/sathyam/media/post_attachments/AvEKncIPi0MU46W2luCO.jpg "publive-image")
മുംബൈ: ഐപിഎല്ലില്‍ ഇന്ന് നടന്ന മത്സരത്തില്‍ റോയല്‍ ചലഞ്ചേഴ്‌സ് ബാംഗ്ലൂര്‍ ചെന്നൈ സൂപ്പര്‍ കിങ്‌സിനെ 13 റണ്‍സിന് തോല്‍പിച്ചു. ആദ്യം ബാറ്റു ചെയ്ത ആര്‍സിബി 20 ഓവറില്‍ 8 വിക്കറ്റ് നഷ്ടത്തില്‍ 173 റണ്‍സെടുത്തു. ചെന്നൈയ്ക്ക് 20 ഓവറില്‍ എട്ട് വിക്കറ്റ് നഷ്ടത്തില്‍ 160 റണ്‍സെടുക്കാനെ സാധിച്ചുള്ളൂ.
27 പന്തില്‍ 42 റണ്‍സെടുത്ത മഹിപാല്‍ ലോമ്രോര്‍ ആണ് ആര്‍സിബിയുടെ ടോപ് സ്‌കോറര്‍. വിരാട് കോഹ്ലി-30, ഫാഫ് ഡു പ്ലെസിസ്-38, ഗ്ലെന്‍ മാക്‌സ്വെല്‍-3, രജത് പടിദാര്‍-21, ദിനേശ് കാര്‍ത്തിക്-26 നോട്ടൗട്ട്, വനിന്ദു ഹസരങ്ക-0, ഷഹബാസ് അഹമ്മദ്-1, ഹര്‍ഷല്‍ പട്ടേല്‍-0 എന്നിങ്ങനെയാണ് മറ്റുള്ളവരുടെ സ്‌കോറുകള്‍.
ചെന്നൈയ്ക്കു വേണ്ടി മഹീഷ് തീക്ഷണ മൂന്നു വിക്കറ്റും, മൊയിന്‍ അലി രണ്ടു വിക്കറ്റും, ഡ്വെയ്ന്‍ പ്രിട്ടോറിയസ് ഒരു വിക്കറ്റും വീഴ്ത്തി.
37 പന്തില്‍ 56 റണ്‍സെടുത്ത ഡെവോണ്‍ കോണ്‍വെയാണ് ചെന്നൈയുടെ ടോപ് സ്‌കോറര്‍. റുതുരാജ് ഗെയ്ക്വാദ്-28, റോബിന്‍ ഉത്തപ്പ-1, അമ്പാട്ടി റായിഡു-10, മൊയിന്‍ അലി-34, രവീന്ദ്ര ജഡേജ-3, എംഎസ് ധോണി-2, ഡ്വെയ്ന്‍ പ്രിട്ടോറിയസ്-13, സിമര്‍ജിത് സിങ്-2 നോട്ടൗട്ട്, മഹീഷ് തീക്ഷണ-7 നോട്ടൗട്ട് എന്നിങ്ങനെയാണ് മറ്റു ചെന്നൈ ബാറ്റര്‍മാരുടെ പ്രകടനം.
ആര്‍സിബിക്കു വേണ്ടി ഹര്‍ഷല്‍ പട്ടേല്‍ മൂന്നു വിക്കറ്റും, ഗ്ലെന്‍ മാക്‌സ്വെല്‍ രണ്ടു വിക്കറ്റും, ഷഹബാസ് അഹമ്മദ്, വനിന്ദു ഹസരങ്ക, ജോഷ് ഹേസല്‍വുഡ് എന്നിവര്‍ ഓരോ വിക്കറ്റ് വീതവും വീഴ്ത്തി.
Follow Us/sathyam/media/agency_attachments/5VspLzgrB7PML1PH6Ix6.png)
