ഗ്രൗണ്ടിലൂടെ നടന്ന് പോകുമ്പോള്‍ സ്‌പൈഡര്‍ ക്യാം വന്ന് ഇടിച്ചിട്ടു; ദക്ഷിണാഫ്രിക്കന്‍ പേസര്‍ വീണു! ക്രിക്കറ്റ് മൈതാനത്ത് സംഭവിച്ചത്‌

മെല്‍ബണ്‍: ഓസ്ട്രേലിയക്കെതിരെ ടെസ്റ്റിനിടെ ദക്ഷിണാഫ്രിക്കൻ പേസര്‍ ആൻ‍റിച്ച് നോർക്യയെ സ്പൈഡർ ക്യാം ഇടിച്ച് താഴെയിട്ടു. മൈതാനത്ത് കൂടി അതിവേഗത്തില്‍ ചലിച്ച സ്‌പൈഡര്‍ ക്യാം നോര്‍ക്യയെ ഇടിച്ചുവീഴ്ത്തുകയായിരുന്നു. മെല്‍ബണിലെ ബോക്‌സിങ് ഡേ ടെസ്റ്റിന്റെ രണ്ടാം ദിനമായിരുന്നു സംഭവം.

Ok, that’s really bad #spidercam#AUSvsSApic.twitter.com/lqBLt5q52f

— Josh Rowe (@joshrowe) December 27, 2022

തന്നെ ഇടിച്ചത് എന്തായിരുന്നുവെന്ന് ആദ്യം മനസിലായില്ലെന്ന് നോർക്യ ഇന്നത്തെ ദിവസത്തെ കളി അവസാനിച്ച ശേഷം പറഞ്ഞു. കൈമുട്ടിന് അൽപ്പം വേദനയുണ്ടെങ്കിലും കുഴപ്പമില്ല. ഡോക്ടറെ കണ്ട് പരിശോധന നടത്തുമെന്നും താരം അറിയിച്ചു.