'24 വര്‍ഷം പാര്‍ട്ടിക്ക് വേണ്ടി പ്രവര്‍ത്തിച്ച എന്നെ അവര്‍ കോമാളിയാക്കി; എനിക്ക് വാഗ്ദാനം ചെയ്ത സീറ്റ് മറ്റൊരാള്‍ക്ക് നല്‍കി'-സീറ്റ് നിഷേധിച്ചതില്‍ പൊട്ടിക്കരഞ്ഞ് യുപിയിലെ ബിഎസ്പി നേതാവ്; ജീവനൊടുക്കുമെന്നും ഭീഷണി! (വീഡിയോ)

ലഖ്‌നൗ: യുപി നിയമസഭ തിരഞ്ഞെടുപ്പില്‍ സീറ്റ് നിഷേധിച്ചതില്‍ പരസ്യമായി പൊട്ടിക്കരഞ്ഞ് ബിഎസ്പി നേതാവ് അര്‍ഷാദ് റാണ. 24 വര്‍ഷമായി പാര്‍ട്ടിക്ക് വേണ്ടി പ്രവര്‍ത്തിക്കുന്ന തന്നെ നേതൃത്വം കോമാളിയാക്കിയെന്നാണ് അര്‍ഷാദ് റാണയുടെ ആരോപണം.

#WATCH | Uttar Pradesh: BSP worker Arshad Rana bitterly cries claiming that he was promised a ticket in UP election only to be denied ticket at the last moment despite putting up hoardings for the upcoming polls pic.twitter.com/DMe8mDHk2J

— ANI UP/Uttarakhand (@ANINewsUP) January 14, 2022

തനിക്ക് വാഗ്ദാനം ചെയ്ത സീറ്റ് മറ്റൊരാള്‍ക്ക് നല്‍കുകയായിരുന്നുവെന്നും അദ്ദേഹം ആരോപിച്ചു. ജീവിതം അവസാനിപ്പിക്കുമെന്നും ഇദ്ദേഹം ഭീഷണി മുഴക്കിയതായാണ് റിപ്പോര്‍ട്ട്. 2018 ഡിസംബര്‍ 18-ന്, 2022 ലെ തിരഞ്ഞെടുപ്പില്‍ ചാര്‍ത്തവാലില്‍ മത്സരിക്കാന്‍ സാധ്യതയുള്ള സ്ഥാനാര്‍ത്ഥിയായി തന്നെ ഔദ്യോഗികമായി പ്രഖ്യാപിച്ചിരുന്നതായി റാണ പറയുന്നു.