/sathyam/media/post_attachments/MvgrBWoRMEjgfXG0gAkA.jpg "publive-image")
ലഖ്‌നൗ: ഇന്ത്യന്‍ പ്രീമിയര്‍ ലീഗില്‍ ഇന്ന് നടന്ന രണ്ടാം മത്സരത്തില്‍ ലഖ്‌നൗ സൂപ്പര്‍ ജയന്റ്‌സ് 50 റണ്‍സിന് ഡല്‍ഹി ക്യാപിറ്റല്‍സിനെ തോല്‍പിച്ചു. ആദ്യം ബാറ്റു ചെയ്ത ലഖ്‌നൗ 20 ഓവറില്‍ ആറു വിക്കറ്റ് നഷ്ടത്തില്‍ 193 റണ്‍സെടുത്തു. 20 ഓവറില്‍ ഒമ്പത് വിക്കറ്റ് നഷ്ടത്തില്‍ 143 റണ്‍സെടുക്കാനെ ഡല്‍ഹിക്ക് സാധിച്ചുള്ളൂ.
48 പന്തില്‍ 56 റണ്‍സെടുത്ത ഡേവിഡ് വാര്‍ണര്‍ക്കും, 20 പന്തില്‍ 30 റണ്‍സെടുത്ത റിലീ റൂസോയ്ക്കും മാത്രമേ ഡല്‍ഹി ബാറ്റിംഗ് നിരയില്‍ മികച്ച പ്രകടനം പുറത്തെടുക്കാനായുള്ളൂ. പൃഥി ഷാ-12, മിച്ചല്‍ മാര്‍ഷ്-0, സര്‍ഫറാസ് ഖാന്‍-4, റോവ്മാന്‍ പവല്‍-1, അമന്‍ ഹഖീം ഖാന്‍-4, അക്‌സര്‍ പട്ടേല്‍-16, ചേതന്‍ സക്കരിയ-4, കുല്‍ദീപ് യാദവ്-6 നോട്ടൗട്ട് എന്നിങ്ങനെയാണ് മറ്റ് ബാറ്റര്‍മാരുടെ സമ്പാദ്യം.
അഞ്ച് വിക്കറ്റ് വീഴ്ത്തിയ മാര്‍ക്ക് വുഡിന്റെ പ്രകടനമാണ് ഡല്‍ഹി ബാറ്റിംഗ് നിരയെ ഞെട്ടിച്ചത്. ആവേശ് ഖാനും, രവി ബിഷ്‌ണോയിയും രണ്ട് വിക്കറ്റ് വീതം വീഴ്ത്തി.
38 പന്തില്‍ 73 റണ്‍സെടുത്ത കൈല്‍ മേയേഴ്‌സിന്റെ പ്രകടനമികവിലാണ്‌ ലഖ്‌നൗ മികച്ച സ്‌കോര്‍ പടുത്തുയര്‍ത്തിയത്. കെഎല്‍ രാഹുല്‍-8, ദീപക് ഹൂഡ-17, മാര്‍ക്കസ് സ്റ്റോയിനിസ്-12, നിക്കോളാസ് പുരന്‍-36, ആയുഷ് ബദോനി-18, ക്രുണാല്‍ പാണ്ഡ്യ-15 നോട്ടൗട്ട്, കൃഷ്ണപ്പ ഗൗതം-6 നോട്ടൗട്ട് എന്നിങ്ങനെയാണ് മറ്റ് ബാറ്റര്‍മാരുടെ പ്രകടനം.
ഡല്‍ഹിക്ക് വേണ്ടി ഖലീല്‍ അഹമ്മദും, ചേതന്‍ സക്കരിയയും രണ്ട് വിക്കറ്റ് വീതവും, അക്‌സര്‍ പട്ടേലും, കുല്‍ദീപ് യാദവും ഓരോ വിക്കറ്റ് വീതവും വീഴ്ത്തി.
Follow Us/sathyam/media/agency_attachments/5VspLzgrB7PML1PH6Ix6.png)
