ഉസ്മാന്‍ ഖവാജയ്ക്ക് സെഞ്ചുറി; നാലാം ടെസ്റ്റിന്റെ ആദ്യ ദിനം ഓസ്‌ട്രേലിയ ഭേദപ്പെട്ട നിലയില്‍

അഹമ്മദാബാദ്: ബോര്‍ഡര്‍ ഗവാസ്‌കര്‍ ട്രോഫിയിലെ നാലാം ടെസ്റ്റ് മത്സരത്തിലെ ആദ്യ ദിനം കളി നിര്‍ത്തുമ്പോള്‍ ഓസ്‌ട്രേലിയ നാല് വിക്കറ്റ് നഷ്ടത്തില്‍ 255 റണ്‍സ് എന്ന നിലയില്‍. സെഞ്ചുറി നേടിയ ഉസ്മാന്‍ ഖവാജയും (251 പന്തില്‍ 104), 64 പന്തില്‍ 49 റണ്‍സുമായി കാമറൂണ്‍ ഗ്രീനുമാണ് ക്രീസില്‍.

ട്രാവിസ് ഹെഡ്-32, മാര്‍നസ് ലബുഷാനെ-3, സ്റ്റീവ് സ്മിത്ത്-38, പീറ്റര്‍ ഹാന്‍ഡ്‌സ്‌കോമ്പ്-17 എന്നിങ്ങനെയാണ് പുറത്തായ ബാറ്റര്‍മാരുടെ സ്‌കോറുകള്‍. ഇന്ത്യയ്ക്കായി മുഹമ്മദ് ഷമി രണ്ട് വിക്കറ്റും, രവിചന്ദ്രന്‍ അശ്വിന്‍, രവീന്ദ്ര ജഡേജ എന്നിവര്‍ ഓരോ വിക്കറ്റ് വീതവും വീഴ്ത്തി.