പ്രധാനമന്ത്രി സംസാരിക്കവെ, ഇരുകൈകളും തലയ്ക്ക് പിന്നിലായി കസേരയില്‍ ചേര്‍ത്തുവെച്ച് ഇരുന്ന് കെജ്‌രിവാള്‍; മര്യാദയില്ലാത്ത മുഖ്യമന്ത്രിയെന്ന് വിമര്‍ശിച്ച് ബിജെപി-വീഡിയോ

ന്യൂഡല്‍ഹി: ഡല്‍ഹി മുഖ്യമന്ത്രി അരവിന്ദ് കെജ്‌രിവാള്‍ 'മര്യാദയില്ലാത്ത മുഖ്യമന്ത്രി'യാണെന്ന് ബിജെപി. പ്രധാനമന്ത്രി നരേന്ദ്രമോദി വിളിച്ച് ചേര്‍ത്ത സംസ്ഥാന മുഖ്യമന്ത്രിമാരുടെ കോവിഡ് അവലോകന യോഗത്തിനിടെയുള്ള കെജ്‌രിവാളിന്റെ പെരുമാറ്റത്തെയാണ് ഡല്‍ഹി ബിജെപി ട്വിറ്ററിലൂടെ വിമര്‍ശിച്ചത്.

Mannerless CM of Delhi! pic.twitter.com/yswnLNI6Ty

— BJP Delhi (@BJP4Delhi) April 27, 2022

പ്രധാനമന്ത്രി യോഗത്തെ അഭിസംബോധന ചെയ്യവേ, ഇരുകൈകളും തലക്ക് പിന്നിലായി കസേരയില്‍ ചേര്‍ത്തുവെച്ചുകൊണ്ട് അലസഭാവത്തില്‍ ഇരിക്കുന്ന കെജ്‌രിവാളിന്റെ ദൃശ്യങ്ങള്‍ ബിജെപി പുറത്തുവിട്ടിരുന്നു.