ഹർ ഘർ തിരംഗ റാലിക്കിടെ ഗുജറാത്ത് മുൻ ഉപമുഖ്യമന്ത്രിയെ പശു ആക്രമിച്ചു; കാലിന് പരിക്ക്-വീഡിയോ

അഹമ്മദാബാദ്: സ്വാതന്ത്ര്യത്തിന്റെ എഴുപത്തഞ്ചാം വാർഷികാഘോഷങ്ങളുടെ ഭാഗമായി നടത്തിയ ഹർ ഘർ തിരംഗ റാലിയിലേക്ക് പശു ഓടിക്കയറി മുൻ ഗുജറാത്ത് ഉപമുഖ്യമന്ത്രി നിതിൻ പട്ടേലിന് പരിക്ക്. ഗുജറാത്തിലെ മെഹ്‌സാന ജില്ലയിലെ കാഡിയിലാണ് സംഭവം.

#Gujarat's former Deputy CM Nitin Patel sustained injuries after a stray cow ran amok to the "Har Ghar Tiranga" procession he was leading in Kadi town of Mehsana district @DeccanHerald pic.twitter.com/gn2TBwQtOE

— satish jha. (@satishjha) August 13, 2022

റാലിയ്ക്കിടെ തെരുവ് പശു ആൾക്കൂട്ടത്തിനിടയിലേക്ക് കുതിച്ചെത്തുകയായിരുന്നു. പശുവിന്റെ ആക്രമണത്തിൽ നിതിൻ പട്ടേൽ അടക്കം അഞ്ചോളം പേർക്ക് പരിക്കേറ്റതായാണ് റിപ്പോർട്ട്. അടുത്ത 20–25 ദിവസത്തേക്ക് പട്ടേലിന് ഡോക്ടർമാർ സമ്പൂർണ വിശ്രമം നിർദേശിച്ചു.