില്‍ യുപിഐ സെര്‍വര്‍ തകരാര്‍ പരിഹരിച്ചു

ന്യൂഡല്‍ഹി: യുപിഐ സെര്‍വര്‍ തകരാര്‍ പരിഹരിച്ചു. സാങ്കേതിക തകരാർ കാരണം യുപിഐ ഉപയോക്താക്കൾക്ക് ഉണ്ടായ അസൗകര്യത്തിൽ ഖേദിക്കുന്നതായി നാഷണൽ പേയ്‌മെന്റ് കോർപ്പറേഷൻ ഓഫ് ഇന്ത്യ (എൻപിസിഐ) അറിയിച്ചു. യുപിഐ ഇപ്പോൾ പ്രവർത്തനക്ഷമമാണെന്നും എന്‍പിസിഐ വ്യക്തമാക്കി.

Regret the inconvenience to #UPI users due to intermittent technical glitch. #UPI is operational now, and we are monitoring system closely.

— NPCI (@NPCI_NPCI) January 9, 2022

യുണിഫൈഡ് പേമെന്റ് ഇന്റര്‍ഫയ്‌സിന്റെ പ്രവര്‍ത്തനം ഞായറാഴ്ച വൈകിട്ടോടെയാണ് തകരാറിലായത്. നിരവധി ഉപയോക്താക്കളാണ് യുപിഐ സെര്‍വര്‍ പ്രവര്‍ത്തിക്കുന്നില്ല എന്ന് അറിയിച്ചത്. ഗൂഗിള്‍ പേ, പേടിഎം പോലുള്ള ഡിജിറ്റല്‍ വാലറ്റുകള്‍ വഴി പണമിടപാട് നടത്താന്‍ സാധിക്കുന്നില്ലെന്ന് അവര്‍ പരാതിപ്പെട്ടിരുന്നു.