/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/post_attachments/KkThiMISfolFxfxF2Kws.jpg "publive-image")
അഹമ്മദാബാദ്: ഓസ്‌ട്രേലിയക്കെതിരായ ബോര്‍ഡര്‍ ഗവാസ്‌കര്‍ ട്രോഫി പരമ്പരയിലെ നാലാം ടെസ്റ്റില്‍ മൂന്നാം ദിനം കളി നിര്‍ത്തുമ്പോള്‍ ഇന്ത്യ മൂന്ന് വിക്കറ്റ് നഷ്ടത്തില്‍ 289 റണ്‍സ് എന്ന നിലയില്‍. ശുഭ്മാന്‍ ഗില്‍ സെഞ്ചുറി നേടി. 235 പന്തില്‍ 128 റണ്‍സ് എടുത്താണ് ഗില്‍ പുറത്തായത്. രോഹിത് ശര്‍മ 35 റണ്‍സും, ചേതേശ്വര്‍ പൂജാര 42 റണ്‍സ് എടുത്തും പുറത്തായി.
59 റണ്‍സുമായി വിരാട് കോഹ്ലിയും, 16 റണ്‍സുമായി രവീന്ദ്ര ജഡേജയുമാണ് ക്രീസില്‍. ഓസീസിന് വേണ്ടി നഥാന്‍ ലിയോണ്‍, മാത്യു കുനെമന്‍, ടോഡ് മര്‍ഫി എന്നിവര്‍ ഓരോ വിക്കറ്റ് വീതം വീഴ്ത്തി.
ആദ്യ ഇന്നിംഗ്‌സില്‍ ഓസ്‌ട്രേലിയ 480 റണ്‍സിന് പുറത്തായിരുന്നു. സെഞ്ചുറി നേടിയ ഉസ്മാന്‍ ഖവാജ (180), കാമറൂണ്‍ ഗ്രീന്‍ (114) എന്നിവരുടെ പ്രകടനമികവിലാണ് ഓസീസ് മികച്ച സ്‌കോര്‍ പടുത്തുയര്‍ത്തിയത്.
ട്രാവിസ് ഹെഡ്-32, മാര്‍നസ് ലബുഷനെ-3, സ്റ്റീവ് സ്മിത്ത്-38, പീറ്റര്‍ ഹാന്‍ഡ്‌സ്‌കോമ്പ്-17, അലക്‌സ് കാരി-0, മിച്ചല്‍ സ്റ്റാര്‍ക്ക്-6, നഥാന്‍ ലിയോണ്‍-34, ടോഡ് മര്‍ഫി-41 എന്നിങ്ങനെയാണ് മറ്റ് ബാറ്റര്‍മാരുടെ സ്‌കോറുകള്‍. ഇന്ത്യയ്ക്ക് വേണ്ടി രവിചന്ദ്രന്‍ അശ്വിന്‍ ആറു വിക്കറ്റും, മുഹമ്മദ് ഷമി രണ്ട് വിക്കറ്റും, രവീന്ദ്ര ജഡേജ, അക്‌സര്‍ പട്ടേല്‍ എന്നിവര്‍ ഓരോ വിക്കറ്റ് വീതവും വീഴ്ത്തി.