നാഗ്പൂരിൽ നിന്ന് പൂനെയിലേക്കുള്ള യാത്രാ സമയം എട്ട് മണിക്കൂറായി കുറയ്ക്കും: നിതിൻ ഗഡ്കരി

പൂനെ: നാഗ്പൂരിൽ നിന്ന് പൂനെയിലേക്കുള്ള യാത്രാ സമയം എട്ട് മണിക്കൂറായി കുറയ്ക്കുമെന്ന് കേന്ദ്രമന്ത്രി നിതിൻ ഗഡ്കരി. നിലവിൽ നാഗ്പൂരിൽ നിന്ന് പുണെയിലേക്കുള്ള യാത്രയിൽ യാത്രക്കാർ അനുഭവിക്കുന്ന അസൗകര്യം കണക്കിലെടുത്ത്, നാഗ്പൂർ-മുംബൈ സമൃദ്ധി മഹാമാർഗിനെ ഛത്രപതി സംഭാജിനഗറിനടുത്ത് പുതുതായി നിർദ്ദേശിച്ച പൂനെ-ഛത്രപതി സംഭാജിനഗർ (ഔറംഗബാദ്) ആക്‌സസ് കൺട്രോൾ ഗ്രീൻ എക്‌സ്‌പ്രസ് വേയുമായി ബന്ധിപ്പിക്കും.

എൻഎച്ച്എഐയുടെ പുതിയ അലൈൻമെന്റോടെയാണ് ഈ റോഡ് നിർമ്മാണത്തിനായി ഏറ്റെടുക്കുകയെന്ന് ഗഡ്കരി ട്വീറ്റ് ചെയ്തു. പൂനെയിൽ നിന്ന് ഛത്രപതി സംഭാജിനഗറിലേക്ക് (ഔറംഗബാദ്) രണ്ടര മണിക്കൂറിലും നാഗ്പൂരിൽ നിന്ന് ഛത്രപതി സംഭാജിനഗർ (ഔറംഗബാദ്) വരെ അഞ്ചര മണിക്കൂറിനുള്ളിലും സമൃദ്ധി മഹാമാർഗിലൂടെയും ഇത് സാധ്യമാക്കുമെന്ന് മന്ത്രി പറഞ്ഞു. നാഗ്പൂരിൽ നിന്ന് പൂനെയിലേക്ക് റോഡ് മാർഗം യാത്ര ചെയ്യാൻ നിലവിൽ 14 മണിക്കൂർ എടുക്കും.