മേയ് ദിനത്തില്‍ 'വജ്രമുത്ത്' റാലി സംഘടിപ്പിക്കാന്‍ മഹാരാഷ്ട്രയിലെ മഹാവികാസ് അഘാഡി സഖ്യം

മുംബൈ: മഹാരാഷ്ട്രയില്‍ കോണ്‍ഗ്രസ്, എന്‍സിപി, ശിവസേന ഉദ്ധവ് താക്കറെ വിഭാഗം എന്നീ പാര്‍ട്ടികളുടെ സഖ്യം (എംവിഎ) മെയ് ഒന്നിന് സംഘടിപ്പിക്കുന്ന 'വജ്രമുത്ത്' റാലിക്കായി മഹാരാഷ്ട്ര പ്രദേശ് കോണ്‍ഗ്രസ് കമ്മിറ്റി ആറംഗ കോ-ഓര്‍ഡിനേഷന്‍ കമ്മിറ്റി രൂപീകരിച്ചു.

മുൻ മന്ത്രിമാരായ നസീം ഖാൻ, ചന്ദ്രകാന്ത് ഹന്ദോർ, വർഷ ഗെയ്‌ക്‌വാദ്, അസ്ലം ഷെയ്ഖ്, മുൻ എംപി മിലിന്ദ് ദിയോറ, കോൺഗ്രസ് സിറ്റി യൂണിറ്റ് പ്രസിഡന്റ് ഭായ് ജഗ്താപ് എന്നിവരെ ഏകോപനത്തിനായി നിയമിച്ചതായി ബികെസിയിൽ നടക്കുന്ന വജ്രമുത്ത് റാലിയുടെ ഒരുക്കങ്ങൾ അവലോകനം ചെയ്ത ശേഷം എംപിസിസി പ്രസിഡന്റ് നാനാ പടോലെ പറഞ്ഞു.