ആദായ നികുതി റിട്ടേൺ: സമയപരിധി മാർച്ച് 15 വരെ നീട്ടി സിബിഡിടി

ന്യൂഡല്‍ഹി: ആദായ നികുതി റിട്ടേണുകൾ ഫയൽ ചെയ്യുന്നതിനുള്ള അവസാന തീയതി സെൻട്രൽ ബോർഡ് ഓഫ് ഡയറക്ട് ടാക്‌സസ് (സിബിഡിടി) നീട്ടി. 2021-22 വർഷത്തേക്കുള്ള ആദായനികുതി റിട്ടേൺ സമർപ്പിക്കാനുള്ള അവസാന തീയതി മാർച്ച് 15ലേക്കാണ് നീട്ടിയത്.

ടാക്സ് ഓഡിറ്റ് റിപ്പോർട്ട്, ആദായ നികുതി നിയമത്തിന് കീഴിലുള്ള മറ്റെല്ലാ ഓഡിറ്റ് റിപ്പോർട്ടുകളും ഫയൽ ചെയ്യുന്നതിനുള്ള അവസാന തീയതിയും നീട്ടിയിട്ടുണ്ട്. 2022 ഫെബ്രുവരി 15 ആണ് പുതിയ സമയപരിധി. ഈ വർഷത്തേക്കുള്ള ഐടിആറിന്റെ സമയപരിധി ഇത് മൂന്നാം തവണയാണ് നീട്ടുന്നത്.